((وجهة نظر يا حبكم للمشاريه))

[القارظ العنزي]

الله من قلب تصارع ........ خوافيه
مادري علام القلب مادري .... علاما
قلبي يحب الخير والخير .....طاريه
مير الاوادم مشتهين ....... الخصاما
وجهة نظر يا حبكم ........ للمشاريه
متى توفون وتتركون ........ الملاما
صحصح معي ثم اترك اللوم يا هيه
كثر الملامة ما تعيد ......... الحطاما
لو صابك اللي صابني قلت ... ما بيه
تسهر عيونك ما تذوق ......... المناما
تسهر كما يسهر مع الليل ....... راعيه
اللي غدن به مبهمات .......... الغراما
وتعول عويل الذيب جوعه سطا فيه
افخت عشاه وحظبوا به ...... اشماما
وتنوح بصوت الورق يزعج ... مغانيه
تنوح بنوحه راعبي ............ الحماما
انا اللي شلت الهم والجرح .... مخفيه
والا انت وش عندك يا غير .... الكلاما
وش عرفك للحب وش عرفك ..... بيه
خلك على دنياك وانس .......... الهياما
الحب يبغى له قلوب ............. تراعيه
تسقي ازروعه لا يموت ........... بعلاما
والحب يبغى له اوادم ............ اتباريه
تحفظ هواه من البشر ما ........... تناما
والا تساقط الغلا وراح ............ مغليه
ولا ينفع المحموم كثر ........... الصياما

القارظ العنزي

[حنين اوغلو]

سلامتك من الهم والجروح
كلامم جدا جميل ورائع سلمت يمناك ..

صح لسانك ..
دمت بود :MonTaseR_137:

[القارظ العنزي]

الروعة في مرورك انين ، سلمك الله لاهانت يمينك يالغالية . اشكرك على لطفك وكريم احساسك .

[مسكك الغلا]

صح لسانك واعتلا شانك
ولاباس هذي الدنيا ومماشيها
في كل المجالات الشعرية
الهامك وشعرك جزل

يَـ ؏ـ'ــطْيّگ آلعّ'ــافُيــہ

[القارظ العنزي]

الله يعافيك مسك الغلا ولا تشوفين الباس يا رب ، هذه من حشرجات بالصدور لا بد من نفثها وبثها من حين لاخر ، والا يموت القلب كمدا وحزنا ، ويتبلد الاحساس ، وتفتقد النباهة ويستسلم الضمير لواقعه المر ، ثم ينعكس على سلوكيات الشخص ، مما يفقده القدرة على التعامل والتعايش والتفاعل مع المجتمع ، فلا بد اذن من النفثة الحزينة عافاك الله ورعاك .

[ماضي الماضي]

قلبي يحب الخير والخير .....طاريه
مير الاوادم مشتهين ....... الخصاما
وجهة نظر يا حبكم ........ للمشاريه
متى توفون وتتركون ........ الملاما


الله عليك يالقارظ


ماشاء الله تبارك الله



شاعر كبير

صح لسانك مليون ولا يكفوووون


تحياتي لك

[القارظ العنزي]

اه وويلاه من عم ظلوم ، ما عليك زود يا بو ماضي والله لا يهينك لقد اطربتنا وما قصرت في وقت انت بحاجة للراحة والونسة اكثر منا بالنسبة لظروفك مع الوالدة الله يشفيها يا رب ويسعدك بشوفها متعافية منورها بيتها . صحة انفاسك اخي ملايين الملايين الى ما لا نهاية تقديري واحترامي لاخلاقك السامية الكريمة .

[نجم ضاوي]

القارظ العنزي يا الله انك تعافيه
زود حنين القلب .. لوعه وغراما

كلامه المعسول ما اقدر اقاويه
يمر على قلبي . . برد وسلاما

محدا في الغلا .. عندي يساويه
هو عذب الروح . وعذب الكلاما

المعذره قافه . . متعب لقاريه
ينزل على قلبي كوبل الغماما

ما يجي منه . منقود ومشاريه
يا عساه سالم وعله في سلاما


صح لسانك وسلم بنانك ...
جزله من جزل ...
وخطاك الشر وان شاء الله يتحقق اللي في بالك ويرتاح خاطرك ...
بيض الله وجهك وفالك البيرق ...
والمعذره لتأخري عن الرد لم انتبه لقصيدتك ...

لا خلا ولا عدم ...

[القارظ العنزي]

القلب من دونك زادت .... بلاويه
الله يعزك يالصديق ........ الهماما
انت الصديق اللي تطربني معانيه
وكل الحلا فيها وكل ...... الطعاما
هات القوافي واللي مثلك انجاريه
منك انتعلم الشعر ....... والنظاما
وايضا انتعلم كيف عينه .. ونهديه
في وصفهن عندك علوم .. اجساما
ما باقي الا تاصف ردنه ... ورجليه
قل لي وش اللي باقي .. من علاما

[نجم ضاوي]

باقي الصدر والنهدين تزود محاليه
صار علي ولا بد . . اوصفهم لزاما

اشقى بها قلبي عسى الله يشقيه
لا اقبلت تمشي تقول . ظبيات لاما

واردافها يا خوك . . غصب تمشيه
وقدها المياس .. مرشوق القواما

لا شافها عابد في صومعه تغويه
يضيع قبلته حتى صلاته والصياما

يا ساكن الاردن ادعي له الله يخليه
ويجمع شملي مع . . بدر . التماما

يا الله يا عالم .. بالكون .. وخوافيه
اشفي مريض بقى من جسمه عظاما

[القارظ العنزي]

ابشر ابادعي الله يا رب .... يخفيه
ي مفسدين قلوب ناس ...... هياما
يا شين خاف الله عمري ... بتواليه
ما عاد انا ميزت صوم ...... وقياما
كنت احسب ان القلب يتبع كراسيه
اثر الكراسي منك صارت ... حطاما
يا فتنة الشيبان والرب .......تدعيه
وشلون يقبل مع صلاتك ... اصياما
انا خلاص ما عاد اكتب .... بخديه
وابد ما عاد اذكر ... شكل .. القواما
ولا عاد اذكر سيفه يسله ... وعينيه
ولا يطري بالبال شوق ....... الغراما
حرام والله ما عاد نمسك ... بنهديه
توبة ما دام شعرك هذا ....... حراما
ان طعتني خلك من حول ... رجليه
وعليك باقي ذاك برد ........ وسلاما

[السامي]

صح لسانك
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك

[القارظ العنزي]

هلا بك عاشق الشعر كله من لطفك وذوقك الراقي ما ننحرم من مرورك .