ماذا اقدم هديه لصديقي واخوي

[مشكلتي]

السلام عليكم

صديقي واعز اصدقائي واللي اعتبره مثل اخوي
به عنده مناسبه بعد فترة قصيرة من الآن
وما ادري صراحة وش اقدم له هدية

علماً أني طالب في المرحلة الثانوية وميزانيتي محدودة
فـــــــــــــــــ وش رايكم ؟

[Vendetta]

وعليكم السلام ورحمة الله وبركاته

طقم مكون من ميداليه ومحفظه وقلم ومسبحه
أو ادعوه في مكان "اعزمه"

[آلـهوى آلغـآيب]

اشرايك CD Battlefield
تراه مره بطل صدقني بيعجبه :)

[اسومة]

اشتري له مصحف الكريم مع سجادة جميلة و قدمه له و قول الله امانة اقرأ القران الا بمصحفي هذا و صلي في سجادتي لكي تتذكرني و تتذكر حبي لك و الله يبارك لنا في صداقتنا :MonTaseR_209: :MonTaseR_98:

[سآلفـَة قـ لمْ]

والله اني مثلك دايم اعاني من هالموضوع بذات مع الشباب
لكن اذا بتطيع شوري
فأنا متخذ سياسة Money

يعني مبلغ بدال الهديه تحطه في يده او ترسله على حسابه ينفعه .
الف او ثنين او على حسب استطاعتك عاد

[غيرمهتم،،]

قدم روحك له ههههه امزح

عطر يخب عليه

[looly]

:


فيه عطر اسمه الوليد من الوليف مرا جميل وراح يعجبك ويعجبه :MonTaseR_222:
والله يديم صداقتكم

[جَســـــوُرْ..،]

بما أن الأجواء شتوية حالياً ..#

أخذ له بلوفر شتوي ينفعه و يدفيه ، و تقدر مثلاً تأخذ له بلوفر للنادي اللي يشجعه . من المتجر الخاص للنادي او من أي محل تجاري على حسب ميزانيتك.

أسال الله أن يديم بينكم الخوّه ( تهادوا تحابوا ) ./

[جوج1]

بادرة حلوه منك انك تفكر تهديه

شوف ياخوي
اذا هو من محبي العاب الفديو
شوف له شريط يحبه

اذا هو من النوع الي يهتم بالسيارات
وهالشغلات جيب له اشياء اكسسورات للسياره
على قد ميزانيتك


او عطر حلو تبقى له ذكرى
ويصير يتذكرك دائما


والله يخليكم لبعض ويدوم لكم الصحبة الجميله

[وطن قلبي]

ابعد عن الكلافة و الروتينية بهديتك
يعني مو شرط الهدية تكون ساعة , او عطر
عادي
جيب له شيء مفيد
بلوفر :th_freezin:
او سكارف >> اقول بلا فلسفة :5:
او اشتري له عود فاخر >> موب عود تنكس طبعا :Hbz01935:
او سبحة وقلم وكبك
واذا انت تشوف اخوك يهتم بشيء معين يكون افضل
:Jm_005:

ماعطيتني معلومات كافية عن اخوك والا كان زبطتك

[مطر الفجر]

عليكم السلام ورحمة الله وبركاته ..
بما انكم مازلتو طلاب في المرحلة الثانوية
اعتقد انه لم تكملوا السن القانوني لقيادة السيارات بعد
لذا اعطيه ميدالية مفتاح سيارة
وتكون جميلة للحصول على سيارته مستقبلا
لكي يتذكرك دائما

الله يديم صداقتكم بالتوفيق

[ომძlἶղ]

ياخوي هذا صاحبك وانت ادرابه وش يحب يعني مثلاً
اذا كان يحب التصوير ممكن تهدي له كاميرا 4k
اذا كان يحب الافلام والقيمز ممكن تاخذله شاشه او بلايسيشن
اذا كان يحب التكشخ ممكن تاخذله ساعه او قماش سويسري فاخر
اذا كان يحب السيارات ممكن تاخذله هايلوكس او بوقاتي فيرون خخخ :MonTaseR_98:

المهم تكون الهديه في مجال اهتمامته

[السهم الأخير]

اكتب له حاولت أهديك ساعه لكن ما لقيت أجمل من الساعة اللي شفتك فيها يالحبيب

:MonTaseR_172:لو كانت الهدايا بقدر المحبة كان شفت البواخر فنص حوش بيتكم :MonTaseR_172:

اهديه أي شي

لكن الأجمل مثل ما قالت الأخت العزيزة

اشتري له مصحف الكريم مع سجادة جميلة و قدمه له و قول الله امانة اقرأ القران الا بمصحفي هذا و صلي في سجادتي لكي تتذكرني و تتذكر حبي لك و الله يبارك لنا في صداقتنا