((خفف الدمعة ترى قلبي ضعيف))

[القارظ العنزي]

خفف الدمعة ترى قلبي ..... ضعيف
ما يتحمل يا حبيبي ......... دمعتك
انا الوافي بالعهد وانت ..... الشريف
والله وافي ما يتعدا ......... رمعتك
لولا حجابك والحياء وصوت لطيف
وزادت حبك في حياتي ... سمعتك
ما لفينا عندكم ذاك ........ المصيف
اللي حقق شملنا في ........ جمعتك
الحساء من فدوتك واهل . القطيف
والمنامة واللي يغشى ........ ربعتك
انا الجندي في هواكم ...... يالعريف
والتحية تنحني في ........... دلعتك
ارحم اللي عايش جو ....... الخريف
عجل الوسمي وعجل ......... نبعتك
ارسل المزنة علينا له ........... رفيف
واسقني طعم الشهد من ...... شفتك
كم من مرة انتظر فوق ..... الرصيف
واتحرى يا حبيبي ............. طلعتك
بس اشوفك صابني رجف .. ورجيف
رعشة تنتابني مع ............. رجعتك

القارظ العنزي

[ساحر القلوب]

يعطيك العافيه طرح رائع وانت دائما رائع في طرحك .
أنتظر جديدك بكل الشوق والود ,,,
تقبل مروري المتواضع

[القارظ العنزي]

ساحر القلوب : سحر مرورك الحلال اسعدنا . فلا تحرمنا من سحر كلاماتك العذبة يا أيها الفذ العذب احترامي .

[بحه عتب]

تأسرنـــي حقاً حروفــك الملئيـهـ بالعشق ..
و الشووق ..





لا شيء يجعلني أندهش ..!!
كلمــــــات تقتفي أثر الكلمــــــات السابقـهـ ..
إبداع تلو إبداع ..
لـــ يصل مباشرة إلى القلب ..!!




صح السانك ولا هنت
قصيدة رائعه كروعتك
تسلم يمينك على هالاحساس المرهف
بإنتظار الجديد و الرائع من عذب مشاعرك



تقبل مروري المتواضع..






:27:

[نجم ضاوي]

ظريف انت وفي دمك خفيف
وانا الذي . . ادري . . بعلتك

يا القارظ ترى محبوبك عفيف
وملته في الحب توافق ملتك

محبوبتك مالها بالدنيا وصيف
يكفيها من .. ها الدنيا . طلتك

النهود تفاح . والخصر الرهيف
والعيون وساع .. سبايب بلوتك

شفتها في الحلم غزال المصيف
ما بين . . كل . . الصبايا . تلتك


صح لسانك وسلم بنانك ...
قصيده تروق العقل وتريح النفس ...
ابدعت في نظمها ونثرها ...
كفيت ووفيت وفالك البيرق ...

لا خلا ولا عدم ...

[القارظ العنزي]

براءة طفلة : كلماتك العذبة شخصت العلة في حنايا اخوك . بل أثارت حشرجة في صدري دفعت بالعبرة الى أن تتحول إلى دمعة تحرق الموق . لطيفة انت في تشخيصك لعلة الشعر . لديك إحساس مرهف وخبيرة في قياس نبض الدم لقلوب العاشقين المنهكة . أسبل الله عليك راحة البال والخاطر . كلك ذوق وبالعذوبة مفعمة . احترامي

[القارظ العنزي]

جرح قلبي زاد بحلمك .... يالظريف
ما صديت بوجهك عنها .... برؤيتك
ليتك يوم شفته مثلت ..... بوصيف
ولا تحرك غيرتي في ....... شوفتك
جاها سهم من عيونك وانت الضيف
والله ما تعيش برؤيا .......... طلتك
ما شفت الا هيه وفي حلم . مخيف
ذبحنا مع ذبحها من ........... خلتك
والله لو قابلنا من عشقك ..... لطيف
ما ذكرت اوصاف من هي .. عشقتك
لكن صبرا يالحبيب ابو ...... العريف
ربي يفرج كربتي مع .......... كربتك

[نجم ضاوي]

انا يا القارظ . . انسان وشريف
اغض النظر عن من هي حبيبتك

ماني با الذي . . عقله .. خفيف
اخون العهد .. واخون . عشرتك

يا ليتني كنت . . انسان وكفيف
حتى في يوم ما اشوف عثرتك

انا يا القارظ في طبعي عفيف
كرامتي يا خوك .. من كرامتك

لو معي واحد من عيش الرغيف
اقسمه لك . . واسد .. جوعتك

كان ظنك فيني سو اقول ياحيف
ان كان هذي .. في نجم رؤيتك

[القارظ العنزي]

هذا وانت بنوم احلامك ........ تخيف
كيف لو شفت الحبيبه ....... بيقضتك
لا ما ريد الخبز ولا ريد ........ الرغيف
بس اتركها لا تجيها ............. بجرتك
حتى احلامك حاست القلب الصخيف
والله اتخوف يالظريف ........ برؤيتك
قلي وين اتصيف في هذا .... المصيف
حتى اغير وجهتي عن ..........وجهتك
الخطر بوجودك ووجودك ....... مخيف
حتى لو بالصين ما بي .......... هرجتك
انت الفتنة لا تجي يم ........... القطيف
والمنامة والحسا .............. في رحلتك
لا تجي ارجوك خلك ............. يالعريف
والتحية تاصلك في ................ ديرتك

[نجم ضاوي]

خلها لك واشبع بها ياذا الضعيف
عسى ترتاح .. با النوم .. مقلتك

ماتوقعتك كذا .. بشوفك كفيف
عيونك بس . . تناظر .. خطوتك

اذكر كلامي يا ابو قلب ن رهيف
بكره .. حبيك .. يسيل .. عبرتك

لا تسألني كيف . . صارة وكيف
وتجيني تبين لي .. سبايب علتك

دامك اخترت . . الغصن المريف
الله .. يعينك .. تحمل .. غلطتك

[القارظ العنزي]

يا حبيبي يا ابو ضاوي يالنظيف
توني ارتحت منك ........ وشلتك
توني صيفت ثم طاب .. المصيف
ما دام انك تبتعد في ..... سفرتك
يا عذاب البيض يالشب ..الشريف
مثلك راقي الذوق ما حلا عشرتك
نشتريك ولا نبيعك ...... بالقطيف
حياك الله والشرف في ..... خلتك
والكلام امزوح وفي مزحك لطيف
واتشرف يالوفي في ........ خوتك
متى ودك ننطلق لديار ...... الريف
وانتمتع في هواها .......... بجيتك
جيتك العيد كله يا ........ يالعريف
بس اشوفك تنطلق ......... تحيتك
يالكريم بن الكريم ولا انت . ظيف
حياك الله بين عيالك ..... واسرتك

[نجم ضاوي]

اغرقتني بكرمك يا القارظ واحرجتني بطيبتك ...
وأنا والله اعتز وافتخر بأخوتك وأخوت مثلك وشرواك ...
تسلم لي يا عصابة راسي ...

[القارظ العنزي]

انت يا بو ضاوي اخوي الكبير وتاج راسي . وخوتك وعشرتك شرف لي وأعتز بها . الله يديم عزك وظلك يالغالي الوافي . اخوك الصغير ابو سلمان . "" القارظ العنزي""

[حنين اوغلو]

صح لسانگ ،،
قصيد رائع وجميل اعجبني
يعطيك العافيه ،،:27:

[القارظ العنزي]

صحة انفاسك حنين شاكر لك مرورك العذب يالعدبة