رواية جنون

[حسين سلطان]

البارت الاول:


في الساعة السادسه ليلا من يوم الخميس:

فرح - نورة يلا قومي يكفي نوم

نورة - ااه وخري عني امس مواصله ورايحة للجامعه وكرف وتعب خليني انام

فرح - اقول نورة نسيتي وعدك لي !!! وين الي بتروح السوق معي ها

نورة - فررح ارحميني ياشريرة بس شوي

فرح - توخر البطانية بقوة - اقول قدامي اشوف

نورة - قامت بكسل اوووف طيب يامزعجه



نزلت نورة وفرح بعد ما غيرو ملابسهم واستعدوا عشان يطلعون

الام - لوين بناتي الحلوين بيروحون

فرح - ههههههه بنروح للسوق تجين

الام - لا روحو بسلامتكم

نورة - هيه انتي بتمشين ولا اروح انام

فرح - يا حبك للنوم اقول قدامي بس



وفي السيارة :

فرح - نورة الا ما قلتي لي عن الولد ذاك الي تعرفتي عليه في المستشفى

نورة- اها قولي من اول كذا مطلعتني من البيت عشان تحققين - وتناظر نورة بمكر.

فرح - كتمت ضحكة وكملت يلا قولي لي بالتفصيل بسرعه

نورة - اممم طيب شوفي يا اختي البكر هههه اختك الصغيرة قبل اسبوع راحت المستشفى وكانت منومة لحالها

فرح - تستهبلين وين الجديد اتكلم عن الولد يلا تكلمي بلا تصريف

نورة- ههههههه طيب قبل ما اطلع من المستشفى بثلاث ايام رحت للكفي الي تحت وطلبت موكا وكان فيه واحد قبلي طالب مثلي خلص طلبه ورحت استلم على بالي الموكا لي جا الولد وقال لو سمحتي هذا طلبي تهاوشت معه ورحت وخليته لحقني وانا خفت ومع الخوف طحت وجلست على وضعيتي ولا تحركت لان يدي كانت مكسورة ولا عرفت كيف ممكن اقوم قرب مني وتكلم بصوت واطي هيه بنت قومي الناس تطالعنا على بالها مسوي لك شيء وما قلت ولا حرف رجع قالي بنت تسمعيني مو وقتك والله الطيحه اصلا ما تسوى لا تسوين نفسك قومي خلاص مابي الموكا
وجا رجال كبير بالسن قال للولد سلامات وش فيها اختك هو ارتبك قال لا ولا شيء ورجع قرب مني وقال وقسم بالله اذا ما قمتي لاشيلك الحين انا ارتبكت معرفت اتكلم قلت هيه وش دخلك رح بس قالي بعصبيه وش الورطه هذي الحين الحقك وتطيحين تبيني اروح عشان يقولون الناس اني جد مسوي لك شيء تستهبلين سكت شوي وقالي بهدوء وعيونه على الموكا المكبوبه على الارض لايكون احترقتي بس ؟؟ انا رديت بسرعه لالا بس يدي مكسورة ومو قادرة اقوم وبعدها جا الامن وسالنا وش الي صاير فيه مشكله رد عليه لا بس اختي يدها مكسوره وطاحت والحين بوديها لا تشيل هم قال الامن طيب قالي الولد شوفي حاولي تقلبين على الجهه الثانيه وتقومين بيدك الثانيه وانا بساعدك طيب!
انا خنقتني العبرة وضعي غبي ومو عارفه اتصرف قلت مقدر افهم وشوي واصيح قال اووف خلاص لاتبكين طيب الحين اليمين هي الي مكسورة صح ؟؟ قلت ايه مسك يدي اليسار انا خفت خير وش بتسوي رد بنرفزة اسكتي وساعديني يلا وشوي شوي لين قمت قلت له وراسي بالارض ومتفشله اسفه وهو كتم ضحكته وقال الحين انتي هنا في المستشفى ولا وش وضعك قلت اي انا فوق قال طيب يلا بسرعه امشي نوديك لغرفتك وقفت بمكاني وهو التفت وشو قلت خلاص شكرا بروح لحالي سالني ما معك مرافق قلت لا قال اجل قدامي وانتي ساكته خلينا نكمل الفلم حقك
ضحكت على الكلمة ومشيت سالته بتردد ممكن اعرف وش اسم اخوي على الاقل خخخ ابتسم وقال اخوك اجل انتي عقب الموقف هذا مفروض اذبحك مو اساعدك بس احمدي ربك ناظرته وقلت بصوت واطي محد قالك ساعدني انت الي ملقوف ناظرني نظرة خفت وتجمدت مكاني قال عيدي لو سمحتي وضحك قال يالخوافه لا تقولي كلام انتي مو قده مره ثانيه سالته طيب انت وش وضعك زائر ولا مريض قال لا مرافق مع اخوي قلت اها الله يقومه بالسلامة سكت وحسيت ان باله مشغول شوي ويلف قلت لا مو هنا قدام قال اوة معليش نسيت بغيت اروح جناح اخوي ووصلني لين غرفتي وقال لي ليش لحالك وين اهلك قلت عندهم دوام اقدر ادبر نفسي عادي بعدين سالني يابنت الموكا وش اسمك قلت بارتباك نورة ابتسم وقال انا عبدالله وراح

فرح - بحماس ايوة ايوة كملي وبعدين وش صار

نورة - يلا انزلي بعدين اكمل لك يالملقوفه

فرح - اوووف يانورة منك تحمسيني وتقولين بعدين

نورة - وصلنا المول انزلي الحين وبكمل لك بعدين وعد

فرح - وانا راجعين بتكملين اوك

نورة - يصير خير

فرح - لالا مالي دخل انتي وعدتيني

نورة - هههههه اشك مين الكبيرة انا ولا انتي اعقلي شوي

فرح - اووف صرفت مثل العادة

وبعد ما لفو وشرو اشياء كانت الساعه 11 ونص
نورة - اخ تكسرت ومت وانتي مابعد خلصتي

فرح - بس شوي الحين بخلص


نورة جلست ومسكت الجوال شوي وتجلس فرح جمبها

فرح - ها مين الحب اعترفي

نورة- ههههههههه وملقوفه كالعادة بتخلصين ولا امشي

فرح - طيب مو لازم تعلميني صرفي بس ادري الحب هههههه

نورة - شكلي مراح اكمل لك السالفه

فرح - لالا مالي دخل خلاص بسكت

وبعد ما خلصو وركبو السيارة وصارت الساعه 12

فرح - كان يوم حلو جد

نورة - لانك شريتي السوق كله طبعا بيصير حلو

فرح - وش رايك تكملين سالفة عبدالله

نورة - لا تعبت مالي خلق بعدين

فرح - بلا دلع قولي

نورة- طيب ياهانم فرح
وبعد ما طلع عبدالله من غرفتي انقهرت ان الفلم الي عشته انتهى هنا صح اني خفت بس جد يوم جميل مراح انساه
ونمت وقمت الصباح على صوت الممرضه وهي تصحيني وسالتها وش الي صاير قالت ان في رجال برا طلب يشوفك سالتها مين قالت واحد اسمة عبدالله انا تجمدت عبدالله حسيت باحساس غريب وش يبي جاي عندي ومن الصباح بعد
لبست عبايتي وتغطيت بسرعه وقلت لها تدخله دخل وفي يدينه كفي سالته وش السالفه تبي شيء؟
ال لي لا والله ما ابي شيء بس رحت للكفي وشريت موكا وتذكرت بنت الموكا وقلت اشتري لها معي تعويضا عن امس
ضحكت وقلت اها كان ما تعبت نفسك قال لي ولمتى بوقف كذا مراح تخليني اجلس ولا شلون
قلت له بضحكه واحد طلب منك توقف بس بقولك ان اشكالنا جد غلط ما اعرفك ولا تعرفني وجاي عندي بالغرفه ضحك وجلس وقالي اقول وسعي صدرك ما عندك احد خايفه من مين وانا مراح اكلك بس جاي اغير جو ولا كذا تطرديني بعد العيش والملح والعشرة ها ضحكت ضحك قلت له اي عشرة وعيش وملح تستهبل وجلسنا كذا نسولف يمكن ساعه

فرح - طيب سالك شي عن نفسك او شيء او علمك بشيء

نورة - لالا سوالف عاديه واستهبال
فرح - ماشاء الله هذا وانتي ما تعرفينه

نورة - اكمل ولا ماتبين

فرح - كملي كملي

نورة- المهم انا قلت له مو كانك سحبت على اخوك وقف وقال ايه والله كله منك ههههههه ابتسمت له وقلت يلا موفق رح له قال لي بمكر بروح له وراجع لك لا تفرحين مافي فكه ناظرته وقلت خير مو كانك زودتها شوي مشا وهو يضحك وقال ناشب لك ناشب ههههههههههههه فكرت وقلت وش وضعه بالضبط معقوله حبني او تعلق فيني يعني اسلوبه معي قاسي ومتعالي شوي صح يضحك ويسولف بس ما يعاملني كشخص يحبه او يحترمه حاولت اطلع الفكرة من راسي وقلت يمكن طفشان هنا وتعرف علي وقال يفلها شوي وبعد صلاة الظهر شوي واسمع احد يطق الباب توقعتها الممرضه قلت ادخلي انفتح الباب بهدوء وانا على سريري سمعت صوت شيء طاح التفت واشوف عبدالله واقف ومصدوم انا ما استوعبت اني بدون عبايه ناظرته باستغراب واناظر الموكا في الارض ضحكت وقلت بعدين معك انت والموكا حقتك حسيت انه استحى ونزل راسه والتفت شوي واستوعب اني فاتشه وعرفت ليه كانت كذا ردة فعله صرخت اااه مجنونه وانت بعد خير تدخل كذا ركضت ولبست عبايتي ورحت عنده وهاوشته قلت لعد اشوفك جاي تفهم قالي اسف وراسه بالارض انا ما كنت ادري والله وراح حسيت اني قسيت معه مدري ليش رحت وراه وانا ساكته الا اشوفه دخل جناح قلت بصوت عالي عبدالله التفت مصدوم وش جابك وراي قلت له والله ما اقصد كلامي قال ماصار شيء يلا ارجعي غرفتك رجعت وانا متفشله من الموقف الي صار جلست انتظر عبدالله على امل يجي وغفيت وانا على الكرسي برا
شوي واسمع احد يناديني نورة نورة فتحت عيني واناظر عبدالله قمت مفجوعه قالي ليش جالسه برا روحي غرفتك الساعه 10 الحين وانا اناظر فيه وهو يتكلم سكت وقال نورة فيك شي حاسه بشيء انادي الممرضه قلت لا قمت ومشيت انا وياه على اساس نروح للغرفه بس فجاة حسيت بدوخه غريبه ما قدرت اتحمل وطحت واغمى علي
قمت والقى نفسي بالغرفه وعلى السرير شوي واسمع صوت عبدالله نورة صحيتي نورة كيفك الحين
سالته وش صار قال دختي ورجعناك للغرفه وتقول الممرضه ما ينفع تطلعين كثير وتعبين نفسك لازم ترتاحين كنت حاسه نفسي مخدره ومو قادرة اتكلم قالي وعيونه كلها خوف لا تعبين نفسك انا بتركك تنامين الحين يلا باي


فرح - الله جوكم رومنسي خقيت ولا فلم هندي

نورة - هههههههههههههههههههههههههههههههههههههههههه مجنونه

فرح - كملي يلا يالاميرة النائمة هههههه

نورة - بدينا غيره ها هههههه خلاص تعبت اكمل بعدين

فرح - بليز الحين بس شوي قبل ما نوصل البيت

نورة - طيب هههه
وفي اخر يوم لي في المستشفى جاء عندي عبدالله العصر وقالي بتطلعين اليوم؟؟؟
قلت له ايه قال بس انا الي فهمته من الممرضه انك لسى ما تحسنتي
ايه بس لازم ارجع لي اسبوع غايبه عن الجامعه قالي بتردد بس نورة قلت له تفضل
قال بتردد مدري ابي اطلب منك طلب بس مدري قلت له باستهبال لا تقول بتجي معي البيت مستحيل اوافق ههههه
قال نورة انا جد تعودت عليك انا سكت ابيه يكمل قال ولا ابي علاقتي تنتهي فيك تكفين عطيني رقمك بنك اي شيء اقدر اتواصل معك فيه رديت عليه بس عبدالله قطع كلامي وقال لالا خلاص مو لازم اهم شيء لاتفهميني غلط وجد تشرفت فيك واتمنى لك كل سعاده قلت له خذ بني مو مشكله ابتسم وودعني وراح وعلى المغرب جت امي وخذتني البيت وخلصت الحتوته

فرح - طيب وكيف كلمك عقبها وشلون علميني

نورة - ايه من اول ما اخذ البن كلمني على طول وطول اليوم يرسل لي اذا طول ساعه في الكثير ووقت نومة وباقي اليوم يكلمني واستمرت علاقتنا بالبيبي وكذا

فرح - طيب وقال لك انه يحبك

نورة - لالالا وين ما قال ابد ولا جبنا طاري

فرح - اها طلعتي مو سهله والله

نورة - هههههههههه وصلنا يلا انزلي

[حسين سلطان]

البارت الثاني:


وفي الساعه العاشرة والنصف من صباح الجمعه:


عبدالله : محمد حبيبي يلا قوم عشان نتجهز ونروح نصلي

محمد : انا لسى صغير وسهران امس مراح يحاسبني ربي ان شاء الله

عبدالله : محمد وش هالكلام كم عمرك وش صغير الحين رجال في المتوسط يلا قم وتعوذ من ابليس

محمد : اوف منك يا اخوي دايم تتدخل فيني

عبدالله : صوته تغير وباين انه تضايق - انا يا محمد مالي غيرك وانت مالك غيري وانا اقومك لاني احبك واهتم لك

محمد : الله يرحمهم كل ما اتذكر الحادث وكيف صار اخاف من الدينا اكثر

عبدالله : للحين الحادث في بالك ومانسيته

محمد : من جدك الحادث ما له الا اسبوع كيف انسى اصلا كل يوم يوم قبل ما انام اشوفه واشوف كيف ماتو امي وابوي وخواتي الله يرحمهم

عبدالله: الله يرحمهم بس الحمدلله انت بقيت لي وما خليتني لحالي

محمد : اصلا كله منك انت السبب انت السبب

عبدالله : مصدوم وخايف _ انا مالي ذنب هذي مشيئة الله

محمد : لا بس يومها انت زعلت ابوي وطلعت من البيت وخليته يسوق وهو متضايق ومات وهو مقهور

عبدالله - حس بمرارة والم والدنيا مو شايلته - انا لله وانا اليه راجعون . وراح لغرفته بسرعه

عبدالله كان متضايق من الحادث وحاس بالذنب ومحمل نفسه المسؤولية كان يحاول بس يعوض بتقصيره مع اهله في انه يهتم باخوه ويعوضه لو شوي ومسك الجوال وكلم نورة في البيبي ما ترد ويبنق لين ردت

عبدالله- نورة عطيني رقمك ابي اكلمك

نورة- وش عندك فجاءة رقمي

عبدالله - تكفين نورة انا محتاج اسمع صوتك

نورة - طيب يلا الحين ارسل لك رقمي

وبعد ما خذا رقمها دق عليها

عبدالله - نورة < قالها بنفس مخنوق

نورة - عبدالله وشفيك ليش كذا صوتك فيك شي

عبدالله - لالا مافيني شيء اخبارك وحشتيني

نورة - استحت - وانت اكثر - بس كانت تفكر وحاسه ان وضع عبدالله مو طبيعي

عبدالله - نورة

نورة - عيون نورة

عبدالله - لبى كلها احبك

نورة - استحت وانحاست وبدت تصرف - عبودي صوتك مو مريحني فيك شيء

عبدالله - يغير الجو - ههههههههههههههه استحت استحت وجهها احمر امزح لا تصدقين

نورة - ببرود - ومين قال لك صدقت مع نفسك والله

عبدالله - نورة جد ارتحت لما سمعت صوتك ربي يسعدك يلا بسكر الحين عن اذنك

نورة - ويسعدك باي
عبدالله - باي انتبهي لنفسك - وسكر


نورة على سريرها وتلعب بشعرها وتفكر

نورة / وش فيه عبدالله فجاة كلمني وسكر بسرعه ليش طيب ؟


دخلت فرح بصخب مثل العادة ورمت نفسها على سرير نورة

فرح - الحلو بايش يفكر؟؟

نورة- وانتي دايم كذا ملقوفه

فرح - لا تنسين اني اكبر منك

نورة - الطول طول نخله والعقل عقل سخله

فرح - هيه هيه اذا ما ملينا عينك ترى مو معناته تهينين

نورة - كلن وعارف قدر نفسه سبحان الله

فرح - ياشينك بس اصلا غلطتي جايه عندك اطلع احسن

نورة - تعالي يالزعول بقولك سالفة

فرح - وش تبين نعم

نورة - ههههههه اعرفك ملقوفه ماتقدرين

طلعت فرح وهي معصبه وركضت وراها نورة ومسكتها ورجعتها الغرفه

نورة - امزح معك اقعدي اعلمك وش صار لي مع عبدالله

فرح - جلست بحماس ايوة وش صار علميني

نورة - خذا رقمي وكلمني

فرح - كيف متى ووشلون علميني السالفه

نورة - كلمني في البيبي وقال ابي رقمك عطيته ودق علي وبس

فرح - ايه كملي
نورة - وشو وش اكمل

فرح - وش قال لك

نورة - ولا شيء قال اني وحشته وانه ارتاح لما كلمني وسكر

فرح - بس

نورة - ليه وش تبين بعد خخخ بس يختي مدري وضعه غريب

فرح - كيف يعني

نورة - صوته وما طول ولا قال شيء على طول سكر

فرح - يمكن انشغل او احد هبل به

نورة - يمكن


عبدالله في الصالة يناظر التلفزيون الا شوي يجي محمد

محمد - عبدالله ممكن اسالك سؤال وتجاوب بصراحه

عبدالله - اسال

محمد - عمرك الحين ظ¢ظ¥ صح ؟

عبدالله - ايه ليش ؟؟

محمد - طيب ماتفكر تتزوج

عبدالله - وش الكلام هذا توك صغير لا تفكر كذا

محمد - ولاني صغير اسالك بتتزوج وتخليني لحالي ولالا

عبدالله - لا لاتخاف مراح اخليك انت اخوي ومن دمي مستحيل اتركك

محمد - الله يخليك ولا يحرمني منك وانا اسف على الكلام الي قلته ما كنت اقصد

عبدالله - ولايهمك ادري انك ما تقصد


الساعه ظ،ظ*** الصباح يوم الاحد
نورة - اوووف يا ليلى والله مليت من الجامعه

ليلى - مليتي هذي اول سنة لك تخصص

نورة - بس ليلى انا ما احب اللغات ولا ابيها وتعرفين اني دخلت انقلش غصب

ليلى - ايه بس انتي كبيرة وعاقله عمرك ظ¢ظ*** وعارفه مستقبلك واللغات كويسه

نورة - يالله الله يعين ويصبر


وكان عبدالله جالس على مكتبه داخل الشركة

السكرتير - استاذ عبدالله فيه اجتماع بعد نص ساعه

عبدالله - اؤك اطلع وسكر الباب - اخ الله يرحمك يابوي رحت وخليت لي الشركه اتمنى بس ما اضيع تعبك واكون قدها


