ولدي ياااربي

[مشكلتي]

السلام عليكم

اخباركم
مشكلتي عمر طفلي سنه ونص مايجينا ضيف او نطلع لناس الا ويعض الاطفال وصرت بسببه ما اقدر اطلع لأحد

واتفشل منه

والا اخر مرة جتنا اخت زوجي زايرتنا من الدمام واول ما ما جت الا ويعض بنتها عمرها سنتين ونص

وفوق ذا هو متسلط على اخوه الي اصغر منه عض وتمخش بيديها يعني اشك ان عندي حيوان مو ادمي (هههه)

والله يا بنات تعبت منه عصبت وضربت ولا فاد معه

قولولي وش الحل معه ساعدوني الله يوفقكم

[مسكك الغلا]

سنه ونص وتضربيه هذا وغيد بزر للحين مو عارف الصح من الغلط

لما يكبر بيتغير جيبي له عظاظه اشك انه معاه تسنين يعني اسنانه ع وجه طلوع

ان ماطلع بعضها وسوي له فروك تلاقينه العطار او شوفي حرمه موثوقه وخليها

تسويه اما انك تضربيه راح تعقدية وتكرهيه في نفسك وهو لسى ماكمل سنتين


عادي في اطفال يعضو ويمخشو بس يكبرو ويعرفو الصح من الغلط يبطلو

الله يهديك بس :reading:

[عاشق الحرية]

اشك ان عندي حيوان مو ادمي



الإبتعاد عن هذه المصطلحات تعتبر هي أول الخطوات...

معاملة طفلك وكأنه واعي ومدرك لتصرفاته... أي محاولة إيصال فكرة أن مآ يفعله خطأ... ومؤلم للأطفال.. بطريقة بسيطة

صرف انتباه الطفل عن الأنانية للأطفال ببعض الألعاب التي تناسب عمره وتفيد نمو أفكاره

تحية طيبة

[azOoOoOoz]

السلام عليكم
اختي انا ماني متزوج عمري 20 سنه
ولاكن

عندي عيال اخواني وخواتي
عندي تقريبا ماشاء الله عليهم
14 بزر بالبيت وكل ويك اند يجونا

والى اشوفه
كل كبير يتقوى ع الى اصغر منه
والكبير يغار من الصغير
ويضربه ويتعاداله
بس في النهايه شقاوة بزارين
يكبرون ويعقلون
وانتي تقولين تفشلت منه كلا يضرب وفشلك

ابد اختي تطمني فتره وتعدي
الطفل غيور
يبي امه له الحاله
يبس الدلع له الحاله
خصوصا اذا جابت امه غيره ع راسه يعني ..

اختي الضرب مايجيب نتيجه
دلعيه واعدلي بينه وبين اخوانه
هو يبي بس شويا عطف وحنان الام
وبيكبر وبيتغير وبيعقل وبتشوفينه ازين الناس بعيونك ..
اختي نصيحه لك طلعيه
خليه يشوف اليزارين ويلعب صدقيني بيتغير نفسيا وسلوكيا ..



اسف ع الاطاله
والله يصلح بزارينا
ويوفقهم .

[ომძlἶղ]

اكوي اصابعه بالملعقة

[مسكك الغلا]

اكوي اصابعه بالملعقة

ايشششششش عمره سنه ونص انتي عارفه ايش تقولي !!!!!!!

[azOoOoOoz]

اكوي اصابعه بالملعقة

ليش تكوى اصبعه
هو سايب ولا للقيته بشارع

هاذا ولدها
من صلبها
وش تقولين انتي

اسكتي الله يرحم والدينك
قولي خير او اسكتي رجاء

قالت اكوى اصبعه قالت
هو انسان ترا ومسلم وولدها بعد

حتي الكافر مايعذبوه كذا
الحمد لله وشكر بس

[A S M A A]

اكوي اصابعه بالملعقة

تتكلمين بجدية ؟؟
مجنونة اقسم لك انك مجنونة يبيلك اطباء او عطوها رقم شهار او معرف وش اسمه عنكم

تكوي اصابعه هالشي حتى بالكبير تعذييب وحراام ومستحيل انسان يقدر يسوييها او حتى يفكر
كيف وهو ابنها ولساتو بيبي :MonTaseR_203:
اسفة بس اتوقع ماعندك قلبي ياعيني روحي اتاكذي ممكن يكون حجر مكانه { هالشي اذا كنتي تتكلمي بجدية :نبض: :نبض:


