اوصف حالتك بأبيات من الشعر(( تجديد ))

[الوسم]

الهون ما يرضى به إلا هل الهون

ولا مشت للهوننفسي رفيعة

لو قيل مشيها على ما يقولون

عيَّيت ما أطاوع لنفسي هزيعة

صعبٍ عليّ ألين في ساعة الهون

وفي غيرها نفسي مزوح ومطيعة

[رِقة أُنثى]

:



‏شخصٍ على الزلات دايم مماشيه
‏تجنبه لابد يـ لحقك شره
‏.
‏وشخصٍ على العدلات دايم مباديه
‏حطه خوي الجنب لله دره

[دُرة]

.

‏التبلّد في نبرة طلال يوم قال ؛
‏" لاتحاول اني ابكي ، انتهى عُمر الدموع "!

[الوعد القاطع]

http://www12.0zz0.com/2017/02/26/23/839334894.png
:
/
|

[شموخ أنثى]

قانع من الدنيا مثل منت شايف
لو هي تجي وتقول طب وتخيّر
-
ما فيه حاجه تستحق الحسايف
غير الرفيق الطيب إليـا .. تغيّر !

[الوعد القاطع]

عيني بتشكي للجفن وأجفاني تشكي للسبل
أشكي على نفسي ونفسي تشتكيني للشعور
:
/
|

[الوسم]

أحد يقدم لك المعروض غالي
و أحد يقدم قريض و بسكويت
ناس تقهويك من صفر الدلالي
و أحدٍ ليا جاك* مضمونه تقهويت
و الطيب يبقى مع طول الليالي
و الشين منبوذ لاسمعة ولا صيت

الربيع

[الوسم]

كل شهر وكل يوم وكل ليل

ما نشوفك فيه يا الغالي سنة

وكل ما قالوا وجدنا لك بديل

قلت عدوها ولا هي ممكنة

لوا مشيتوا سكة الخط الطويل

ما وجدتوا من محاسنها احسنه

الربيع

[شموخ أنثى]

‏كل ماسجيت والخاطر حزين
شفت زولك قدم عيني جالها
-
ليتني ماذقت لذات الحنين
لأن قلبـي حالته .. يرثالها !

[الوسم]

نوري يا نجمة الليل في ظلمى سماي
نورك اللي في عيوني مشيته لا يغيب
ساعتين باللقاء لو بعدها باي باي
ليتها تجمع بنا مع بعضنا يا الحبيب

الربيع

[الوسم]

صباح المحبة والغلاء والبشور الزين
نجمع لك أنواع السعادة ونهديها
لأنك ملكت من السعادة حوار العين
و لو تطلع بنور القمر بان خافيها

الربيع

[إحاسيس]

لشوق حزه في قلوب العشاشيق
ولضيق باب ماله قفل مزلاج
أحيان أحس اني غير المخاليق
وأحيان المخاليق تحتاج هراج
يالله يأرب تكفيني شر المطافيق
اللي لهم في كل ساعة مخراج
ربع السعه مالهم نوايا وتوافيق
اقصى طموحهم شوشره وازعاج

[الوسم]

صرت أحبك حب من دون استخارة
ثابت لك في ربوع القلب خيرة
ما نفكر في المصالح و التجارة
أنت تسوى من ربوع الأرض ديرة
يا مسوي في عيوني لك نظارة
أنت نبض القلب و أغلى من يديره

[شموخ أنثى]

‏من زود ماهو نادر بالتّواصيف
يشبه جمال الفجر لا صافح النّور💭❤

[الوسم]

الطيب فلة من هل الطيب فلّة
والمدح فاله يوم لا حت بروقه
على بساط الريح والصوت شلة
والليل مطرب والمشاعر تسوقه
والنور قمرا والسحابة مَظَلّة
والمبخر الحامي مع العود فوقة

الربيع

[ذو مبدأ]

جربت في الدنيا وشفت الكثيرين
وأشوف هذا الوقت مافيه حيله

الناس ما ترضى ولو تسكن العين
وصعبة تحقق حاجة مستحيله

[الوسم]