وفي الصاله كانت نورة وابوها واخوانها مجتمعين

نورة - بابا قل لتركي يوديني بكرا للجامعه

الاب - وليش السواق وينه

نورة - موجود بس ابي اطلع مع تركي

تركي - اقول اسكتي بس فاضي لك انا عندي جامعه

نورة - طيب ادري تحطني على طريقك مراح تموت

فيصل - وش رايك نتبادل تصيرين في الثانوي وانا في الجامعه واسوق واوديك

نورة - اقول وخر بس وش الفايدة

الاب - الحين هذا رد حتى الكلام ماتعرفين تتكلمين

نورة - اصلا انا عندي اخواني مامنهم فايدة اكبر وحده وخبله عمرها ظ¢ظ£ وكان عمره سنه وتركي دخل الجامعه وتكبر علينا وذا البزر فيصل ماكمل ظ،ظ§

الاب - روحي لغرفتك بس انتي لسانك ما يتحمله احد

نورة - اصلا بروح مايحتاج طردة

الساعه ظ،ظ*** الليل


نورة على جوالها شوي ويدق الجوال وترد

نورة - الوو هلا

عبدالله - لبى الصوت اخبارك

نورة - تمام انت اخبارك

عبدالله - وش سويتي اليوم كيف كان يومك

نورة - ابد قمت رحت الجامعه رجعت نمت لين العشاء وحليت الواجبات وسويت البحوث وتوي مخلصه وانت

عبدالله - انا توي راجع من الشركة

نورة - اووف ليه

عبدالله - مدري جلست احوس وضاع الوقت بدون ما احس

نوره - الله يوفقك يارب ويعينك

عبدالله - نورة ابي استشيرك بشيء

نورة - امرني

عبدالله - ا ن ا ولا لا خلاص ولاشي

نورة - وشو تكلم

عبدالله - نورة يا نامي بكرا جامعه وانا حدي تعبان بنام تصبحين على خير

نورة تفكر بتصرفات عبدالله الغريبه ومو لاقيه لها تفسير

[حسين سلطان]

البارت الثالث:


يوم الثلاثاء الساعه سبعة :

قامت نورة من السرير مرتاعه ومسكت الجوال :
نورة/ : يووووووووة الساعه سبعه مفروض في الجامعة الحين محاضرتي تبدا ثمنية مرا تاخرت

قامت نورة ولبست باسرع شكل ممكن ركبت السيارة

نورة : كومار يلا بسرعه على الجامعة الوقت مرا متاخر سبعة وربع الحين

السائق: طيب مدام

نورة كانت شايلة هم لانه اول محاضرة كان عندها اختبار وصلت على ثمنيه وشوي دخلت ركض بدون ماتشيل العباية حتى دخلت القاعه وهي تتنفس بسرعه من كثر ما ركضت

نورة / يوة ياكرهها عاد ذي الدكتورة حاقدة علي مراح تصدق تمسك علي الزله

دخلت نورة بخوف وتردد

نورة: [ Good morning, I am sorry for being late]

الدكتورة : [ You Nora usual lateI ,will not allow you to enter Come Get out]


نورة انقهرت من الدكتورة وطلعت بدون ما تقول حرف

نورة / كذابه الحين انا دايم اتاخر اخ بس يارب انك تفكني منها يارب

راحت نورة لخدمات الطالب ودقت على صديقتها امجاد

نورة : امجاد عندك محاضرة الحين

امجاد : محاضرتي تبدا الساعه تسعه بس مو عندك اختبار الحين ؟

نورة : انا في محطة اربعة خدمات الطالب تعالي عندي

امجاد : اوك يلا جايه دقايق بس


عبدالله طفشان وارسل لنورة في البيبي

عبدالله : يسعد صباحك

نورة : وصباحك وينك في الدوام

عبدالله : ايه بس غريبه مو مفروض انتي بالقاعه الحين

نورة : تخيلي طلعتني الدكتورة وحرمتني من الاختبار لاني تاخرت شوي حتى ما كملت ربع ساعه

عبدالله : ليش اليوم غبي كذا وش رايك امرك نغير جو

نورة : من جدك ولا تستهبل

عبدالله : ايه شغلي جمب جامعة الاميرة نورة جمبكم

نورة : لا وين اصلا ما يطلعوني

عبدالله : مو مشكله اجيب لك موعد عشان يطلعونك وش رايك

نورة : كيف وبصفتك مين

عبدالله : بقولهم اني ولد اختك وحرام انتي مداومة عشان الاختبار بس تقعدين كل هالوقت وش تسوين

نورة : اي بس صعبه

عبدالله : لا بس ولا شيء يلا جايك استعدي


نورة متوترة وفي نفس الوقت الفكرة محمستها

بعد ربع ساعه دق عبدالله على نورة

عبدالله : انتي اي محطة

نورة : وينك انت في الجامعه

عبدالله : اي بس بسرعه قولي لي وين اجي

نورة : انا في محطة خمسة

عبدالله : اوك اطلعي انا الحين اوصل لها


نورة طلعت بخوف وتوتر ويدها على بطنها تدور عبدالله بس ماتعرف سيارته

شوي وتشوف ياشر لها ويضرب بوري هي مو متاكده اذا هو او لا

عبدالله دق عليها

عبدالله : تعالي يلا انا الي في السيارة السودا الي في وجهك
نورة تمشي بسرعه وتحس انها شوي وتطيح من الخوف قربت من السيارة ووقفت

عبدالله : يلا اركبي الناس ورانا لازم احرك

نورة ركبت بخوف ومن سرعت دقات قلبها تحس شوي ويوقف جلست وهي خايفه وعيونها بالارض

عبدالله تنح فيها شوي ثم حرك السيارة والتفت يطالع فيها ويبتسم

عبدالله : نورة وش اخبارك سولفي وش كل الخوف هذا مراح اكلك ترى

نورة بارتباك : هاه لالا وش اخاف عادي

عبدالله : اي واضح حتى عيونك مو قادرة تحطينها بعيني هههههههه

نورة : لا عادي شف اطالع هاه والوضع طبيعي

عبدالله : هههههههههههههههههههههههههه يازينك بس

نورة سكتت وسرحت شوي كانت شايله هم مشوارها مع عبدالله ثم استوعبت وسالت

نورة : اي صح عبدالله وين بتوديني

عبدالله : بنروح مطعم ونقعد فيه بنفطر وبناخذ راحتنا للظهر ونتغداء وبعدها ارجعك

نورة : طيب بترجعني الجامعه ولا البيت

عبدالله : الي يريحك

نورة : اوك بكلم اهلي واقول لهم اني راجعه مع صديقتي


وقف عبدالله وقال لنورة

عبدالله : يلا انزلي وصلنا

نورة نزلت بخوف وخلت عبدالله يدخل قبلها وتمشي شوي شوي لين جلسو في جلسه مسكرة

عبدالله : كيف مرتاحه عجبك المكان

نورة : ايه جميل

عبدالله : وانتي اجمل , نورة مرتاحه معي ولا طالعه وانتي خايفه

نورة : طبيعي بخاف رجال غريب ولا بيني وبينه شيء

عبدالله : طيب نورة بقولك شيء من زمان ودي اقوله

نورة : تكلم وش تبي تقول

عبدالله : احبك وربي من قلب ومن زمان ابي اقولك بس خفت انك تفكرين اني اتلاعب بك وربي اول مرة احب اول مرة احس ان في حياتي شخص مهم ابي اكلمه في كل وقت وبس افكر فيه انا حبيتك يانورة عشقتك وبجنون

نورة مصدومه ماعرفت وش تقول شربت مويه تبي تحاول تتكلم بس غصت وصارت بس تكح وقامت بسرعه وراحت للحمام غسلت وجهها وقالت وهي تناظر المرايه / معقوله يحبني جد

حست بصدمة وكمية سعادة قلبها صار يدق بسرعه مو مصدقه هي جد كانت تحبه بس تحاول تتجاهل مشاعرها
رجعت له وهي مرتبكه ومو عارفه تتصرف

عبدالله كان محتار ويبي يغير الجو

عبدالله : نورة متى تبيني ارجعك

نورة : عادي اهم شي قبل العصر

وبعد ما جاء الاكل

عبدالله : اذا تبين اطلع عشان تاخذين راحتك عادي ترى

نورة : لا خلك انا اكل وانا متغطيه عادي

عبدالله : طيب

وبعد ما خلصو غداء وطلعو من المطعم

عبدالله : يلا وين بيتك

نورة علمته وصف بيتها وبعد ماقربو كانت مرتاحه ان يومها مع عبدالله عدا على خير

عبدالله وقف قبل باب البيت بشوي والتفت على نورة

عبدالله : انا يوم قلت لك اني احبك ثقي اني ما كنت استهبل معك وربي اني صادق

نورة ساكته تفكر شوي وفتحت الباب ونزلت بدون اي حرف

رقت غرفتها وبدون ما تغير لبسها حتى نطلت نفسها بالشنطه والعبايه وكل شيء وغمضت عيونها
كانت تحس ان يومها كان حلم مو اكثر وتبي تصحى وترجع للواقع
الساعه سبعه الليل قامت

نورة / يوة ليش نايمة كذا مدري كيف قدرت انام

وجلست على جوالها وعادي ولا كان صار شي


دخلت امها وجلست جمبها

الام : نورة هاه اخبارك انتي وصديقتك انبسطتو

نورة : اي صديقه ؟؟

الام : الي طلعتي معها

نورة بدت تستوعب ان السالفه جد

نورة : ايه قصدك منى الحمدلله غيرنا جو

الام : زين

وبعد ما طلعت الام فتحت نورة البيبي ولقت رساله من عبدالله

عبدالله / يومي هذا مستحيل انساه بجد شكرا

نورة حست بشعور جميل حست ان حبها لعبدالله بدا يطلع ويتنفس ويكبر
بس ما قدرت تقوله انها تحبه
كان في كل مرة يفتح الموضوع ترجع تسلك وتسكر عليه
وهو مو عارف اذا نورة تحبه او ماتفكر فيه اصلا

[حسين سلطان]

البارت الرابع

وبعد ما صلت العشاء وجلست شوي ويدق جوال نورة

امجاد / هيه محد انسحب عليه ابد وينك انتظر ولا تردين ولاشيء

نورة / يوووة معليش والله ما دريت عنك لا بس والله اسفه جد دق علي عبدالله وكذا

امجاد / اها الحب ورا الموضوع اجل

نورة / وش الحب مع نفسك والله

امجاد / على العموم لعد تعيدينها يلا باي

وتجي فرح وتقرب من نورة

فرح : يالخاينة عندك احداث مع عبدالله ولا تعلميني

نورة : وش احداثه بعد

فرح : تقولين الحب من متى

نورة : خبله انتي هي الي تقول مو انا بس جد فيه حدث جديد بس مراح اعلمك

فرح : هيه يالسامجه علميني يلا

نورة : بعدين يلا اطلعي باخذ شور


عبدالله في غرفته

عبدالله / امممم احس اني استعجلت شووي ما كان مفروض اعلمها الحين
ياخوفي بس انها ما تحبني ولا همها اصلا
بس انا جد حبيتها مو بيدي وش اسوي

وبدا عبدالله يبنق نورة

عبدالله / ping ping

نورة / لبيه

عبدالله / تحبيني ؟؟

نورة مصدومة ومو عارفة ترد

نورة / هههههههههههههههههههههههههه عليك شطحه

عبدالله / اتكلم جد تكفين يانورة مابي اتعلق فيك اكثر وعلى الفاضي تحبيني ولالا

نورة / مدري لا تسالني مثل هذي الاسئلة

عبدالله تضايق شوي

عبدالله / طيب اسف

نورة تحس ان مخها ملخبط ومو عارفه هي تحبه بس كيف تقوله صعبه

وقررت نورة تنادي اختها فرح وتستشيرها لانها الوحيدة الي تعرف كل شيء تقريبا

نورة : شوفي بعلمك وش سويت امس

وعلمتها عن كل شيء وكيف طلعت مع عبدالله ووش قال لها

فرح : اخ خقيت جوكم جميل

نورة : خبله انتي اختك الصغيرة وكذا تردين عليها

فرح : ادري انك غلطتي بس اعرف حتى لو بهاوشك مراح يتغير شيء والحب جنون مافي عقل فاكون معك احسن من ضدك

نورة : فرح انا جد احبك ربي يخليك لي على هبالك بس وربي انك اكثر شخص ارتاح له واحبه

فرح : واكثر من عبدالله ههههههه

نورة : اي على طاري اكثر من عبدالله
يختي سالني قبل شوي اذا احبه او لا

فرح : ايوة وايش قلتي

نورة : قلت مدري ولعد تسالني مثل هذي الاسئلة

فرح : غبيه كانك تقولين لا بس مابي اجرحك

نورة : وش تبيني اسوي مقدر اقوله اني احبه مقدر

فرح : مع الوقت بتقدرين بس اهم شيء لا تحسسينه انك ماتحبينه قولي الموضوع يحرجني وصرفي
نورة : ههههههههه تخيلي بس

فرح : من جدي اتكلم

نورة : طيب


ومن بكرا على الساعه تسعه تقريبا

دقت نورة على عبدالله وهي مخنوقه وفيها العبرة

نورة : تخيل طردتني الدكتورة من الكلاس وقالت لعد تحضرين عندي ولا اشوفك الا بالاختبار النهائي بس

عبدالله : ليش وش سويتي

نورة : ماسويت شيء كان جوالي عام ودق في المحاضرة وطردتني

عبدالله : وش وضعها بالضبط ليش كل هالحقد

نورة : مدري مدري

عبدالله : اوك ياقلبي لا تضيقي روحك هدي خذي لك كفي وروقي وبعدها روحي عندها وتاسفي

نورة : مستحيل لو يصير الي يصير مراح اتاسف

عبدالله: اذا حاجتك عند الكلب قل له يا سيدي درجاتك عندها وانتي بحاجتها

نورة : يصير خير

عبدالله : وش رايك نطلع نتغداء

نورة : وانا كل مرة بشتكي لك منها بتقولي نطلع هههههه

عبدالله : لا بس اغير جوك

نورة : لا طبعا بعد ما اخلص جامعه برجع البيت عندي بحوث وحوسه

عبدالله : الله يوفقك

عبدالله جالس على المكتب وسرحان شوي ويدق خويه عمر

عمر : مشغول ولا اقدر اشوفك

عبدالله : ابد ما عندي شيء وينك

عمر : انا عند الشركة بجي عندك

عبدالله : حياك

وبعد ما وصل عمر ودخل عند عبدالله

عبدالله : نور المكتب تفضل اقعد حياك

عمر : منور بوجودك الله يحييك

عبدالله : ايوة وايش مناسبة الزيارة الحلوة

عمر : ابد كنت قريب وحبيت اسلم واشوف اخبارك

وجت عبدالله رساله من نورة وابتسم بدون ما يحس

عمر : ايوة وش الابتسامة الحلوة هذي اكيد عندك اخبار حلوة فرحنا

عبدالله : لا رساله عاديه

عمر : اخص ومن هالشخص الي بيرسل رساله عاديه ويخليك تبتسم كذا

عبدالله : اللهم لا حسد قل ماشاء الله

عمر : هههههه ماشاء الله لا جد وضعك يثير فضولي مو بعادتك كذا يعني لي فترة ماشفتك تبتسم

عبدالله : الحب وما يفعل وانا اخوك

عمر : ههههههههههههههه اما الحب افا عبود يحب

عبدالله : ليه شايف حجر قدامك

عمر : لا بس مو لايق هههههههههه ما تخيلت انك تحب بيوم الصراحه


وفي الساعه الثانية عشر ظهرا

دقت منى على نورة

منى : نورة وينك وش رايك تطلعين معي

نورة : متى عندي محاضرة بعد شوي لين ثنتين ونص

منى : يلا اسحبي مراح يصير شيء بوديك مكان جميل وبنفلها

نورة : وين طيب

منى : سر بخليها مفاجئة يلا اطلعي انا بجي عندك مع السواق

وطول الطريق ونورة تفطر لوين بتوديها منى

نورة : المملكه !!!!!!!!!!! هذا مكانك الجميل الحين

منى : ايه يلا انزلي

نورة : وليش ما قلتي

منى : لاني اعرف انك بترفضين فحبيت احمسك

وبعد ساعه

نورة : انتي ملاحظه ان الشباب هذولي ورانا من دخلنا

منى : ايه ماعليك منهم لا تناظرين طنشيهم

ودخلت نورة محل مدت يدها تبي تشوف شنطه معروضه الا يمسك يدها واحد من الشباب الي كانو وراها .

صارخت وهو قال لها وش فيك حبيبتي نسيتيني

مسكها بقوة وسحبها لبرا



وبكذا انتهى البارت الرابع

وش بيصير مع نورة !!

[حسين سلطان]

البارت الخامس:



نورة : نعم خير وينا فيه

الشاب : ادري ان تصرفي كان غلط بس ابي رقمك من اليوم وانا اناظرك ومستحيل اخليك تروحين من يدي كذا

نورة : ومين انت عشان اعطيك رقمي احترم نفسك وبعد احسن لك

الشاب رفع صوته وبنظرة مخيفه : بتعطيني ولا شلون / ومسك يدها بقوة

نورة : هيه هيه خير بعد يدك وتصارخ بقوة

الشاب ماسكة يدها ويشد اقوى : انتي ماتعرفيني وقسم بالله اخليك الحين تندمين على اليوم الي جيتي فيه عطيني احسن لك

نورة من الالم والخوف جلست تبكي : خلاص بعطيك رقمي بس بعد

نورة طلعت جوالها ويدها ترجف ورته الرقم خذاه وتركها وراح هي من الرعب الي عاشته طاحت على الارض
واغمى عليها


بعد ساعتين تقريبا

صحت وحصلت نفسها في مكان ماتعرفه تناظر وتشوف صديقتها منى وكلها خوف عليها

منى : نورة حبيبتي وش صار وش السالفه علميني

نورة : انا وين ؟

منى : كنت ادورك ما حصلتك الا طايحه في الارض والناس متجمعه عليك ونقلناك للمستشفى يقولون انك تعرضتي لصدمة خلتك تفقدين وعيك

نورة تذكرت الشاب وحست برعب جلست ترتجف بشكل هستيري

منى : نورة نورة وش فيك

وراحت منى بسرعه نادت الدكنور عشان يشوف حالتها

وبعد ما عطوها مهدئ طلبو منها ترتاح وانها ما تتعرض لاي ضغزط لانها بتاثر عليها
وطلعت منى ونورة

نورة : اسفه يامنى خربت عليك مشوارك

منى : لاتقولي كذا اهم شيء اشوفك بخير
بس نورة وش صار ليش كذا فجاة

نورة : تنهدت بخوف وجت بتتكلم ورجعت سكتت

منى : لاتخوفيني نورة وش صار وش فيك

نورة وبدت الدموع تنزل بعينها وكل كلمة معها شهقة : م ن ى شفتي الشباب الي يلحقونا
وعلمتها السالفه

منى بصدمة : خير ليش تعطينه رقمك مجنونه انتي ليش ليش

نورة وهي تبكي بصوت عالي : انتي ما شفتي وش سوا خفت والله خفت

منى : مرا تصرفك غبي الحين خلك تعيشين الرعب الحقيقي

نورة : انتي تبين تواسيني ولا تزيدين علي

منى: لا بس مدري كان سويتي اي شيء

نورة : صارخت بس هو ماسكني ولا احد ساعدني

منى : الله يستر على العموم ان شاء الله ما يسوي شيء يارب كل الي يبيه رقمك مو شيء ثاني

نورة بصدمة : وش قصدك !!!!

منى : لالا ولا شيء

وبعد ما رجعت نورة للبيت وفتحت الجوال لقت عشرين مكالمة استغربت
فتحت المكالمات حصلت مكالمة من عبدالله والباقي رقم غريب

نورة بتعجب مين هذا ونست ان الشاب خذا رقمها

دقت عليه ورد بسرعه

الشاب : وبصوته المرعب الي خلنا نورة تفقد توازنها معك نايف ليش ادق وماتردين

نورة : مين نايف

نايف : لا تسوين نفسك غبيه تعرفيني زين ما امداك تنسين ولا المستشفى سوو لك غسيل ذاكرة

نورة سكتت وفكرت كيف عرف انها راحت المستشفى

نايف : ايه عرفت عن سالفة المستشفى واعرف بيتك بعد تبيني اوصفه لك

نورة مصدومه انهبلت مو عارفه وش تسوي وسكرت الخط ورمت الجوال وطلعت من الغرفة زي الي تبي تهرب منه بس مو عارفه كيف



عبدالله على سريرة يفكر ويناظر الجوال يبنق لنورة ولا ترد دق عليها ولا رجعت تكلمه ومحتار يكلمها ولا يصبر يمكن انها مشغوله يمكن نايمة


نورة جالسه في الصاله وماسكة وسادة الكنب وضامتها بقوة وترتجف ومو قادرة حتى تفكر

امها دخلت وتطالع فيها باستغراب وترجع تلف على التلفزيون

الام بضحكه : ههههه نورة شوي شوي على نفسك لاتتحمسين مع الفلم الي يشوفك يقول احد ميت قدامك

نورة تطالع بامها وترجع تطالع بالتلفزيون تحاول تسلك لنفسها تبتسم بس مو قادرة
راحت الام ونورة على حالها
اصلا نورة ما كانت تدري ان التلفزيون يشتغل ولا على اي قناة كانت تناظره بس مو منتبهه كانت مرعوبه وتشوف السناريو حقها مع نايف يتكرر ويتكرر

على الساعه خمسه الفجر :

الاب وهو نازل بيروح يصلي شاف نورة واستغرب راح لها

الاب : نورة نورة ليش نايمة هنا ارقي روحي غرفتك الله يصلحك

نورة قامت مرتاعه ورقت بدون اي كلمة


وعلى الساعه سبعة جت فرح وشافت نورة نايمة

فرح : هيه بنت للحين نايمة يلا قومي وراك جامعه

نورة : اتركيني وسكري الباب مراح اروح اليوم

فرح طلعت باستغراب وفي نفسها تقول وش فيها منفسه اليوم

قامت نورة على صوت جوالها وردت بدون ماتشوف مين

نورة : الوو

عبدالله : نوورة وينك فيك شيء

نورة فتحت عيونها : عبدالله
عبدالله : ايه عبدالله ولا نسيتي عبدالله

نورة : شوي واكلمك

عبدالله : نورة ليش تتجاهليني ابي اعرف اذا ماتبيني قولي لي اطلع من حياتك مو تتجاهليني كذا

نورة : لا مو كذا

عبدالله : كيف مو كذا اجل وش انا سويت لك شيء غلطت عليك

نورة : لا

عبدالله : كم لك ماكلمتيني وشوفي كيف البرود وبس تبين تنهين المكالمة كيب انا اسف ازعجتك باي

وسكر


نورة من الرعب جد نست عبدالله وانها ساحبه عليه
بس مو قصدها تتجاهل ولا تصرف هي من الرعب مو عارفه تعيش


عبدالله متضايق وبس يفكر ليش نورة كذا تغيرت عليه وايش ممكن يكون السبب
حس انه بينفجر وقرر يكلم عمر

عبدالله : الو عمر وينك

عمر : في البيت ليه

عبدالله : عمر تكفى بشوفك

عمر: عسى ماشر فيك شيء

عبدالله : بنفجر بموت تعالي بسرعه

عمر : هد هد الحين جايك

وبعد ما وصل عمر ودخل على عبدالله على طول وهو مفجوع وحاس الوضع مو طبيعي

عمر : وش فيك تكلم

عبدالله : انا جد بنفجر اذا ما تكلمت بقولك وتحملني

عمر : افا عليك فضفض وانا اخوك

عبدالله : عمر انا قلت لك اني احب صح

عمر : ايه

عبدالله : البنت الي احبها تغيرت علي ومعد ترد ولا تكلمني واليوم دقيت عليها

عمر : ايوة

عبدالله : ردت بس على طول صرفتني وقالت شوي واكلمك وانا عصبت وكانت مرا باردة

عمر : هههههههههههههههههههههه معليش بس جد مقدر امسك نفسي

عبدالله : انا مخنوق بنفجر وانت تضحك

عمر : مو قصدي بس ياخي تراها بنت ولا بينكم شيء ليش كل هذا الاهتمام والحب

عبدالله : مو بيدي والله

عمر : روميو زمانه الله يعينك بس

عبدالله : تتمسخر

عمر : ياخي لا تتعلق بالبنت اتركها واضح انها ما تحبك

عبدالله : مقدر مقدر

عمر : الله يكون بعونك ياخوي والله حالتك حاله


نورة بعد ساعه مسكت الجوال فتحت البيبي

مرت على المحادثات وردت وشافت محادثة عبدالله وكيف كان خايف ومشتاق ومهتم
كانت تحس بتانيب الضمير لانها سحبت عليه بس مافي شيء بيدها
ولقت مكالمات من نايف ورسالتين نصيه

فنحت الرساله وكان كاتب فيها

نايف / نونو ليش ما داومتي اليوم

والثانيه :

نايف / ليش سكرتي مو مصدقه عادي ياقلبي الجاي اكثر

[حسين سلطان]

البارت السادس :

نورة مصدومه ومنهارة ومو عارفه وش تسوي قامت من السرير وتدور في الغرفه مفجوعه

دخلت فرح بخوف

فرح : بنت وش فيك صاير شيء

وتمسك نورة مع اكتافها وتهزها

فرح/ نورة نورة ردي علي

نورة في عالم ثاني وجهها الي يشوفه يقول شايفه شبح ولا احد ميت قدامها

فرح خوفها بدا يزيد ومو عارفه تتصرف ودخلت بالحالة بكاء وصراخ تبي نورة ترد عليها

وبدون اي مقدمات نورة استوعبت ان فرح قدامها وضمتها بقوة و جلست تبكي

فرح : نورة ياعمري لا تقطعين قلبي تكلمي وش فيك

نورة مو عارفه تتكلم وكل ما حاولت تقول حرف تجي انفاسها وشهقاتها وتسكتها

ويدق جوال نورة

نورة انفجعت ومن الخوف طلعت صوت عالي بدون ماتحس

فرح ما عجبها الوضع وركضت للجوال

نورة لحقتها وحاولت تمنعها

بس فرح موقف نورة خلاها تتمسك بموقفها اكثر ومسكت الجوال وتشوف الاسم ( لاتردين)
فرح مصدومه وتناظر في نورة وتقول في نفسها مين هذا وليش مسميته كذا

فرح: الو

نايف : هلا والله باخت نوني حبي

فرح بصدمة : نعم مين انت عبدالله!!!

