((يا قلهن من شابهن طفلة احساس))

[القارظ العنزي]

ان كان بالدنيا من الخير ...... والدين
يا قلهن من شابهن طفلة .... احساس
بنت عذية تطرب القلب ....... والعين
مثل الذهب وان خالطه نقشة الماس
يا احساس يا بنتي وبنت .. العزيزين
اهل الجنوب اللي بهم نطحة . الباس
هم احتموا الحد الجنوبي من اسنين
واليوم عادوا جددوا وارفعوا ..الراس
كم من شهيد دمه سطر ....... عناوين
اثبت وجوده داس براس العدو داس
يشهد لهم جيزان في لحظة ..... البين
قالوا عهد ما ياصله فرخ .... الانجاس
والله لو ما عاش من ربعنا ...... اثنين
فلا ياصلون حدودنا ناس مع .... ناس
يا طفلتي حقي عليكم ...... وهالحين
الصورة اللي ظلها داس بي ... وحاس
عودي بها يا بنت دمعي ....... ملايين
يوم اتذكر بنتنا بهجعة .......... الناس
تشبه وعد يا طفلتي ...... والصغيرين
تشبه وعد بالشكل والعمر ..... وقياس
عودي بها يا بنت واهلين ...... واهلين
بمعرفك الاول يا طفلة ....... احساس

القارظ العنزي

[إحساس طفله]

تسلم على قافك يازبن الدخيلين
................. ياطير شلوى من نوع قرناس

يانسل قوماً كرام علينا عزيزين
........ فيك الأبوه الصادقه وفيك الاحساس

عز الله إنا في وجودك سعيدين
........ قدرك عندنا في العين وعلى الراس

ياكاتب ابياتك من دم الشرايين
................ قافك اسعدني بلا حد وقياس

افخر إني لوعد اخت من الحين
............... انت و وعد على الراس نبراس

اعذرني مقدر أجاري ابيات عذبين
...... احلى من السكر و اجمل من الماس


ــــــــــــــــــــــــــــــــــــــــــــــــــ ـــ

صح لِسانك ي بوي
تسلم عَ الابيات العذبه وَ الجميله
يا القارظ العنزي ..
يسعدني ان اكون في مقام ابنتك وعد
اعجبتني ابياتك وهذا ردي عليها واعذرني عَ القصور
و اعذرني عَ التأخير في الرد لاني كُنت بِ مناسبه
وَ لآهِنت ولآ هـآن قلمك

بنتك إحساس طفله

[القارظ العنزي]

صحة روعاتك ابنتي / احساس طفلة كفو ما قصرت ي . فقط نحول المسؤلية بعد هذا الى شاعرنا نجم ضاوي ونقول له :

وين انت ياللي تفتخر ... بالقوانين
وين انت عنا قفيت وين انت . عنا
ياللي وعدت اخوك ترى الوعد دين
واسم وعد يا سيدي ........ ممتحنا
وعد خلت القلب يالقرم .... قسمين
قسم بالاردن والقسم الاخر .. وطنا
عجل وخفف حملنا حملنا .... شين
زود على هموم بقلبي ....... وطن ا
عجل يا بو ضاوي هات الخبر . زين
هات الخبر عجل لا .......... تمتحنا
ما عاد انا صابر مع اشوين واشوين
ام تجي واضحة والا ما ......... عنا
نرمي بها ما بين نار ......... ونارين
الموت اريح من انفوس ...... تون ا

[نجم ضاوي]

جينا نشوف القاف لقيناه قافين
لا حول ربي . بالقافين ابتلشنا

ارد فيهم على .. مين .. أو مين
اجمع له القافين وياصل له خبرنا

حنا اهل جازان بالمعاك شديدين
نارد حياض الموت ولا يوم خفنا

استشهدو ناس على القلب غالين
من شان جازان . ارخصنا ولدنا

نسفل السافل . ونعز العزيزين
من عافنا لو . عزيز القوم عفنا

يا جازان افرح . باهلك سلاطين
كلنا يوم نادى المنادي .. وقفنا

يا القارظ اصبر ترى الصبر زين
وحنا .. على وعدنا .. ما خلفنا

لاتحسب انا .. عن الوعد ناسين
مير الوقت ضيق والله ما سعفنا

ياخوك ياالقارظ حنا للوعد وافين
بس الخبر للحين بعده ما وردنا

اركد شوي . وخلك من الثقيلين
وحنا لك بعون الله نوفي وعدنا

احساس مبسوطه ست المزاين
يسعد ايامك يامن بقافه سعدنا

قالت يبه رد على القارظ بردين
رد يخصك .. ورد لنا حنا وحدنا

قلت ابشري بالسعد ياقرة العين
هاتي لي الجوال واقري بعدنا

هذا وقتي صار اوفي له الدين
وهذا ردي عساه يفهم قصدنا


صح لسانك يا القارظ وسلم راسك ...
اجزلة في القافين بيض الله وجهك ...
كل ما يسعد احساس طفله يسعدني ...
وانا حاولت اجمع القافين كلها في قاف واحد ...
وفي رد واح واتمنى ان اكون وفقت في الرد ...
واعذرني على التأخير ...

لا خلا ولا عدم ...

[القارظ العنزي]

عز الله انك يا بو ضاوي على .. الدين
راعي عقيدة كان حنا ........ انحرفنا
وعز الله انك وافي من اول وهالحين
يشهد لك اهل المسك واللي .. بطرفنا
والطفلة اللي صارت اليوم ...... بنتين
بنت لكم والثانية هي ........... شرفنا
يا مرحبا بالقاف منكم ......... ملايين
يالغالي اللي يجتهد من ......... عرفنا
حنا برجا الله ثم نرجي ..... العزيزين
اللي لهم بالطيب مشهد ........ وشفنا
اما الركادة والله يا حالها ........ شين
لولا الصبر من ربنا ما .......... صبرنا
عجل لنا عجل والا طرنا ...... للصين
وجبنا من اللي ما ربوا مع ...... عربنا
وزهدنا باللي شايف نفسه .... اشوين
وان عافنا حنا زهدنا ............ وعفنا

[نجم ضاوي]

الحمد لله وحنا على الدين باقين
ولا يوم حنا . . عن الدين حدنا

من فضل ربي . . خلقنا وليفين
ما عمرنا يوم على واحد حقدنا

وفيت لك وعدي يا اريش العين
ابشرك يا القارظ . نفذنا وعدنا

هذي بداية رؤس اقلام وعناوين
وعندك الباقي واما احنا ابتعدنا

قوم وسجل . من قافك دواوين
وارسلها على الواتس يا بعدنا

[القارظ العنزي]

كفو يا بو ضاوي فعلك هو الزين
وحنا على ما قيل معك .. بعهدنا
ما هو غريبة فعلكم ... يالوفيين
ياللي كتبت العهد ويدك ... بيدنا
الله يجيب الخير ربي هو . يعين
ويفرج هموم عندنا وفي ... بلدنا
نصيحتك يالود مكانها ..... العين
ناخذ بها والباقية هي ..... وعدنا

[ماضي الماضي]

ماشاء الله تبارك الله


قصيد ورد شي مذهل



الله يسعدكم جميع مثل مااسعدتمونا بهذا الفيض العذب

والاخت احساس طفله تستاهل مثل هذا الاطراء




تحياتي للجميع

[القارظ العنزي]

نعم تستاهل احساس طفلة التكريم ، كذلك ابوها نجم النجوم ابو ضاوي ، لاهنت اخينا الشاعر ماضي الماضي على المرور الكريم والاطراء العذب وانت الشاعر العذب .

[ماضي الماضي]

ماشاء الله

نجم ضاوي يصير ابو احساس طفله


والله المعذره توني ادري


مشكلتي جديد في المنتدى ولا عندي خلفيه عن كثير اشياء في المنتدى

على العموم الله يوفقكم جميع ويصلح لنا ولكم الذريه


تحياتي لكم

[NORAH]

صح لسان الشعراء
وتستاهل اختنا احساس طفلة
لا حرمنا هذا الفيض من الابداع والجمال

يشهد لهم جيزان في لحظة ..... البين
قالوا عهد ما ياصله فرخ .... الانجاس
الله ان يصونها ديرتي ويكفيها شر كل خبيث وحاقد

[القارظ العنزي]

نعم اخي ماضي الماضي ، هي كذلك حفظها الله وحفظ ابيها .

[القارظ العنزي]

نعم عزيزتي نورة تستاهل ابنتنا احساس طفلة ، وتستاهل مدينتنا العزيزة جيزان واهل جيزان الكرام ، كذلك اسعدني مرورك الكريم وطلتك البهية على متصفحنا المتواضع .

[تخفي غلآها]

الله يحفظ السعوديه واهل………………… جيزان
ويحفظ اهلها من كل شر…………………… واحزان
يا زينك ي السعوديه ويازينها من………… جيران
ويا زين اهلها اللي تلقى عندهم معنى …الاخوان


صح لسان الشعراء
وتستاهل اختنا احساس طفله

[آلنـور]

صح لسانك شاعرنا المميز ، و نجم مسك الغلا ،،
و تستاهل احساس هالكلام الطيب

[القارظ العنزي]

هلا بك فوق مستواك 15 ، وصح السانك عالابيات الجميلة حفظك ربي من كل سوء .

[القارظ العنزي]

صحة روعاتك النور وكلك ذوق ولطف .

[القارظ العنزي]

ياللي ترابي والربا محرم ....... دوم
تزيد بقافك وانا قافي ........ تخليه
ما هو حرام تزيد من غير .. مرسوم
وين الوعد يا صاحبي .... والمشاريه
وين العهد اللي على الطرس مختوم
يا من يوافقني بقولي ....... واجاريه

[السامي]

صح لسانك يالقارظ
ابدعتم
وتستاهل احساس ماكتب فيها
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك

[القارظ العنزي]

صحة روعاتك عاشق الشعر اسعدني مرورك .