مشاهدة النسخة كاملة : ==مدي و جزري (مملكتي)==
الصفحات :
[
1]
2 3 4 5 6 7 8 9
سأبدأ بوضع أول حجر لبناء مملكتي من جهدي الخاص و خيالي المتواضع
باسم الله نبدأ :
الله أكبر كل وقت وكل حين
لا إله إلا أنت أنت المستعان
يا محل العفو عند المذنبين
يا عظيم الجود في يوم البيان
من يطيعك في عداد الفايزين
ومن عصى في يوم غفرانك يُهان
أحينا مثل السلف لك طايعين
نرتجي جنتك في يوم الجنا
أحيان شوقي يغادر موطني ساري
ماشي على وجهته و الصمت مارية
وأحيان يظهر خفاي ويفضح أسراري
وأنا بطبعي من الناس الحياويه
كم أحب الطبيعة وأعشقها وأشتاق إليها بجمالها الطبيعي الأصيل
من شجرة خضراء مورقة وأخرى مزهرة وأخري مثمرة
وربما وجد ذلك كله في شجرة واحدة
وكل ذلك لا يكفي العين جمالا وسعادة
فهناك المطر وصفاء الجو وأطرف النهار
كل ذلك يشكل لوحتي الجميلة التي أريد رسمها لك
الغلا والشوق والإخلاص زاد
كلها لك بأول العام الجديد
أرسلتها لك مراسيل الوداد
بالهواء وإلا مع ساعي البريد
يحتويها الورد الأبيض والزباد
والممول فاتحٍ بنك الرصيد
غاية المضمون فيها والمراد
طول عمر بالفرح تبقى سعي
بليل الشقى غابت نجومي وأنا سهران
أناظر غروب النجم لو غيبته لوعه
طريق الشقاء والغم والهم والهجران
متاهات في منهج هل العشق مشروع
مسافر والسفر عيا يسلي قلبي المشتاق
ربيع النفس مع طول المسافة طيف غاليها
على وقع المطر والسيل فكري دونكم ماراق
ولا ساغت لي الجلسة وملحك ما نطع فيها
بعد ما سرقتني عفوات نومي وأنا بعيدا عنك
جئت أهديها لك و أنا بالقرب منك
لأنني أيقنت بأنك فعلا تستحقها بجدارة
يا ساكن الدار لا تحزن من غيابي
لا بد يرجع غريب الدار لدياره
ما دام صوت الحنين بلهجة أصحابي
كل المشاعر لهم بالشوق فواره
جيناك يا صفوة الغالين وأحبابي
على الخطوط السعودية بطيارة
حسب كروكية الأرض التي تسكن بها
وجدت لك بداخلي أنعم سكنا لك
تعال و اقترب مني أكثر
لكي تفوز بغرفتك الفاخرة
لا يكفي أن تمر مع الشارع المقابل
لقول لي أنا هنا بالإشارة
فأنا محتاج لقربك جنبي
و لن أرسم سكناك في وجداني إلا بالقرب منك
في روابي نجد ذبيت الطوال
أستنير الشمس بعيون الصباح
ما عشقت من الربيع إلا الشمال
و ما تخير في الطيور إلا الفلاح
السماء فوقي مطر والشعب سال
و أحمد الله و أشكره والخير طاح
ماقد طلبت الناس من مالها شي
ولا تمنيت الكفوف البخيلة
ولا رجيت المال من قسمة الحي
ولا استعرت من الزمالة وسيلة
أسمو بعزي في رجا رازق الحي
سبحان من يغدق علينا جميلة
يارب يسرلي طريق بها ضي
تشرح بها صدري لدرب الفضيلة
راضي بمقسومي وفي حمتك لي
أنظر سما عرشك بعين ٍ جليلة
لو المواني ترفع بطيبها المي
العين عند أللي خلقها دخيلة
دام المشاعر مشت في جوها المعسول
خلها تسير فرح في حدها المسموح
تمشي على هونها بأقدام رجل الخجول
النفس تحيا الأمل والرجل فيها جروح
في دائرة كونها تدور حسب الأصول
تمشي وسط مملكتها غيرها ما تروح
و تهدي أحزانها مع شاشة المحمول
ترقى على طولها ما دام فيها طموح
مساء الخير يابوح الحنين وقمة الإحساس
مساء الخير يا فرحة بيوت الحي وأعياده
مساء الخير يا رمز الجمال و معدن الألماس
مساء الخير يا طلة شعور القلب وأمجاده
