المساعد الشخصي الرقمي

مشاهدة النسخة كاملة : أنواع البشر


azOoOoOoz
12-29-16, 08:45 PM
أنواع البشر:*

بعض البشر لا قال كلمه سمعناه..
وبعض البشر ما نسمعه لو ينادي..

وبعض البشر لو غاب لحظه فقدناه..
وبعض البشر لو غاب له سنين عادي..

وبعض البشر لا راح عنّا لحقناه..
لو بيننا وبينه ثمانين وادي..

وبعض البشر لو ما قعدت انت واياه..
ان قلت : وينك ؟ قال : بين الايادي..

وبعض البشر في ساعة الفود نلقاه..
وبعض البشر لا فادنا ولا استفادي..

وبعض البشر مركى هل الطيب مركاه..
وبعض البشر مركاه بين النوادي..

وبعض البشر دايم على الخير مسعاه..
وبعض البشر مسعاه خبص العبادي.

وبعض البشر واللـــه لو يسرح بشاه..
لا ينعرف ولا يندرى وين غادي..

وبعض البشر لو مات عايش بذكراه..
وبعض البشر ذكراه وقت الحدادي..

وبعض البشر عقب العزا بيوم ننساه..
وبعض البشر نلبس عليه السوادي..

وبعض البشر روس العلالي موطاه..
وبعض البشر من قاع وادي لوادي..

وبعض البشر ما تنطق العيبه اشفاه..
وبعض البشر العيب امر اعتيادي..

وبعض البشر نص الدلو صعب يملاه..
وبعض البشر محيط هندي و هادي..

وبعض البشر ما يغيّر الوقت مبداه..
وبعض البشر مـ يعرف معنى المبادي..

وبعض البشر بين الحضر والبدو تاه..
لا اهل الحضر عرفوه ولا اهل البوادي..

وبعض البشر والله والله والله..
لو ينشرى بمليون تشريه عادي..

هذي هي افعال الزمان وسواياه..
الدون دوني والريادي ريادي..

الكفو يلقا له خوي كفو يكفاه..
والا الردي يزبن على كل حادي..

المرجله والطيب والدين والجاه..
أجناد للي ما لقا له جنادي.

روح مغليها
12-30-16, 02:29 AM
الله كلمات قمه بالجمال
تسلم الايادي
ولاتحرميناا من هالابداع
تحياتي لسموك

azOoOoOoz
12-30-16, 08:52 PM
شكرا نورتي
يسعدك ربي
ماقصرتي
:MonTaseR_61:


SEO by vBSEO 3.6.1