((امي وابويه سلوتي بالبديدة))

[القارظ العنزي]

يا بنت هو وش فيك عني ... تعيين
هو انت ما تدرين بيه ......... وليدة
والله يا لولا ظفرنا ........ والقوانين
اليجيك علمي والخبر ..... بالجريدة
يا بنت ياللي عن لقانا ........ تصدين
حنا كذلك شوفكم .......... ما نريده
وانا تراني ما اتبع ناس ....... مقفين
نفسي عزيزة يالفتاة ......... العنيدة
قالوا تقول العيب فقر ...... وديايين
اي والله هذا عيبي قلته .... واعيده
ليتك تراعي يا عذاب ....... المزايين
ساعة بذلت المال وكل ..... الشريدة
يا بنت انا ربعي فقارا ......... مقلين
ما منهم اللي قالوا زاد ...... برصيده
ومع ذلك شفت العيد بعين الحبيبين
اليا رحب بالضيفان ما حلا .. نشيدة
يا بنت انا عيبي عطوف على . اثنين
امي وابوية سلوتي .......... بالبديدة
يا بنت انا عيبي اطعام .... المساكين
حق علي وعند ربي ............ عقيدة
يا بنت انا عيبي اعداي ...... الرديين
اللي غداهم للضيوف ......... البريدة
اللي مجالسهم مجالس ...... وراعين
هذا يجيب الهرج وهذا ........ يزيده
ما ينفع اصل للجدود ........ العريبين
دام السجايا من سجايا ........ عبيده
يجمع من الهذرة سوالف ... مسيكين
حتى القصيدة ما فلح ..... بالقصيدة
اصله غدا بالمربى والمنبت ... الشين
وسوالف الورعان ما هي .... سديدة
احذرك يا بنت من شاوي ....... البين
احذر يحط الكف وايدك على ... ايده
خوذي كلام الصدق مني ... وهالحين
من اللي جوز بالخلايق ........ وديده
وابوي جوزته من البيض ....... ثنتين
من ناعس الطرفين وبنت .... اوغيده
هذا كلام ما هو قول ......... البزارين
يشهد به المعبود وتشهد ....... عبيده
والا ترى مثلك انلاقى ....... الكثيرين
وياما وياما خابر من ........... خريدة

القارظ العنزي

ملاحظة :
صدر البيت (ليتك تراعي يا عذاب المزايين) هو من بيت الشاعر والفارس الشيخ المشهور / عقاب بن سعدون العواجي العنزي حيث يقول :
ليتك تراعي يا عذاب المزايين .. يوم ان عيدان القنا يطعننا) فقط للامانة .

[إحساس طفله]

صح لِسـآنك ي القارظ العنزي ..
مبدع كعادتك :MonTaseR_205:..
لآهِنت ولآ هـآن قلمك ..

حَسُوسَـآآ .ّ.

[القارظ العنزي]

اهلا بك احساس طفلة سرني مرورك يالعذبة .

[ماضي الماضي]

يا بنت انا عيبي عطوف على . اثنين
امي وابوية سلوتي .......... بالبديدة


الله عليك شاعرنا القارظ


دايمن مبدع


قصيدة جميله من اروع ماقرائت



تقبل مروري واعجابي بقلمك المبهر



تحيااااااااااااااااااااااااااااااااااتي لك

[نجم ضاوي]

سلام يا القارظ يا راعي الدواوين
يا مطوع الشعر . . والقاف سيده

الله يحفظ لك . . يا القارظ . اثنين
ابوك نبض قلبك . .وامك .. وريده

ويرزقك يا خوك في حياتك بشيين
العز . والمال .. والحياة السعيده

يا راعي النخوه .. بعلمك .. الزين
نقرا علومك في الصحف والجريده

يا الله دخيلك .. سدد عنه .. الدين
وطول بعمره .. سنين ن .. مديده

وابعده عن اللي .. تخظب الكفين
والروج . . في الشفايف .. تزيده

راسمات الحواجب . مكحلات العين
وحور العيون .. مشيتهم .. فريده

خذها نصيحة .. من هم لك محبين
شيبان شروه .. وحكمتهم .. اكيده


صح لسانك وابعدت في قافك المفعم بالمعاني العذبه والجميله ...
بيض الله وجهك وفالك البيرق ...

لا خلا ولا عدم ...

[مسكك الغلا]

يا بنت انا عيبي عطوف على . اثنين
امي وابوية سلوتي .......... بالبديدة



عزالله ماهو عيب الا من ازين الافعال
رضى الوالدين

صح لسانك واعتلا شانك جزله مايجيبها الا اهلها

[القارظ العنزي]

الابداع في مرورك وحضورك اخي وعزيزي ماضي الماضي .

