((تدفعني للتهلكة))

[القارظ العنزي]

تدفعني ... للتهلكة
نحلة ن في مملكة
وانا روحي . منهكة لماذا يا ............ نحلتي
تذبحني ... شغالتها
تذبحني في غرفتها
من طبيعة . فطرتها تناقض مع ....... فطرتي
شبابي ما هو . معاك
شبابي أصبح . وراك
مصيري معك الهلاك دعيني في ....... كربتي
انا اللي جسمي عليل
اسهر وليلي .. طويل
من هم وحملي ثقيل ما حست بي .... طفلتي
ابوح بصوت . فصيح
يمكن يسمعني صريح
ويعالج قلب . الجريح ويفهمني في .... علتي
ابا ازعج صوت القنيب
للصاحب ذاك . الحبيب
ابو ضاوي .... يالطبيب اللي يحفظ .... خلتي
يفهمني ويفهم ... بلاي
ويفهم قولي مع معناي
قريب ويسمع . شكواي وملته من ....... ملتي
وش حيلتك . بالجميل
صغير وخد ن ... آسيل
يا بو ضاوي جاب الويل وزاد الويل وحسرتي
عجل وهات ... الجواب
قبل يزداد ....... العذاب
قلب العنا منها ..... ذاب خاف الله في مهجتي
عجل وافزع لا ... تغيب
تكفي الغربة .... للغريب
ويكفيني زاد .... النحيب وبديت افقد ..... لهجتي

القارظ العنزي

[أنا فداهم]

كلمات ترن في المسامع و تفتح آفاق الفكر لتخبرنا عن ما تخفي من آلام و جراح


..

يا صاحبي الغالي يا ولد الأجواد
إضحك مدام لك في سمانا قمر

ترى الفرح عادة مع الألم يزداد
وترى الحزن لو طال ما نقص عمر

خل للسعادة في داخلك ميعاد
ما مات زرعٍ فوقه غيمه و مطر

..

[القارظ العنزي]

يا فداهم ... يالحبيب
تنصحني وانت اللبيب
والجرح غاير يالنجيب واعلاجه في ...... فرحتي
والفرحة ما هي بلاش
تحتاج لرحلة مع كاش
وانا طالع ... عالمعاش من يحقق .......... رحلتي
حزني ضيقة واكتءاب
ما ينفع وسع ... الثياب
ما دام الحالة ... ضباب الله يرحم .......... جدتي
يالغالي حزني .......... فرح
لو كان بقافي ......... نضح
ابثه يمكن ............. شرح الغامض من ... قصتي
جرحي ما يمكن يطيب
لو زاروني ..... بالطبيب
حتى يكبر ...... الحبيب اللي يمسح .... دمعتي
عبرتي نار ......... تحوم
بالحنايا ....... والحلقوم
اسهر وغيري ....... ينوم ما شاركني ... سهرتي
لا تنهانى ودي ... اصيح
اخفف جرح .... الجريح
لو يصمت والله .. يطيح وتذبحني شيخوختي

[أنا فداهم]

يالقارظ حقك علي
لو كان أنا فيدي شي
أنا مركاك لو تطيح
أشعل القاف و سَرى
الناس ياخلي ترى
والعين عافت الكرى
حمام رفرف يا جريح
إيه أنا عفت الرقاد
من كثر ما فيني بعاد
والحب في خلي شحيح
غنيت من زود الألم
ومدري من فينا انظلم
دنيا من فيها سلم
خليت هالدمعة تطيح
مدام في دربه سلك
ومنته على عرشه ملك
عمر تهواه ولَك
خلك عواصف بوجه الريح
الغلطة ماهي غلطتك
و ياهي خسارة دمعتك
الله عليم بصدمتك
ما ينفعك غير الصريح

[رونق]

"
حينمآ يدفعكٌ [ ـآلغرآم ]
اليُ ـآلتحلي ..بآوصآف عشيقُك
ويدفعُك ـآلي ـآلجنون بـ [ ـآلامتلاآك ]
تجدُ نفسكً مقيد بلا شعور .. قيود حآنيه
مريحه .. مفرحهُ ..\"
رآق لي مآطرحت هنآ

[نجم ضاوي]