‘‘

حبيبتي صاحبة الموضوع ترا عااااادي حتى انا اخوي الصغيور عمره سنة و 6 شهور ويعضنا الحل حاولي تفهمينه ترا حتى الصغار اول مايتعدوا سنة بيصيروا يفهموا 80 في المئة من كلامنا فسري له هالشي ممنوع بس ما تصارخيه ولا تضربيه بالمرة اذا ضربتيها مسنحيل يقلع عليها بالعكس و راح يكبر عصصبي و معققد اذا انتي تضربيه وهو عمره سنة ونص اذا كبر وش راح تسوي فيه ؟
ترا اسمتحمليه حبيبتي هو ابنك ولساتو صغيور مررررررة واكيد راح يغار يبيك لوحده :نبض: :نبض:


ع فكرة حتى انا من كنت صغيرة بيقولون لي كنت اعض كثييييييير عضيت الكل مافي حدا من البيت ماعضيته من الكبير للصغير حتى جدتي عضيتها لدرجة رجعوا لي اللهاية بصعوبة مشان اتهدن :harhar1:

يعني عادي الكل يمر بهالمرحلة بس اشتري له عضاضة وهيك
والله يخليه لك
بس ايه مانسمح لك تضربينه / لو كنتي اوروبية كنت رفعت شكوى ضدك للشرطة وحدة تضرب ابنها صغيور كنتي الحين راح تقعدي شهرين بالسجن و اذا كررتيها مرة اخرى راح ياخدي ابنك منك :MonTaseR_35:
احمدي ربك مانك فرنسية :x38::MonTaseR_35:

بس امزح ربي يسعدكم حبيبتي
اعتني بهم كثييييييييير ربي يخليهم لك ويصلحهم :نبض: :نبض:


-

[مرجانة]

و الله العيال صعبين كثير لما يكونون عنيدين

أنا عندي ولد من أولادي كان على طول يعض
اضربه بقفا أصابعي على فمه كل ما عض أخوانه أو أي طفل
إليما عقل

و زوجة أخوي لما اطفالها يعضون تحط بفمهم المر ، تعرفين المر ؟!

ما يستسيغون طعمه و خلاص عقلوا صاروا ما يعضون
و أخوي مع أطفاله شوية فلفل ههههههه

على فكرة الطفل لو استمر عالعض حتى لو كبر و صار يفهم راح يستمر بالعض
صعب تتركه يعض في الأطفال (( للي يقولون عادي ))

العض وحشية و أذى شديد ، سلوك عدواني جداً.. و ما حد يرضى يشوف طفله ينعض
ممكن يتضاربون عادي بس العض و الله شي يوجع

[' خآلدية الهوىَ]

العض والتخميش عند الطفل ماتتولد الا لما احد يعلمه
ويستمر فيها لين احد يبتسم له حاولي انك تراقبي طفلك اللي اكبر منه
لما يكونون مع ناس غرب هل اخوه يقول له عض هذا واضرب هذا
ولو لا حاولي تلهين الطفل بعضاضه وتنهرينه لما يعض من دون ضرب
لان شكل طفلك من النوع العنيد ربي يحفظه لك
,’

[غيرمهتم،،]

اكوي اصابعه بالملعقة

عجبتني تعالي اكوي اصابعك دامك تقولين كلام اكيد عاجبك

[غيرمهتم،،]

السلام عليكم

اخباركم
مشكلتي عمر طفلي سنه ونص مايجينا ضيف او نطلع لناس الا ويعض الاطفال وصرت بسببه ما اقدر اطلع لأحد

واتفشل منه

والا اخر مرة جتنا اخت زوجي زايرتنا من الدمام واول ما ما جت الا ويعض بنتها عمرها سنتين ونص

وفوق ذا هو متسلط على اخوه الي اصغر منه عض وتمخش بيديها يعني اشك ان عندي حيوان مو ادمي (هههه)

والله يا بنات تعبت منه عصبت وضربت ولا فاد معه

قولولي وش الحل معه ساعدوني الله يوفقكم

اذا تفشلين منه لا عاد تجيبي عيال ريحنا ثاني شي ي روح امك

انتي ام لازم تتحملي. علميه شوي شوي راح يروح كل هذا،
لا تاخذين نصيحه احد ضرب وكوي الاشياء سخيفه في مليون طريقه بعدين هذا طفل توه

[لحن الحياة]

القسوة لن تنفع معه خصوصاً بهذا العمر
قد يأخذ من تصرفاتك القاسية وتنطبع لديه حتى يكبر ويصبح اكثر عداوة

العقوبات في هذا العمر تكون بسيطة مناسبه لسنه
مثلاً في البداية لا تبدأي بالعقاب خذيه على جنب وقولي له
اذا اليوم ما عضيت احد وما ضربت احد راح اجيب لك هديه و وريه الهديه قولي له
راح اخبيها لك لنهاية اليوم ان شفتك مؤدب بأعطيك اياها

لا تصرخي بوجه طفلك ابداً
لا تضربيه ابداً لان ذلك سيؤثر فيه سلباً حتى يكبر
بل على العكس خذيه بكل طيبه وهدوء وحنان وان اخطأ كوني اكثر هدوء معه
واتبعي معه اسلوب ان اخطأت فعقابك اني لن اتحدث معك وسأهملك لفترة

[إحساس طفله]

سنه ونص وتضريه حرام عليك ..
حبيبتي .. انا بعـآئلتي الصلاة ع النبي كل طفل له مهنه

اللى يعض واللى يشد الشعر و....آلخ ..

