المساعد الشخصي الرقمي

مشاهدة النسخة كاملة : السنين الموجعة


أنا فداهم
01-23-17, 01:07 AM
مدخل :

ياللي نسيتي عشرتي وذاك الوفا
طزين في حبك لا والله إلا فيك

...


على ذكرى المفارق و الضياع
قفلت جرحك والسنين الموجعه

نعم عشقتك و غلطتي الإندفاع
حساب الطيبة اليوم وحدي أدفعه

كان الثمن إنك تروح بلا وداع
تركت لي دمعٍ هميل أجمعه

سوى من ذكرياته أمل و شراع
يمكن رياح الحنين لك ترجعه

واليوم بعد ما كان هالقلب ملتاع
رضى بالواقع و عرفك ما تنفعه

سنين مرت ولا خبر عنك يُذاع
رسيت فوحل الذكريات الموجعه

أصعب من الفرقا لحظات الوداع
يهل دمعك غصب ما تقدر تمنعه

الله على دنيا الموادع و الخداع
ياليته موادع الروح قبل يودعه


مخرج:
دامك خسرتيني أهلا والله بغيرك
ماهو أنا اللي يتعب نفسه برضاك

نجم ضاوي
01-23-17, 01:34 AM
صح لسانك اخي .. انا فداهم .. وسلم بنانك ...
قصيده عذبة المذاق ...
جميل ما نثرته هنا يا الغلا ...

لا خلا ولا عدم ...

أميرة بذاتي
01-23-17, 07:50 AM
واسمعي مني يا بنت الأجاويد
خسرتي اليوم حبيب عاش بنضك


صح لسانك
وطيب الله جرحك

الفاقد
02-04-17, 11:55 AM
سنين مرت ولا خبر عنك يُذاع
رسيت فوحل الذكريات الموجعه

أصعب من الفرقا لحظات الوداع
يهل دمعك غصب ما تقدر تمنعه

الله على دنيا الموادع و الخداع
ياليته موادع الروح قبل يودعه

ايه والله صدقت بكل بيت من هذي القصيده في داخل نفسي يقولك ايه والله صدقت وصدقت

انا فدااهم

حروفي تقف عن الوصف والتعبير ع جمال ورعة تلك
الابيات لانها لامست واقع مع الاسف انا عشتها بمراره
لاهنت وسلمت يمناك




تحيتي لك.

عيون المهاء
02-05-17, 09:54 PM
رووووعة الكلمات


SEO by vBSEO 3.6.1