المساعد الشخصي الرقمي

مشاهدة النسخة كاملة : ((تولت الخلان عني ووليت))


القارظ العنزي
02-18-17, 11:20 PM
وش فيك يا قاف الشقاء اليوم .. قفيت
اقفاي ضبعن مقتفينه ............. اشيابة
وش فيك يا قاف البلا اليوم .... صديت
وخليتني من غير ربع ............. وقرابة
تولت الخلان عني ................. ووليت
ضاقت بي القيعان وضاقت ...... اشعابه
وكل ما نخيتك قلت لي ارجوك .. مليت
ما هو بكيفك حرفي ما هى ....... انهابة
هو انت عمرك شفت حي طلب .... ميت
حرفي نضب يا هيه وجفت ....... اسبابه
ان كان تبغى اعطيك هات ..... التناهيت
وانثر دموعك مثل وبل ......... السحابة
يمكن احن واعطيك لو هو نصف .. بيت
وارجي من الله ربي يجزا .......... ثوابه
والا ترى انت اليوم مزعج ........ وكليت
وش رايك نقلب شعرنا ............. للربابة
اسمع كلامي قوم واعزف ........ ورديت
ابدا والله ما طيع قول ن عواء ........ به
سميت انا باسم الولي يوم ........ سميت
وشطبت حروف القاف وقفلت ....... بابه

القارظ العنزي

ماضي الماضي
02-18-17, 11:46 PM
ماشاء الله قصيدة جميله جدا

صح لسانك مليون

ولا تحرمنا من جديدك ياابو سلمان

تحياتي لك يا الامير

القارظ العنزي
02-19-17, 12:06 AM
انت الامير اللي تغنى بالاشعار ...... والا انا شعري يا بن ماضي خرابة
ياما كتبنا من القوافي بالاسطار .......... واليوم راحت القصايد انهابة
وكل يقول القاف عندي وبيطار ...... من يكتب مثلي بالقوافي وجابه
يا حسرتي شعر العرب صار تذكار .... غاب الطعم يوم انثروه العصابة
تنكرت لنا القوافي والانظار ......... ورحنا طحن واشعارنا من درى به
عزايه مثلك يوم اشوفك على الدار . يمكن تخفف على مثلي اكتءابه
ضاقت بي الليلة ظروفي وما صار . عسى الفرج من رب عبده لجا به
الغربة اللي حطمتني ومن جار .............. جاروا علينا الاهل والقرابة
كم واحد قال القوافي لنا كار ....... والقاف يبكي ساعة قام وعثى به
الله يجمل حالنا ونشعب النار ................ وترجع حياة زينوها اذيابة
ويفرح صديقي والعدو جعله بنار ... ويسعدك ربي واللي مثلك هلا به

نجم ضاوي
02-19-17, 01:12 AM
يا القارظ .. قافك فقدته . وحنيت
قلبي .. مع قافك .. حزنه سرابه

غصب ن علي قريت قافك ورديت
فز قلبي .. مدري .. وش مصابه

باسبابك .. في خلا الروح . دجيت
يوم ن ذكرت . خلان قلبي واحبابه

يا القارظ ليتك عندنا الليله تمسيت
وتشوف مني الحال واللي جرابه

لهذا .. عن جزل القصيد .. قفيت
الخاطر من عقبهم مهجور وخرابه

اتذكر الدار لو بشارعهم تمشيت
وتزيد حرة القلب . لا شفت بابه

لاتشره علي ياصاحبي يوم قفيت
ولا تلوم القلب . مشغول باحبابه

نجم ضاوي
02-19-17, 01:25 AM
الشعر ضاع . . مع شاعر حمار
يرعى .. بأرض الله .. مثل دابه

كسر حروف القوافي والاشعار
ضيع علو الشعر .. وضيع مهابه

ويقول شاعر .. سميدع وبيطار
وهو ما يسوى . . جناح الذبابه

القارظ العنزي
02-19-17, 02:02 AM
يالضاوي جاك الدمع مني . وهليت
هليت دموعي مثل وبل . السحابة
والا كما سيول الجنوب . وتدربيت
وسط السيول الجارفة ومن غدا به
يا ليت حبي مثل حبك .... وحبيت
واشغلت نفسي بحبها ...... يالقرابة
ما شاقني يا صاحبي شمعت البيت
اللي مثل نور القمر وسط ...... بابه
همي امور عيشتني ....... بتشتيت
وغديت كني عايش وسط .... غابه
يا ليتني في جده اليوم .... شتيت
والا في مكة والا بحدود ...... طابة
والا في مسجد النبي قمت ..صليت
صليت بروضة النبي ..... والصحابة
ليتك قريب يمنا ويمنا ......... جيت
يا سعدنا بك يا كبير .......... المهابة
الله لو تلفي علينا ............. ومريت
يمكن تشوف اللي حلاهن .... اطلابة
ينسنك اللي بحبها طحت .... طبيت
ويروح قلبك بين الحبايب .... انهابة
العين عين الوحش كان ...... هديت
جاب العشى والخرب عجل . صوابه
ومبيسم يشفيك من علة ..... الميت
هي منوة اللي ما تعشى وعثى ... به

القارظ العنزي
02-19-17, 02:25 AM
خليتني بالقاف يالقرم .... محتار
سريتني بالقاف ومثلك سرى . به
قافك كما موج سريع ....... وتيار
فيه الجزالة والحلا ....... والمهابة
واحلا من در الحلايب ..... الابكار
يشفي غليل النفس وهم .. غدا به
دايم على الهقوة مع بن ..... وبهار
يا محزمي يا مسندي ..... يالقرابة

نجم ضاوي
02-19-17, 12:50 PM
الحظ .. أخذ نصيبه . مننا وطار
وخلف لنا الهم .. نعيش بعذابه

والضحكه بقت في قلوبنا تذكار
بعد ما صاحبك . . فارق احبابه

سال دمعي على الخدين مدرار
وقلبي من الضيق . همه شكابه

الموج العالي . . وقوة . التيار
رمتني لميناء صعب الرسى به

يا القارظ اخوك نجم ترى محتار
الروح يا صاحبي تعبا ومنصابه

يابن ماضي طلبتك يامزبن الجار
صاحبي احبه اموت فيه واحيابه

القارظ العنزي
02-19-17, 03:49 PM
يا نجم ضاوي وانت شاعر ... وجبار
وشلون خلك يسدحك سم ...... دابه
خلك ثقيل وبالبشر دور ....... مختار
يأمر وينهى ويختفي دون ....... بابه
وكانه يبيك يجيك وينشد عن . الدار
ويطلب معونة الختيار ........ وثوابه
والياحصل لك شوفته اشعل .... النار
وقهو الحبيبة وطلبه وش ..... جوابه
وان جت لك الفرصة على بن . وابهار
ارشف من الفنجال وعجل .... صوابه
العمر فرصة وخلك واعي .... وبيطار
خذها من حاضر ولا تنسى .... الغلابة
وحدة على اسمي دامه سالي ومحتار
ترى المحبة تبي غارة ........... اذيابة

ماضي الماضي
02-19-17, 05:04 PM
سبحان من يعلم خفيات الاسرار
ربن رحيمن ماخاب الرجاء به

والا انت يالقارظ شجاعن ومغوار

وهذا ترا شين مابه غرابه

شاعر وتقلط عند ربعن وشعار

وشعرك مثالن في الهوى والصبابه

وان جيت لشاعر نجم صرت محتار


عنده شعر يطغى عليه الصلابه

الله عليكم يوم سقتوا هالاشعار

وردن على ردن كموج السحابه

واللي بقلبي بسدحه كيف ماصار

مقدر انافس بالشعر هالذيابه

نجم ضاوي
02-19-17, 06:42 PM
ماضي الماضي شيخ بندر التجار
رزه وذوق .. شخصيه .. ومهابه

