عانس

[مشكلتي]

السلام عليكم

مشكلتي باختصار ان امي تناديني عانس مرتين للعلم عمري 24 ماتوقعت منها هل الكلام حدي انجرحت ماعرف شلون أواجهه هل الكلمه اذا كلام امي جذي شلون كلام الناس اللي مايرحم واتقول ان محد يبيني وان اصغر مني تزوجو شسوي هل الشي مو بيدي من ان للعلم انخطبت صغيره وسويت حفله مهر ماصار عقد بس ان كنسلت كل شي اللي تقدم لي راعي بنات في الفيس بوك وشكله مو حلو

ساعدوني شسوي هل اللي تقدم لي وانا صغيره سبب في ان محد يتقدم لي الحين ؟!؟.

تعبت افكر حدي مجروحه من كلمه عانس خصوصا انها طالعه من امي

[غيرمهتم،،]

هههههههه ي زينك انا لو امي تقولها لي م انجرح الا ابنسط اقولها عادي لو اعانس عندك هذي كلمه من امك حسيتي انك مجروحه لو وحده قلتها وش تبين تسوين

بعدين ما تدرين وش مكتوب تتزوجين ولا لا. خلي اي كلام لا يتأثر فيك

[Sky]

لا توجد عانس


الزواج نصيب وانت لم تمنعي الشباب من التقدم لك
توقعي الكثير ممن يحملون تفكير والدتك والكثير من النظرات والكلمات المشابهه


لا تهتمي لهم كوني واثقه من نففسك

[إحساس طفله]

ي قلبي انتي ..
ي قلبي شوفي عمري حاليا 26 سنه وعندي اخت اصغر مني دحين عمرها 22 تقريباً و متزوجه ..
وعادي الموضوع مايأثر ..
انتي لا تهتمي لاحد ابد ولا تكبـري الموضوع ...
وكل شي قسمه ونصيب
فلاتزعلي ياقلبي والله يرزقك بزوج الصالح يارب
وبعدين ايش تبغي بزواج دحين لسا صغيره فلي وعيشي حياتك ولا تفكري بزواج ..
اذا قالت لك عانس قولي عادي ماابغا اتزوج دحين وخلاص
يسعدلي قلبك وان شاءالله ربي يفرحك ويفرح قلبك :Dl3:

[ورده بريـــــه]

والله شكلو انتي اللي حساسه زياده عن اللزوم وهالموضوع ماثر عليكي

لا عيوني خليكي عند الماما بكرامتك ولا تتزوجي واحد مو محترم ولا بيحترمك ولا بيحترم حاله اصلا


ومهما حكت امك اعملي حالك مطنشه ولو زاد الشي مضايقه احكي لامك انه بدها تزوجك لترتاحي ولا ترجعيلها لا قدر الله بتنين تلاته زياده معك وطلاق ؟؟؟


ليه ما تقعدي معها ؟ انتي بنتها بالاخير


حتى لو كان طبعها صعب شوي شوي راح تلين وتفهمك


ولساكي صغيره قلبي اختاري بعقلك

وربي يوفقك دنيا واخره وما تشوفي الا اولاد الحلال بطريقك

[ذات]

وعليكم السلام ورحمة الله وبركاته
.
.
استغفر الله ليه تقولك عانس على اساس نصيبك بيدك وانتِ رادته
استغرب من تفكير بعض الناس
يعني أنتِ تبي تتزوجي عشان تهربي من كلمة عانس؟
عادي خلي امك تقول اللى تقوله والناس تقول اللى تقوله
المهم أنتِ مرتاحة بحياتك
لا ماله دخل أن اللي تقدم لك قبل سبب ان محد يتقدم لك الحين
المهم لا تفكرين كثير ولا تربطين وتعلقين سعادك بزواج لمجرد الهروب من كلمة عانس
انبسطي بحياتك ونصيبك بيجيك ولا تتعلقين بزواج كثير
ربي يكتب لك كل خير
و يوفقك


احترامي لك

[السهم الأخير]

السلام عليكم ورحمة الله وبركاته

أختي الكريمة أنا دائما مع الأم اعذريني قبل البدء .

خلينا نغير السيناريو :

تخيلي أم قالت لبنتها بعدك نائمه يا عانس يلا قومي الناس صلوا الظهر وقريب بيأذن العصر وإنتي نائمه ، بكره لو تزوجتي كيف راح تكوني مع زوجك؟ راح تنامن للعصر ؟ لا طبخ ولا شغل ولا مشغله .

تخيلي هالكلام جاء من أم لبنتها .

لنفرض أن البنت تحسست وبكت وقالت : يماه ادعيلي ترا والله بدون دعواتك ما لي خير فهالدنيا وحضنت أمها .