نايف: اخس وطلع عند نوني حبيب بعد والله وطلعتي مو سهله يانوني

فرح: مين انت تكلم بسرعه

نايف بصوته الخشن المرعب: اسمعي قولي لاختك اني مراح افوت لها حركاتها وبتدفع الثمن غالي واحسن لها تسمع الكلام وماتسوي ثقل لا اجي واعلمها كيف اكسر لها راسها مو بس خشمها


وسكر الخط بوجه فرح قبل ما تنطق بحرف

فرح لفت على نورة وناظرتها بشك ممزوج بخوف كبير

فرح: نورة الحين جد بتتكلمين وتعلميني بكل شيء

نورة ونظرات استسلام ووجهها المرهق : فرح انا تعبت وابيك تساعديني بعلمك بكل شيء بس اوعديني توقفين بصفي وماتعلمين احد

فرح : تكلمي وعد مراح يصير الا الي تبين

نورة : فرح انا حياتي تدمرت خلاص

فرح : ليش تكلمي لا تخوفيني عليك

ودخلت الام غرفت نورة وكلهم التفتو عليها بخوف

الام: وش صاير ليش كل هالازعاج وليش كذا سكتو وش فيكم صاير شيء ؟؟

فرح : ماما ممكن تخليني مع نورة شوي لانها تعبانه

الام : وليش مو انا امها واخاف عليها مو مفروض اعرف بعد انا

فرح : يا ماما ياعمري مابي اتعبك معنا كلها زكمه عاديه وحبيت اقعد معها اونسها

الام: انا مو مطمنه لوضعكم بس بمشيها هالمره

وبعد ما راحت الام حست فرح ان الوقت والمكان مو مناسب انها تكلم نورة فيه

فرح : شوفي يانورة بتركك الحين وبعدين برجع اكلمك في الموضوع اؤك

نورة : اؤك


فرح في غرفتها وتفكر في حالة اختها وايش ممكن تكون الورطه الي طاحت فيها

وبعد دقايق دخلت امها عليها

الام : فرح حبي ابي اكلمك بموضوع ممكن
فرح خايفه وبس تتمنى ان الموضوع مايكون عن نورة

فرح : ايوة وش عندها الجميله من خبايا
احكي ياشهرزاد واخرجي ما بجعبتك

الام: هههههههههههههه فروحتي الخبله مثل ما اعرفها لازم تموتني ضحك
اسمعي يابنتي الحين انتي كبيرة صح؟

فرح : يب كملي

الام : اممم والبنت اذا كبرت طبيعي تطلع من بيت اهلها صح ؟

فرح بخوف : كيف يعني

الام : مراح الف وادور معك بصراحه تقدم لك واحد مرا كويس ومراح نسمح لك ترفضين مثل كل مرة

فرح : بس انا لسى صغيرة

الام : وين صغيره عمرك اربع وعشرين غيرك تتزوج عشرين واقل وانت تقولي صغيرة
دراسه وخلصتي وعاطله باطله ماعندك اي شيء تسوينه

فرح : عطيني وقت افكر طيب

الام : شوفي الولد اسمه خالد ال .... يشتغل في شركة ابوه وعنده بيت وسيارة وراتبه خمس وثلاثين الف وعمره سبعه وعشرين فكري زين واذا حبيتي تساليني عن شيء اسالي

فرح تقول في نفسها من جد مو وقته الحين افكر في نورة ولا خالد الي مدري من وين دخل حياتي فجاة


عبدالله يسوق السيارة وسرحان

محمد : عبدالله عبدالله

عبدالله : هلا

محمد : انتبه للطريق ولا تبي تسوي حادث مثل ابوي الله يرحمه

عبدالله تنرفز : محمد وبعدين معك في كل فرصه تحاول تجرحني حاول تنسى الحادث وتدعي لهم بالرحمه

محمد : الله يرحمهم ويسكنهم جناته بس انت سرحان ووضعك ما عجبني

عبدالله طلع جواله ودق على نورة

وبعد اكثر من خمس مكالمات

عبدالله : الووو

نورة : هلا عبدالله

عبدالله : نورة فيك شيء صوتك ما يريح

نورة : لا ولاشيء اخبارك

عبدالله : الحمدلله انتي كيفك

نورة : تمام

عبدالله : الله لا يغير عليك
طيب نورة قلبي ليش معد تدخلين البيبي ولا لك حس

نورة : لا بس انشغلت ولا قدرت ادخل

عبدالله : اها اوك اكلمك بعدين لان اخوي جا

ودخل محمد السيارة

محمد : اشوفك سكرت لايكون خربت عليك ترى عادي في مكتبه ودي اشوفها بعد

عبدالله : اقول سكر الباب خلنا نمشي

محمد : طيب

وبعد عشر دقايق بالضبط رجع يدق جوال نورة

ردت على طول

نورة : الو عبدالله

نايف : ياهو ترى بتجننيني وبعدين مع عبدالله هذا

نورة : ها مين ن ا ي ف

نايف : ايه نايف لايكون بس خربت جوك اسمعي من اليوم ورايح اكلمك تردين ما كلمتك تدقين انتي اول ما تصحين ترسلين لي صباح الخير وقبل ماتنامين وقبل ما تطلعين تقولين انك بتطلعين

نورة : اقول

نايف : هيه اعرفي حدودك ونفذي بدون حرف ولا بجيك شيء ما يسرك وسلميلي على اختك باي

نورة ترتجف ومو عارفه تسمع كلامه ولا ماتسمع طيب يمكن ياذيها بشيء شكله يعرف اشياء عنهاويمكن يعرف بيتها
ووو لالا الاحسن انها ما تجاريه وتسمع الكلام وماتعلم احد

[حسين سلطان]

البارت السابع

وبعد اسبوع

كان اسبوع صعب على نورة كله خوف كانت كل يوم تكلم نايف مرة او مرتين بالقليل وكالعاده يعيشها رعب ويسكر وكانت ترسل له مثل ما طلب منها وفوق هذا كانت مكتمه على قصة نايف وما تتكلم عنه قدام احد
وعبدالله المسكين مسحوب عليه اذا دق عليها ردت كلمته بعد طلعت الروح وشوي وتسكر
الساعه سته ونص الصباح يوم الاربعاء :
فرح : نورة بتداومين اليوم ولالا
نورة : لا مابي
فرح : نورة لمتى تسحبين على الجامعه روحي شوفي وضعك ودرجاتك اكيد فاتك كثير وهذا بياثر عليك
ترى مابقى غير شهر ويخلص الترم
نورة : طيب بروح اليوم بس لاني اشتقت لصاحباتي
فرح : ايه اطلعي وغيري جو مو كذا كل يوم بالبيت وماتطلعين من الغرفه
وانا بوصلك وش رايك
نورة : ليش غريبه
فرح : لا بس فاضيه وودي اطلع خليني اوصلك واخذ لي كفي في الطريق
نورة : اؤك الي يريحك
وفي السيارة :
كان الهدوء مسيطر على المكان
فرح تفكر بتردد اتكلم ولا ما اتكلم
فرح : نورة ممكن اسالك وتجاوبيني
نورة : اسالي
فرح : وش الي صاير لك وش سالفة نايف
نورة : يوة وش جابه على بالك مو وقته لاتخربين جوي لو سمحتي
فرح : يعني ماتبين تتكلمين اؤك براحتك
نورة : يلا واخيرا وصلت باي باي اشوفك على خير/ ونزلت
فرح : مثل العاده تعرف تصرف نفسها ومحد يقدر يجبرها على شيء
وبعد كلاس الانقلش الساعه تسعه ونص :
منى : هيه وش قالت لك الدكتورة
نورة : تقول باقي لك شوي على الحرمان
منى : يووة انتبهي ترى حتى دكتورة الادب تقول ان عندك حرمان ولازم تجيبين اعذار ودرجاتك مرا زفت
نورة : منى انا معد اقدر اتحمل الجامعه صايره اكرها وبس مرعوبه ارسب وكارهه الدراسه والدنيا كلها
منى : تعوذي من ابليس ومافي شي يسوى شدي حيلك ومراح يصير الا كل خير
نورة فكرت شوي وقالت ليش ما اكلم نايف بدل ماهو متعبني نفسيا خلني انا بعد ازعجه واطلع الي بخاطري
نورة / الو نايف
نايف / شكل العالم راضيه علي اليوم
نورة / ليش
نايف / لانك كلمتيني بهالوقت مو عادتك
نورة / كيفك
نايف / بخير وكيف نوني
نورة / مو بخير
نايف / افا ليش
نورة / جاني حرمان في الادب والانقلش تقول على وشك
نايف / ياشيخه درجات دنيا فليها
نورة / الكلام يازينه بكرا اذا رسبت وقتها اعرف الفله
نايف / طيب وليش مانفلها سوى الحين
نورة / كيف
نايف/ انا وانتي
نورة / وكيف نفلها
نايف / تعالي بانوراما واعلمك كيف
نورة / نعم اكيد تستهبل !!!
نايف / هيه شكلك نسيتي مع مين تتكلمين مو اصغر عيالك انا غلطتي اخيرك اعتبريه امر تعالي بسرعه
نورة / واذا قلت لا
نايف/ بروح بيتك واعطي امك رقمك بقول فيه رقم منتشر بين الشباب هو رقم بنتكم
نورة / حقير مثل ماعرفتك
نايف / هههاي ودامك تعرفين مايحتاج تلفين وتدورين انتظرك كل دقيقه تاخير بتدفعين ثمنها يلا باي
نورة مو عارفه تتصرف حست انها بجد تورطت مع واحد احقر من الحقير ومو عارفه كيف تفتك منه
وبعد ساعه
نورة / انا في بانوراما
نايف / الساعه 11 الحادية عشر تاخرتي كثير يلا وينك بالضبط
نورة / بوابة واحد
نايف / اوك
وبعد خمس دقايق
نايف : واخيرا شرفت نوني
نورة ترتجف ولا ردت
نايف : تعالي / ومسك يدها وسحبها
نورة تحاول توخر يده : بعد يدك
نايف : هذا اول الانتقام محد قالك تتاخرين
نورة : مع نفسك
نايف : تعالي نشوف المحل
دخل وجلس يدور عند ملابس القسم النسائي
نايف : شوفي البلوزة احسها مرا بتطلع عليك حلوة / وقرب البلوزة منها وشال النقاب
ما شال عيونه عنها وجلس يتاملها / وش هالجمال كله ما تخيلتك كذا
نورة مصدومه ومو عارفه تتكلم : انت وصلت اسوء درجات الحقارة عطني نقابي بسرعه
نايف : لا طبعا تونا في بداية الانتقام انا اطلب انتي تنفذين وانتي ساكته فاهمه علي حبيبتي
نورة مقهورة ومو عارفه تتصرف
نايف : يلا يابابا ابيك تلبسين البلوزة وتوريني شكلك بها
نورة : نعم
نايف: لالا نوني لاتخليني اعصب وش قلنا
نورة : اوووف
نايف : ايه كذا مو لازم كل مره نهدد يلا البسي بسرعه وخذي هذا الجنز مرا ضيق بيطلع عليك خقق
نورة : حقير ووصخ
نايف : هههههههههههه يازين الفاهمين
نورة لبست ومستحيه تطلع من غرفة التبديل
نايف : حبي خلصتي ادخل
نايف ماعطى نورة مجال فتح الستارة على طول شافها وانصدم بشرتها كانت جميله وبيضاء وشعرها طويل وجسمها مرا خقق ومرسوم
نايف : قربي ولفي اشوف واو وش هالجمال يلا بدلي واطلعي
نورة من القهر نزلت دموعها اول مرا تتعرض لموقف مذل كذا وقالت له بنبرة مخنوقه وعيونها بالارض : طيب عطني نقابي
نايف : لا ياعمري طول مانتي معي النقاب ممنوع بتكملين فاتشه
نورة انفجرت بكي مقدرت تتحمل : انت دخلت حياتي ودمرتها انت تعاستي انت بتجيب لي سكته انا بنتحر بسببك
نايف ما قال ولا كلمة شدها له وضمها بقوة
نورة حاولت تدفه بس كان ماسكها بكل قوته ضربته وبكت لين هدت وبعد عنها
نورة بصوت مبحوح وتعبان : اكرهك
نايف : بدلي وخلينا نوديك الحمامات تغسلين وجهك
طلعت نورة ولقت نايف عند الكاشير وقربت منه وعطاها الكيس
نورة : وشو هذا وناظرت ولقت نفس البلوزة والجنز الي لبستهم
ليش اشتريتهم ؟؟
نايف : لانها كانت حلوة عليك وعاجبتني
وبعد ما غسلت وجهها وعدلت شوي وحطت قلوس وشوي مسكرا وطلعت
نايف : وين تبين تتغدين
نورة : برجع البيت
نايف : لا تونا انا الي اقرر متى ترجعين مو انتي
نورة : لا ما اقدر اتاخر
نايف : تتاخرين على وش اهلك ؟ انتي في الجامعه لسى نسيتي
نورة : ساكته
جلست نورة وبعد نص ساعه
نايف : اشتقتي لي
نورة : اشتاق لك الموت
نايف : اوف من وين تجيبين كلامك انتي هههههه كلي بس قبل ما يبرد
نورة تاكل وهي مستحيه وحالتها حاله
نايف : خلصتي يلا خلينا نقوم
نورة : وين !!
نايف : بوديك مكان حلو يلا دقي على السواق وقولي له ما ينتظرك لاني انا الي برجعك

[حسين سلطان]

البارت الثامن


نورة : نعم وين بتوديني بعد معليش جد اسفه بس اعصابي تعبت انا بنت بعد واخاف على نفسي يكفي الي تسويه فيني ربك فوقك

نايف : نوني اؤك هالمرة بخليك لاني خذيت الي ابيه واكثر ومو لازم اكون طماع صح

نورة : حسبي الله على الظالم كلكم مثل بعض اخ بس انا تعاستي اليوم الي ربي بلاني فيك

نايف : شكلك مابعد تعبتي وودك اخذ فيك كم لفه

نورة : بروح باي

وصارت نورة تمشي وتمشي بس تبي تبعد عن نايف الشبح الي دخل حياتها وعذبها
ودقت على السواق ورجعت البيت
رمت نفسها على الكنب الي في الصالة
كانت دقات قلبها سريعه كانت خايفة ومو مصدقة ان نايف اكتفى بس بالي سواه كانت مرعوبة كانت متوقعه من واحد حقير شي اسوء بكثير بس ربي ستر من السعادة انها رجعت سالمة سجدت سجدة شكر وجلست تبكي

الام : نورة وش فيك القبلة غلط الله يهديك

نورة رفعت راسها ومسحت دموعها والتفت على امها وقالت لا انا ما كنت اصلي بس لاني جبت درجات حلوة حبيت اشكر ربي

الام : الله يوفقك يابنتي ويسعدك

نورة : امين وياك

ورقت نورة لغرفتها بسرعه

غسلت وجهها وكل ما حاولت تسمح دموعها بكت اكثر كان احسسها رهيب مو قادرة تتحمل ولا تعبر الا بدموعها
صارت تردد الحمدلله الحمدلله وتبكي اكثر كانت تحس بغصة مو طبيعية
نامت على السرير كانت تحس بصداع مو طبيعي خذت المخدة ودفت وجهها فيها وكملت بكي لين غفت ونامت



فرح كانت في غرفتها تفكر

فرح / انا للحين ما عطيت امي رايي ولا ادري وش اقول اااخ وهو وقتك يا خالد
انا بعد اتمنى يكون عندي اسرة بس اخاف وش اسوي اوافق ولالا اخاف امي بعد تتضايق لو رفضت ولا اصير عانس وينشبون العالم بحلقي
________


عبدالله / عمر انا مليت من وضعي مع نورة حبي لها من طرف واحد بس ,اكلمها حتى الرد ما ترد ولا تكلف نفسها تقرا كلامي الا كل فترة وفترة

عمر / ياخي ليش كل هذا العذاب اتركها وريح نفسك مو لازم هي في غيرها كثير يتمنونك

عبدالله / بس قلبي اختارها هي من بين الكل

عمر / اخ من قلبك المجنون هذا اختار اما تتركها ولا انك تواجها وتعرف مشاعرها بالضبط ووقتها تحدد موقفك

عبدالله / الكلام سهل يصير خير .

_____

راحت فرح لامها بخوف وخطواتها تتقدم وتتراجع

الام : فروحه حبيبتي تعالي

فرح : هلا ماما

الام : هلا فيك وش عندها بنتي الحلوة قررت اخيرا ولا لسى

فرح : شوفي ياماما انا بصراحه مدري وش اقول بس اذا انتو موافقين فانا مراح اعارض كلمتكم

الام : ايه هذا الكلام الي كنت ابي اسمعه ومثل ما تعرفين انا وابوك نبي لك الخير والسعادة ومراح ندور الي يضرك

فرح : طيب ياماما

والنحشه ههههههه

فرح من الخجل والخوف راحت لغرفتها وتحس انها ماتبي تشوف احد مرا كانت متفشله ومرتبكه


قامت نورة على الساعه تسعه الليل كانت مصدعه وتحس بخنقه

كلمت على السواق وعطته خبر انها بتطلع وبعدها ارسلت لنايف

نورة / لان احدهم عكر مزاجي اليوم وسبب لي الضيق والرعب ساخرج الان الى .....الخ

ركبت نورة وقالت للسواق يوديها للفيصلية

نزلت نورة وما كملت خطوة الا تحس بيد تمسكها

نورة وقلبها شوي ويوقف : ناااايف خير وش تبي

نايف : هلا بنونتي ما اشتقتي لي

نورة : انت ماتبي تتركني بحالي !!

