خايفه من الحسد

[مشكلتي]

السلام عليكم كيفكم
بادخل ع طول انا انسانه كنت في الماضي جيدة الحال والان الحمدلله الحال متيسر وربي رزقني بااشياء كثره مشكلتي احب ابين للناس واصور سناب انو عندي وعنندي وعنددي
واعرف الناس ماتعطي خيير. بس ماادري ليه انا كذاً ليه اسوي كذاً الله يسعدكم ...
كيف ماعاد اصوررر والله خايفهه وربي وربييي.💘
انصحوننني هل هو مرض ولا وشوو....
لان وحده قالت لي لاتصورين شي يخصك ويخص زوجك ماتدرين الناس وش بنفسهاا
خفت وجتني دوخه وزوجي مشغول بالعمل وطفشتهه خفت عليه 💘😢
انصحووني والله من فرحتي أصورر السعاده والطلعات

[دُرة]

.

وعليكم السلام ورحمه الله وبركاته
اول شي احمدي ربج دايم ان حياتج زينه ومرتاحه والله يديم الراحه عليج دايم
اما بنسبه لسالفه السناب والتصوير احذري يا اختي نصيحه مني مو كل شي يتصور
اول شي مثل ماقالت صديقتج ان ماتدرين من يكون نفسه باللي عندج ثاني شي الواحد لازم يفرق بين الخصوصيه والتصوير العادي
نصيحه من اخت ابعدي حياتج الخاصه عن السناب وغيره حتى في ميالس الحريم لاترمسين عن حياتج الخاصه هذا شي يخصج ترا مابينفعج شي يوم تراوينهم شو شريتي وكيف مرتاحه انتي خلي سعادتج بينج وبين اللي حولج ، واخيرا الله يريح قلبج دايم عزيزتي

[العوجاء]

و عليكم السلام
ماهنا الا الخير ان شاء الله
مو لازم تصورين كل شيء
صوري احيان و خلي السناب مخصص ولا ارسلي خاص لبعض الناس اللي تثقين فيهم مثلا خواتك و بعض الصديقات
ولاتنسين تحصين نفسك دايم و تذكرين زوجك يحصن نفسه )
الله يوفقكم و يسعدكم )

[NORAH]

اول شي قبل خوفك من عيون الناس والحسد خافي
على مشاعرهم فيه ناس ماتملك ماتملكين يمكن اكبر شي عندها جوالها والنت
هو اكبر متنفس لها لا سفر لا خروج لا مطاعم فكري بعمق بدون سطحية
مشكلتك مو انتي وحدك مشكلة كثييير غيرك اصبحوا ما يسافرو الاعشان الناس تعرف
مايروحوا مطاعم الا عشان الناس تشوف ساعة تصور يبرد الاكل والي معها ينتظرو متى الافراج
المشكلة هو فراغ فراااااغ اشغلي وقتك بشي مفيد وصوري عادي لكن مو كل شي لا يصير هوس
بعضهم ما يصلح كوب قهوة ولا شاهي الا عشان يصور سناب
ولا يسوي اكلة ويزين بالصحن ساعة عشان يصور سناب
الله يشغلنا بطاعته ويهدينا

[السهم الأخير]

اول شي قبل خوفك من عيون الناس والحسد خافي
على مشاعرهم فيه ناس ماتملك ماتملكين يمكن اكبر شي عندها جوالها والنت
هو اكبر متنفس لها لا سفر لا خروج لا مطاعم فكري بعمق بدون سطحية
مشكلتك مو انتي وحدك مشكلة كثييير غيرك اصبحوا ما يسافرو الاعشان الناس تعرف
مايروحوا مطاعم الا عشان الناس تشوف ساعة تصور يبرد الاكل والي معها ينتظرو متى الافراج
المشكلة هو فراغ فراااااغ اشغلي وقتك بشي مفيد وصوري عادي لكن مو كل شي لا يصير هوس
بعضهم ما يصلح كوب قهوة ولا شاهي الا عشان يصور سناب
ولا يسوي اكلة ويزين بالصحن ساعة عشان يصور سناب
الله يشغلنا بطاعته ويعدينا


أتفق مع الدرر اللي قالتها أختي نوره

[عابرون]

وعليكم السلام

هذي وسوسه مالها صحه


أحنا يا أختي بزمن جوع وحرب وتشرد

ودام أن الله أنعم علينا نشكرو ع النعمه لكن مايصير

نوري العالم نعمتنا

في ناس حاقده برى تشوف أنك ماتستحقين النعمه لأنك بنظرها بطرانه

لا تفتحين للشيطان باب أنتي بغنى عنه

صوري لكن خففي

لا تطفشين زوجك بالوسوسه والخوف الزايد

تري الرجال ملولين من ذي الناحيه

الله يهديك ويصلح أحوالنا جميع

[مطر الفجر]