الحب .. كله . مهلكه
تبغى النصيحه اتركه
العشق اصبح فبركه .. اقولها . . من خبرتي

هذي .. كلمه وقلتها
في ذمتي .. تحملتها
العبره بعينك شفتها ليت اللي سالت عبرتي

ترى روحي . . فداك
الحب موت .. وهلاك
في الحب اقدر لك وفاك مفتاح السر بكلمتي

اعاتبك بالشي القليل
مثلك انا مغرم عليل
اسهر الليل الطويل .. قطعت الناس وشلتي

يا القارظ لايهزك . ريح
خلك قوي لو انك جريح
غيرك متعذب طريح .. حتى انا مفارق خلتي

فرج الله يا القارظ قريب
لا تشيل الهم يا الحبيب
كل شي بالدنيا نصيب . وراحتك هي منيتي

خلك مع الله . ثم معاي
لا تشتكي لأحدا سواي
يا سبب تعبي وشقاي ارخصت لاجلك عبرتي

[القارظ العنزي]

يا فداهم كلك ... ذوق
وبالمواقف دايم . فوق
ربي يحميك من العوق يالغالي .... يا عزوتي
ردك ريحني . وارتحت
حيثك بينت . وشرحت
وخفف عني لو سمحت بقاف يجلب ونستي

[القارظ العنزي]

Baby - face4 . سرني مرورك وطلتك البهية احترامي

[القارظ العنزي]

يا بو ضاوي ما نتوب
مثلك نحب . الجنوب
والله يعلم .. بالقلوب .. ربي خالق فطرتي
المشكلة حب .. ابتلا
من طرف واحد يا ذا
يعني حبي .. بالهواء وبيضي خارج سلتي
من دونك نمشي محال
حتى نرجع ... بالسؤال
وان صعبة قلنا .. تعال خبرتك مع خبرتي
يمكن تنصحها وتقول
هذا شايب مو معقول
ما يفهم حب الغرمول .. تعالي يا وردتي
فكني منها يا . خوي
يا حبيبي يا بن ابوي
يمكن يشوفك البوي .. واستقل بوحدتي

[نجم ضاوي]

الله يتمم لك . بخير
ويعود لعشه الطير
وانا في هذا خبير .. حط الثقه .. في خبرتي

نصيحه ياذاك الغرير
وضعك صعب وخطير
لا تترك طيرك يطير .. اسمع كلامي ودبرتي

اوفي معايه بالعهد
وانا لك مني الوعد
اعيشك في عز وسعد هذي في الدنيا منيتي

ياالقارظ عل عمرك طويل
ارضى بالشي . . القليل
قلبي من شانك عليل .. عزك ترى من عزتي

[القارظ العنزي]

ما عندي شك بوفاك
الله يحفظك ويرعاك
ويلجم عدون يشناك ... يا حبيبي وعزوتي
نصيحتك على ... الراس
ومنهجك دايم ... نبراس
لولاك يذبحني الوسواس ... يا دواي بعلتي
يا بو ضاوي يالحبيب
يا ليتك عندي . قريب
نبي ننزل .... للشعيب وتمشي معي بديرتي
يمكن تشوف ... الغزال
وتنصحها يا بن الحلال
صبرت انا وصبري طال وقلت والله حيلتي

[نجم ضاوي]

انا ياخوك سموني الذكي
يوم ن على المركى اتكي
والناس حولي تشتكي . . ومحدا يدري ببلوتي

فيه شي ن .. قد .. خفاك
ترى . . من هذا . . بلاك
تسمع لقول هذا وذاك ولا استفدت من عبرتي

اسمع . . يا عالي المقام
يا جذير .. منا .. باحترام
لك من نجم السلام . . ارجو تحمل . . قسوتي

كل الذي .. ودي . اقول
ياقارظ صلي على الرسول
في السنه اربع فصول وكل فصل يحكي قصتي

انا .. من كلامي .. انتهيت
لاعذب .. قيفانك .. قريت
ومن احلا معانيها ارتويت ذكرى ومحفوظه بمهجتي

[القارظ العنزي]

