((حار القلم واحتار وش يكتب اليوم)) [الأرشيف] - منتديات مسك الغلا

مشاهدة النسخة كاملة : ((حار القلم واحتار وش يكتب اليوم))

القارظ العنزي

01-01-17, 10:17 PM

حار القلم واحتار وش يكتب. اليوم
وحار البنان اللي يشيله ..... ويرعاه
ودي ابوح بعلتي والعن ....... القوم
لولا العهد وبنوده اللي ........ كتبناه
عقد ن عقدنا مع بعضنا ... ومرسوم
عقد الشرف يا ويلنا كيف .... ننساه
كن العهد من بيننا سورة ...... الروم
فيها الهزيمة وعقبها يحصل .. الجاه
سبعة سنين وذبحنا يتبعه ...... لوم
يالله تعجل بالفرج وانت ...... ملفاه
كم ليلة ن مرت عليه ....... ومكلوم
ونوم العرب يا ربعنا ....... ما لقيناه
ابي المنام وعيني ما تقبل .... النوم
عافت لذيذ النوم ... وتسهر مشقاة
لولا غلاها والغلا عهدنا ..........دوم
لاجرح عروق ن دمها سال .. مجراه
واشفي غليل النفس من ماكر. البوم
اللي زمانه كبره وطول ........ مبناه
لا شك ابا اصبر والصبر يجلي هموم
ونجلي هموم ن صبرنا ساس . بلواه

القارظ العنزي

حنين اوغلو

01-01-17, 10:36 PM

صح لسانگ وصح قولگ،،

شك ابا اصبر والصبر يجلي هموم
ونجلي هموم ن صبرنا ساس . بلواه

سلمت يمناك قصيد رائع وجميل كالعاده
يعطيگ العافيه ،، دمت بود :x117:

القارظ العنزي

01-02-17, 07:38 AM

اهلا بجمهوري الوافي كالعادة . حنين العنزي ِِ كلك ذوق واحساس ورقي ما ننحرم من مرورك يا رب .

نجم ضاوي

01-03-17, 01:29 AM

ربعك تلقاهم .. ساعة الحوم
هذا . . عن عنيزه . .قريناه

يا القارظ بحفظ العهد ملزوم
هذا . . من محمد .. تعلمناه ............... ( عليه الصلاة والسلام ) ...

العهد مابه .. سايم ومسيوم
من يخون العهد . لنار مثواه

وانت ياصاحبي عند اللزوم تقوم
نقض العهد ماقط منك خبرناه

تجي هموم . . وتفرج هموم
هذا الذي في كتاب الله قريناه

... صح لسانه وسلم بنانك ...
... وبيض الله وجهك وفالك البيرق ...
... ابدعت ورب الكعبه ...

... لا خلا ولا عدم ...

مسكك الغلا

01-03-17, 01:34 AM

صح لسانك اخوي واعتلا شانك
وفك الله كربك ياخوي ماتضيق
الا تفرج والله على كل شئ قدير

القارظ العنزي

01-03-17, 02:41 AM

يا مرحبا بك يالوفي عالي .. السوم
ياللي عرفنا وبالمراجل ....... عرفناه
انت العزيز وبحبك القلب ... موشوم
علامة غلاكم في ضميري ... حفظناه
ترى العهد يا صاحبي دين ..... معلوم
ومن خانه خان الدين والناس تخشاه
وحنا لكم بالطيب يا مسندي .... دوم
ويشهد على ما قول ربي ....... بعلياه
عساني واياك يا نجم .......... مرحوم
عند المليك بجنة يطرب ......... اغناه

القارظ العنزي

01-03-17, 02:43 AM

هلا بك مسك الغلا وصحة انفاسك . اللهم آمين على صالح دعواتك ربي يحفظك ويرعاك .

هدوء حرف

01-03-17, 02:55 AM

صح لسانك يالغالي ...
يعطيك الف عاٱفيه . وقصيده جدا جميله ..
شكراا لك

القارظ العنزي

01-03-17, 03:14 AM

الشكر بموصول بك لمرورك العذب واللطيف في متفحنا هدوء حرف .