سيظهر قلب الأم الحنون ولو بعد ساعات .

الأم شيء عظيم لا يقدر بثمن والأم بالنسبة لي مرفوع عنها العتب أكثر من الأب .

أختي الكريمة ما حد يحبك أكثر من أمك و لا تنجرحي من كلامها وما عليكِ من كلام الناس.

كلما تحسستِ إلعبي على وتر المشاعر واكسبي أمك .

واعذريني إني أقف في صف أمك لأن اللي قالته أمك أمر طبيعي .

شو فيها البنت العانس؟

ما تعجب بعض الناس يعني؟

العانس والمطلقة مجرد أحوال اجتماعية للبنات ولا يقلل من كرامتها ولا يعتبر سبة أو إهانة لأحد.

حالها حال الأرملة والزوجة .

وين راح لقب البتول والعذراء والآنسة وأميرة بيتها وروح العائلة و روح أمها ؟

وقفت معنا على لقب عانس ؟


تحيه لكل العانسات والله يرزقهن الأزواج الصالحين .

بوسي رأس أمك وأكسبي رضاها تراها مصدر راحتك وأنا أخوكي وإنتي قمر بيتكم ونور بيت زوجك في المستقبل .

الله يسعدك

[مطر الفجر]

عليكم السلام ورحمة الله وبركاته
لا تهتمي لكلامها قولي لها انا ابنتك مهما قلتي شئتي ام ابيتي
ساكون ملتصقة بك رغما عنك
وانتي من تسببتي في وجودي بهذه الحياة
فلماذا تعايريني بشيئ ليس بيدي
وان كنت عانسا و افترضنااصابك مكروه او كبرتي بالعمر لن ينفعك احد غيري
انا ابنتك وانتي امي وزواجي لن يغير شيئا !
حتى الاهل ليسوا ملائكة وليس الجميع يمتلكون
اهل مثالليين و رقيقين و محبين مثل اهاليكم
بعض الاهل ان اعطيتوهم كلمة حق في الصميم
فانهم يراجعون انفسهم ويتصرفون بشكل افضل

ادعي من الله ان يكتب لك خيرا في الدنيا والاخره
ربما رزقك مخبئ لك وليس وقته المناسب
اسال الله لك التوفيق
تحيتي

[سحاابة عطر]

ياختي لا تحسسين من هالموضوع عادي هذا انا عمري بيوصل 25 ولا تزوجت وكثاررر بسس ماعمرنا فكرنا مثلك لان الرزق يجي بيومه لاتحسسين انتي موعانس احيانآ الوحده بالثلاثينات او ربي ما يكتب لها زواج وبيكون لها خيره إذا ما تزوجتي مو معناته نهاية العالم انتي لسسسة صغيره لا تهتمين ابد من الكلام

[آلمتفائله]

صراحه مع احترامي لجميع الردود كلمة الام جارحه للبنت

لو قالتلك عانس قوليلها قاعده على قلبك

بعدين العنوسه من الله خلاص كذا النصيب والقدر ماله داعي للتجريح بالكلام

ولعلمك عنوستك خيره ابرك بكثير من زواجك باشباه الرجال

الله يوفقك ويسخر لك الرجال اللي يملي عينك

[انـــوااار]

عادي مهما قالت تضل امك غيرك يسمعها من اللي حولينه كلهن وشوف اللي اصغر منهم معها ولدين وثلاثه

اذا قالت لك هل كلام قولي بكل هدوء الله بيرزقني في امير من عنده يفرحني ويسعدني ثم تفقديني وتفقدين خدمتي لك بكيذا انتي قلبتي الموضوع ضحك وبنفس الوقت انك تكوني واثقه من الله وانه مخبي لك الافضل

ولا تستعجلي ادرسي وشوفي مستقبلك ومصيييره يجيك نصيبك اليوم او بكره

[سومه]

عانس افضل من زوج يهينك مدا حياتك
الزواج قسمه ونصيب وصدقيني كل مااتاخر كان احسن وخير
لانك راح تنظجين اكثر من فكر من تعليم
شوفي الانسان اذا مادقته الدنيا زين ماراح يتعلم :5: :MonTaseR_143:
وزمنا هذا صراحه اشوف انو البنت لازم هي تسوي لنفسها كيان
من تعليم من وظيفه من اهتمام وحب لنفسها خلي الزواج وكلام الناس
اخر همك
وامك زيها زي باقي الامهات كلهم مايرتاحون الا وبناتهم متزوجات
قد ماينظغط عليكي لا ترضي الا الي يريح نفسك
الله يوفقك:رحيق:

[لسا فاكر]

حررت المشاركه من المدير العام لخروجها عن نمط المساعده في البحث عن حلول للمشكله

//