((الدين راس المال ما هو ملاليم))

[القارظ العنزي]

الدين راس المال ما هو ... ملاليم
تروح الروح وعزوتي فدوة ..... له
والله ذكر ، يرفع مقامه .. شغاميم
ما يرفعه ترف مشط جذلة ..... له
ولا ترفعه من شابهت بكرة . الهيم
الياسمعت هدرة الجمل ... تستهله
خابت عقول اللي تبع شيخة الريم
يتبع هواها وصارت هي قايد .. له
عقب الرجولة بيته يحتاج . ترميم
والا انهدم بيته وهدم اهل ...... له
يلعنك يا دنيا غدا غيمها ...... غيم
وشمس العقيدة نورها ضاع .. كله
اللي تبي سيارة تدفع ....... الضيم
في زعمها حياتها ........... مستقلة
وان بنشرت جاها خليل بها امهيم
قلبه رحيم ونيته شبك ........ خله
ونهاية المسرح البنشر غدا ... سيم
يلويه بعنقه وياخذ الدين ...... كله

القارظ العنزي

[ماضي الماضي]

القارظ

صح لسانك واعتلى شانك

قصيدة تتكلم عن سياقة المرأه

اذا اني فهمت زين

والواضح انك ضد هالشيء

وانا معك

لكن نشوف اراء الاخوات في المنتدى هل هم مع او ضد


تحياتي لك

[القارظ العنزي]

صح بدنك اخوي ماضي الماضي ، أما الرأي فهو رأي الشرع والعلماء وقولهم هو القول الفصل في ذلك . وليس لعامة الناس . فالعامة في علم الدين كالاطفال الصغار الذين لم يبلغوا الرشد بعد .

[نجم ضاوي]

الله يا القارظ . . بكل خلقه عليم
وكل مخلوق . . بيوم راجع ن له

ان كان عبده . . ذا موقف سليم
فجنة الخلد .. مسكنه .. ومحله

ناقصات العقل ودين هن الحريم
وبعض الحريم ماخذين العقل كله

يا صاحبي ربك .. غفور ن رحيم
دام العبد .. حاط الامل . فا الله

قصدك فهمناه . ولا يحتاج تعليم
من عزه الله .. لا يخاف . المذله

لكم دينكم ولي دين من الله تعميم
وضع في القران كل شي بمحله

[حسين سلطان]

موضوع رائع
راق لي

[القارظ العنزي]

يالضاوي قولك .. يالفهيم
اعجبني يا فتى ....... كله
وصل رسالة ....... للءيم
اللي ما يحفظ ...... الخلة
قل له يغادر لا ...... يقيم
يروح ويتبع ........ الشلة
موقعنا ما هو .... للحريم
ولا لنسوان ........ منحلة
حنا على دين ... الرحيم
رب الخلايق ....... والملة
والمنحرف ربه ..... عليم
بحاله ويعلم ......... الزلة
عطنا القوافي مثل الديم
ديم السحابة ....... منهلة
ومثلك عليم بسين وجيم
ويفهم مواطن ....... العلة

[القارظ العنزي]

الروعة في مرورك حسين سلطان لاهنت .

[مسكك الغلا]

صح لسانك واعتلا شانك
وانا ضد قيادة المرأة نهائيا
إلا لضرورة قصوى تحتم عليها
ذلك

[القارظ العنزي]

حياك الله يا مسك الغلا بالنسبة للمرأة وقيادة السيارة . فالأسلام جاء بشراءعه يأمر الرجل ويسخره لخدمة المرأة لخدمة الى درجة ان لها في بيت مال المسلمين حق معلوم يغنيها عن الخروج من بيتها من اجل طلب الرزق والا كل من له صلة بأخراجها من بيتها سوف يسأل عنها يوم القيامة سواء كان محرم او عصبة او ملك او قاضي او مفتي وعالم ، فهل بعد هذا التشريع نقول للضرورة فقط ، من هان عليه دينه هانت عليه نفسه وبقية الشر سوف يأتي بالطريق للأهل الضرورة وغير الضرورة . بارك الله فيك وحفظ عليك دينك اختي الغالية مسك الغلا .

