كيف تكتب قصيدة موزونه.

[أسير الود]

السلام عليكم ورحمة الله وبركاته .

كيفكم يا شباب ..

اول شي انا ابتعدت عن الشعر بسبت الوزن . ماكنت اعرف اوزن القصيدة .
وصرت اكبت خواطر بس ..
لكن عندي ناس شعراء علومني كيف الوزن .

نبدا بالمووضع ..

اول شي لازم تعرف ان القصيدة لها حبل . ولها جو .. واذا احد قاطعك راح يخرب ام ام الجو ..
عشان كذا خلك لحالك وقتها .

للشعر بحور . وكل بحر له وزن . وهذا الشي اللي كرهني فيها . ولا تحاول تبحث فيها ولا تجيها .
فسلفه مالها داعي ..

اول ما تبدى تكتب قصيدة .

1 ـ اكتب بيت واحد بس ولا تنظر للوزن فيه عشان تثبت القافية
2 ـ بعد ما تكتب بيت وترتاح للقافية . ابحث عن اغنيه غنيبها هذا البيت .
اعطيكم امثله ..
مثلا
قصيدتي على
http://www.al2la.com/vb/t82695.html

وزنتها على اغنية احلام . ( ارجوك تنساني وانا اوعدك بنساك .)
واقدر اوزن قصيدة خلف بن هذال ( جعل السحاب اللي معه برق ورعود . يمطر على دار وليفي سكنها)
على نفس لحن الاغنية ..

وفيه قصيدتي اللي في ابوي الله يرحمة .
http://www.al2la.com/vb/t82691.html

وزنتها على شيلة .
على هذا الرابط باليوتيوب .

https://www.************/watch?v=4pzO_mNnJdk

..

يعني اكتب بيت باي قافية واغنيها باي اغنيه .واوزن عليها . احيان حرف او كلمة تكسر البيت
بس ابحث عن الاغاني القديمة او الشيلات . لانها افضل شي

بالطريقة هذي تقدر توزن قصيدتك بكل سهوله ..

[وسن]

وعليكم السلام ورحمة الله وبركاته

اولا شكرا كل الشكر لك على الطرح بصراحه محتاجه جدا لمثل هالمواضيع

ثانيا مافهمت شي من الموضوع لاني صفر بشروط الشعر ما افهم فيها اطلاااقا اطلاقا
فياليت افهم من البدايه ايش الوزن وايش القافيه ومتى يكتب الوزن واين بالضبط وذات الشيء بالنسبه للقافيه وكيف اعرف ان بيوتي مافيها كسور ومتى يكسـر البيت ؟
وهل الشعـر الفصيح ينطبق عليه ماينطبق على الشعبي من الشروط ؟

اكرر شكري لك لهذا الموضوع المفيد
بانتظار ردك او ردود الاخوه الذين لديهم نفس خبرتك بالشعر
اتمنى ان تجودو علينا بالفائده منكم
وكل الشكر اخي الكريم

؛؛

[أسير الود]

اهلين اختي وسن ..

القافية هل اخر كلمة في الشطر .. ولازم تكون على وزن واحد

في قواعد اللغة العربية عندنا كلمات اسمها ( افعل ـ فعول فعلان . مفاعيل ..وغيرها )

كلمة افعل .. يكون على وزنها اجمل ـ احلم .. اسلم . كنها على نغمة وحده ..
فعول . مثل زعول .. ملول .. حلول .. .

وكذلك القافية ـ تكون كلماتها على نمط واحد ... يعني تتشابه في الحروف الاخيرة

مثلا
ايام ــ احلام ـ اهتمام ـ كلام ـ سلام ..
او
النهاية ـ البداية ـ رايه . وهكذا

هذا هي القافية اللي تكون في اخر الشطر ..

بيت القصيد تكون من شطرين ..

يقول خلف بن هذال .
جعل السحاب اللي معه برق ورعود .
يمطر على دار وليفي سكنها

يسقي وطن منتوقة العنق ياسعود
مالي وطن بالدار الا وطنها

هذي بيتين من قصيدة ..
البيت الاول
الشطر الاول فيها انتهى بكلمة رعود
والشطر الثاني انتهى بكلمة سكنها

خليك الان على هذا الوضع لان فيه اشكال كثيره للقصيدة وذلك على حسب البحر اللي تكتب عليه .
انتي التزمي بهذي لانها الاسهل ..والافضل في نظري ..

اللي احاول اوضحة ان القصيدة تتكون من ابيات . مثلا عشره ابيات ..
كل بيت من القصيدة يتكون من شطرين ..
الاشطر الاولى من الابيات تككون قوافيها على وزن واحد .. والاشطر الثانية كذلك لكن الوزن يختلف
مثل قصيدة خلف بن هذال اللي ذكرتها فوق .
ومثل ماقلت لك فيه اشكال غير للقصايد لا تهتمين فيها الان ..

[أسير الود]

اما الوزن
فهو النغمة . او اللحن .. يعني اقدر اغني القصيدة بسلاسة ما احس ان لساني بتوقف
مثال

رسمته والوفى فيني رسم بالعشق له تمثال
حروفه ترتعـــــــــش لمـــــا ادونها بدواوينــــي

........