مساء الخير يا طيفٍ يونس صدري المحتاس
يجي و يضمني طيفه ربيع القلب وأسياده
على قمة هواه أجر صوتي وأقرع الأجراس
و روح له من القمة شعور(ن)بالهواء قاده
سقى من عطره النافذ شراييني مع الأنفاس
و طل بورده الناعم حسب و قته و ميعاده
من يقول إني نسيتك ونا كلي وداد
باقيٍ بالحب الأول ولا يمكن أبور
أنت ضي الشمعة أللي تشع من الزناد
وأنت قد الكلمة أللي تخفيها الصدور
في جبينك باقة الورد والعطر الزباد
وفي معانيك الجميلة قريت أجمل سطور
يمك الشوق انحنى يوم حبك فيه ساد
والسرور إن غبت عني معك غاب السرور
من سرى في ليلة البدر ما خاف السواد
ومن رقا في قمة المجد نوره زاد نور
يمك أحلامي سرتبي على خد الوساد
و ناولتني عند بابك مفااااااااتيح العبور
التقينا بالهنا والفرح والحب زاد
وأشكر أحلام التلاقي وأنا طبعي شكور
يا السحاب ألي على كوني يحوم
ما رجينا من سماك الا المطر
يوم تروينا سواليف وعلوم
قصة الورد وحكايات البحر
وأنت عالي بس من فوقك نجوم
والقمر يسكن فضاء رب القمر
يوم يُهْديني خيالي غصونٍ يانعات
والبلابل فوق الأغصان تعزف لي مقال
ويوم يرجع بي وراء مع ليالٍ مظلمات
بين أشواك الصحاري وثعبان الرِّمال
كل ما قلت أعجبتني ظنوني فـ المبات
تشطب العبرات في الصبح ظني والخيال
مع طريق أحلام ليلي أردد أمنيات
والليالي تسعد آمال وتخيَّب آمال
شفت الورود بجنب بابك ومريت
غالي ومنك أريد حسن الضيافة
يا أللي وسط زهر الحديقة تمشيت
أبسط لنا الفرشة وهات الكنافة
يا رياض الروض عودي
بأجمل أيامك معاي
عشت بك أجمل ليالي
أنورت منها سماي
اسألي عني الخواطر
واسمعي نغمة غناي
واسألي حلم الليالي
في شقى نومي نداي
واسألي حزني وهمي
لو همس أنتِ دواي
واسألي دقات قلبي
في صباحي في مساي
كلما في فيني حكى لك
يا الرياض أنتِ منااي
رقيت الطويل أللي براسه تهب النود
على طلعته من يوم صغري وأنا معتاد
أصوغ الكلام الزين وأدراه مـ المنقود
وصفي من العذب النقي وأسفي الوراد
جلست بنقاه أحرك الفكر بالموجود
وعلى قمته جتني أعيان المها وراد
رفيع النقاء ما فيه حاسد ولا مقرود
تخالط عطر ورده مع نسمة البراد
مساء الخير يا ناسٍ يجينا من نباها خير
قلوبٍ تكسب المعروف بالحكمة و سيرتها
لها منا المحبة والرضا و المدح والتقدير
عزيزة من خلقها الله وزاد الطيب عزتها
يا نجد مالي عن ربوعك معازيب
غلاك يا ديرة هلي وسط روحي
لولا فضاك الغر ما هرول الذيب
ولولا نقاك المرتفع ضاع بوحي
دار على صوتي تسوق التراحيب
و أنا تعلق في غلاها طموحي
أحيان أقول إن غيبتك شيء عادي
وأضغط على أعصابي و أكابر زيادة
وأقول من هي من تكسر عنادي
و أنا سلالة طيب من روس قادة
وأحيان أغير من غلاك إعتقادي
وأنزل لك برأسي ضعيف الإرادة
خصاً ليشفتك طليق الأيادي
تمشي دلع ما بين طيش وركادة
حكاية مع النفس:
كم هائل من الأمنيات
تتزاحم مع طريق ضيق
فيسقط أغلبها على الرصيف
مسكينة هي الأماني سقطت ولا أحد سمى عليها
شيء عادي ومألوف عند البعض فالزحمة لابد أن يكون لها ضحايا
ولكن الأهم هو الوصول إلى الهدف
إن ضاق صدرك أو تكدّر مزاجك
جيب القلم واطلب من الفكر يمليك
وعبر عن شعورك ودور خراجك
و العب مع حلم الليالي و أمانيك
وإن كان في يوم(ن) تعذر علاجك
فاصبر على كي من النار يكفيك
حتى تفل أحلى الليالي حجاجك
ويجيك جراح القلوب ويداويك
الشوق عنى لك غناء ! والقلب هاويك
والحرف يكتب لك جمل ! تمسي على خير
غنى و سافر بالمساء ! بالوصل ناويك
ما اختار من دونك بدل! لالا ولا غير
يسبح خياله في الفضاء ! يطلب معايك
و إن يسر الله ياصلك من دون تأخير
عبير الزهر ما يخلفى ولو يبى عليه السور
يجينا من عبيره شمة الريحان وأنسااااااامه
على مرأى عيوني طلّت غصونه وراء المستور
يميّله النسيم ايسار ويمينه وقدااااامه
يزينه لنكشف زهر الربيع وجمل المنظور
وتسامى مع فروعه يحرسه أهله وخدااااااامه
خذته من الزمن غرة وما يدري عليه اسبور
تشدة بالغلاء كف الحنان وطاحت أكماامه
صبولي الكيف في الفنجالي م الدلة
خلوني أسهرمع كيفي وفنجالي
فكري سرابي مع أهل الدين والملة
ناسٍ لهم في حنايا الصدر منزالي
ألا يا الله يا ألي تعصم المسلم من الزلات
تسهل له طريق الخير والغلطات تغفرها
تزيل الهم من صدر الأنام ألي بهم ضيقات
يضيق بها النّفَس ساعات والعينين تسهرها
عسى ربي يبدلهم سرورٍ يرفع الضحكات
يجي صوت الفرح من حول جيرانه يبشرها
بعد ماكان عين الأمس تنزف صافي العبرات
يزين بشوف عين اليوم فرحة وسط ناظرها
1438/5/15
خلاص أبخفي حبنا و السراير
بشرط واحد بس غيره ما خفيه
إذا رضت دانة ونوف و بشاير
و أمير مجلسنا وشيخه و قاضيه
إنكانهم ضدي و حكم الدواير
بروح في دار الخلاوي و أغنيه
لشفت دعوى الحيف والحكم جاير
فارحل عن الورد المغلف وساقيه
وقل للعيون ألي تحفظ السراير
تحفظ محبة كل غالي و غاليه
يا أجمل من الورد كل الورد لعيونك
تذوب كل الورود بخدك الصافي
بالله لو تسمح بساعة يشوفونك
لحظة تبين حقيقة زينك الخافي
خل الذي جاهلٍ في نظرة عيونك
يعرف سبب مشيتي وعيوني خلافي
وإلا!! تغطي أخاف إنهم يحسدونك
يحفظك ربي بطهر وستره الضافي
يا جوهرة غالية لو البحر دونك
أغوص قاع البحر لأجلك ولا أخافي
مع طول المسافة والليال وفارق التوقيت
تخيلتك نظر عيني بشوق يغمر احساسي
وانا ودي وفي بالي يطول بنا اللقاء ياليت
يليته طول الوقفة وطول فيه هوجاسي
مساك المسك والعنبر ودهن العود والليمون
حلاك الحامض اغواني وعيا لا يقهويني
يسامح ربي عيونك ومن غيرك عليه عيون
إذا كان الدواء منها وش المانع تداويني
نظر عينك يقول أسرار وين الحافظ المأمون
وأنا لك و النظر خله يراوح بينك وبيني
تراني مرهف الإحساس أواعد بالوفاء وأمون
خلقني ربي حنين و بشهودي تزكيني
مع ذلك يجيني طيش واعجاب وسطر وجنون
دخيلك كان في قلبك تخوف لا تخاويني
يازهور الروض هاتي من عبيرك والورود
واثري عطر التلاقي علي ليل ونهار
واسأليني عن جمال الورد وارقي بي سنود
والله ان الورد من أجمل مناظر كل دار
ياغصون(ن)تمايل بالورود
في مساها تعطّر والصباح
عطري من يجيك من الوفود
تولة(ن) بالشماغ و بالسباح
صافحي بالوفا كف العنود
قبلي خدها حسب المباح
الليلة أللي طلع فيها وغاب القمر
يا زينها ليتها بأجمل حلاها تعود
ما بين لمع البروق و بين رش المطر
وأنسام عبق الزهر من فوق حضن النفود
صباح الخير ياوردٍ عبيره في اللقا فواح
تثيره هبة أنسام الصباح ,و تلعب اغصانه
ليانٍ جذعه الناعم يشيله والثمر تفاح
تحركه الفروع اللينة والساق مليانه
