((بثي همومك يا فتاة))

[القارظ العنزي]

بثي همومك يا ...... فتاة .. لا تختفي خلف ........ العباة
والملفع اللي من ..... وراه .. ما يستر دمعك .... يالحزين
شفت الدموع في مدمعك .. تسيل تغرق .......... برقعك
تخفيها تمسح ... باصبعك .. تخفيها عني ......... يالرزين
احس بنبضك ..... يقترب .. احسه بقلبي ....... يضطرب
نار ن تلظى ......... تلتهب .. تضغط على عرق .... الوتين
كسرت ي خوفك ....يالغلا .. وجيت ي علينا يا ....... هلا
شوفتك علاج ..... المبتلى .. اللي تعذب له ......... سنين
انت ي الوفاء انت ي النقاء .. جيت ي وقلت ي وش بقى
يكفينا بعدك ....... والشقاء .. والله يعين ....... الله يعين
يا بنت انا صبري ....... نفذ .. اخشى على عقلي .... يشذ
واخشى العشيرة .. والفخذ .. يرمي علينا ......... كلمتين
بثي ابهمك ....... واستريح ...خفف على جرح .. الجريح
حبيتك وحبي ...... صريح .. بس استحي وانت الفطين
قوليها والله ...... مستحي .. هب ي عطيني .... وامنحي
تصدق ي والا ..... اجرحي .. زيدي باجروح ..... .الميتين
ما تفرق والله ........ عندنا .. الموت وبعدك ....... من هنا
هم احصورنا يا ....... منى .. لكن عطاكم يدفع ....... لين
لين الفرج عقب ... الكروب .. يجي من غافر ...... الذنوب
هو اللي يرحم من .. يتوب .. يكشف هموم ..... العاشقين

القارظ العنزي

[نجم ضاوي]

رائع مانثرته هنا اخي الغالي .. القارظ العنزي ..
قصيده جميله وذات معاني عذبه ..
صح اللسان وسلم البنان ..
وان شاء الله لي عوده ...

[القارظ العنزي]

إن شاء الله ويا هلا ومسهلا فيك في متصفح أخيك . أسعدني مرورك وحضورك لاهنت ابو ضاوي .

[آلنـور]

جميله
صح لسانك

[القارظ العنزي]

مرورك الأجمل أيتها النور

[الفاقد]

ما تفرق والله ........ عندنا .. الموت وبعدك ....... من هنا
هم احصورنا يا ....... منى .. لكن عطاكم يدفع ....... لين
لين الفرج عقب ... الكروب .. يجي من غافر ...... الذنوب
هو اللي يرحم من .. يتوب .. يكشف هموم ..... العاشقين


القارظ العنزي


صح الله لسانك ع هذي الأبيات
اللي راقت لي سلمت وسلم
لنا قلمك لاهنت يالغلا




تحيتي لك

[القارظ العنزي]

يسلم مرورك يالفاقد . لقد شرفتني واسعدني هذا المرور المتميز . فمرورك وحضورك لمتصفحي له بصمته الخاصة لاهنت .

[ملااك ملوكة]

القارظ العنزي

صح لسانك و سلم بدنك


تعابير قلم . . وتفاصيله عبر عمَّ في داخلک . .

سطر تلو الآخر يرمي إلى شيء من طعم الاشتياق

ويحدق نورًا خافت في منتصف قلبٍ متأمل في آخرِ الليل .

غياب يعاقب عتاب فيبقى سرداب يخشى الفراق .


راق لي قلمك أخي .


بحفظ الله .

[القارظ العنزي]

الله يحفظك يا صاحبة القلم الماسي . اسعدني مرورك وتقريضك بارك الله بيك ملاك ملوكة .

[سافانا]

كلمات لها وهج يلفها احساس جميل
صح لسانك اخ العنزي

[القارظ العنزي]

صح خفوقك بقايا الأمس أسعدني مرورك والاطراء الجميل احترامي

[حنين اوغلو]

صح لسانك وصح منطوقك
مبدع ومتميز ..
اسفه ع الانقطاع ولكن الظروف تلوي راعيها ..
يعطيك العافيه ننتظر جديدك المميز
دمتت بالف عافيه :Dl3::Dl3:

[القارظ العنزي]

أنا اللي ذراعي . ملتوي
ما هو ذراعك . يالامير
أدري مشغول ومستوي
بدروسك والنهج المنير
يكفي مرورك .. مرتوي
فن وعطاكم .... الكثير
كل الشكر لك . يالخوي
على مرورك .... يالكبير

كلك الشكر لك سيدة : حنين العنزي على المرور والاعتذار وهذا يدل على ذوقك الراقي وفكرك العالي العذب .

[عيون المهاء]

كلمات رائعة :ورده: