غياهيب

[غواص]

بِسْم الله الرحمن الرحيم

[غواص]

قولوله ماهمته دنيا الترف والجمال
معزول عن هوى البيض والا يبالي

مع الجوازي يشد ويرتحل بالجبال
عشقه بالهوى كل راس (ن) عالي

تكفين وجهي له النصوح يامنال
لايضيع عمره يطرد اللال خالي

عساه يعيش عمره مرتاح البال
ويلقا بالهوى واحد (ن) بدالي

غواص

[غواص]

تدري وشهي اللي جرحها ماكن .!
طعنة العدو من كفوف صاحب

وتدري اصدق من يفقدنا الاماكن .!
شف من الشوق وجهها شاحب

غواص

[غواص]

يابنت انا خافقي بالهوى عاص
وحش اليا كفخ نادم الليل والريح

اعشق الصعب بالمراقيب قناص
شوقي للجوازي والجبل والشيح

غواص

[غواص]

لي كلمتن لهدافها مبعد الجال
يصحى لها اللي بزمن ضامره ذرب

دربي وعلمي يفهمه جيد الخال
والا الردي ماله معي فطنه او درب

قطعت في بحر التجاريب ماطال
واللي تعافه نظرتي من الملا سرب

زمان المروه راح ياكريم السبال
نصف الوجيه النابيه عرفها ترب

روح مسار الناس في تبع الاحوال
لين الاشده رززت في ظهر جرب

غواص

[غواص]

كلن صيده على قدره وانا نايف
وبيوت العز تشيد بالرفاع

صيدي الوعول من روس النوايف
وصيدك الضبان من نفايل القاع

غواص

[غواص]

يا حبيبي والشعر اغراه الليل البهيم
وهدوء الامكنة وحكاوي عيونك

يجي كنه نسيم يدف رفيف الغيم
نشوه يمطر لامن لامس فتونك

الخد روض زهر عليه رش ديم
والشفق كنه متسلف حمرة لونك

والعنق عنق العصما قايدة الريم
باللي لحاليحها عسره مايصيدونك

بين ردف مترف وخصر نايشه ضيم
حكاية طاغي وفقير يسولفونك

كثر ماشربت عشقك ترانيم
روضة خفوقي ضاميه مزونك

غواص

[غواص]

تضرب من المرقوق وتفطر كليجه
ومن اللبن تشرب لها كم قرطوع

وبسم الله الرحمن شوف النتيجه
ردوف منفوخه مع نهد مرفوع

[غواص]

لو الليل يعرف حق المواجيب
مالفاني بليا صوتك يامروه

شوقي طفل من البرد له نحيب
وبحة صوتك الدافي الفروه

غواص

[غواص]

ياعلي وش حيلتي والقلب تولع
ف هوى من يزهى مريول الدراسه

توه غرير مملوح ومدلع
احمر شفايف واعيون نعاسه

لا لاح برق الثنايا القلب شلع
وضيع ثقيل الطبع الطاسه

احبه لو حبه فالراس صلع
واشرب دموعه واعشق انفاسه

غيره مابي لو شمع اصابعه ولع
واهدالي مع خفوقه مرهف احساسه

ياعلي تكفى اعذرني ف هواه امولع
جمر عشقه قلبي اللذي داسه

غواص

[غواص]

على طاري عيونك وترنيمة تنهادك
ايتمايل شوق ماغفى ولو غمضه

كيف اوصل شعوري لابعادك
واحساسي حافي وكبريائك رمضه

غواص

[غواص]

فقير مال لكن غني سعادات
واعايش الحزن على انه خرافه

كذا خّلقت اروم كل الصعيبات
اشقى واغامر شموخ وانافه

غواص

[غواص]

ياليتني ف حقيبة الزين اكتاب
تلامسني كفوفه وتقراني عيونه

سبحان مبدعه سالب لعقول الالباب
لو شيخ الفتوى شافه جر لحونه

من لايهاوي بالزين شرواه خاب
اخير له يجوز من الهوى واشطونه

قبله وانا مع البيض بالهوى لعاب
لاعب محترف يهزم من يلاعبونه

لين هدفني رمشه والهدف صاب
وانهزم المحترف وامسى مجنونه

ماله امحالي الا رفيفك يالسحاب
انتاج فاخر فالعالميه يصنفونه

اول ما احسب لعقرب الساعة حساب
واليوم اشتري الوقت لو يبيعونه

لاني عرفت قيمة الوقت فقرب الاحباب
وان الحب تكمن لذته (بطفله مزيونه)