[نجم ضاوي]

انت واللي على البال موقفكم سليم
وكل ن خلقه الله على الدين والمله

الله .. دايم في عبده . رؤف وكريم
واختلاف الفتاوي . . رحمه من الله

اخبرك يا القارظ .. رجل ن .. حكيم
اختلاف الرأي مايفسد الدين والمله

صاحبي يا القارظ ترى طبعه حميم
ما ارضي عليه .. من اللسان . زله

اهدأ وخلك . . في حكمك . . حليم
وتعال . على الواتس .. ندور الفله

تعال وعطني . . علومك .. يا نديم
ودع الخلق للخالق . انا اسألك بالله

[مسكك الغلا]

حياك الله يا مسك الغلا بالنسبة للمرأة وقيادة السيارة . فالأسلام جاء بشراءعه يأمر الرجل ويسخره لخدمة المرأة لخدمة الى درجة ان لها في بيت مال المسلمين حق معلوم يغنيها عن الخروج من بيتها من اجل طلب الرزق والا كل من له صلة بأخراجها من بيتها سوف يسأل عنها يوم القيامة سواء كان محرم او عصبة او ملك او قاضي او مفتي وعالم ، فهل بعد هذا التشريع نقول للضرورة فقط ، من هان عليه دينه هانت عليه نفسه وبقية الشر سوف يأتي بالطريق للأهل الضرورة وغير الضرورة . بارك الله فيك وحفظ عليك دينك اختي الغالية مسك الغلا .

القصد من كلمتي لضرورة بعطيك مثال وقد حصلت معي


انا تعلمت السواقه من والدي رحمة الله وقد قال لي لستي بحاجه ولكن عليك التعلم
وفعلا حصل

تعبت امي ولم يكن احد من اخواني موجودا وكنت مضطرة لاخذ امي للمستشفى وقد قدت السيارة بنفسي

هذا ما اعنيه بالضرورة القصوى

للإيضاح فقط

[القارظ العنزي]

نعم بالتأكيد هذه احدى الضرورات الخمس التي كفلها الاسلام يا مسك الغلا ، ومنها الحفاظ على النفس ؟ فهذا من الدين بالضرورة . كتوليد الطبيب الرجل للمرأة ومباشرته لها فهو من الضرورة القصوى . بارك الله فيك وفي فقهك للمسألة . انما نحن نتكلم عن تشريع يعطي المرأة حرية فيما يفوق حلمها وحريتها التي كفلها لها الاسلام . وهذا ما يريده الاعداء الذين يرون ان حجاب المرأة لدينا هو الصد الاول بوجههم ولابد من ازاحة هذا الصد عنهم وأول الشر هو بداية خروج المرأة من بيتها ثم من اخلاقها واولها حجابها . والباقي لا يخفى عليك .

[القارظ العنزي]

تامر يا بو ضاوي الحبيب ..... الوليدة
واللي تعزه اعتبرنا ............... عبيدة
هذا الوكاد ونمشي باللي ........ تريدة
ونغضي عن اللي ما به خدش العقيدة
وحنا انصرفنا وهرجنا ما ........ نزيده

[وسن]

صفية روح بنت اصل واصول
ماهي بنت حيا الله وهاته وشله !
احفظ البنت دامك ماحفظت القول
اصلها ثابت ويمينها ياجعلني فاس"ن"له
هجو العذراء ماهو للعاقلين بفعول
صاين العقل يستر لاشاف زله
شفها على رغم هجوك صمتها مسلول
كان شورها مايعجبك خله في محله
عبت سياره ومسيارك تطبل له طبول
ياجعل عمري لعمر المصون كله
ماتبي تيس في المحاشر يصول ويجول
رايده تاج مايميله الله من محله
رجل على كف يمناه الصخر مسيول
مسند الظهر لاماله الوقت وهي مسند له
مايهجي الحره غير عقل مقفول
مثل من يغرس رمح جساس بظهر خله
اي والله يلعنك يادنيا دام هذه فعول
من نحتزم فيهم وقت الشدايد من مذله

لا اجيد الشعر. فاتمنى على اخوتي الذين يفقهون الابحار ان يصححو اخطأ وزنه وقافيته

فقط فضفضه


دومو بود

[نجم ضاوي]

