((وش فيك يا ضاوي علينا توخرت))

[القارظ العنزي]

وش فيك يا ضاوي علينا ...... توخرت
والعادة انك باول الخيل ....... يا ذيب
انت الذي دايم على الطيب ... جاهرت
وانت الوليدة وافي الطيب .... يالذيب
من عادتك كانك توضيت ......... كبرت
ووجهت وجهك تطلبه عالم ..... الغيب
ربك عليم بحالنا وكان ............ كفرت
يرحم ضعيف الخلق ويستر على العيب
يا صاحبي عجل والا تهت ...... وانهرت
دامي وحيد وما لي غيرك ...... معازيب
افرح اليامريت بقولي ........... وعطرت
وعلقت بقافك على قافي ....... بتعقيب
كن الساعدة ملكي وان جيت . وامطرت
زين القوافي يا عشيري .......... بترتيب

القارظ العنزي

[السامي]

دام نبض قلوبكم واحساسكم يالقارظ ويالنجم الضاوي
دائماً استمتع بمحاوراتكم
اسأل الله ان يديم رفقتكم واخوتكم
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تحيتي لك

[القارظ العنزي]

دام وجودك سيدي عاشق الشعر ، ودامك بالوجود نحن بالوجود ، ما ننحرم من مرورك وطلتك البهية لاهنت .

[NORAH]

تمطرنا بأحساسك الراقي
ليعانق ارواحنا بشذا عطر حرفك الساحر
صح لسانك وعلا شانك
ولا حرمنا ابداعك

[القارظ العنزي]

الياخاب ظني في بشر ما خاب في نورة
اسرع من غيث للمطر وان جاك ممطوره
الخير في جيزان وبالطيب ...... مخبورة
ويشهد بقولي ضاوي وادمي ..... منثورة

هلا بك يا نورة تحية لاخت الشهيد باذن الله ، لك التحية ونحن وقوف ولسنا جلوس لاهنت ي على المرور وحسن التقييم ولطف الاحساس .

[نجم ضاوي]

ما ينفع العذر ليا جيت وتعذرت
دام الامل في . . يا خوك خاب

لو اعطيتني فرصه .. لك بررت
كان طيبت خاطرك وخاطري طاب

حكمت علي وفي العجل قررت
ليتك سألت عن غيابي والاسباب

وليش انا بس في ردي تأخرت
وعذري وصلك يا كامل الالباب

عيبي اني مجيت سرعه وبكرت
وانا رسلت العذر على الواتساب

[القارظ العنزي]

وش فيك سطرت القاف بيه ثم ابحرت
ولا قصدتك يا حبيبي .......... بالاسباب
ادري بعذرك يوم جيت ......... وتعذرت
انما نورة عجلت والفكر .............. جاب
وانا مدحت اهلك وربعك ......... وكررت
وذكرت نورة بينكم يا ذيب ........ الغاب
هي نابت عن جيزان وعنك .... واحترت
وشلون ابترك ردها والنجم .......... غاب
والا فلا غيرك من الناس .......... سايرت
انت تدري باللي بخاطري فيك .. يا شاب

[مسكك الغلا]

ماشاء الله تبارك الله

ادام الله صداقتكم

لا اعلم اثني على من

صح لسان الجميع

القارظ والضاوي

شاعران مبدعان

يعطيكم العافيه

ابياتكم جزله

[القارظ العنزي]

الشكر كل الشكر لك سيدتي المبجلة / مسك الغلا على تفاعلك ومرورك وتعطير صفحتي ، ولا تثريب عليك ، فانا وضاوي عينان في راس .

[نجم ضاوي]

توني من هموم ..... فكري تحررت
والبنت نوره .... من اعرق الانساب

جازان من راكه قطفت .... وتعطرت
رعيت في سهله .... مع جملة احباب

اليوم انا نويت ... من راسي وقررت
امدحك يا نوره ..... وانا كلي اعجاب

افخر بمثلك والقصيد لك ...... مررت
يا اخت الرجل اللي على الحد انصاب

يا اخو نوره .... بويش امدحك احترت
عساك في الجنه . بليا حساب وعقاب

[Sky]

يقول الله عز وجل*(وَالشُّعَرَاء يَتَّبِعُهُمُ الْغَاوُونَ* أَلَمْ تَرَ أَنَّهُمْ فِي كُلِّ وَادٍ يَهِيمُونَ* وَأَنَّهُمْ يَقُولُونَ مَا لَا يَفْعَلُونَ)

[القارظ العنزي]

يا حليلك يا اسكاي ؛ الايات نزل بها الوحي منذ 1438 سنة وانت توك تكتشف ذلك ، فقط عود الى تفسيرها حتى يتبين لك مالمقصود منها ، لا كما فهمت . وخصوصا اسباب النزول . الله يهديك .

[القارظ العنزي]

الحمد لله يوم ابت ........ وتحررت
والا نويت ذبحي يا نجم ... باعتاب
والحمد لله صار قصفك ..... وبررت
انك تحب جيزان وديار .... الاحباب
الله يشغلك اشغلتني يوم ... كشرت
ساعة قريت الرد تلبكت ...... بالباب
وفرحت يوم انك مع بالقاف صدرت
مدحك لنورة من صريحات الاقراب
اخت الشهيد الطيبة كان ...... قررت
اكتب لها بالقاف ما لذ ثم ....... طاب
حق علينا مدحها لو ............ تدبرت
دين وعفاف وطيب منسب بالانساب

[2000]

صح لسانك

[القارظ العنزي]

صح بدنك 2000

[NORAH]

الياخاب ظني في بشر ما خاب في نورة
اسرع من غيث للمطر وان جاك ممطوره
الخير في جيزان وبالطيب ...... مخبورة
ويشهد بقولي ضاوي وادمي ..... منثورة

هلا بك يا نورة تحية لاخت الشهيد باذن الله ، لك التحية ونحن وقوف ولسنا جلوس لاهنت ي على المرور وحسن التقييم ولطف الاحساس .


كان ودي اني شاعرة واكتب مجارة لكن هذا اهداء واقل شي
امام ابياتك الرائعه والجميلة


عيال وايل مابنا راس محقور * * * روس الرجال اهل الوجيه السفيره
عيال وايل عز من بات مقهور * * * يصبح بعــــز ٍ مايبــــــي عز غيره

[NORAH]

توني من هموم ..... فكري تحررت
والبنت نوره .... من اعرق الانساب

جازان من راكه قطفت .... وتعطرت
رعيت في سهله .... مع جملة احباب

اليوم انا نويت ... من راسي وقررت
امدحك يا نوره ..... وانا كلي اعجاب

افخر بمثلك والقصيد لك ...... مررت
يا اخت الرجل اللي على الحد انصاب

يا اخو نوره .... بويش امدحك احترت
عساك في الجنه . بليا حساب وعقاب

اسعد الله قلبك كما اسعدتني بهذي الابيات الجميلة
يا خوي وولد ديرتي
ليت الشعر يطاوعني بس
لكن في حظوركم تهرب الكلمات
وتنحني خجلاً واعجاباً

[القارظ العنزي]

كفو يا بنت للمناعير واصقور ........ فرسان وينطحون وجيه المغيرة
واحدودنا بايدينكم ما بها اقصور .. حميتوا الدار من والجيه الشريرة

لا تثريب عليك يا نورة فالشعر ليس بالضرورة ان يعكس خلجات الصدور ويظهر ما في القلب وتسلمين على الشعور الطيب احترامي