ألا وين أنت يا ألي شوفتك مناك ترضيني
أبي شوفك و لو من بينا شارع وسيارات
ليا شفت السعد في نظرتك يا زين يكفيني
أحس أني أمام أطقم عقود فوقها شمعات

الربيع

[الوعد القاطع]

من تكبر ع البشر،،،، رأسه نزل
والتواضع من شيم طبع الأصيل
:
/
|

[الوسم]

ما علي لو طالت الغيبة بغايب
دام يوجد في كيانه لي محل
وما علي لو جيتكم والنجم غايب
أنشد الجوزاء ويطلع لي زحل

الربيع

[رِقة أُنثى]

:


طير من خاطـري : ان كان تقدر تطير
لا انت راعي غرام ولا انت راعي هـوى
،
واجد اللي يحبون ، بشعور وضمير
وانت من طاري الثنتين ،، مالك لوى



/

[إمبراطورة البحر]

الصدق موجع لكن الحق ينقال
حملتني بالصد ما لا أطيقه


يامكثرك غيبة ، وياقلك وصال
وياقربك بحلمي ، وبعدك حقيقه

[نـجـم]

عهدن قطعته على اول ماتقابلنا
فا المنتدى الي عن الزلات مصيوني

مديت كــــف الغلا وانته تعاتبنا
تسمع كلام الوشاه الي يحسدوني

صدقت فينا كلام الـــــــي يفرقنا
الي على افراقنا با الشين يسعوني

[الوعد القاطع]

رشفت من حبك ومـن كف يـمناك
شربت حبك لين صرتي،،، سكاري

أتبع خيـالك وأحتري يــوم لقياك
صابر على الفرقا،،،، زاد انتـظاري
:
/
|

[الفاقد]

اخذو الثار من خلن بوصه شحيح
حسبي الله عليه القتل عنده مباح
لوبكافح جروحي مايريد الكفاح
شوفو من سبته لاجيت ابقوم اطيح
ذيك سبت وفاتي بالكلام الصحيح
الله أقوى على اللي راح ماراد راح

[الوسم]

أعيش بالفرحة شعور وأحاسيس
وتكمل الفرحة بشوفك و لقياك
نسبة غلاك تزيد فوق المقاييس
عند الذي مع غالي الروح ساواك

الربيع

[شموخ أنثى]

احتري طلتك مثل .! لهفة مطر ...
في سماء هالكون كلٍ
يحتريه ..:نبض:

[الفاقد]

الله يبيحك سو بي ماتريده
لامحرجك با إديه ولاطالب الثار

[الوسم]

إذهبي يا أحزان قلبي والهموم
ما لك بقلبي مجال ولا طريق
خلي اطيور الفرح فوقي تحوم
وارسمي لي بالفرح شكلٍ أنيق

الربيع

[الفاقد]

ارحلي ي شقى الحب ارحلي
ارحلي ماعاد لك بقلبي مكان
من اول اغليك غلاة أهلي
واليوم والله غدرك بي بان
نفترق احسن لنا والخاطر خلي
ولانعيش حب معقد ي حنان

[الوسم]

يتكلم الساني ويخلف مرادي
و أعاتبه ليش انفعلت وتحاكيت؟
أحيان مع صوتي دليل و مبادي
وأحيان يا فتشت قولي تعزويت!

الربيع

[ذو مبدأ]

ياوجودي وجد مقطوع النصيب
الي وقف مرعوب زابن زاويه

ان طلع قدام فوق الضلع ذيب
وان رجع للخلف طاح بهاويه

[شموخ أنثى]

‏

انا وين اسج وكل ما مرّني طاريه
تتاوق معاليق الخفوق وتباشر به .

[أحلام منسية]

عش السعاده دون تخبر بها حدّ
(( الناس تفسد كل حاجه جميله ))

[الوسم]

أنت ضي الشمعة أللي تشع من الزناد
وأنت قد الكلمة أللي تخفيها الصدور
في جبينك باقة الورد والعطر الزباد
وفي بحورك ياحياتي عبرت أجمل سطور
يمك الشوق انحنى يوم حبك فيه ساد
والسرورإن غبت عني معك غاب السرور
من سرى في ليلة البدر ما خاف السواد
ومن رقا في قمة المجد نوره زاد نور
يمك أحلامي سرتبي على خد الوساد
وناولتني عند بابك مفااااااااتيح العبور

الربيع

[الوسم]

مسافر والسفر عيا يسلي قلبي المشتاق
ربيع القلب مع طول المسافة شوف غاليها

[أحلام منسية]

عذراً على .. حلمي وصدقي وحبي /
وشكراً على دمعي مع وافر الصمت ،
لو كنت اعرف الوقت وش هو مخبي /
ما كان .. حبّيت وصدقت وتحلمت !!

[_ترف]

.


اقسى المواقف...
علاقة سنين.....تنتهي بلحظة!

[الوسم]

عشقت الليل و المسرى
و أنا عايش مع الذكرى
و بدون البدر و القمرى
تراني ما عشقت الليل

مساء الخير يا نوري
و يا أنسي ودكتور ي
تعال وشغل البوري
وعطني بصمة التحويل

الربيع

[الوسم]

الليل هذا يبي جلسة و دلة
فيها مع البن هيل وزعفراني
الجو فلة ومن في الجو فلة
ساعة فرح والخوي نور المكاني

الربيع

[نـجـم]

ياللي تغرك ضحكتي بعض الأوقات ..
أحيان بعض الضحك معناه موتي
أوقات تلقاني أحاكيك ب سكات ..
يوم الكلام يموت داخل سكوتي
يوم الحناجر تحتضر فيها الآهات ..
واعجز عن الشكوى ولو طال صوتي

[أحلام منسية]

ياعــزة النفس لاهنتـي ولاملتــي
لو كان بعض الاوادم بان تقصيره
انا مع الناس عارف ويش مشكلتي
عطيت بعــض الاوادم فوق تقديره

[الوسم]

احمليني ياعزومي و سوي لي جناح
و الجناح يطيربي يم ساحات الهنا
شكلي قوس المطر في عيون الإرتياح
يبتدئ عنده هنا وينتهي قربي هنا

الربيع

[شموخ أنثى]

‏ادري بك تبوح دايم بس تكتمني
وتعيشني داخل احساسك وكتمانك
ٰ
حتـى بـ صمتك احس انك تكلمني
وتقول لي شـي ما يقدر له لسانـك

[رِقة أُنثى]

:


ابشرك قلبي على ما انت خابر
يحبك ، و يعشق لقاك و طواريك !

قلبي كبير ، ولكن احيان يكابر
يقول ما احبك . وهو ميتٍ فيك :رحيق: .

[إمبراطورة البحر]

كلامك اجمل من سكوتك اذا طال
اسمعك بأحساسي ويضحك خفوقي

شفت المطر لا بلل وجيه الأطفال
يشبهك لا بلل كلامك عروقي

[الوسم]

ها العبارة قلتها

مليون مرة

اسمعيها بالهداوة

وافهميها

زايدٍ حبك

عدد نجم المجرة

احسبيها ان قدرتي

تحسبيها

من رضى يرضى

على عز و مسره

وأهل الزعل

تركع لربي

ويهديها


الربيع

[رِقة أُنثى]

_


















انت حاجه ماتعوّض بِ ألف حاجه
وانت شيٍ ودي احبه لحالي ، والله
اني اعشقك قبل انتواجه ، انت من
كنت اتمنّاه بِ خيالي :نبض: .