نايف : لا انا القى وحده مثلك تعطيني جوي واتركها بحالها ليش غبي انا ؟؟

نورة : ياحقارتك

نايف : يلا خلينا ندخل عن البرد

وبعد خمس دقايق صار جوال نورة يدق شافته لقته عبدالله وعطته مشغول

نووووووووورة

نورة مفجوعة وتدور مصدر الصوت وبعد ما لقته كان


عبدالله : نووورة

نورة مصدومه بشكل ومو عارفه وش تقول

قرب عبدالله من نورة ورفع اصبعه واشر على نايف

عبدالله : هذا مين

نايف : انا حبيب نوني انت مين ؟؟

عبدالله : اايش حبيبها !!!!!!!!!!!!!1

نايف : ايه حبيبها وانت عبدالله صح ؟

عبدالله : كيف عرفت اسمي

نايف : قالت لي نوني عنك

التفت عبدالله على نورة ووجهه احمر وكل مشاعر الكره والغضب والاحتقار بوجهه



عبدالله : انتي الانسانة الوحيدة الي حبيتها من كل قلبي وتخيلت انها شي جميل كنت اتخيلك انسانه ثانيه بس انتي انتي طلعتي وحده حقيرة وتتسلى مع واحد واثنين وعشرة اكرهك تفهمين

ورااااااااااح

نورة ماقدرت تتكلم كان لسانها مو راضي ينطق بحرف كانت تناظر عبدالله وتبكي وهي بمكانها تمنت من كل قلبها تركض وراه تقولها ان هي بعد تحبه وانه ظلمها بس كانت بموقف العاجزة مو قادرة تسوي ولا شي

بعد ما اختفى عبدالله تماما التفتت نورة على نايف وكل عيونها كره وعطته كف بكل قوتها


نورة : انت انسان كريه اكرهك من كل قلبي انت دمرت كل شي دمرتني ودمرت حياتي كل شيء دمرته نفسيتي ودراستي وحياتي وحتى حبي دمرته اكرررررررررررررررررررررررهك اكرهككككككككك انت انت

وماقدرت تكمل كانت تبكي بشهقه كانت تحس بالالم وراحت وتركت نايف وركبت السيارة

نورة كانت تفكر ان كل شي صاير بحياتها من اسوء لاسوء صارت تبكي وتدعي

نورة/ ياربي انا وش سويت وش الذنب الي سويته وجالس تحاسبني عليه تكفى ياربي اغفر لي وعلمني ذنبي .

[حسين سلطان]

البارت التاسع ..

نورة عاشت اسبوع تبلد لا تهتم باحد ولا تكلم احد سحبت على نايف ولا كلفت نفسها تكلم عبدالله < اي شاطرة تعيش جو الاكتئاب والتحسر


عبدالله كره نورة وكره الحب وكره نساء الارض وصار عنده ردة فعل وبس وقته صار شغل في شغل

ونايف لا له حس ولا خبر

وفي غرفة فرح:

فرح : اي ملكتي بعد اسبوع بس ما جهزت ولا شيء

دانة : ياعمري انتي عادي اجي عندك اليوم ونضبطك نروح بعد المغرب للسوق وبعدها المشغل والباقي بعدين

فرح : ياحبيلك يادنو انا من دونك اضيع

دانة : ما قلتي لي وش اخبار المعرس كيف كانت الشوفه الشرعية

فرح : وانا قدرت اشوف شي راسي بالارض ودقيقه وطلعت

دانة: هههه اي عادي وما اخذتي رقمه وكلمتيه

فرح: لا وين تونا بعد الملكة ان شاء الله

دانة : يلا امي تنادييني نكمل كلام بعدين باي

وبعد صلاة العصر راحت الام لغرفة نورة :

الام : نورة حبيبتي اليوم الساعه سبع بروح لصديقتي معزومة ومسووين حفلة صغيرة بمناسبة رجعت ولدها من امريكا وبيطلعون مخيم وفله تجين معي

نورة : وليش ماتاخذين فرح مثل العادة

الام: المشكلة اختك بتطلع المغرب تشتري فستان للملكة ولا كان خذيتها يلا عاد اطلعي غيري جو

نورة : طيب اوك

الام : اسمعي البسي واكشخي مو تفشليني وترى بنقعد للساعه وحده الليل

نورة : الله يعين ومتى بتروحين قلتي

الام : بنتحرك من البيت ست ونص سبع بالكثير

وبعد ما تجهزت نورة ولبست وراحت لامها


الام : الله مزة بنوتي الحلوة بس ليش احس انك مو متحمسه للروحه ومالك خلق

نورة : لا عادي بس مثل ماتعرفين ما اعرف احد هناك واول مرة اروح لهم

الام : لا ما عليك فيه بنات كبرك كثير وبتستانسين

وبعد ما وصلو للمخيم وسلموا على الكل


الام : اسيل ماشاء الله كبرتي كم عمرك الحين

اسيل : تسع طعش

الام : ماشاء الله كبر بنتي تقريبا وليش ماتروحين انتي ونورة وتلعبون مع البنات دبابات

اسيل : بس انا اخاف ولا عمري ركبت وفيه عيال

الام : عادي خذي نورة و جربو

راحت نورة مع اسيل ووقفو عند برا يتفرجون على البنات والعيال وهم راكبين دبابات

نورة : اسيل يلا امشي ناخذ دباب

اسيل: لا ما اعرف

نورة : انا بسوق وانتي اركبي وراي اؤك

اسيل بخوف : اؤك

وتركب نورة الدباب وتسوق بسرعه وتهور واسيل خايفه وبس تصارخ


نورة واسيل اصواتهم صارت ملفتهم للانتباه ضحك نورة العالي وصراخ اسيل لفت انتباه كل الشباب الموجودين
وبدل ما يلعب كل واحد بحاله صارت الاضواء كلها على نورة واسيل

نورة : مو كأن الشباب جالسين يلاحقونا وش رايك نروح بعيد

اسيل : اي احسن

وبدون شعور بعدت نورة عن المخيم كثير راحت مكان كله ظلام وبالموت تشوف طريقها

اسيل : نورة وين وديتينا المكان مره يخوف يلا ارجعي

نورة : لالا ماعليك شوفي المخيم قريب

اسيل : مع وين قريب انا مو قادرة حتى اشوف نور

وفجأأأأأأأأأأأأة بدون مقدمات لقو نورة واسيل نفسهم في منحدر خطير وانقلب فيهم الدباب وانقلب لين وصلو اخر شي من المنحدر

اسيل تحاول تقوم بالم : نورة نوورة

بس مافي رد

وتدور اسيل نورة وتصارخ عندها بس مو راضيه تقوم وش الحل وش تسوي صارت اسيل تصارخ
ساعدوووووووووووووني ساعدوووووووووووووووني


وسمعت اسيل صوت دباب يجي قريب منها وتصارخ اكثر / ساعدوني ساعدووووووووني تكفوووون
قرب الدباب وصارت تشوف النور بوضوح


قرب صاحب الدباب واسيل من الخوف ركضت عنده وطلبت منه يساعدها

قرب الدباب من نورة وحط النور عليها عشان يشوفها كانت البنت مثل الميته وشعرها كله على وجهها ومو باين شي

اسيل : الحين كيف نحركها يمكن عندها كسر ولا شيء

الولد : طيب وانتي مافيك شيء

اسيل : لالا بس جروح بسيطه

الولد : اؤك بكلم الشباب في المخيم واقولهم يكلمون الاسعاف بس لازم نوديها للمخيم على الاقل مراح يلقونا هنا

اسيل : طيب نشيلها شوي شوي ونحطها على الدباب وتوديها

الولد : طيب وانتي

اسيل : انا بمشي وراكم


وبعد ما ودو نورة للمخيم وجت الاسعاف كل الحريم طلعوا مصدومين وبعد ما درت ام نورة ان نورة طاحت كانت مصدومة ومصدومة اكثر لانهم خذوها ولا قالوا لها يعني مين المرافق الي راح مع نورة وليش ما عطوها خبر


كانت اسيل والولد مع نورة في سيارة الاسعاف وبعد ما وصلو المستشفى سوو فحوص لنورة واسيل

الولد : ها بشر يادكتور وش نتائج الفحوص

الدكتور: للاسف نورة عندها ارتجاج في الدماغ ادى لغيبوبة بس ادع ربك مايتحول لنزيف ولا شيء اخطر اما اسيل فعندها كسر في الرقبة وكدمات خفيفة وتقدر تطلع اليوم

الولد : لاحول ولا قوة الا بالله الحين كيف بقول لاهلها

ودق الولد على امه وطلب منها تسال عن امهات البنات وتعلمهم

[لذة جنوني]

سلمت آناملك آلمتألقه لروعة طرحهآ..
يعطيك آلعآفية ع الجلب , المميز لآ حرمنا توآجدك..
ودي لك ولروحك

[حسين سلطان]

سلمت آناملك آلمتألقه لروعة طرحهآ..
يعطيك آلعآفية ع الجلب , المميز لآ حرمنا توآجدك..
ودي لك ولروحك

الله يسلمك