يجيه من المطر في صبح يومه والعصر مرواح
ما لوم الماطر ألي هل فوقه يعشق أحضانه
يا بحر شفني واقفٍ من حواليك
قربك فرح والبعد عنك مواجيع
أوزع أحلامي بساحة موانيك
وأكتب على رملك بروس الأصابيع
أحب قربك يا بحر حيل وأغليك
وأرسم على شاطيك بيت ومشاريع
يا شين وضعك لا جلست الحالك
تنظر بعينك والفكر محتاس
ترقب خويك والخوي ما جالك
و تعيش ساعاتك مع الهوجاس
يا ساري القمراء نوينا نخاويك
خوتك تعجبني ولا عنّها صد
تهديني القمراء مع الدرب وهديك
روح الكلام الي تغذى من الود
حبٍ ثبت لك فيك منك وحواليك
ما هام في غيرك محبة ولا لد
سار القلم يكتب غلاكم ملايين
وفي حب غيرك ما يحرر ولا شيء
يكتب لك الحب المحدد بقوسين
اكتب ما بين أقواس حبك وعطني
يا ملتقى إحساسي ونبض الشرايين
مقدر أعيش بدون طيفك لو إشوي
أنت السحاب أللي يروي البساتين
وأنت الظلال بشدة الحر يا فيّ
تهدي و انا اشتاق الهدايا الثمينة
كم لي و انا انظر مدتك من غلاها
هديتك بر و سرور وسكينة
ولو طالت المدة وراها وراه
على نغم صوتك يزيد الأشتياق
أطرب لصوتك والمعاني لايقة
يا زهرةٍ يوم الزهر لكل راق
يا نجمةٍ بانت لعيني شايقة
الصوت والمعنى ولحن الصوت لاق
والجو هادي والمشاعر رايقة
أفرح بساعات اللقاء يوم التلاق
وأخشى عليك من النفوس الضايقة
سمعني أعيان صوتك لو تعاتبني
راضيه منك ولو باسلوبك القاسي
كل المعاني بلهجاتك تناسبني
حتى ولو قلت لك بالمزح ياقاسي
بالله قل ما يجي منك و سمعني
وابصم بختمك على بوكي وقرطاسي
شين طول الغياب وشين ساعاته
بعد وقت السعادة نشتكي ضيقه
راح وقت الهناء يا زين لحظاته
ما بقى إلا الغواني في طواريقه
يزعل الشخص و يغيب من ذاته
دام طير السعد ما بان تحليقه
ك الله قدر ك ما نقص مــ الغلاء معيار
أحافظ على حجم المحبة و أكبرها
وأقيس المسافة في عيارالزمن وش صار
و أحافظ عليها لا تغير و أشبرها
تطير الطيور وطيرك ألي وقع ما طار
يشيل المحبة مثل يوم أنت خابرها
الغلا والشوق والإخلاص زاد
كلها لك بأول العام الجديد
أرسلتها لك مراسيل الوداد
بالهواء وإلا مع ساعي البريد
يحتويها الورد من فوق الزباد
والممول فاتحٍ بنك الرصيد
غاية المضمون فيها والمراد
طول عمر بالفرح تبقى سعيد
بدري على مسراك يا نور بدري
تو العرب ممسين والليل ضاوي
تمشي كذا بسكات من دون مدري
ما تدري إني نور قمراك هاوي
خل السرور يطول والضيق يسري
والسالفة بن و بخور و حلاوي
وشعاد لو تلعب علينا السمكري
دام البخور ايثور والعود جاوي
ابتسم والناس قدامك تشوف
لا تخاف من العيون وتستحي
لا توارى و أنت لك رب رؤوف
و الصغيرة عند ربك تمحي
الربيع
يا ورودي رفرفي لي في مساي
روضي قلب(ن)يعشق المستحيل
ونّسيني لو سمحتي في خلاي
خلي أغصانك تمايل فـ المسيل
حركي فكري بداخل محتواي
بين زهر الورد و أشجار النخيل
يا زهر أرضي ويا نجمة سماي
مكتفي بك من طلب شح البخيل
كل ساعاتي مع بوحي الحاضر
سافرت يا عزوتي لك و راعيها
دثريها شوق في جوك الماطر
واسعديها صبح و أحيي لياليها
على الواقع انحاول لنا بالهنا ميعاد
يعود عن المقصود ما صافحت يده
نسب العتب ونعاتب الحلم والرواد
وننشد هدفنا درة في بحر مده
تعبنا نراقب فرصة ما لها ما لها ميلاد
وهي تفتح الباب الهناء شطر وتسدة