[إمبراطورة البحر]

يارب غفرانك لعبدك اذا زل
ياذا الغفور برحمتك وبجلالك

واجعله في يوم القيامه تحت ظل
في يوم مابه ظل الا ظلالك

[رِقة أُنثى]

‏

_










فـ آنتظارك .. يبتسم وجه الأماكن
كيف أجل لاعانق الليلة حضـورك

صآحبك واقف ومتماسك ولكن :
يفقد شعوره ليا مرّت .. عطورك :نبض:

[الوسم]

في بحر نظم القوافي يا سعود

زانت أبيات الشعر و العيد عاد

فاح ريح المسك من باقة ورود

عطرت بحر اللقاء والكيف زاد


الربيع

[الوسم]

إن تحداك الزمن لا تقول إني شرير

ربما ترجع لك أيام عزك والحبور

وإن تعدوى لك زمانك وطنشك الشوير

فأضحك وقل ياهلا أو تظاهر بالسرور


الربيع

[الوسم]

عودعلي يا مقضي الوقت غيبات
يمنى الكرم تبقى لأهلها غنيّة
لك في نواحي مزهر الروض وردات
بعد البطاء ذبّل ورقها ضميّة
ذبّل زهرها والغصن حي ما مات
وزود ضماها شمس من دون فيّة

الربيع

[ذو مبدأ]

طلــعة ربيــع وخـــوة مــع نشاما
ابرك من الديره و بعـــض المسايير

[الوسم]

يا نجد يا مزين ربوعك وطاريك

أشتاق لك يا نجد والله يشهد

أعشق رمالك حيل وأهوى صحاريك

و أتنفس أنسامك مع ريحة الند

الربيع

[ذو مبدأ]

وش فيك يالقصيم علامك حزينه
علام جوك يابعد روحي غبار

من زعلك ؟ من كدرك ؟ ياثمينه
وأنتي عيونك غيم ودموعك أمطار

يارب ترزقنا من الخير ديمه
تجلي بها الغبرات وتزيل الأضرار

[الفاقد]

[يآهيهـ]
أسمع ! يآهيهـ أفهم (ڪڷآمي) ڷآ تقآطعني
ترى اڷرجّآڷ [ ډمعآتهـ ] تسآۈي! ڷۈيـة (ذرآعهـ)



ۈ أنآ عن بعض اڷاشيآء .. [عزتي] ۈاڷڷه تمنعني
مع أن( نفسي ) .. عڷى حبڪ قسم باڷڷه [منصآعهـ]

[شموخ أنثى]

‏مالي سواك ولا بعد حد يسواك
أغليك عن هذا وعن ذاك أبديك
فكري وقلبي وناظرالعين يفداك
وابيع من يزعلك لرضاك واشريك

[رِقة أُنثى]

:


لو ماخسرنا .. ماعرفنا التجارب
ولو ماتسامحنا نعيش العمر همّ

من قالك .. ان الاقارب عقارب
قله .. ترى سيف الملاقا ولد عمّ

[الوسم]

البارحة موكب قدومك تمشيت
و أخذني الموكب بوجهة طريقه
واليوم أشوفك عن عيوني تخفيت
وغاب الفريق ألي يشجع فريقه

الربيع

[أحلام منسية]

بين النحاس وبين أحجار اﻷلـماس
فرق مثل فرق النفوس لبعضها
ناس تسرك ساعة الضيق والبأس
وناس مـريضه تبتليك بمرضها

[الاسطوري]

لو كانت يدين الليالـي كريـمہ
ماماتت قلوب الاماني مـن الجـوع

ولـو كــﺂن مــﺂبـہ . . ذكريـات قديمـہ
ماكـان عاش بهـالزمن شخص موجوع

[الوسم]

جيت الصباح أسأل عن الي تغيب
أمس حضوره فن واليوم غايب
يا طاير الصبح ما شفت الحبيب
ألي حضوره في صباحي عجايب

الربيع

[الوسم]

أشرقت شمس الصباح بعز يومه
يوم غنت مع عصافيره حمامه
و الفراش و منظر الورد و علومه
و العبير ألي تمشى في خيامه
بكل حلمٍ و نّسه في وقت نومه
المشاهد قام و يفسر أحلامه

الربيع

[رِقة أُنثى]

:



خل لك مزاجٍ رايقٍ ما يهزه شي
وكبدٍ من الأيام ماهيب محسوسه

هنيّه هنيّه من لقى في حياته ذي
يدنق ع كف التوافيق ويبوسه

[الوسم]