[القارظ العنزي]

هلا هلا بك يا عميد ...... الوفيين
يالمحترف بالقاف وايضا .. عميدة
اللهم يا رب وامين .......... وامين
على ما قلت يالذيب وايضا نزيده
يا سيدي غديت بين ... الشياطين
انس وجن بالبرايا .......... شديدة
قريت انا القران يس ....... والتين
الجن هجت والاوادم ....... عنيدة
انا بلاي ياخوك من يكحل .. العين
قام يتبختر والاواصر ...... بعيدة
لو كانت بنت العم ما قلت انا شين
مير البلا من ناس ما هي . سديدة
زادت علي اشوين من زود قرشين
يلعن زمان عزها وهي ....... بليدة
ابانتحر ياخوك قبل ...... الديايين
وقبل يجيني واحد ...... ما نريده
وان ما لقيتوا جثتي ... بالعمودين
يمكن تلاقي نعينا ........ بالجريدة
اسلم وسلم لي على كل ..... غالين
اللي معك بالمسك والا ..... بنديده
وبلغهم اني في ديار ...... البعيدين
وكل السوالف يا عزيزي .... حميدة

[القارظ العنزي]

الجزلة انت يا مسك الغلا . والاصايل من جملها .

[نجم ضاوي]

خابرك عاقل . . وعقلك زوين
من متى الناجل يخاوي حريده

الظاهر انه .. تاقد عليك نارين
بعد الديار .. ونار غربه شديده

بتنتحر ليه . خاف رب العالمين
لو يسمعك عاذل عنده اليوم عيده

ادري فيك معلم وسيد معلمين
وتعطي خصومك دروس مفيده

اللي سألتني عنه يستاهل الزين
يعتبر في المنتدى .. حله فريده

يا بعيد الدار . . وذابحك الحنين
وين دارك . . من دياره . بعيده

عطني خبر . . يا عايش بقلبين
قلب بالاردن وقلب يبغى جديده

[ماضي الماضي]

نجم ضاوي



ماشاء الله عليك

رد ولا احلى


الله يزيدك شاعريه عشان نتلذذ بقصايدك

ولا مهونه لاخوي القارظ


تحياتي لكم

[القارظ العنزي]

الناجل عندك وانا بام .... البساتين
في ديرة سكانها من ...... حريدة
الله على الهامور والشاطي . الزين
وديارنا بالشرق دايم ...... جديدة
مع جرة للفول يا زينها ........ زين
والا مع المخصوص اكلة .. عتيدة
يا سيدي هو فين وانتم وانا وين
وش جاب اديار الغرب للي بعيدة
والحلة اللي عندكم تطرب .. العين
عجل بها كان السوالف ..... وكيدة
والله يبارك باللي يجمع ... براسين
راع العلوم الطيبة ....... والسديدة
عجل والا تراني ما بين .... بحرين
البحر الميت وابن عمه ...... نديده
ان ما غرقت بذا والا ....... بالاثنين
رميت بنفسي تحت مقود .. حديدة
والذنب ذنبك يا بو ضاوي مع الدين
وش ذنبي الياعشت عيشة . سعيدة

[نجم ضاوي]

العنق يا القارظ . . ما يحتمل ذنبين
ذنب الصداقه . . وذنب ذيك العنيده

الذنب ذنبك ساكت على مابك سنين
ونار الحب . . تاقد بصدرك . وقيده

ياالقارظ ياحب يجري في الشرايين
نجم محزمك . . وانت ايضا عضيده

ابشر بسعدك . مننا يا كامل الزين
نذرا علي لاسعالك عند ذيك الفريده

اسأل الله امرك . . من عندنا يزين
وانشر خبرك في الاذاعه والجريده

يا يحيا . . لا تأخذ كلامي بالقوانين
افهم المعني ترى علومي وكيده

[القارظ العنزي]

يحيا هو طيب الفال يا نجم ويعين
كانك فعلت الخير يحيا ...... يزيده
وحنا مشينا في نظام ..... وقوانين
وحنا نخاف الله وحنا ....... عبيده
كفو يا بو سلمان وعدك لنا .... دين
رمز الوفاء مثلك جاب ..... الفريدة
الطيب طيبك والمراجل ... عناوين
ياحظ والله من كان يحيا . عضيده
ازبن على يحيا ويسدد ....... الدين
بين له المطلوب ومثله ...... يجيده
وعسى الفرج ياتي يا رب . هالحين
بيدين ربع كل ابوهم .......... بديدة
والا انتحرنا يا عشير ....... الوفيين
اهل العلوم الطيبة ........ والمجيدة

[نجم ضاوي]

ههههههههههه
والله والنعم باللورد يحيا وبك يا صبي عنيزه ...
انا ماشف شاعر مجنون شعر ومفردات عذبه مثلك ...
انتظر ردي بس اوصل البيت ...

[القارظ العنزي]

الله يكفينا شر ردك ويكون علينا برد وسلاما ههههههههه
تاصل بالسلامة ان شاء الله .

[juin-cho]

شكرا لروعة حضوركِ الراقي

[القارظ العنزي]

شكرا لمرورك هكذا الحال .

[السامي]

صح لسانك
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك

[القارظ العنزي]

صحة انفاسك عاشق الشعر لاهنت على المرور .