يا ليت السعادة تستوي دلة و براد
عشان أعتني كيف المعاميل و أعده
لكن السعادة لجتمع بالهوى رواد
مثل كل شخص معجب فيه و توده
يا قمر شفت نورك وأنت حولي تدور
في زمن جفّل القمراء شبح ظلها
ما عرفت القمر عن طول مده نفور
وما عرفت الاماني جات في حلها
واقف في طريقك عند و قت الظهور
رافع لك يمين و قلت لك سلّها
الوفاء للفي يبقى بخافي الصدور
و المشاعر تتوه و مثلك ادلها
تنتظرك الحديقة والزهر والطيور
جلسة الود تنتظرك مع زلها
كان ودك بكيف الراس عند المرور
والحكايات فلة و أنت من فلها
يا نجد مالي عن ربوعك معازيب
غلاك يا ديرة هلي وسط روحي
لولا فضاك الغر ما هرول الذيب
ولولا نقاك المرتفع ضاع بوحي
دار على صوتي تسوق التراحيب
و أنا تجود في غلاها طموحي
الربيع
عبير الزهر ما يخلفى ولو يبى عليه السور
يجينا من عبيره شمة الريحان وأنسااااااامه
على مرأى عيوني طلّت غصونه وراء المستور
يميّله النسيم ايسار ويمينه وقدااااامه
يزينه لنكشف زهر الربيع وجمل المنظور
وتسامى مع فروعه يحرسه أهله وخدااااااامه
خذته من الزمن غرة وما يدري عليه اسبور
تشدة بالغلاء كف الحنان وطاحت أكماامه
الربيع
نسافر والسفر عيا يسلي قلبي المشتاق
ربيع النفس مع طول المسافة طيف غاليها
على وقع المطر والسيل فكري دونكم ماراق
ولا ساغت لي الجلسة وملحك ما نطع فيها
مع كثر المطاعم والمشارب تختلف لذواق
وعلى رغم الوجود و كثرته فكري سرح فيها
الربيع
أنا لي صاحبٍ من صبح ماشفته مع الماشين
ألا عزي لحالي لو تطيح الشمس بغيابه
طلبتك يا زمن حاول ولا تكسي على الغالين
ترفق بالهواوي لا توتر باقي أعصابه
عسى الله ما يطول غيبتك يا فرحتي والعين
خسارة كان يومي ما تهنى بأطيب أحبابه
الربيع
لو كنت غايب لك بقلبي معزّة
بين الضلوع ألي حناها الغلا حيل
القلب يعشق و الزهر يستفزّه
ذيك الورود ألي على ساقي النيل
أحيان غصن الموز قاس(ن) مهزّه
وأحيان تسقيه المخاييل ويميل
الربيع
معذور لوغبت عنك بعض الأيام
دام الشوارع بها ناس يمرون
لين وسادك واخذ لك غطة ونام
حتى الدبابيس من دربك يروحون
أخاف من روسها لتطول الأقدام
ماهنت عندي وهم لأجلك يهونون
ذا منهجي في حياتي لك من العام
قالوا كذا أو كذا مهما يقولون
نستن مركب غرام الشوق قدام
ساعة لقانا ندق الهمس بالهون
نضحك فرح من بعد تحقيق الأحلام
في ساعة ما تصيد حولنا اعيون
يتكلم الساني ويخلف مرادي
و أعاتبه ليش انفعلت وتحاكيت؟
أحيان مع صوتي دليل و مبادي
وأحيان يا فتشت قولي تعزويت!
بعض الحروف تمر بالعفو عادي
ومن بعضها نسمع صداها تماديت
لكن طيب يشهد الله فؤااااادي
أعذب من الهمال وأبيض من الليت
دلة الكيف بين في طعمها الهجير
يوم طول غلانا ما تقهوى بها
زين فنجالها لدار بعد الأخير
عطرها السالفة والهيل بخضابها
ما علينا جلسنا حزم و إلا سرير
المهم القلوب أن تفتح أبوابها
هلا بالضيوف ألي تواجد على الساحة
يجي بالغلا ضيف الغلا والغلا نهديه
هلا بالورود ومن حملها على الراحة
هلا مرحبا بالورد غالي و من يهديه
وهلا باللقاء ما دام يبعث على الراحة
ما دام الخواطر بالسعادة تجمع فيه
هلا بالثمر ما بين خوخة وتفاحة
وهلا بالمطر ينزل على منبته يسقيه
عودعلي يا مقضي الوقت غيبات
يمنى الكرم تبقى لأهلها غنيّة
لك في نواحي مزهر الروض وردات
بعد البطاء ذبّل ورقها ضميّة
ذبّل زهرها والغصن حي ما مات
وزود ضماها شمس من دون فيّة
لوصار من بيني وبينك مسافات
تعال لي دااام المشاعر قوية
هيه يا الصوت المنادى لنا يسلم نداك
معك قوة جاذبية وأناقلبي رقيق
نكهة العشاق حلوة وزودها حلاك
عانقت صافي الهواء يوم فوحها البريق
لو تغيب أصناف زولك لنا يبقى غلاك
ربما في دوحة الظل يجمعنا الطريق
بس يا الضبي المعنق شوي أبعد وراك
المشاعر عاطفية وأنا قلبي رقيق
خايف لصدمك وأروح في سهوة خطاك
والسبب لك جاذبيه مع ضيق الطريق
اقلط علي وأهديك من هبة الريح
ما يكفي المشتاق طيف لمحته
شفتك مع سجة خفوقي مع الريح
يا أجمل خيالٍ في سما الطيف شفته
أخشى عليك من العيون المشافيح
وإلاسحب ما شفت زينك وصفته
تهوم نفسي لك على فوق وأطيح
وأمشي مع دربٍ نويته ورحته
أنا أعرف إن حب الهواوي تلاميح
وليتك تعرف ألي بعد ما عرفته
أعطيتك بساعة غلاك المفاتيح
باب المحبة لأجل عينك فتحته
أبيك تكتب لي على الباب تصريح
أخاف يمنعني الحرس لو دخلته
وأجيك في صبحي ووقت المراويح
لو البحر من دون طيفك سبحته
يا صباح الخير يا نور الصباح
بان نورك وأسعد القلب الجريح
مع شعاعك أبيض الريات لاح
والعلم فوق السواري ما يطيح
مع عبير الورد و أنسام الصباح
رفرفت لك راية الشوق الصحيح
يا زهور العشب فـ الأرض البراح
بالـنـقـاء محـميـةٍ مـن كل ريح
ما تذوق إلا المطر عذبٍ قراح
وما يفتش وردها غير المديح
طيفك أللي كان ترسل وين راح
ما وصلني منك بالوضع المريح
نسيم الصباح تداعبه نوته و الورد
يزفه مع رش المطر جوه الصافي
مطر نوته و السيل يحيي الفياض الجرد
سحابه يشوق العين تحت الساء ضافي
تنحى ديار(ن) ما لها في غلاها ند
سقاها سحاب المزن في جوه الدافي
بالليل لبان القمر جاب طاريك
بالصبح لغنى مع الشوق طيرك
ثارك براكين المودة تناديك
ميدانها قلبي ولا تشوف غيرك
بركان شوقي ينتشر من حواليك
يرقا سماك وينزل بقاع بيرك
برد وسلام يطرد الشك ويجيك
يدخل حماك برغبتك يستجيرك
ما يكفي ببعد المسافة يراعيك
يلفي عليك بغرفتك في سريرك
هاذي أشواقي كل وقتٍ تناجيك
ليته يواصلني مع الشوق طيرك
طلت القمرا وزاد النور نووور
وهب أنسام الفجر معها البخور
يا سلام الله على بدر الليال
يوم بانت طلته زاد السرور
سيرتك بين الوجود أعز سيرة
ارفعي رأسك فخر وأنت أميرة
في جنوب الأرض وإلا في الشمال
ما لقينا من شكل بدر البدور
ياهجوسي جهزي ورد في لفة حرير
وقدميها بالشكر والثناء باقة زهور
استلمها لك هدية من أعماق الضمير
مرحبا بأللي لفتني علومه في سطور
المعااااني بيننا خلطة أزهاروعبير
والهدااااايا بيننا أطيب أنواع العطور
انفتح في ساحة القلب لك روض كبير
نبته أزهار القرنفل ونسماته بخور
ما هو كذا يا ثمر قلبي وعنابه
اتخلي النفس تغرق في تناهدها !!
خليتني بين قاع البحر واشعابه
وين الرومانسية أللي فـيـك عاهــدها!!
يوم تـســد الأمـل واتقفل أسـبابه
وأفـكار حبي إذا فاضت تـقـيـدها !!
ويوم تشيد شراع الحب بأطـنابه
و تسعد الرروح فيني وأنت سيدها !!
لا تحسب الحب بستان(ن) تسلى به
بأعذارك ألي على سمعي ترددها!!
إما تجـنب عناه وسـكـر أبـوابه
وإلا الضماياء على نـبعـك تـوردها!!