القاف . ووزن الشعر لمثلكم كار
اطلب ترى طلبات شخصك مجابه

اسمك يبقى . . في قلوبنا تذكار
يا قطب القصيد . . وذيب الذيابه

انت والقارظ .. جبتو .. لي الزار
يا ويل قلبي .. منكم . ويا عذابه

واحد يدق مزمار وواحد على طار
وما تدرون .. عن قلبي . ومصابه

غديت .. بعد المعزه . غريب الدار
يا الله طلبتك .. يا سريع . الاجابه

واقف على بابك .. والدمع مدرار
واقف .. ارتجي .. تمطر . سحابه

ما خاب الرجا فيك يا عالم الاسرار
يا واحد .. احد .. ما خاب الرجا به

القارظ العنزي
02-19-17, 07:01 PM
خليتها دبكة باشارة ..... موسيقار
خلتك ابو نورة واغاني ..... شبابه
ارفع مقامي وابو ماضي عن الطار
الطار للي ما دري ........... بالربابة
والطار للي صابهم لوثة ....... الزار
مجنون يرقص والبشر ما درى . به
لو قلت مزمار ن لداؤد ..... واذكار
توراة ربه جابها ثم ............ قرابه
نقول جايز ما بها شي يا ...... جار
يالوافي الغالي عزيز ......... القرابة
قلي حبيبك مسكنه وين .... والدار
ابي اتوسط وعند ربي ........ ثوابه
وان غيرت عقب شوفي .... وتختار
من حقها ومثلك صبره ........ نجابة

نجم ضاوي
02-20-17, 12:15 AM
هذا مأشر خطر . . وصوت .. انذار
للوسيط اللي . . ابو ضاوي انتخابه

تلعب علي يا هيه . . وتختلق اعذار
حيلة ثعل يضحك علي بأعذار كذابه

حلمك صعب .. واحذر . اللعب بانار
الشوك يحتمي بالوان ورود جذابه

انا ابو ضاوي . . ترى ماني بكومار
الهندي اللي . مختوم على اعقابه

ولا مكتوب . في اخر الفخذ شختار
عامري جيزاني .. قيمه .. ومهابه

ياصبي عنيزه ليتك في جده لنا جار
وتشوف من الكرم . ما ينحكى به

يفداك الدار .. ويفداك صاحب الدار
ويفداك الاهل وتفداك كل القرابه

القارظ العنزي
02-20-17, 01:39 AM
انا ثعل يا حيف وشلون وش . صار
وكنت احسب اني دوم راس الذيابة
هذا ما هو كرم ومن حشمة .. الجار
الا نويت ترسل علي ........ العصابة
نويت تقلبني على صالي ....... النار
ونويت توطيني بحوش .... الخرابة
يالعامري هذي ترى اسلوم ..... تجار
واثعيل يدرك الغلا وين ......... بابه
تبي تبيع اثعيل مع كل ...... سمسار
وشلون ترضى يالاهل ...... يالقرابة
سجلت لي يا صاحبي الحزن تذكار
تذكار نار في زاد ............. التهابه
وكل ذنبي اني بالغلا مخلص . وبار
واحس بجرحك عندها مع .. عذابه
بلاش وخلك في عذابك ... وتحتار
تشوفها ولا تعطيك وجه .... وجابة
وتنتف بريشك نتفة الطير ... بالغار
وبعدين تجيني تقول هات . الربابة
اسحب عليها الصوت انا صابني زار
يلعنها ويلعن حبها ذاك .......... بابه
ويقوم حظي يا حبيبي .... ونختار
بين الشحم بين اللحم ما ..... نهابه

أميرة بذاتي
02-20-17, 09:15 AM
ولأبياته أنا شديت
أنتظر حرفه من قاف بابه


صح لسانك وقصيدك يا القارظ

القارظ العنزي
02-20-17, 09:49 AM
صحة روعاتك يا أميرتي المبجلة ، أميرة بذاتي


SEO by vBSEO 3.6.1