المساعد الشخصي الرقمي

مشاهدة النسخة كاملة : نسيت الكل من قالوا قمرك بهالحياة غاب ! < بقلمي


أنا فداهم
12-05-16, 09:29 PM
بِسْم الله الرحمن الرحيم




تألمنا بهالدنيا كثير ؛. و فارقنا كثير أحباب
فمان الشوق و الذكرى و اللقا ..... بعدين

تخون الكلمة الإحساس و نقراها بليا .. كتاب
عسى الله يرحمك "فرحان" و يجفف دمعة العين

أنا مفجوع بغيابك غديت وحدي بدون أصحاب
أقلب دفتر الذكرى بعد موتك ....... إلين الحين

نسيت الكل ... من قالوا قمرك بهالحياة غاب
وجيت مصدق مكذب وأقول جعله من الحيين

يا عمه البقاء لله والكل بيرجع ....... للتراب
ولا بيبقى سواه ربي منزل .... سورة التين

يا عمه كفكفي دمعك دخيل الله ولا ترتاب
يا عمه كلنا ....على هذا الطريق ماشين

غدا ليل الحبايب يتيم ما لبس .....،ثياب
ظلامه سرمدي دامس و أشجاره مساكين


-

-

وسلامتكم

قصيدة قديمة
كتبت في تاريخ
21-4-2015

ملااك ملوكة
12-05-16, 10:25 PM
صح لسانك و على شانك

سبحان الدايم الي لا ينام

تستحق التقييم

نجم ضاوي
12-06-16, 12:08 AM
ترى الحزن لابد . . في يوم يدق الباب
ولابد بعد الفرح . . تذرف دموع العين

الموت ما يرحم صغار السن ولا شياب
نمسي نضحك معاهم ونصبح لهم باكين

هذي حالة الدنيا يوم ضحك ويوم مصاب
الموت علينا حق وحنا على دربهم ماشين


صح لسانك يا انا فداهم ...
قصيده حزينه تعبر ان فقد غالي ...
جبر الله قلوبكم ورحم ميتكم وعظم الله اجركم ...

السامي
12-06-16, 08:42 AM
صح لسانك
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك

juin-cho
12-10-16, 02:07 PM
شكرا لروعة حضوركِ الراقي


SEO by vBSEO 3.6.1