المساعد الشخصي الرقمي

مشاهدة النسخة كاملة : يا دمعتي كفي وكفي عن النوح))


القارظ العنزي
12-14-16, 06:41 PM
يا دمعتي كفي وكفي عن النوح
ويا عين كفي دمعتك لا .. تهلين
بقي عليه واحفظي باقي الروح
والا سلمت الروح يا دمعة البين
الجرح غاير مني والقلب مذبوح
والعقل تايه والرفاقة ..... قليلين
واللي نريده ينطح القوم . ذابوح
توه وتوه ملتهي عنك .... يا عين
توه صغير وما بعد يفهم .. الموح
عمره شهر يا عين وستة وشهرين
والادمي عمره مسجل على اللوح
ورزقه مقدر لو كدح عمره اسنين
عزي لمثلي ما قدر يزعج .. البوح
من يسمعه دام النشاما .. بعيدين
واللي سترته جابه الدمع مفضوح
وياما سترته عن عيون البغيضين
ادافع العبرة وادرج مع .... السوح
لا يكتشفها تايه الفكر .... مسكين

القارظ العنزي

وطن قلبي
12-14-16, 06:47 PM
واللي سترته جابه الدمع مفضوح



الله عليكـ
كلمات فناااااان وكاتب مبدع
دمت بود ودام عطائك

:رحيق:

القارظ العنزي
12-14-16, 07:18 PM
الابداع سيدتي حصة بنت سلطان في حضورك ومرورك وتعطيرك صفحتي احترامي

مسكك الغلا
12-14-16, 07:21 PM
والادمي عمره مسجل على اللوح
ورزقه مقدر لو كدح عمره اسنين


صح لسانك واعتلا شانك وفك الله كربك

.
.
.
يَـ ؏ـ'ــطْيّگ آلعّ'ــافُيــہ

القارظ العنزي
12-14-16, 08:11 PM
اللهم امين على صالح دعواتك سيدتي المبجلة / مسك الغلا لاهنت ي على المرور .

NORAH
12-15-16, 12:25 AM
الله عليك شاعرنا
ابدعت ولا جديد انت دائما مبدع
صح لسانك ولا حرمنا فيضك احساسك الراقي

القارظ العنزي
12-15-16, 01:00 AM
الياخاب ظني في بشر ما خاب في نورة
اسرع من غيث للمطر وان جاك ممطوره
والخير في جيزان وبالطيب ... مخبورة
يشهد بقولي ضاوي وادمي ...... منثورة

لاهنت ي على المرور يا نورة وجميل التقييم كله من لطفك وذوقك الراقيو.

نجم ضاوي
12-15-16, 03:16 PM
لو مدح الاحباب في الدين مسموح
لامدح في قصيدي . . كل المحبين

أما أنا ما عاد لي في الحب مصلوح
كوني صرت . . من ضمن المسنين

ولا لي جهـد في البُكا حتى ولا النوح
راحت علينـا مع حسِـين النياشين

ام انت يا القارظ .. مصوب ومجروح
من زينت المبسم وعطـر الرياحين

واصبحت في حبك .. اليوم مفضوح
حالتك صعبه . بس معك ربي يعين

اتعبت حالك . . واتعبت مني الروح
ما اقول غير الله يعينك رب العالمين

القارظ العنزي
12-15-16, 03:34 PM
صحيح ما لك بالغزل كل ..... مصلوح
شايب وتنسى وش جرى لك مع الزين
الزين خله لي ومثلي به ......... الروح
والشايب مثلك يقعد ويتبع ..... الدين
تعطيني الخبرة بماضيك ....... يا نوح
انا انتفع وانت للنار ............... بعدين
دنياك هذي ما تبي عود ....... مسدوح
تبي لها مثلي على راس ...... خمسين
والا انت عود طايح فاقد ....... البوح
ما تسمعك لو قلت يا مغيزل ... العين

نجم ضاوي
12-15-16, 04:07 PM
أنا لا طحت . . ما اطيح مبطوح
شايـب ولكـن . . املـي العـين

لا بغيـت اصـير . . بيـوم مذبوح
يذبحني كود مقرون الحاجبين

الزين لو كان . مربرب ومملوح
يكثرو حوله . . كثير المعجبين

وانت اجلس كذا للقيظ والفوح
عايش بين عرعر الاردن بقلبين

وانـا لا بغيت لـي عديل للروح
اعرف انا اختار . . واروح لمين

القارظ العنزي
12-15-16, 04:50 PM
ليتك تجينا يم الاردن ......... وهالحين
والله لاشوفك عندنا تقل ........ مبطوح
تابرني قرب عندنا هوني .......... وهين
لحظة واشوف الصوت خافت ومبحوح
وتشرب من الشاهي هذاك ...... الغزالين
ويصير اسمك يا بو سلمان . ابو ممدوح
والجو مظلم معتم لولا .......... النورين
نور الخدود اللي بها برق .......... يموح
ما هي شكلاتة يا حبيبي تبي ..... الزين
ايس وما هي عندكم بديار ....... الدوح
يا ويل شوفك لو تشوف ابو ... النهدين
ادعج غنج خصره مهفهف ...... ومملوح
وعنق عليه من الجديلة ......... المترين
وخشم يسل الموت راكع ........ وذابوح
من شافها باع الصلاة وباع ....... الدين
وقعد يصلي بالكنيسة .......... ما ينوح
تعال وجرب يا بو ضاوي ........ لا تهين
اكفر لك ساعة والله يغفر .... يا بو نوح

القارظ العنزي
07-19-17, 09:56 PM
وش فيك يالضاوي ما جبت بيتين
وترضيني بعذرك واقول ... مسموح
والرد يصبح لي اخف ..... الضررين
واخير من صوت مع الناس مبحوح

نجم ضاوي
07-20-17, 12:19 AM
محاوره بين . . شايبين . . اثنين
واحد مريح .. وواحد ن .. مجروح

مسكين ياللي .. يبي مننا .. بيتين
تروي عروق اللي من الهم مذبوح

اجيك للاردن وانظم من الابيات قافين
من شاعر ن مطنوخ والقلب مشروح

الا وينك يا القارظ عن راكز النهدين
الصدر بستان مربوع قامه ومملوح

القارظ العنزي
07-20-17, 03:36 AM
ارسل لي الصورة وركز على العينين
والا ارسمها بريشتك .......... باللوح
ان كانها من اللي مورد ...... الخدين
اجيك طاير مع صدرنا ...... مشروح
وان كانت شايب انا اهزم .... التنين
وسيف الخطر في قافنا ........ يلوح
ما سلم لو نبلغ ................ الستين
والله لاحارب لو قلبنا ....... مجروح


SEO by vBSEO 3.6.1