تغيب وياخذك وقتك ...

[أحاسيس شاعر]

تـحـب إنـك تعـاتـبـنـي وأحبك يـا كـثـيـر عتاب
يـسـوق عتابك الغـيـره والأجـمـل فيك هالغيره

أحب الدمع من فرحه على خدك غصب ينساب
وأحبك يـوم تضـحـك لي وأنا أتأملْك في حيره

أحبك ما توصِّـف لك مدى عشـقـي مع الإعجاب
وأنـا آسـف عـلـى شـعـــري كتبته رغـم تقصيره

تغيب وياخذك وقتك وأقول فـ خاطري ما غاب
أدوِّر لـك عـذر وآقـول يـمـكــــن غـيـبـتـه خِيره

أبـعـذر كـل شـــي(ن) فيك لـو إنـه غـدى ينعاب
آنا آحبك كـثـر ما خـان فـيـك الـشـعـــــر تعبيره





.. أحاسيس شاعر ..

[آلنـور]

تغيب وياخذك (http://www.al2la.com/vb/t82445.html) وقتك (http://www.al2la.com/vb/t82445.html) وأقول فـ خاطري ما غاب
أدوِّر لـك عـذر وآقـول يـمـكــــن غـيـبـتـه خِيره

الله عليك ،،
قصيده رائعه و مو غريب على الشاعر احاسيس ،،

[نجم ضاوي]

الله عليك يا احاسيس شاعر ,,,
رغم قصر القصيده إلا انها رائعه ولم اشبع من قرائتها ,,,
صح لسانك مليون ,,,
لله درك وفالك البيرق ,,,

لا خلا ولا عدم ,,,

[ماضي الماضي]

اسجل اعجابي بالابيات الرائعه


صح لسانك واعتلى شانك

تحياتي

[anoosha]

انتقاء الكلمات والتعبير لا يعلى عليه ..

صح بوحك اخوي وبلهفه لجديدك الراقي :0741:

[القارظ العنزي]

أحاسيس شاعر : لا يعيبك في شعرك الا انك تبخل علينا فيه ، ولا تمنحنا منه الا لماما فلماذا تحرمنا من هذا الشعر الحقيقي والذي تتوق النفس اليه ويشنف الاذان طربا ، أسمح لي بأن أسلمك الراية بعد اذن نجم ضاوي طبعا . القارظ مر من هنا لاهنت .

[أحاسيس شاعر]

صح نبضكم جميعاً ويشرفني إطراءكم الراااقي لا هنتم وأسعدني مروركم