أهل الشعر ...

[أحاسيس شاعر]

آنا آتحـســف ع الـشــعــــر و آتحسَّر
ضـاع فـي زمـنّـا وصـار يرثـى لحاله

شـاعــر يجي شـعــره ركيك ومكسَّر
ويصـفـق الـجـمـهـور جـهـل و خباله

الـوزن فـي ديـره و قـافـــــــه معسّر
الـشـعــر متـبـري و ع الـشــعــر عاله

هو يكسب الجمهور و الشـعـر يخسر
والـشـــــر فـالـه وفـال الـلَّـه ولا فاله

الجنـب الايمن ما هو الجنـب الأيسر
مثل إختلاف أهْلَ الشِعِرْ في الجزاله

الـوضــع ســـيء ودي إنــه يـفـسـّــر
جاروا علينـا فـي الـشـعـر كـم حثاله

ببقـى عـلـى و ضعي قـهـر و آتحسّر
حتى الشـعــر يرجـع و يطغى جماله

[القارظ العنزي]

اصبر على الحالة ثم ارض ... وتصبر
هذي هي الحالة ولا به .......... بداله
والمجلس ما به مجلس قيس وعنتر
حنا مع التيار ونلبس ............ عقاله
يا صاحبي كم قاف اقبل ....... مدور
ما ينعرف جده وعمه ........... وخاله
مشى وتركنا له مجاله ......... الاقشر
هذي هي الحالة يا راع ....... الشكالة

[نجم ضاوي]

خل الخلق للخالق وفيه يتدبر
ترى الدنيا .. ما فيها عداله

القاف ياصاحبي لوهو مكسر
لا يعني .. من قاله . حثاله

الشعر رزق من الله ميسر
ما ينشرى من اقرب بقاله

ماهو عيب للمخطي تفسر
عسى يوم يلقى السعد فاله


صح لسانك اخي احاسيس شاعر ...
بس لا تقسى لان الكثير دخلو ليتعلمو ...
وانا احدهم فهناك الكثير من الشعراء ومنهم كبار ...
تجد عندهم كسور لا يكتشفها الا من هو له باع طويل ...
في مجال الشعر ...
فدع الخلق للخالق يا صاحبي ...

[القارظ العنزي]

نجم ضاوي سمى للحالة . وكبر
من عاد اللي يعتزي ياتي . قباله
خط خطوطه بينها خطه الاحمر
وضح المطلوب وفكره بالرسالة
ادري انه دارها براسه ..... وفكر
جانا كنه سبع يطرد في ... عياله
وسع الدنيا معك للشيخ . الاعسر
وكل يكتب في هواه وفي مجاله
يا زماني يا زمان الوقت .. الاغبر
كم فصيح ما قدر ينشر ... مقاله
وده انه يكتب في لونه . الاخضر
مار وقته ما قبل لونه ...... وحاله
الصراحة غردت باللون .... الاسمر
والمراقب المحبة ....... راس ماله
والا يدري باللي يكتب .. ويتبختر
حيثه يفهم بالجميل .... وبالجمالة
اعتبرها من صديق اخوك . الاصغر
اللي مثلى غاب صبره ... واحتماله
من ظروف تضغطه ثم ..... يتفجر
ولا يقصد ما كتب ولا ........ طراله

[أحاسيس شاعر]

حياكم نورتم وأبد أبيات جات في خاطري وقلتها لعلها تنال الرضا

[القارظ العنزي]

وهذا هو ضننا فيك احاسيس شاعر ، فانت الرجل الفطين والشاعر الفذ ذو الاحاسيس الشعرية المرهفة ، اكثر الله من امثالك بيننا لاهنت .

[ماضي الماضي]

قصيدة جميله وفيها ابداع منقطع النظير


تقبل مني مروري واعجابي


تحياتي لك

[أحاسيس شاعر]

قصيدة جميله وفيها ابداع منقطع النظير


تقبل مني مروري واعجابي


تحياتي لك


ومرورك زادها جمال ي شاعرنا وأسعدني مرورك الجميل

[السامي]

صح لسانك
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك