رائعة الشاعر صالح المزروعي (ماسويت سوي بك )

[مسكك الغلا]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

اسعد الله جميع اوقاتكم

قصيده لها مقدمه ولكن اكتفيت بالقصيده هي موجوده عندي mb3 ولكن توجد اصوات ولكي لا اقع
بمخالفة القوانين. فضلت كتابتها

مؤثره جدا. اترككم معها

ملحوظة //// كتبتها كما سمعتها بلهجة قصيمية




((((ماسويت سوي بك))))


تسد قلتها لامي قبل عدة اسنين
......لحتجتي شي ياميمتي فاذكريني
ياميمتي طالبتس ابا ارد لتس دين
.......ابي سواتي بتس بعيالي تجيني
قولي لي وش تبغين ياقرة العين
.......اجيب يمتس كـل مـاتطـلبيني
قالت لي ماودي على طول تعطين
.......حالك ضعيفة والبشر عارفيني
كلامي لأمي تسد تعدا الثلاثين
........اعــوام راحت وكلنا راحــليني
قصدي رضاها وبرها يالايامين
.........سويتها بأمــي وردهــا جنيني
عقب صلاة الفجر من يوم الاثنين
.........قاله لي محمد عقب هالسنيني
لحتجت لشي يابوي آمر على العين
.........لا تقول لاخواني ولازم تــجيني
لحتجت شي يابوي ولو هو بعد حين
.......لا تـــروح لاخواني انا لك معيني
من عرفتي للعلم وانت اللي تعطين
........ديــنٍ عــلــي لابــد مــارد ديني
ختم كــلامه لي يـــوم انه ينادين
.........هـــذا الكلام يابوي بينك وبيني
كـــل اللي سويت بأمـي هاكا الحين
..........رده لـــي محمـد بعطفِ وليـني
ليا بغيت الــعـــز وتكسب ملايين
...........امك وابوك احسن بهم ياضنيني
نصيحة للــي يبي عــيال سنعين
........يحسن على مـــاقــال بالوالديني
ابــوك وامــك بــرهــم بالموازين
.......لرضيتهم ابـــشـــر بامـرٍ ثميني
تصير بالدنيا مـــقـــــام العزيزين
........بالآخـــره جنه خـــلك فطيني
لادامهم حيين اكسب هالاثنين
.........تلقاه بعيالك وهذا يقــيــنـــي
بكره ليا مـــاتو وجوك المعزين
.........ماينفعك لو صحت ياشيب عيني





لشاعر // صالح محمد عليان المزروع


من اراد الاستماع لها. سيجدها في اليوتوب بنفس العنوان

[مسرع بشويش]

الله يسعد روحك... ويحفظ والدينا جميع ويطيل بأعمارهم ويحسن عملهم... ويرحم من توفى ويعلي درجته

الوالدين بابين للجنة ... والله يكون بعون من فقد البابين أو أحدهما ....!!!!

[مسكك الغلا]

شكرا لك ع المرور
اننا حقا مقصرون بحقهم
غفر الله لنا وسامحنا

عافاك ربي

[القارظ العنزي]

ليه انتظر الياما يحتاج ...... واعين
بل ابتدي في حاجته .... واستعيني
يمكن يحن ويستحي ما ذكر .. شين
واسهي عن حاجة والدي . ما تجيني
ارسل له الراتب من اول ... وهالحين
وابدي الوالد على كل ........... شيني
كان انتظرت الياما ينشد انا ..... وين
عز الله اني تافه ............. مستهيني
حاجة ابويه تاصله كنها ........... دين
والله التاصل لو بذلت ........ الجبيني
حقه امبدا قبل لا ترمش ......... العين
وقبل لا ياصل للمرة ......... والجنيني
يا مسك ابويه ما انتظر يشحذ الشين
اشيل حمله وان عجزت ..... استديني
اللي اختار امي ولا همه .......... الزين
اختارها لاجل الخوال .......... ويبيني
والحمد لله خدمتي مدة ........ اسنين
يشهد بها القاصي ويشهد ...... خديني

مسك الغلا حبيت يكون تعليقي بالرد على القصيدة ، فقد اثارتني فاعذريني على القصور وانت اهلا لذلك العذر وتعذرين .

[مسكك الغلا]

صح لسانك واعتلا شانك ع هالرد المميز
وبارك الله بك كفو من كفوين واصيل من اصيلين
يسعدك ربي

[السامي]

الله يعطيك العافيه مسكـ قصيده جميله

القارظ صح لسانك

الله يكتب لكم اجر التوجيه والنصح

تحيتي لكم

[القارظ العنزي]

صحة روعاتك مسك الغلا والتميز في حسن اختياراتك ونقولك المتميزة .

[جَســـــوُرْ..،]

توفقتي ، و أحسنتِ الأختيار قصيدة جداً رائعه و مؤثرة

دمتي فـ حفظ الرحمن و رعايته ..

[بعيد المراميس]

مسك الغلا ..اختيار جميل

موضوع القصيده ممتاز ..اما القصيده اجمالا..فهي دون المتوسط..

سلمت يمينك..

[ساري الشوق]

ابــوك وامــك بــرهــم بالموازين
.......لرضيتهم ابـــشـــر بامـرٍ ثميني
تصير بالدنيا مـــقـــــام العزيزين
........بالآخـــره جنه خـــلك فطيني
لادامهم حيين اكسب هالاثنين
.........تلقاه بعيالك وهذا يقــيــنـــي
بكره ليا مـــاتو وجوك المعزين
.........ماينفعك لو صحت ياشيب عيني


هذي احلا ابيات قرائتها عن الوالدين
يسلم لنا ذوقكـ واختياركـ اخت مسكـ الغلا
اسمتعت بما قدمتيه لنا والوالدين لهم حق علينا
ودي لكـ واحترامي

[ahmed maher16]

جميـــــــــــــــل

[مطر الفجر]

رائعه ومؤثره
شكرا لك مسك الغلا
تحيتي

[عتيم]

صـح لـسـان الـشـاعـر ..


ومـشـكـوره يـا مـسـك ... عـلـى الإخـتـيـار الأكـثـر مـن رائـع


...