عليكم السلام ورحمة الله وبركاته ...
جوابي على سؤالك هو :
نعم هذا مرض نفسي شوفوا عندي وعندي حسنا ما الفائده !
اليك الحلول
1 تعوذي من ابليس
2 اقراي المعوذات تحصني
3 اشتري موبايل ابو كشاف القديم
4 احذفي برامج السخيفه مثل السناب وانستا وغيرها
5 اتركي الخرابيط وتصوير الي تودي حياتك الاسرية في داهيه
6 انتبهي لبيتك وزوجك وعيالك
7 تعرفين عيوبك وان الي تسوينه خطا غيري بنفسك
8 لا تطفشين زوجك بالعمل كل شوي تتصلين عليه
9 خبئي سعادتك لك انتي وزوجك بعيد عن اعين الناس
10 تعلمي مبدأ اسمه الخصوصية وعدم ادخال الناس الى حياتك

اعملي هذه الاشياء وستعيشين حياة سعيدة ان شاء الله
لا يوجد بها اعين وحسد الناس
تحيتي لك ....

[اللورد يحيا]

مايبي لها كلام ..

مادامك خايفه من الحسد بطلي الحركات اللي قاعده تسوينها

[المنفلوطي]

مانترك عوايدنا كمجتمع لو أحد طاح قالوا عين !

يابنت الحلال احفظي الله الله يحفظك

عليكي بالادعية الشرعية المخصصة للحسد والعين صباح ومساء

وثقي أن الله راح يحفظك واتركي عنكي هذا الوسواس

واذا عندك من المتابعين اللي مايذكرون الله احذفيهم

يعني للامانه بعض البنات عندهم تنافس (غيره) فيما بينهم في تصوير اثاثهم المنزلي وطبخاتهم وطلعاتهم وغيره كي تكون هي الاحسن والامثل

صفو النيه تصفى حياتكم :ah11:

[نُقطه✿]

مانترك عوايدنا كمجتمع لو أحد طاح قالوا عين !

يابنت الحلال احفظي الله الله يحفظك

عليكي بالادعية الشرعية المخصصة للحسد والعين صباح ومساء

وثقي أن الله راح يحفظك واتركي عنكي هذا الوسواس

واذا عندك من المتابعين اللي مايذكرون الله احذفيهم

يعني للامانه بعض البنات عندهم تنافس (غيره) فيما بينهم في تصوير اثاثهم المنزلي وطبخاتهم وطلعاتهم وغيره كي تكون هي الاحسن والامثل

صفو النيه تصفى حياتكم :ah11:



سلم فكرك كتبت اللي كنت ابغاه

انتوا ماخذين عن الدين اللي تبونه بس
فيه أمور اذا سويتيها عندك صك أمان من الله سبحانه
لو مين ماكان مايقدر عليك إلا بإذن الله

ايش هي هالامور. .
*صلاة الفجر
"من صلى الفجر فهو في ذمة الله"
*صلاة الضحى 4 ركعات
و هناك حديث مذكور عن فضلها
*أذكار الصباح والمساء

اذا ماسويتي هالثلاثه بوقتها تقدرين تقولين "العين حق "
لأنك انتي ماسويتي الشيء اللي يحفظك

وأحيانا بعض الناس ينبسطون ويتفاخرون ويرددون الناس حسدوني
والناس عطوني عين مايدرون أن هالشيء يثبت قلة ذكرهم لله!
ومايعني انهم شيء وااااو. .

وبس والله

[ملااك ملوكة]

سبحان الله

امرك عجيب

لا تنشري

ولا تصوري خصوصياتك اهتمي بيتك و زوجك واولادك

وبتعدي عن ها الغرابيط

السناب شات للمراهقين وليس لسيدات البيوت

:MonTaseR_195:

الباب الي يجيب الريح سده وتستريح

[شيخه عربها]

فإنا ننصحك أن تبعد عن ذهنك شبح الخوف من الحسد وأن تعتصم بالله تعالى وتتحصن بالأذكار المأثورة وأن تحسن ظنك بالله وتوقن بأنه الحافظ وأنه لن يصلك أذى من مخلوق إلا بقضاء وقدر من الله تعالى، فاحرص على طاعة الله وابتعد عن المعاصي، فإن في الطاعة فلاح الدنيا والآخرة، كما أن المعصية سبب للحرمان في الدنيا والآخرة، وعليك بشكر النعم فإن شكر النعمة سبب لحفظها ومزيدها، ولا بأس أن تكتم بعض نعم الله عليك إن كنت تخشى من حسد بعض الناس لك، وتذكر أن ما أصابك لم يكن ليخطئك وما أخطأك لم يكن ليصيبك