المساعد الشخصي الرقمي

مشاهدة النسخة كاملة : هلوسة شعر ..(( أنا اللي ما أبيك )).. بقلمي


أنا فداهم
01-28-17, 11:45 PM
ظنك بخاف إن قلت عني بتبعد
والا بترك الدنيا لجل عينك و أجيك

لا والله إلا إبعد بعيد وجعلك ما ترد
ماني على شوفتك ميت ولاني مرتجيك

ماني بحاجة قرب اللي خذلني و جحد
سلام يا شعرٍ من إحساس إنكتب فيك

لا تحسب خطى الفرقا و تبلل الخد
الدمع ما يصلح ما كسرته بيديك

وبليلة البرد لا ترجعك ذكراي و ترتعد
جمر إنتطارك دسته ساهي برجليك

عمر عقيم المدامع ... ما ينجب ولد
لذا لا تدور فيني دمعتي الله يخليك

حسايف بعت ناسٍ لجلك يا وعــد
و تبيعني بارخص ثمن لجل مغليك

صدمتني لكن اخترت أترك هالبلد
عشان أنسى زمانك و حبك و طاريك

على شاطي الفرقا صورة من بِعد
يا بحر خذ وجه الفرح جيتك أواسيك

أنا الشاعر اللي سكر بشعره و فقد
يا نشوة الحرف ضميني بأراضيك

على مسرح من الأحزان صمتي شرد
وأخذ يجمع أجزاءٍ ... ضايعة فيك

وإن كان ظنك بخاف إن قلت عني بتبعد
أقولك ورب البيت أنا اللي ما عدت أبيك !

وسن
01-29-17, 12:08 AM
صح لسانك

عتاب قاسي وفراق اقسى

ابياتك مليئه بالغضب !

تحياتي لك وكل الشكر
ابدعت شاعرنا
،،

آلنـور
01-29-17, 12:18 AM
صح بوحك
و سلمت

تخفي غلآها
01-29-17, 12:32 AM
صح لسانك واعتلى شانك
ابداع ما شاء الله وهذا الشي مو جديد عليك
الله يحفظك
بانتظار جديدك

إحساس طفله
01-29-17, 10:49 AM
صح لِسـآنك و أعتلا شـآنك ,..
قصيده جميله جِداً ي انا فِداهم

وإن كان ظنك بخاف إن قلت عني بتبعد
أقولك ورب البيت أنا اللي ما عدت أبيك !

هذ البيت عجبني
انتظـــــر جَديِدكك ي الغالي

:MonTaseR_11:

الفاقد
01-29-17, 12:12 PM
أنا الشاعر اللي سكر بشعره و فقد
يا نشوة الحرف ضميني بأراضيك

على مسرح من الأحزان صمتي شرد
وأخذ يجمع أجزاءٍ ... ضايعة فيك

وإن كان ظنك بخاف إن قلت عني بتبعد
أقولك ورب البيت أنا اللي ما عدت أبيك !



انا فداهم


صح الله لسانك ابيات لاقت في
نفسي الشي الكثير تسلم ولاهنت
يالغلا




تحيتي لك..

هاااااوي الشوق
01-29-17, 12:29 PM
كلمات جزله ورائعه
صح السانك ولاعدمناك

عيون المهاء
02-05-17, 09:57 PM
كلمات جميلة :ورده:

ورده بريـــــه
03-01-17, 09:19 AM
روعه في الكلمات

ونبض لا ينتهي بالمشاعر

دائما لك اسلوب مميز بنهج كلماتك الخاصه

توصل ما تريد بنبض حرفك

وعدم الخضوع لمن هجر قوة رائعه ونادرة

نابض قلمك وروحك ابدا


SEO by vBSEO 3.6.1