((سجين الغربة يا بن ماضي))

[القارظ العنزي]

الى شاعرنا العزيز / ماضي الماضي

سجين الغربة يا بن ...... ماضي
ما جت على يوم والا .... يومين
خصمك القاضي من ..... تقاضي
يا شينها وربعنا ........... الادنين
اعيش انا بسبة .......... القاضي
اللي لبس من عباة ......... الدين
حطمني بالغربة .......... الفاضي
واشغلني عن شوفة ...... الغالين
وصبرت انا للقدر .......... راضي
يا عل ربي يجيب .......... الزين
ونرجع على ديار ...... وافياضي
في ديرة تطرب .......... العينين
في شوفها تشفى ..... الامراضي
وفي شوفها عيدنا ........ عيدين
هذي هي القصة ....... واعراضي
شرحتها يا صديقي ........... زين
ويا ربي تشفي غلا ........ ماضي
عجوزه اللي تشوق ......... العين
هي امنا وفعلها ........... الواضي
كل مدحها قولوا ............. امين

القارظ العنزي

[القارظ العنزي]

ارجو تعديل عجز البيت الاول والصحيح :

ما جت على يوم والا اثنين !!
ليستقيم الوزن ، وشكرا للمشرف المختص بالموضوع .

[ماضي الماضي]

من عاش في دنيته راضي
جازاه ربي بحور ٍ عين

وان كان ظالمك قاضي
فيوم القيامه يرد الدين

الغربه اللي نارها لاضي
من همها تذرف العينين

الله يعين صاحب الماضي
القارظ المغترب هالحين

ياصاحبي اترك الماضي
وفكر لباكر عساه يزين

يارب سامح لي اعراضي
ورد الخفوق الخلي لدين

يارب زادت بي امراضي
والناس ماترحم المسكين

ياالقارظ القلب ذا فاضي
من بعد حب استمر السنين

القلب لامن ذكر هاضي
ذكرى حبيبن جميل وزين

وفي ختمها ربنا القاضي
يردك لديرتك قول امين

[STRANGER]

الغربة اللي نارها لاضي
من همها تذرف العينين


صح لسانكم

[القارظ العنزي]

هلا هلا بك يا بو ............ ماضي
ردك وصلني يطرب .......... العين
واللي جرى لك فعل ........ ماضي
جدد عهد كانهم .............. حيين
وانا بلاية نمى ............... قاضي
نماء وجدوده بهم ......... شيخين
عسى العوض فيه ...... واعتاضي
وانسى من الماضي مع .. الماضين
يفز لطاري هل .............. الماضي
وقلبي لشوفه يفز .......... هالحين
حبه بقلبي عثا ............. وخاضي
عزاه من ينقذ .............. المسكين
ورع ن رثع بي على ........ الفاضي
لا يعطي ولا يرفض ......... الغالين
كريم يا بارق ................... ناضي
يشبه خدود لبو ................ قرنين
وجبينه لنبة تقل .............. ياضي
نور يشعشع مع .............. الخدين
ريمية وسط ............... الافياضي
ما شاقها منحرف ............. بالدين
ولا شافها كل ............... مغتاضي
صعبه ولا تنذكر ................ باللين
ساعة لفتنا على ............ احياضي
ثم سلمت كاعب ............. النهدين
سلمت انا بالقدر ............... راضي
ورديت انا مرحبا ............. واهلين

[القارظ العنزي]

صح بدنك stranger

[ماضي الماضي]

القارظ

ماشاء الله عليك الله لا يضرك

قصيدتين ورا بعض في نفس الموضوع


والله لست ند لك

ولا استطيع ان اجاريك

فانا كالتلميذ عند استاذه


وهل يتفوق التلميذ على استاذه


كنت اقراء قصائدك

وفيها قصه لم تتضح لدي


فهل تكرمت علينا بأن تخبرنا

مالذي نفاك عن ديارك ولماذا


اخر شيء

تحياتي لك تتراء

[القارظ العنزي]

اللي نفاني طيب العرق .. والساس
ورعني نفاني وجرني يمه .. اشوي
ولولاه ما ني بينكم صرت محتاس
ولا تركت الدار والناس ..... والحي
شوفه طرب قلبي وبعده هو الباس
متى نشوفه بالملا ينجض .... الني

لقد سبقتني بالاعتذار عزيزي ماضي عن مواصلة المجاراة . والا فانا كنت منها قاب قوسين او ادنى من ذلك الاعتذار . انا اعرف انك تمر بظروف استثناءية لا تسمح لك بالمواصلة . والشعر يحتاج تركيز . مع اني اعيش ايضا ظروفا صعبة ولكن الشعر بالنسبة لي هو المخرج الوحيد للهروب من تلك الظروف فاعذرني . واذا حبيت تعرف اكثر عن الاسباب ابحث عن قصيدتي : (سلمان لو تدري عن الحال ما نمت ؛ ولا غمضت لك عين وباقي لنا ثار ). احترامي لك ولقلمك المبدع .

[نجم ضاوي]

بحكم الرب .. قانع وراضي
وادعيه .. وارفع له الكفين

يا شاكي الحال لابو ماضي
وانت عايش حياتك . بقلبين

قلب عايش بالاردن وراضي
وقلب يم عرعر اتعبه الحنين

ادري منك الصبر . . فاضي
ادعي الله واثني له الجبين

يامن في بحر الهوى خاضي
عسى البشاير لك نورها يبين

وهمك يصبح . . من الماضي
وتعوض كل مافاتك من سنين

[القارظ العنزي]

يا نجم دمعنا .......... فاضي
ليتك تشوفه على ... الخدين
والهم فرخ بنا ........ وباضي
ولا صديق يقول ...... اهلين
عسى العوض فيه واعتاضي
وعسى الشفاعة تجيب الزين
ونعيش بالخير .... ورياضي
بين الثمر .......... والرياحين
ليه صديق .......... الياناضي
افعوله والله تسر ...... العين
من ربع فعلهم ......... ياضي
عند اللوازم والله ... جسرين
ابي انتخي به هو . الحاضي
يفهم بلايه مع ........ الهمين
هم بالاردن من ...... الماضي
وهم جديد وصل ... هالحين
وصل سلامي لبو .... ماضي
وقله نجم طلع من ..... فين

[نجم ضاوي]

الظاهر بأضب اغراضي
وارحل .. يمكم هلحين

اجيكم .. خالي وفاضي
وتشرح لي حالتك زين

انت الجاني وانا القاضي
وقدامك يا ولد . حلين

اما تكون بعيشتك راضي
ولا .. تفارق .. الثنتين

[القارظ العنزي]

حكمك قاسي وانت القاضي
ما خفت الله بنا .... يا شين
انت المشغول وانا . الفاضي
يا شين قلي وين ... الثنتين
وحدة منهن من .... الماضي
وحدة ردت ما به ..... اهلين
خذ اغراضك مع .. اغراضي
ويالله مشينا نويت . الصين
نبي برق بهم .......... ناضي
خد يبرق مع ........ العينين
خدودهن بيض .. واعراضي
وعيونهن تشبه ...... الشقين
يا نجم شكلك لنا .... فاضي
وزودت همي لنا ...... بهمين

[السامي]

صح منطوقكم ياشعرائنا المبدعين
فالكم التوفيق جميع
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك

[القارظ العنزي]

هلا بك عاشق الشعر من جديد رضاكم راس المال يالغالي لاعدمتك .