دام ان هوانا ثوى
والكل منا ما قوى
تعال ونبكي سوى .. تشبك عبرتك بعبرتي
مثلي ومثلك ما يفيد
يوم حبينا جبنا العيد
ولا نفع قول القصيد وما هنتني شلتي
تبي الصراحة . والصح
صوتي من شكوايه بح
ولا ينفعنا كثر .... اللح واخشى اضيع غترتي

[نجم ضاوي]

خذ مني القول الصحيح
انا معك .. دايم . صريح
احسب اني رجلا فصيح . . واثري مضيع خطوتي

ياصاحبي .. ضاع الكلام
والحب على مثلي حرام
ودي بس امشي بسلام واحفظ مقامي وشيبتي

وانا . على جبال الهدى
قلبي .. بالقصايد شدى
روحي لك يا القارظ فدى يا نور يضوي بظلمتي

يكفينا . . يا القارظ عنا
تعال .. ونعيش .. بهنا
والله يلطف يا القارظ بنا .. يشفي بلاك . وعلتي

سعودي اردني حلو الرطانه
غمرني بطيب عطفه وحنانه
امنته على قلبي امانه . . ما كنه الا من قربتي

[القارظ العنزي]

اصلي اعنزي ماني اردني
جدي وابويه ..... موطني
ماني فلاح ........ يرطني قلت اصلك قال بقريتي
اصلي معي يصعد سما
ما هو ضايع يا ذا النما
يوم الردي أصله .. عما ...... أصلي يزيد ونجدتي
يا بو ضاوي لو انتقل
للغربة ماني .. منخبل
الساني يبقى مستقل ...... لو تكثر فيهم عشرتي
ولا شاقني غير الوفي
مثلك يا شيخي نقتفي
وبقولك دايم .. نحتفي .... واقبض عليه بقبضتي
ان كانك شايب منتهي
انا شباب ...... وملتهي
بين الصبايا ... واشتهي .......... انعم معهن نبرتي
وان طعتني خلك . كدا
ما بين كدي ..... والهدا
والطايف جوه به . ندى ........... يا جنتي يا حنتي
ومكة بتهامة ... عندكم
فيها عبادة ........ ربكم
ومن زمزم دايم شربكم ... وزمزمنا حوض البسمتي
التوبة دايم ... للكبير
اللي وقع مثل البعير
شايب ولا يقدر يسير ......... يا حسرتي يا حسرتي
تعال وجدد ....... للشباب
تشوف اللي شوفه عذاب
ياخذ بلبك ........ واللباب . وتنسى توبتك وتوبتي

[ملااك ملوكة]

القارظ العنزي

لك متصفحاً ذاخراً بالجمال
كنت هنا وأرجو تقبل مروري
تحياتي لـ قلمك الرائع ..

ولشعراء منتدانا
نجم و فداهم

☆☆☆☆☆
هي صرخة حين يعتلي الحنين حلقوم الغياب
حين يغرس في خاصرة الوقت خنجره
حين ذكرى ذات يوم


دعواتي لك بكل خير

[أنا فداهم]

يالقارظ خذ عني الخبر
الحال ما سر البشر
والقلب من بعده شعر ... إنه الوحيد المبتلي
ارقى على روس الجبال
أنادي يا قلبي تعال
ما عاد فيني احتمال ... منهو يحس بعبرتي
الدنيا يا خلي ديون
ماعاد تفرق لو يخون
بعده وانا أردد يمون ... لو كان تحرق دمعتي
خله على فاله سعيد
دامه رحل وأصبح بعيد
ولو هو رجع وش تستفيد ... ماعاد يدمح زلتي
الحال من بعده عنا
والشمس بليا السنا
والعمر ختامه للفنا ... الله يهون ضيقتي

[نجم ضاوي]

ياحرتي يا القارظ ياحرتي
زدت بي . عذابي وبلوتي
بدا في الراس شيبتي .. وطالة معاها . لحيتي

يا صاحبي .. خل . الجنان
بلادنا .... امن .... وامان
حنا .. في ذرى سلمان .. وفيها اهلي وعزوتي

الحمدلله ماشي ( ن ) بنا
والجيش .. يحمي حدودنا
في الناس .. نبني .. حبنا ديرتي هي محبوبتي

يا صبي عنيزه . هيا تعال
اسمع لقولي يابن الحلال
ابتعد .. عنك محال يكفي انك من نسايم ديرتي