وراك يا الخيزران منا جفول
كلامك زين . . ويبري العله

فهمنا القصد . . ولبة القول
ووضعنا النصاب . في محله

ماودنا الشرح يا اختي يطول
هدي الامور أنا اسألك بالله

كل ن برايه . . صدق بالقول
وكل شخص رايه معود ن له

كل ن كلامه . شفناه معقول
وسديدين الراي بعصرنا قله

هذا كلامي ماهو كلام منقول
العنو ابليس خلوه مربوط بمحله

انتهى الموضوع والخطأ محمول
والامور خلوها تبقى على الله

[القارظ العنزي]

هلا هلا بك يا ..... وسن
قيفانك جتنا بلا .. رسن
مرن علينا ..... واخفسن
في قاع البير .. المطوية
جيتي رميتي ... القنابل
خلطتي الحابل . بالنابل
وسنبلتك صارت سنابل
وحان الحصاد .. وبيدية
وش دخلك .... بالامورة
صفية البنت .. المستورة
هجينا الفكر ... واشرورة
وصفية ما هي ... مهجية
وش دخل أصلي واصوله
نعم باهلها ....... الحمولة
اخت الشهيد ...... البتولة
معاذ الله مثل ...... الخية
وانت جيتينا ... بسحورك
مثلتي الباطل في .. دورك
يا ليتك نمتي .... بشرورك
ولا هيجي .......... القضية
معقولة قولك ...... معقولة
اللي باشعارك ....... وتقوله
والا القصيدة ....... منقوله
يالحية الرقطا ...... يالحية
كفي عن دعم .... الخواطر
بالقول الباطل .... يا شاطر
وخلك بحالك لا .... تخاطر
وتحرجنا وتحرج .... صفية
الهرجة هرجة ......... ديانة
ما هي سوالف ...... خربانة
ترميها افلانة ....... وافلانة
ويشهد الثعلب ...... لوخيه
وربي يكره ..... المستعجل
ويلعن الترف ... المسترجل
والناعم ذاك ..... المتمرجل
والحجة بسنة ......... نبيه
رسول الله هو ...... وصانا
ولا كان بدينه ......... لعانا
ويكره العبد ......... الفتانا
اللي يتقلب .......... بالنية
توبي يا بنية ....... يا بنية
توبي لرب ............ البرية
ما لك ومال ........ القضية
واحسن ننساها ..... موليه

[وسن]

ههههههههههه

صح السانك

تحياتي لك


:81:

[القارظ العنزي]

صح خفوقك يا وسن ، والله يحسن النية ، وتنتهي القضية ، أسعدني مرورك وتقييمك . والله يغفر ذنبي وذنبك ويتولانا برحمته ، اللهم آمين .

[وسن]

اللهم امين وقصيدتك جميله المهم فيها انك فشيت خلقك ياخوي هههههه
ولي رد ع الثانيه بس والله داخله ع عجله

ونعم بك وبالغاليه «ولازم تعلمني الشعر »
حنا بنات الروح الرياضيه
وسيعات المخافق والصدور
ناخذ الظروف شويه شويه
لك الشكر ماه جاك بحور
يغسل ظغن ويطهر الخطيه
وصلني مبتغاي منك يالجسور
وهجوك ماعليك منه وانا ماعليه
سبع عقدات يفكها قول رب غفور




:81:

[القارظ العنزي]

الى وسن مع التحية والاحترام
احرجتني بالقاف وبحورك ....... عذية
طعنتي وفجيت لي القلب .... وصدور
خفف علي ارجوك انا خفف ...... عليه
ترانى ماني قدكم يالترف ..... والجور
ذبحتني في قافكم ...... ذبح الضحية
تضحك علينا بذبحكم وتقول .. مبرور
والله ربي يغفر الذنب ......... وخطية
وبالنسبة ليه ذنبكم يالترف .... مغفور
وصدوركم الطيبة ........... يالغشمرية
ادري بها مليانة بالمسك ......... والنور
ادري بك مانت ي حاقدة وايضا . برية
لا شك هذا طبعنا بالقاف ....... وبحور
ناخذ ونعطي والعطى عادات ....... ليه
وانتي ما بك ياسيدة من عيب وقصور
نمشي على وضح النقاء مع صدق ونية
ولا عليك ولا علينا من هل ........ الزور