على البعد عيني ما غفت ليل مرتاحة
ولو الغلا ما جيت في حضرة الغالين
ما دام الضمير يحس في قربهم راحة
مشينا لحضرتهم على وصلهم ناوين
نعيش الأمال ألي مع الفكر سواحة
يمسي بها حلم الليالي على الجنبين
هواي القراح ألي يقدم على الراحة
وزادي ثمار الخوخ وأهل الوطن راضين
ما أصعب الفرقا وما أقسى مع اللقيا الوداع
وما أثقل العبرة مع الدمع و الوردة تسيل
وما أكبر أن يطلبك غالي بما لا يستطاع
يا تتحقق له هواه أو عن السكة تميل
ما درى إن الوقت دنيا و للدنيا متاع
والمتاع يزول في حكم ربي والدليل
يوم تلفيك السعادة وتنصب لك شراع
ويوم لتويه العواصيف مع ساعة مقيل
على النت طال الوقت عيني على الساحة
ولو الغلا ما جيت في حضرة الغالين
ما دام الضمير يحس في قربهم راحة
نبي نحضر و نعبر مع طيفهم سالين
شربنا القراح ألي يقدم على الراحة
وأكلنا ثمار الخوخ وأهل الوطن راضين
نعيش الأمال ألي مع الفكر سواحة
تمسي بها أحلام الأمل بين حين وحين
البنات نجوم تنور في فضاها
وأنتِ أنتِ زينة الدار وقمرها
يوم طل البدر من عالي سماها
ليلة الخامس عشر بأجمل سفرها
بانت خدود القمر بيض تباهى
و انطفآ الجسر المعلق من نظرها
كن لنبات المصافي في حماها
وكن أكباس الملاعب في نحرها
من خيار القوم عالٍ(ن) مستواها
وما يذاع بمجلس الغيبة خبرها
في ثياب الطهر تزهو في حماها
كنها الدر المغلف في بحرها
ياخسارة حظي أللي ما لقاها
مااجتمع شهر العسل بي مع شهرها
ياعين قولي للفرح وين رايح
حرام يترك لي همومي وينزاح
البارحة محزون والدمع سايح
يفضح خوافي عبرتي لين تنباح
ساعات أقول إن حظي اليوم طايح
وانشفت بيبان السماء قلت ما طاح
يا الله يا فارج هموم النوايح
واللي كتم همه عن الناس ما باح
يا رب ما لي غير جودك طمايح
لأن البشر عجزوا بعد جهدهم باح
متى يروق البال والبرق لايح
وأجلس مع النخبة سعيدٍ ومرتاح
شفتك قمر ! اكتمل نوره وغاب
انتظرتك لين تطلع ! قمر وإلا هلال
دام حبك في عيوني وصل هام السحاب
و الغلا لك في خفوقي نبت قدر وجلال
شي عادي لو حصل بيني وبينك عتاب
دام حبِّي لك وحبَّك سما فوق الخيال
انطفي يا جمرة البعد يوم الوقت طاب
وابشري يا غاية الوصل عن قرب الوصال
صباح الخير
وإن كانه مساء
قلنا مساكم خير
أنا يمكن
صحيح أبطيت
لكن الوله جابي
مراسي غبتي
تعشق وطنها
ما تبى التغيير
لك الله
ما تبي غير
الرموز أللي
على بابي
خيالٍ في ضميري
حار في فهمه
هل التفسير
وفسرته
على كيفي
ما بين الشوق
وأحبابي
:1443:
الربيع
٢٩-٥-١٤٣٨
صاحي و مستانس و معجب و محتار
و ينقص علي من منتهى الأنس حاجة
حاجة ملاها السر قيمة و مقدار
و ألي ورى الأبواب ذكره سماجة
فيها من الغيمة سحايب و مطار
و فيها من الوردة ليان و غناجة
الربيع
لا تفرحين بزلتي و انهزامي
هذي سلوب اللعب مرة ومرة
واحد/ صفر فيها تغيب الأسامي
ماهي نتيجة للقاء بل مغرة
باقي لنا هجمة وبابك أمامي
وباقي لنا خمسين كرة وكرة
يا ما خذينا الفوز حسب النظامي
ويا غلبنا من طنا البيض حرة
وإن غاب في بعض المواقف كلامي
جيتك معي أسمى المعاني مجرة
يا نسيم الصباح
ويا هبوب العشيّة
لو سمحتي معك
لأغلى الحبايب هدايا
وصليهم رسائل
شوق تحمل تحية
من عبير والورود
ومن كنوز الحنايا
احمليها هواء
ما هي حروف أبجدية
حسّها بالخيال
و شافها في المرايا
الهون ما يرضى به إلا هل الهون
ولا مشت للهوننفسي رفيعة
لو قيل مشيها على ما يقولون
عيَّيت ما أطاوع لنفسي هزيعة
صعبٍ عليّ ألين في ساعة الهون
وفي غيرها نفسي مزوح ومطيعة
٥-٦-١٤٣٨ ه
ألا وين أنت يا ألي شوفتك مناك ترضيني
أبي شوفك و لو من بينا شارع وسيارات
ليا شفت السعد في نظرتك يا زين يكفيني