ياشاعر ( ن ) زين الاوصاف
ياوازن .. الشعر .. والقاف
خاف الله .. ياالقارظ خاف ضيعت بقافك سهرتي

[القارظ العنزي]

طالت الغيبة يا .... ملاك
عسى الولي دايم .. معاك
وضعي يا ستي ما يخفاك .. وانت اللبيبة بهقوتي
حزني يفوق ...... المفردة
كم مفردة ......... مترددة
حروفها ............. معقدة ما شاركت في قهوتي
تحكي همومي ...... للقلم
ويضغط عليها ما .... يهم
سخرها تدخل .... بالنظم تشرح لك باقي قصتي

[القارظ العنزي]

مانت الوحيد المبتلى
لا يا فداهم ..... يالغلا
قبلك رمتني ... بالحلا .. بنت تجاهل نظرتي
تمرني ما .......... كنها
تفهم بلايه ........ منها
ما عنها ما ......... عنها لو سحبت في جثتي
افرض غلايه بالوصال
وآصلها لو وصله محال
لو دونها كل ... الرجال حتى تتوق لرغبتي
هذي طبيعة .... الهوى
كم من عشيق به عوى
قلبه تعذب .... وانكوى .. هذي فطرتك وفطرتي
اصبر على جفا الحبيب
واللي صبر لا ما يخيب
تلحق هواك ومن قريب . لا تستحي لا تستحي

[القارظ العنزي]

الحرة عندي ...... بردها
تعال وسبح ....... خدها
تجود بصافي ...... ودها . وتنسى حرتك وحرتي
لو شافتك قالت ..... هلا
يا شيبتي لك ....... الغلا
يا هلا فيك ...... ومسهلا ... يا شيبتي يا شيبتي
بنت تحبك ...... يالحبيب
لو شفتها جاك .... الدبيب
وصوتك يلعلع .. بالنحيب وتقول يا محلا سفرتي
يا ضاوي لو شفت الجمال
اللي كما ريم ....... الغزال
ما عاد تفكر ....... بالعيال ..... ولا تقول يا لحيتي

[أنا فداهم]

يالوايلي ما من جديد
صفوا على جمر الوعيد
تفتح ملفات و تعيد ... زمن سيّل دمعتي
لا تقول ما منك رجا
الحب في قلبي بدا
والنَّاس تحرج ما عدا ... اللي عليها حكايتي
يا صاح تفرح لو تطول
مشاعر الترف الخجول
اللي لها عيوني تقول ... منهو يسواك يا منيتي
اللي عشمتني بالوصال
واليوم شف هجرها طال
ودي أنا أسأل سؤال .... لا مت هذي وصيتي
سؤالي يا ولد القروم
أبا أسألك ولا لا تلوم
حتى لو طلت النجوم ... وشلون بنسى طعنتي
إيه إطعنتني بالظهر
و حسابها يوم الحشر
يوم ٍ منه لا مفر ..... أكيد بتبرد حرتي !

[القارظ العنزي]

الحب ما فيه ... انتقام
والقسوة بالغالي حرام
ابن الملوح ..... بالغرام ....... مات بقهر يا حسرتي
ومع ذلك ما دعى .. بها
ولا تمنى ......... حرقها
ضحى في روحه لاجلها ..... ولا قالت هو ضحيتي
من عافك انسه واتركه
ولا تخوض ... المعركة
تلقى وليف ... واشبكه ... وبشرني سعدك فرحتي
اصبر وصابر واحتسب
والعشق ناره ... تلتهب
كم واحد خاض وخرب ...... ضيع العقل ومنتهي
خلك ثقيل ..... بالهوى
اثقل والا ما لك .. دوى
والعاقل يفهم . ما غوى .. وعند الضرورة يختفي
قدم تنازل ..... للحبيب
واصبر عليه خلك لبيب
ترى البعيد يصبح قريب ... وتفرح بشوفه هقوتي
احذر من جوعك والطمع
والحرص يذهب ما جمع
مع الركادة ....... يالسبع ... تفرح واحزانك تنتهي

المعذرة فداهم والله اتعبتوني وابو ضاوي ماني قادر أجاريكم يالفطاحلة .

[عيون المهاء]

رووووعه