ياغصون(ن) تمايل بالورود
في مساها تعطّر والصباح
عطري باللقاء كل الوفود
من حضر شوق والنية براح
طمنيهم ترى الفرحة تعود
لو تلاشت مع أدراج الرياح

الربيع

[الوسم]

يوم سير بطيفك في سمانا المنام
مرحبا بالمسير والقمر والنجوم
شفت طلعة هلالك بعد فترة صيام
وأفطر الصايم ألي له ثلاثين يوم

[الوسم]

انتظرتك وأنت في عيني سحاب
قرب عيني والمسافة تبعدك
في الخيال تمرني مع كل باب
الحقيقة عن عيوني ما أبعدك

الوسم

[الفاقد]

يـا ليتنـي أصبـح عـلـى النـعـش محـمـول
يـمـكـن سـهــوم الـمــوت تـشـفــي اغـتـرابــي
وارتــاح مــن قــول البـشـر لــي يـــا حـــول
دام الـــرحـــيــــل الـــــمـــــر غـــــلـــــف كـــتــــابــــي

[رسـيل]

‏••


ماتشدني حاجات فـ ايدين الجميع
‏انا ميولي لـ اشياء .. ماتشدّ احد !

[الوسم]

إن شكيت الحال وإلاما شكيت
ما يجيك ألي تبي في كل حال
يرتفع سوق الذهب ما قلت ليت
والقناعة راس مالي والحلال

الوسم

[شموخ أنثى]

‏يسعد مساء ناس علينا عزيزين
قبل اللسان القلب ساق التحيه
مكانهم عندي على الرأس والعين
واحبهم في الله ومن طيب نيه

[عابرون]

بس تدري يا أناني؟

هالجروح أكثر هديه

بس بينت لي شخص ثاني

يا قسى قلبه عليه :3:

[رويدا محمد]

عن اخباري ؟ حبيب العمْر لا تسال
( احبك ) هي ترى اول وآخر اخباري

[الوسم]

اشتقتلك في ساعة ما معي غير
طيفك يغيب اشوي و يعود بمي
وهواجس (ن) تقبل و تقفي مغاوير
و حب (ن)تجول مع شرايين دمي


الوسم

[الوعد القاطع]

أحبك من هنـا لآخر نفس وآخـر النبضات
أحبك لعنبـو هـلحب يـاشـينه ،وحـراااتـه
:
/
|

[الوسم]

الله مع طولة غيابك يحييك
ويحيي الي في حلا النوم جابك
شيك الرصيد ألي تخطه بأياديك
حول ملايين الغلا في حسابك

الوسم

[سافانا]

ابشري ياعين بفراق الارق

هلي دموع الفرح من دون خوف

اجتمعنا والحزن منا فرق

ولاني مصدق عيوني وش تشوف

[الوسم]

مع نسيم الليل في أول بكوره
والوفاء الورد وغصون الأماني
والعبير يهب في ريحة بخوره
والنفس يشموم والصدر أقحواني
كم تمنيته يجيني في سروره
بالقدم يمشي ويجلس في مكاني

الوسم

[شموخ أنثى]

‏ودي بقربك لاضاق صدري احكيك
عن اللي بداخلي وبين إيدينك علاجه
.
دايـم مع النسناس صوتي يناديك
كني سـجين ينـــتظر يوم " فارجه

[الوسم]

الطيب حولك يحوم ومنبعه ذاتك
يابعث الطيب والنية إلاهـيّة
الك التحية تزورك كل ساعاتك
وتبشرك بالفرح باقات وردية


الوسم

[الوسم]

قلي صباح الخير وأقول مشكور
منك صباح الخير عندي ثمينة
لاتبخل بصوت الوفاء والسماء نور
صوت القرابة و الوجيه الحسينة
شوف السحاب أقبل على الروض مسرور
يضحك رضابه و المطر في سكينة

الوسم

[الوسم]

اسلم وسلم و استلم لك سالة
فيها الوداع ورخصتك والمعاذير
إما حصل شوفتك في حُسن حالة
في دارنا لخرى نشوفك على خير

