((سلمان أنا يا بوك ما غبت تطنيش))

[القارظ العنزي]

سلمان أنا يا بوك ما غبت . تطنيش
قالوا نظام وصار دارك ...... نحاوي
أما تجي بسلمان والراس ما .. نيش
والا كتبنا بك كثير .......... العزاوي
سميتك باسم اللي يهز .. الطرابيش
حكام آيران وهزهم ما هو ... غاوي
يوم اعتزا به اليمن حرك ... الجيش
واسلاح جوه ضربهم من ... سماوي
حتى برك شيخ الدجل . والدراويش
الحوثي والدجال صالح ... امخاوي
سلمان الحزم وكانهم زادو . بطيش
طيشه يفوق اللي تعدا .... الحراوي
هو اللي يجمع شملنا وعندنا اتعيش
في دار اخو نورة بعيد ..... الهقاوي
ويرحم ضعيف صار شوفه. تناويش
شايب ولا هو بالقوانين ....... قاوي

القارظ العنزي

[حنين اوغلو]

الله يرده لك ويفرج عنك .
ي رب العالمين رد سلمان لابوه مثل مارديت موسى لامه
اللهم امين ..
صح لسانك يعطيك العافيه
***:MonTaseR_11:

[القارظ العنزي]

اللهم آمين . حنين العنزي زادك الله رفعة وحنان . ما أجمل دعوتك . عسى الله يستجيب دعوتك . وتفتح لها ابواب السماوات السبعة يا رب . انا عاجز عن شكرك يالغالية فعلا انشرح صدري من جد بدعوتك وانا ضايق شرح الله صدرك .

[نجم ضاوي]

:61::61::61::61:

سلمان الحزم .. في ظله . نعيش
لقلوب ايران .. وذيولهم .. كاوي

مليكنا .. سلمان . قايد ن للجيش
ما خاب .. فيه رجانا .. والهقاوي

ماياخذ .. قضايا شعبه .. بتطنيش
هو .. على حل الصعيبات . قاوي

حارب اهل الغدر والمكر والطيش
سيفه الاسلام .. يجرح به ويداوي

الحق عنده . ما يحطه في تهميش
هو سندنا وعزنا . ونجمنا الضاوي


صح لسانك يا القارظ وسلم بنانك ...
ابدعة يا صاحبي لله درك ...

[دروب الحب]

ماشاءالله عليك ابدعت وتميزت


والله يحفظ ملكنا ابوفهد


لك باقات من الجوري

[القارظ العنزي]

وش فيك يالضاوي لبستني الخيش
وركبتني في حوض وارد .... عراوي
لا والله الا ناوي ن تشعل ..... الفيش
ارحم اوخيك كانك يالقرم ..... ناوي
وامنحني الفرصة ترى ودي .. اعيش
ولا عاد انا في باقي العلم ...... قاوي
يكفي هجر يا صاحبي وزود تطنيش
عجل لنا باخلاص وتمر .... الحساوي
نبي القدوع ودلة هيلها ........ طيش
تجلي همومي يالغلا يا بو .... ضاوي
اخوك اشوي ويصبح مثل الدراويش
ولا ينفع الدرويش كثر ...... القراوي

[القارظ العنزي]

هلا بك : دروب الحب . التميز والإبداع في مرورك وتقييمك العذب ايتها العدبة . اللهم آمين والله يحفظ مليكنا الغالي ابو فهد ويطول بعمره يا رب .