أحس أني أمام أطقم عقود فوقها شمعات
كل المشاعر تقول إنك حبيبي
وكل المناظر تقول إنك وناسة
حتى المطر وده يطيح بجنابك
ويصب لك من عيون الغيم كاسة
أعرف بأنك* أسرت أجمل خيالي
و أنا درستك على مهلي دراسة
أفهم رموز الكبينة و المعاني
عندي على فهم مخزونك فراسة
العيون ألي يناظرني غلا ها في العيون
والقلوب أللي نبت فيها الغلا تحفظ غلاه
يا مسولف لاتسولف حب خلي مايهون
لو تجي بالحكي شينه ما ينزل مستواه
غصنه الناعم تبنى و يتثنى بالغصون
و أتطلع و أتمنى رؤية الزين ولقاه
برقٍ وراء شقر السحايب لها ضوح
أخايل أنواره وهو ما قرب لي
*لا قلت قرب يمنا واسعدح البوح
وقف على حبل الرجى والتفت لي
سلمت يا صوتٍ دعاااني ولبيت
وفزيت من طولي وجيتك لحالي
سمعت صوتك بالندا يوم ناديت
قريت لك دعوة وجيتك موالي
جيتك على جنح الظلام أتبع الليت
من بعد ماشفت الطريق استوالي
ما همني طول المسافة عن البيت
المثلك وشرواك تدنا الرحالي
٢٩-٥-١٤٣٨
صاحي و مستانس و معجب و محتار
و ينقص علي من منتهى الأنس حاجة
حاجة ملاها السر قيمة و مقدار
و ألي ورى الأبواب ذكره سماجة
فيها من الغيمة سحايب و مطار
و فيها من الوردة ليان و غناجة
الربيع
صباح الخيرهذه المشاركة تحتوي على محتوى مخفي
صباح أوله نور وطهارة
اذكر الله مع ظهوره وأستخيره
و ألتجئ به من عواقب كل تارة
وأطلبه عفوه وبره و أستجيره
لجيت بجلس طار قلبي وسير
ما بين جنحان الفضاء كنه الطير
يجمع من ألوان المساء ويتخير
كل الحروف ألي تمسيك بالخير
لو جف حبري ما تجف المعاليق
ألي ثبت فيها غلى كل غالي
طيف(ن)سكن وسط الضلوع المغاليق
ما يبرح الموطن يمين و شمالي
لاتسأل المشتاق عن راس ماله
دامك تعرف إن المودة رصيده
صباح الخير في أول بكورة و أجمل أيامه
صباح الخير من غنت مع صبحه عصافي
صباح يسعد القلب الحزين و ينشر أحلامه
على صفحات نوره والسرور أول تباشيره
http://www2.0zz0.com/2010/07/24/03/658744625.gif
http://adelette.a.d.pic.centerblog.net/c5dfd493.jpg
https://s-media-cache-ak0.pinimg.com/236x/f9/b2/8b/f9b28b27aaf15f3030b24c55c859c8a0.jpg
http://2.bp.blogspot.com/-FNKDizknkOU/TgbafW6iv-I/AAAAAAAAAbQ/sd2Ax2zt8G0/w1200-h630-p-k-nu/19779_1317856630886_1364851348_893969_7763597_n.jp g
يا صباح الخير يا نور الصباح ***** بان نورك وأسعد القلب الصحيح
مع شعاعك أبيض الرايات لاح ***** و العلم فوق السواري ما يطيح
الربيع
https://4.bp.blogspot.com/_iZMx-7oYH0w/SX3lFa_nBtI/AAAAAAAAAE8/Y8P5H0jJjO8/s320/%D8%AA%D8%AD%D8%AA+%D8%A7%D9%84%D9%85%D8%B7%D8%B1. GIF
يا زهر نبت الربيع ويا غصونه
ويا هواه أللي تمشى في كيانه
ويا ذراه أللي على ساقي عيونه
ويا ثمر خوخه وتينه ورمّانه
يانسيمه كلما هب وسكونه
يا جذوره في ثراه و يابيانه
شاعرك غنى على طيفك لحونه
ثابت(ن) حبك ولا يبرح مكانه
عهدك أللي يحتفظ به ما يخونه
حافظ سرك وراء عظمة لسانه
الربيع
ورد اللقاء يرتاع من غيبة الشمس
تقصر مسافاته على غير لونه
يا زين منظر رصة الصف بالأمس
واليوم ليه أهل الوطن مايجونه
أمسٍ معه مشبوك والخمس الخمس
واليوم يخشى صاحبه لا يخونه
باقي حسب مبداه ما في الهوى لمس
ويكفيه من غاليه ينظر عيونه
يا مرحبا باللي كلامه يسلي
لوغاب زولة بعض الأيام ما غاب
أنا لضيف العشق يعرف محلي
يبين لضيوف العشاء مدخل الباب
أقوم بالمدخال وأجلس محلي
وأمسك يدين أحباب و أودع أصحاب
وأضحك غلاء لعيون ضيفي وأهلي
وأجلس معه ما بيننا ستر واحجاب
نشبع هنا مابين ضحك وتغلي
إن طحت يسندني ولو طاح ما ارتاب
vBulletin® , Copyright ©2000-2024,