الوسم

[شموخ أنثى]

‏من عيـونك ينهمّـر بيت القصيد
ومن حلاتك يبتدي احلى مســآ💜

[الوسم]

طير الطيور وطيرك ألي وقع ما طار
يشيل المحبة مثل يوم أنت خابرها
لك الله قدر ك ما نقص مــ الغلاء معيار
أحافظ على حجم المحبة و أكبرها

الوسم

[ذو مبدأ]

بشروني يابدو عن جرتين
في عيوني لها شوق وغلا

جرة السيل في جوف البطين
وجرة الصيد في قفرٍ خلا

[زياد الشمري]

‏
‏مع هجعة الممسين لا قفـو السارين
‏همومي تلاعج في دجا الليل بارقه
‏
‏

[oiivi]

‏
‏اشتاق لك واوله .. عليك
‏ودموع عيّني .. ترتجي ؟
‏
‏تعال انـا ما اقدر اجيّك
‏انا : وعدتك ... ما اجي .

[الوسم]

تنفس يا فضاءصدري من أنسام الزهورالبيض

وعبر بالشعر ساعات عن طيفي ومظمونه

ما دام إن المساء تلعب له الورده بوسط الفيض

تعطر له نسيمه والشفق يغلب على لونه

الوسم

[أنوآر]

مَا تُعَوِّضُنِي دُمُوعِكْ .. عَنْ صُدُوْدِكَ .. وَالْجُحُوْدِ..
لَيْتَنِيْ مَا قُلْتُ أُحِبُّكَ .. لَيْتَنِيْ لَكَ.. مَاحَكِيْتْ !

[رِقة أُنثى]

:



وعلمتنا سلم الاصحاب وسلوم العـدا
وعلمتنا غاية الناس مـن منطوقهـا


النوايا الباطله حـظ اهلهـا ماعـدا
والنوايـا الطيبـه طيبـات وفوقهـا

[الوسم]

العمري يمضي دقايق والأمال تعيش فوق
كلما عدت مناهج يبتدي درس(ن) جديد
ولو تمنينا نخاوي من خيار الناس ذوق
يعترض سكة أملنا في البحر موج ٍعنيد

الوسم

[زياد الشمري]

وماذقتُ بنت الكرم في ميعة الصبا
ولكنني من مبسم الخود اشربُ

[السامي]

مهما تباعدنا ترى الود موجــــــود ..
ما ينزعه من خافقي أي طـَــــــاري..

فى عيني اليمنى لك الشوق ممدود..
و فى عيني اليسرى وجودك إجـباري..

[الفاقد]

عن الخطا محدن معصوم لا هنت
واكبر خطاي اني غلطت وهويتك
خادعتني بالحب حتى تمكنت
من راسي قلب في حنانه حويتك
ابعد دخيلك وش بقاعد بماخنت
كود الفراق ودمعتي ماطريتك

[الوسم]

‏أشتقت لك يلي على البال مريت
وجلست أفكر فيك من غير لدري
حاولت أسلي خاطري عنك وأزريت
قلبي معك مشغول لو قلت مدري

[الوسم]

‏ماخلقنا اللہ نداري في بشرها
ومـا تـربينــا نبـادلـهـا الـمــلامه
من بغانا يـاخذ العيـن ونظرها
ومن ..،جفانا رافقتة الســلاامه

[زياد الشمري]

أخذت بالدنيا تجاريب ودروس
عرفت فيها صاحبي من عدوي




لا صرت طيب وما عندك فلوس
ما ينحسب لك طيب مهما تسوي

[الفاقد]

تدريَ وش اللي من غيآبكَ تعلمت
(إن القدر لآ صآر مآ أحدٍ يرده)

و تدريَ وش اللي حدنيْ مآتكلمت
شموخ قلبٍ مآخلقَ من يهده !

[دُرة]

‏يتني مثل الشمس متبادي يا شفى روحي من العله
:رحيق::نبض:

[زياد الشمري]

تعال / عطني همومك و التحف همي
واشرب جنون الغلا واترك لي الباقي