استفسار عاجل الله يسعدكم

[سومه]

طالبه اشياء من موقع ar.aliexpress.
صيني بس مو عارفه كيف طرق الدفع واضلن البطاقه شنو هي؟
وشنو احتاج على شان ادفع ويجي طلبي :)
الله يسعدكم فيدوني
http://www.mrkzgulf.com/do.php?img=498128


هذي الصوره طرق الدفع بس والله مو فاهمه شي:)

[Dr.moonee]

حبيبتي البطاقه فيزا

او بطاقه من البنك اتوقع حاجه زي كذا
او حطي طرق دفع اخرى ذي عند الاستلام وتكون احسن

[آلنـور]

انا جربت موقع علي اكسبريس ،،
ما واجهت اي مشاكل ،،
و عشان تقدرين تشترين منهم لازم يكون عندك بطاقه فيزا ،،
كل البنوك الحين تقدم بطاقه الفيزا مسبقة الدفع لكل العملاء

ان شااءالله افدتك و لو عندك استفسار ثاني حاضرين :blush-anim-cl:

[ذو مبدأ]

طال عمرك

يجب أن يكون لديك بطاقة بنكية

تحمل احد هذه الشعارات المعتمدة دوليا

مثل فيزا او ماستر كارد

والموجودة في الصورة أدناه :


http://e.top4top.net/p_383q2id31.jpg (http://up.top4top.net/)

[مطر الفجر]

عليكم السلام
للاسف لا اعلم
ارجو ان يفيدك باقي الاعضاء

[سومه]

طيب لما اروح للبنك على شان اطلع فيزه
كم احتاج فلوس للفيزه
سمعت انو لازم يكون فيها مبلغ مايقل عن ال5 الاف صح؟

بتعبكم معي شوي :62:

[ذو مبدأ]

لازم يكون لديك رصيد في البنك ’’ حساب جاري ‘‘ لكن كم المبلغ بالتحديد لا اعلم بالضبط

او بأمكانك تسيري على اقرب فرع بنك نسوي وتستفسري منهم مضبوط لأنهم جهة إختصاص

راح يفيدونك اكثر بالموضوع ، ويفكونك من تكهنات الأعضاء لأن البنوك سياستهم مو وحدة

للأسف مختلفة عن بعض بعض الشيء

او بأمكانك التواصل مع اي بنك عن طريق الهواتف المجانية لديهم او الهواتف المصرفية

وإن شاء الله تلقين الجواب الشافي لك


اطيب الأماني ,,

[أميرة بذاتي]

أول خانة تكتبي رقم البطاقة اللي مكتوب فيها
بعدها تكتبي تاريخ انتهاء بطاقتك المدونه خلف البطاقة
مع الأرقام الأربعه تكتبيهم في قانون الأمن
واخر شي تكتبي إسمك اللي موجود في البطاقة



وسلامتك:670:

[سومه]

شكرآآآآآ لكم
ماقصرتو
خلاص ان شالله راح اروح بنفسي للبنك
الله يعطيكم الف عافيه :رحيق: :رحيق:

[ترياق مصر]

سهل البنك الاهلي يديكي فيزا مسبقه الدفغ برسوم 100 ريال كل سنه

[هاوي القصيد]

همممم ا
خلي بالج طويل وفهمي
هذي يسموها الشراء الالكتروني يعني تشتري عن طريق الانترنت وينخصم من الطاقه الي تحطيها
البطاقه فيه وااايد اماكن تبيعها وفيه بطايق تشتريها بدون اي اثباتات اتعبيها مره وحده فقط مش قابله لاعاده التعبئه
وفيه اتعبيها متا ما تبي
بس فيه بطايق تاخذ منج رسوم كل ما اشتريتي 10% .. 30 % وغيره

وفيه بدون رسوم ومش فقط البنوك الي اتبيعها
والبطايق الالكترونيه الماستر والفيزه تستخدم بعد يوم تسافري مش لازم اتشلي البوك معك

ذا انتي من الامارات روحي الانصاري للصرافه قولي لهم تبي فيزه تشتري منها عن طريق النت
سعرها 30 درهم وما فيه رسوم عند الشراء الالكتروني حلوه انا استخدمها

بس نصيحه اشبكي الفيزه الي بتاخذيها علي البي بال امن
عشان محد ينصب عليك وصعب تنسرق
وديري بالك تستخدميها في مواقع مشبوهه
لان بيسرقو كل الي في البطاقه
لا تستعملي بطاقه الراتب او بطاقه فيها مبالغ ضخمه

اي استفسار حاضر

وللعلم اذا تبي تطلبي اشياء مش مرخصه من الجمارك
ما بتوصل
بتتصادر في المطار وفلوسك بتروح على الفاضي

افضل طريقه للشراء
COD
الدفع عند الاستلام
دمت بود
فيه موقع اسمه wish على تيلفونك انا طلبت منه غرض وصلي بس صيني ورخيص

دمت بود اخوك هاوي:220: