((يا من يسلفني من القاف لو بيت))

[القارظ العنزي]

يا ما كتبت من القوافي ..... ومليت
لولا بيوت ن لبو ضاوي ... انظاف ي
القرم ابو ضاوي يرحب ..... وهليت
والياقصفنا بالقوافي ......... نخافي
واليانويت اكتب من القاف . صديت
اخشى من اللي هو مليك .. القوافي
يا من يسلفني من القاف لو .... بيت
ودي اجاري لي صديق ن ... اسنافي
يا صاحبي خفف علي ..... الدناميت
ما كل مرة ابي اصادف ..... اسعافي
اخاف اهف انا مع امقيط ... وبشيت
اللي وقع بالبير .. واللي ...... بسافي

القارظ العنزي

[ماضي الماضي]

اخاف اهف انا مع امقيط ... وبشيت
اللي وقع بالبير .. واللي ...... بسافي


هلا بشاعرنا ابو سلمان

القصيدة جميله

لكن ودي اعرف وش قصة البيت الي كتبته لك فوق


تحياتي لك ولصاحبك نجم

[القارظ العنزي]

هلا بك ابو ماضي الله يجمل حالك ، وشاكر لك مرورك ، بالنسبة لمقيط : هو مثل اللي يقول : امقيط وارشاه ، نزل للبير امقيط بدلوه يبي يمتح الماء فسقط ولحق به ارشاه فهلك ، فأصبح مثلا يضرب به عند العرب ، هذا ما عرف عنه ، ولو أنني أرى القصة لها حكاية غير ما ترويه العامة بموروثاتها ، فلعلنا نجدها في كتب الادب ، كقصة مواعيد عرقوب التميمي ، فهي منصوص عليها عند بن حزم الظاهري في كتابة جمهرة انساب العرب في نسب بني تميم التنوخيين . أما قصة ابشيت : فهي يقال كان هناك أعرابي او بدوي يمر بإبله على سكة القطار ، فعندما مر القطار به سمعت الابل صوت القطار ففزعت لا يلوي أحدها على الاخر ، فغضب البدوي بشيت ، وأقسم يمين ان يجلس على سكة القطار عند عودته ليرهبه كما أرعب إبله ، فلبس بشته عندءذ ، ونام فوق السكة ، فعندما قرب منه القطار فر بوجهه يظن به ان يفزع منه ، فسحقه القطار ، فأصبح قاعا صفصفا يسفي عليه السافي ، وذهب القطار بحال سبيله ، هذا ما تناقلته العامة في مجالسها ، والله أعلم بما يصفون يا ابو ماضي .

[ماضي الماضي]

ايوه ياخي الحين فهمت المعنى

واقتباسك للقصه في شعرك موفق جدا


تحياتي لك

[القارظ العنزي]

وفقك الله لما يحب ويرضى اخي ماضي الماضي .

[نجم ضاوي]

البارحه .. في تالي الليل .. ونيت
بيحت من المكنون . ما كان خالفي

دمعتي سالت على الخدين وبكيت
وكتبت من القصيد ناصع وصافي

ليتك تحس بي .. والذي . عانيت
شرحة لك وضعي في كل قافي

اتعبتني . . يومك عني .. تخليت
كافي عذابي يابعد هالروح كافي

يا طالب (ن) .. منا سلف .. بيت
وانت شاعر فيك الكفايه يالسنافي

في قصيدك لنا كفيت ثم ووفيت
قافك لقلبي يا ابو سلمان شافي

على كل قصيدك . . ترى مريت
وافي .. يا توئم الروح .. وافي

انت بس .. لحضن الاحباب حنيت
وانا ادري . حضن الاخباب دافي

الضاوي يقول .. البارحه . ونيت
بيحت من المكنون . ما كان خافي

[القارظ العنزي]

يالعود ياللي بين الاحباب . سجيت
من يسمعك يقول حبك .... خرافي
الله يجيرك من هوى كل ... خريت
ويجيب لك غرون جميل ن ودافي
قلبي يون لونتك يوم ......... ونيت
وتزيد وناته وبوح .......... الخوافي
تعال يمي والبحر عندنا ........ ميت
ما به امواج تشغلك دوم ..... صافي
وحنا سمكنا ينتظر لمعة ....... الليت
يركض يبرك يالحبيب ...... السنافي
له مبسم ن يجلي هموم .. وتناهيت
مع نظرة تذبحك ذبح ...... الشلافي
والا بحركم يرسل الموج ...... للبيت
فيه الغرق يا ويلكم ....... والسوافي
واحذر من اللي ريحته كنها .. افليت
والحق بعمرك كان ودك ....... عوافي

[نجم ضاوي]

يا القارظ .. في عيشتي . ما تهنيت
لاجاتني زلة ن منه اقول له عوافي

يا القارظ .. قلبي رحل . يم الكويت
عشقت لي من يمهم صعب وخرافي

ساكن حولي وبها المدرسه والبيت
غرون خدلج .. وبه الاحساس دافي

حنيت له يا صاحبي ولشوفته حنيت
ياما نظمت في رقته شعر وقوافي

يا القارظ . من عيشتي ياخوك مليت
روح وقول لها فيني ماسوته كافي

خارت قواي . . ومعها .. انا خريت
ذبحني برمشه .. مسنون الشلافي

لا جاك الخبر عني .. وقالوا توفيت
اذكر صديقك الضاوي ذاك السنافي

[القارظ العنزي]

مرحوم ياللي من هواها .... توفيت
مرحوم والله يا شهيد .... الشلافي
مريت انا بالكوت ثم عشت بكويت
ولا مرني يا خوك زين ن ... خرافي
يا كود ايراني وايضا راع . التواليت
والا يجر حمار والا .......... اسكافي
الزين والله بالجزيرة ........ ويا ليت
والا تجي للشام وذيك ....... الفيافي
فيها ترى الدراق ما هو ...... حلاتيت
مذاقه السكر ودر ن .......... انظافي
ورمانتين بصدرها شمعة ...... البيت
وتطوف بالكعبة وثمان ...... الرهافي
والريحة اللي تنعشك تحيي .. الميت
ومخصرات يطربنك .......... انحافي
هذا هو المطلوب يا راعي .... الصيت
ولا بحولي غير كثر .......... السوافي
اهلا هلا بك كان ودك ........ وحبيت
وهات الوليدة ابو ماضي .... اسنافي