والله عندنا واحد كل الشقــآوهه اللى ب العالم فيه دحين ماشاءالله عمره تقريباً 5 سنوات تشوفيه ماتقولي هو اللى زمان امو طلع الشعر الابيض براسها ..
اصبري تحملي .
اخرجي لا تحرميه من الطلعه كِذا بيتوحش زياده خليه يطلع اللى بقلبه :icon15:
اوجلسيه جنبك قولي له عيب
ابعديه عن افلام الكارتون و قناة طيور الجنه ترا لها يد ب الموضوع ..
بنت بنت خالي صغيره عمرها تقريبا 4 اشهر من صغرها ع قناة طيور بيبي البنت صارت عصبيه درجه اولى ..
الله يهديه لك

[أسير الود]

ههههههه
نفس بنتي بالضبط ونفس العمر كمان
لكن الان قلت عدائيتها شوي
السبب انشغالك عنه ومايلقى احد يلعب معاه
اشتري له العاب كثير فرغي طاقته بالجري والقفز
واشغليه عشان مايشغلك
الله يحفظه لك

[المنفلوطي]

بنفسك ذكرتي انه طفل بل عمره سنة ونصف !

لاتشرهين عليه فهو طفل

فهذه سلوكيات لها طرقها فحاولي أن تبحثي وتقرئي عن طرق معالجتها ومن تلك المعالجات هو التوجيه مع التحفيز مع رصد جوائز ومكافأت في حال عدم تكرارها كمثل العض والتمخيش

فهذا طفل والضرب سوف يجعله عنيدا وعدوانيا اكثر

ومن يشره أو يغضب من بعض أفعال الأطفال اتجاه أطفالهم فعقولهم أطفال !

وهذا مع احترامي للطفل

وشكرا

[مطر الفجر]

عليكم السلام
كوني على ثقه ان الطفل ابو سنة يفهم ماتقولينه له
ركزي واشيري على فمك واسنانك وعلى فمه واسنانه
مع نبره حاده بان لا يعض الاطفال
كل ماعليك هو النزول الى مستواه لتتفاهمي معه

جعله الله قرة عين لك ويحفظه من كل سوء
تحيتي

[شَتاتْ.]

عصبت وضربت؟؟؟
ابداً هذا مب من ضمن الحلول حتى
بالعكس عصبتي عليه وضربتيه مره مرتين خلاص بيتعود وماعاد بيهابك حتى
الاطفال محتاجين اللطف بالاسلوب والكلام الحلو
انا اشوف انه افضل حل انك تحرمينه من شيء يحبه او تكافئينه بشيء يحبه
يعني خبريه اذا بهالطلعه صار مؤدب وما اذى احد بتجيبينله شيء يحبه
واذا تليقف وشفتيه يعضض احرميه من اكثر شيء هو يحبه او احرميه من طلعه
عاقبيه باشياء زي كذا مش بالضرب
ابعدو عن الاساليب ذي ما اشوف انها مفيده ابداً

[السهم الأخير]

راح يتوقف عن العض بعد سنتين كلهم كذا على ما أظن .

بنت أخوي عمرها الحين سنتين ونص

دباسه ما شاء الله ما يمر طير ولا إنس ولا جني إلا عضت يدينه وظهره وأحيانا ترميك بالكوب وأحيانا تضرب وتبكي تقول فلانه عضتني وهي اللي عضت .

الحل كان ناجح معها لما أشوفها ألمس خشمها وأسوي لها حركة هرن السياره (بييييييييييب بيب )

الحين ما يجينا أحد إلا وفحصت خشمه وتبوس الناس وما تعض .


وولد أختي الحين ست سنوات لما كان فعمر السنتين كان يعض فجت أختي وحطت له مر عربي (مثل الصبار) في فمه ولما زاع ما عد عض حد وكانت تهدده لو عضيت حد أحط مر في فمك وتاب توبة نصوحا هههه

خليهم يا حليلهم ترا لما يوصل 4 سنوات يهدأ


الله يوفقكم