((ليت القوافي تجيب الزين))

[القارظ العنزي]

ليت القوافي تجيب الزين
اللي على البال ... والطاري
واكتب له من قافنا . بيتين
وانثر له في دربه . اشعاري
حتى يتلطف بنا .... ويلين
ويرحم خفوقي غدا . ناري
الصاحب اللي يشوق العين
يا ليت داره على ..... داري
وان مرني قلت له .. اهلين
واقول يا مرحبا ..... جاري
يالترف ارحمني ولا تشقين
ارحمني يرحمكم .... الباري
ارحم طريح الهوى مسكين
دمعه جرى مثل ... الانهاري
الرحمة سنة واساس الدين
ان كانك في مصحفك قاري

القارظ العنزي

[أميرة بذاتي]

يا ويله ان حبه العنزي
ليبات طول ليله صباحي
يرمس على قصيد العالي
بين حب وهوى بدون جياسي

[القارظ العنزي]

يا ويل ويلي ويا ويلي
يا اميرة هدوا . بخيلي
وحياتك عشوا بحيلي .. والجيش اركاب ورجلية
ناس ما ترحم . الحالي
ولا هم دريوا باحوالي
نصيح وبالخلا الخالي ... قولي وش الحل يا خية

[أعيشك]

..|| سيدي صاحب القلم الماسي
حروفك التي نبضت و حركت مشاعرنا
اشكرك علي هذي العبارات التي اسعدتني
انت ملك قلم ينبض بجميع الالحان
تسحرنا بكل معاني النغمات
لا تحرمنا .. ننتـظر جديدك
اعشق قراءة كتاباتك المميزة
دمتَ بكل ود وحب وتقدير ||..

[القارظ العنزي]

يخليك ربي أعيشك مرورك سعادة الله يسعدك .

[فكر الحرف]

صباحك نوايير يالقارظ ممزوجه بنسمة صباح ماطره .

يالقارظ الزين سلمه شين
يرّث على قلبك اخطاري

واحذر يصيبك كحيل العين
لايصيب روحك وتنهاري

واللي يبيكم يعرفك زين
يقطع من اجلك الانهاري

واليا بغاكم بسرعه يلين
يسري عليكم مع الساري

تحياتي وتقديري أخوي
فكر الحرف

[القارظ العنزي]

يا فكر حرفك جاب النارين
نار الهوى ونار ... الافكاري
كل ما نسينا هوى . الغالين
ترجع وتجدد ..... الاذكاري
يا فكر خفف علينا . شوين
دخيلك من ذبح الاشعاري
ما بيه قوة سهير .... العين
والفكر مشغول . ومحتاري
في غربة تذبح .... الحيين
وفي ديرة ما بها .... جاري

[فكر الحرف]

يا فكر حرفك جاب النارين
نار الهوى ونار ... الافكاري
كل ما نسينا هوى . الغالين
ترجع وتجدد ..... الاذكاري
يا فكر خفف علينا . شوين
دخيلك من ذبح الاشعاري
ما بيه قوة سهير .... العين
والفكر مشغول . ومحتاري
في غربة تذبح .... الحيين
وفي ديرة ما بها .... جاري



الخطّ واضح تمام وزين
والسـّوق بـه بايع وشاري

من خلقت الدنيا الين الحين
والحبّ بين البشـر جاري

ناس(ن) تصيبه رموش العين
والبعض حبـّـه بالأسـفاري

والكل يشـكي (غراب البين)
عشـق العذارى كما الناري

طع شور من جربه لسنين
وان كان تسمع للأشـواري


صح إلسانك يالقارظ وعلا شانك
تقديري لك
فكر الحرف

[القارظ العنزي]

يعني تنصحني احب الزين
واسلم للترف ..... يالضاري
الحب نسيته مع .. الناسين
ما ريد حب بلا ...... بهاري
دام المحبة بها ...... ريالين
ونوب يزيدن ... بالاسعاري
خليتها للي هواهم .... دين
ياخذ ويسدد ما .. يحتاري
حبيب يمشي مع .. الحيين
وكل يشوفه ..... بالانظاري
وين القديم هو وينه . وين
ما له مع الناس .... تذكاري
يا ما كتبنا وشكينا .. البين
لا وخسارة ..... يالاشعاري