غواص

[غواص]

البشر ماهمهم غير الملذات
حتى لو النتيجه روح مقهورة

الله يلعن من يخضّعّ الذات
لاجل غيره يشبع رغبة شعوره

غواص

[غواص]

استمري ياسيدتي
برش العطر عند الصعود
رائحتي كريهه
استمري ياسيدتي
بهمسك الذي يذيب الجمود
أنوثتك طاغيه
استمري ياسيدتي
بما لايقال وتجاوزي الحدود
انتي الصائبه
استمري ياسيدتي
كبريائك يقترب
من اقدام نمرود

غواص

[غواص]

تدري وش بالعشق يتلف الروح
وليفك معك لاكن ماتقدر تضمه

عيونك له تبوح وعيونه لك تبوح
ودك تضمه ووده لصدرك تلمه

ومن الهفة شوق صدرك يفوح
فوح دله صبابها سج مع همه

الحدود سوالف وضحك ومزوح
وان تجاوزتها عديم رجوله وذمه

السر بالخفايا والعذر مبحوح
والامانة مايخونها يا كود رمه

وجدي كل ماسجع حمام الدوح
وجد من اذبحوا قدام عينه أمه

مشلول رجلين وبالفراش مطروح
وجاها زحف على بطنه وكمه

واختلط دمعه ف دمها المسفوح
ينادي بصوت اختقته العبره (يمه)

ومن الغبن ع صدرها ودع الروح
شجيع لاكن جور الزمان سمه

على اللي شيدله ف قلبي صروح
طفل كل شي ناقص عنده متمه

غواص

[غواص]

بلغوا غلا مكه وجنينه المجروح
يصحى من غيبوبة احلامه ويفوق

قبل الايام تهديه درس صعب الشروح
وتكثر في ثوبه البالي الشقوق

غواص

[غواص]

.........

[غواص]

ياندر عصما يتلنها المذيرات
بشماريخ اسناف مهيافه يريع

لا اصفرت لهن تشاوشن فازات
تلاحقنها مع كل هجيج وريع

لما تركز بهن شنظير احيدوه سانحات
من دونه تمرح الذيابه مجاويع

العنق عنق الصفرا من الجامحات
بدم شمطان اللحى كسبها الفديع

والمبسم حالي احلى من سكر النبات
والخد روض زهر في موسم ربيع

والنهود عيطن من الشموخ واقفات
يغاغي ويبكي لاشافهن الرضيع

صوره بروزها احتوى الترف والمجاعات
ردفك المنفوخ وسرجوفك المريع

ترايعن لي المذاعير عقب جافلات
وعسفتهن عسف الذوق الرفيع

حيث زينك يجبر الشاعر على الجزلات
يتهيزل يطرقبك الطرق الوضيع

غواص

[غواص]

يابري حالي حزة جسمك ارتسم
من تحت الهماليل الخفايف

انسطح القلب وقسمين انقسم
قسم جاك وقسم لي عايف

غواص

[غواص]

طفله تبسامها يملى الكون تفائل
وتنتشي بهجه روح الامكنة

في ظامر سرجوفها الغض المائل
انحناءات الزوايا المستحيلة ممكنه

غواص

[غواص]

تدري وش قوى يلين قلب صلب
حطم امال مسمار الايام المكروثه

طفله من الغنج تنطق القلب دلب
تعيش اول سنين اكتمال الانوثه

غواص

[غواص]

بنت الريح من المربط الاصيل
صلفه طبايعها عنيد وجامح

بالمسايس يروضها قرم الرياجيل
وليا تولها خبل تذيرت طامح

غواص

[غواص]

تعزف الحروف شفايفها ترنيمه
يذوب منها خافق الاسماعي

وامتطي من النشوه صهوة غيمه
تحلق بي في قمة التمتاعي

كني جراهيد وصوتها ديمه
شربت هتانها وزدهر مرباعي

غواص

[غواص]

غيداء غنجا غضه عمهوج
مفهوقة ارداف ضامرت سرجوف

ريمية عنق حاجرها مدعوج
عسجدية نحر انهادها اوقوف

اليا تبسمت صباح مبلوج
واليا تحاكت دلع ثملة الحروف

صافحتني بكف حرير ممزوج
من طراته ارتعش خافق الجوف

غلاها شيدله فالحشا نايف ابروج
شامخ ماتزحزحه عاتيات الظروف

غواص