((يا سوقنا الكاسد علامك علينا))

[القارظ العنزي]

يا سوقنا الكاسد علامك ... علينا
متغير ن طبعك يا سوق الخسارة
ومن اول ن يا سوقنا ... مشتهينا
واليوم اشوفك ما تــسـوم العمارة
يا سوقنا ســـــــــرّك غريب ودفينا
عجزت انا لا افهم اسرار التــجــارة
دام القوافي تجلب كبش سـمـينا
اللــــــــــه يهني سـوقنا في قراره
وحنا لنا رب ن لطـيـف ويــعــيــنــا
ويلطف بعبد ن ما مسارك مساره
ويبعث لنا غرو ن جـمــيـل الجبينا
نفرح بشوفه ونحتفي في مــزاره
ونـســعـد بطلّة الحبيب الـخـديـنـا
اللي شــــرانا وزاد حبه شـــــرارة
وخلك مع اللي ابضـاعتـه ما تعينا
توه جـــــديــــد ولا يجيد الـمـهــارة

القارظ العنزي

[لسا فاكر]

الحين وين. وين ريال الملك فهد وش مصير ريال الملك عبد الله.

[القارظ العنزي]

ريال ابو عزوز وريــــــــــــــال عبد اللـــــه
في عهد ابو فــــهـــد مثل المطر ديـمـة
ماتوا ولا يموت ريــــــــــــــــالـهـم و اللـه
في عهد سلمان الحزم حبهم شيــمـة
ان غــــابت الصورة من البال والـــحـلّــة
ريــالهم تذّكـــــــــــــــار وعـمـود للخيمة
هذي هي شيمة الملك بين خلق الله
وشلون ايصير ريالهم غــاب يا شـيـمة
سنة حياة ملوكنا ثـــــــــــابـــت ن والله
لو غاب الغالي منهم ما غابت الديـمــة


حياك الله وبياك يا لسا فاكر في متصفحنا ، وريالنا أبشرك عامر في عهد سلمان الحزم وما هو الا أمتداد لريال الملك فهد والملك عبد الله ومن قبلهم من الملوك رحمهم الله تعالى .

[des.abdullah]

طرح رائع سلمت اناملك :عبوث:

[القارظ العنزي]

اهلا بك ـ دي إي أس ، عبد الله ، صحة أنفاسك .