[نجم ضاوي]

الله اكرمنا بالعقل واعطانا عطيه
مع ضبط النفس . وعذوبة القول

الله يكفانا المشاكل وشر البليه
والخير فيكم يا العزيزين مأمول

الخوي .. لا بد له . يسند لخويه
هذا كلام السلف والقول منقول

طبع النفس .. يا اخواني مطيه
واللسان معروف سيف مسلول

محد ن يدور .. مع الخلايق اذيه
واحلا الكلام كلام عذب معسول

تلقى عليه الاجر من رب البريه
وتصبح بين . . خلق الله مقبول

القارظ خوي .. وانتي بعد خييه
والخطأ منكم بعون الله محمول

هذي يدي .. ويد الله تعلو يديه
طاح الحطب وباب الشر مقفول

[وسن]

:61: :61: :61:

صح لسان نجم ضاوي والقارظ العنزي

طبعا ما افهم باكتابة الشعر
لكن جمعت كلمتين على قدي

واخوي القارظ ترى ماعتبت الا لاني حاسبه لكم حساب كبير ويقولون العتب على قد المعزه وانتو رجالنا واخواننا وابائنا وابنائنا حقنا لاشفنا شي مافهمناه وماعجبنا نزعل ونعاتب عليكم وحقكم لاشفتو شي مايعجبكم تزعلون وتعاتبون

المهم نقول صافي يالبن وكانت فرصه اتعلم منكم وانهل من بحوركم الغنيه

والعذر والسموحه ان صاب نفسك شي من حروفي




سلامي ع العربان والاصول النقيه
مابين قارظ وضاوي يشع النور

مامدخلي بين البشر سيء النيه
ماغير غارت وسن على جنسها من جور

وان كان جاك الحرف معتم ضيه
ضوى ضاوي سطع نجمه فوق سبع بحور

وان كان صاب قلبك من ردودي بليه
ترى الحياة مجاذبه ولمدادها مجزور

بالله قل لي من؟ من للعذارى من ليه ؟
ان كان السند فينا مقصده مبتور

انتو زندنا وانتو الجباه المعتليه
نصلب الظهر فيكم وبكم نكسر ظهور

والعتب جايز لي ..وجايز لك الف فيه
دام المقاصد تصب بمصلحه للحور

انتو خيامنا لاهزت الريح العتيه
رجالنا انتو وكسوركم حنا لها جبور

اجمعت !!

جنوبيه وغربيه شماليه وشرقيه
كحل عينها لاشافت الشرقي غيور

وانت يالقارظ ان جرحتك حقك عليه
لاتلوم اختك دام اخوها قارظي مايبور

مامقصدي اوجعك ولا المقصد وشيه
نبقى على ديننا اخوه وديننا دستور

وعـسى ماجاك من سم هالحيه اذيه ؟
عسى سمها ترياق لك وموت لكل مسعور

.........

[نجم ضاوي]

الله الله عليك يا .. وسن ..
اقسم بالله مابقيتي لي كلام اقوله ...
اجزلتي في الرد لا بأس فيه هناك بعض الكسور القليله ...
لكن المهم فهمنا المقصد والمعني ...
انا والقارظ امام شاعره لا يشق لها غبار ...
واعتبريني يا .. وسن .. انا خيك وانا سندك وانا الجبل اللي تتكي عليه ...
واقسم بالله اطربني واثلج صدري ردك واعتبريني اخوك الكبير اللي ماولده امك ...
هنا في هذا المنتدى ...

[وسن]

الله عليك اخوي نجم ردك هذا يغني عن كل شي والله ومشكور

ما تجي سطوري العاجزه قطره ببحركم وان شاء الله اتعلم الشعر الصح على ايدكم


واعتز وافتخر فيك وشرف لي كلامك واخوتك وانت فعلا اخوي وتاج ع الراس ياطيب

ومافيك شك كفو يالنشمي

وتحياتي لك احرجني كلامك والله يابن الاصول

مشكور مره ثانيه

:81:

؛؛

[القارظ العنزي]

الله يحفظكم جميعا ما أجمل مروركم الكريم .