رسمته والوفى رسم بالعشــــــــــق له تمثال
حروفه ترتعـــــــــش مــــــن ادونها بدواوينــــي


غني هذي البيتين على اغنية راشد الماجد . ( تعودنا انا وانت . تعودنا على النسيان )

راح تعرفين وين الكسر

[وسن]

جميـل جـدا كأني فهمت

المشاركه الاولى اقدر اقول كمجاراة للبيت الي كتبته بالثانيه
الي هو هذا

رسمته والوفى فيني رسم بالعشق له تمثال
حروفه ترتعـــــــــش لمـــــا ادونها بدواوينــــي


يعني اقدر اقول





رسمته ليت لي عمر يحله وين راح حلال
على وصله ابيع العمر نذرت لقربه سنيني

اذا في خطاء ياليت اعرف وينه وكيف اصححه ؟



بالنسبه للمشاركه الثانيه البيت الاول سليم الكسور بالبيت الثاني اذا فهمي صح ؟!

دوشتك معي بس فعلا استفدت منك وداوشه معي القارظ العنزي كمان لرغبتتي بالتعلم فعلا
ومشكور جدا جدا للشـرح رائع ومبسط وينفهم بسرعه


معليش استحملوني شويه

[أسير الود]

كبداية لك اقولك بروافو عليك .. بصراحة بدايتك تبشر بخير .





رسمته ليت لي عمر يحله وين راح حلال
على وصله ابيع العمر نذرت لقربه سنيني

الخل عندك في الكلمة الحمراء (حلال )
لو غنيتي بالحلن اللي قلت لك راح تلاحظين صعوبة نطقها وهذا هو الكسر ..


عشان نحل هذي المشكلة نغير الكلمة فقط

نقول مثلا
رسمته ليت لي عمر يحله وين راح وجال
على وصله ابيع العمر نذرت لقربه سنيني

الشطر الثاني فيه ركة بسيطة (نذرت لقربة ) تحتاج تعديل اكثر .. لكن ماشيه الان

المره الجاية حاولي تكتبين باتين

[sultain alotibi]

يسعد صباحكم جميعا اسير ووسن
ياخوك اعجبني بداية افتتاحك لموضوعك حيث انك كنت صريح للغايه وهذي صفه محببه عندي

وسن انتي شاعره اعترفي احسن لك يابنت هههه

الشعر تعلمه ابسط مما توقعون بشرط ان توجد عنده الرغبه والهوايه لتعلمه
من لديه الرغبه والهوايه في تعلم الشعر يفتح متصفح
وانا على اتم استعداد اعطيه دروس وامشي معاه حتى يصبح منافسا في الساحه الشعريه
بس عليه اولا ان يتعلم متى تسمى القصيده قصيده
وماهو البحر والقافيه ومن ماتتكون القافيه وماهو صدر
البيت وقفا البيت
وماهي الافعال
وكيف يستطيع وزن البيت

[وسن]

كبداية لك اقولك بروافو عليك .. بصراحة بدايتك تبشر بخير .





رسمته ليت لي عمر يحله وين راح حلال
على وصله ابيع العمر نذرت لقربه سنيني

الخل عندك في الكلمة الحمراء (حلال )
لو غنيتي بالحلن اللي قلت لك راح تلاحظين صعوبة نطقها وهذا هو الكسر ..


عشان نحل هذي المشكلة نغير الكلمة فقط

نقول مثلا
رسمته ليت لي عمر يحله وين راح وجال
على وصله ابيع العمر نذرت لقربه سنيني
الشطر الثاني فيه ركة بسيطة (نذرت لقربة ) تحتاج تعديل اكثر .. لكن ماشيه الان

المره الجاية حاولي تكتبين باتين


اي
طيب كذا اعتقد بتكون كمان تمام !


رسمته ليت لي عمر يحله وين حل حلال
على وصله ابيع العمر يرخص له غلا سنيني

والمقصود هنا بكلمة حلال ليست نقيض الحرام انما مشتقه من المحله وينطقها بعض الناس بقول حلآل بدون تشديد الحاء.الا اذا كان بها كسور ايضا !! لا ادري

فعلا استفدت منك يعطيك العافيه
مشكور اخوي اسير لاخلا ولا عدم

تحياتي لمجهودك الرائع

؛؛

[وسن]

يسعد صباحكم جميعا اسير ووسن
ياخوك اعجبني بداية افتتاحك لموضوعك حيث انك كنت صريح للغايه وهذي صفه محببه عندي

وسن انتي شاعره اعترفي احسن لك يابنت هههه

الشعر تعلمه ابسط مما توقعون بشرط ان توجد عنده الرغبه والهوايه لتعلمه
من لديه الرغبه والهوايه في تعلم الشعر يفتح متصفح
وانا على اتم استعداد اعطيه دروس وامشي معاه حتى يصبح منافسا في الساحه الشعريه
بس عليه اولا ان يتعلم متى تسمى القصيده قصيده
وماهو البحر والقافيه ومن ماتتكون القافيه وماهو صدر
البيت وقفا البيت
وماهي الافعال
وكيف يستطيع وزن البيت


يسعد صباحك اخوي اهلا وسهلا

والله. احاول اكون شاعره شوفة عينك. لكن كسرت كم ضلع بالبيت ههههههههه

ياليت على يدك حط دروس هنا وانا اول الطلاب.

[sultain alotibi]

لالا قريت محاولاتك في شطر البيت ولا راح الاقي صعوبه معاك في تعلم الشعر
بدايتك اكثر من ممتازه بس الوزن عباره عن حركات
ضمه
فتحه
كسره
سكون
لاحضي هذا الشطر من بيت ضمن قصيده لي

الحبْ مايحتاجْ منكمْ تعابيرْ
مرسومْ فيْ عينكْ وضمكْ ليدها
لاحضي الحركه اللي على حرف الباء من كلمة الحب
سكون - ْ - سكون صح

شايفه الكلمه الاولى عشان اخر حرف حركته سكون اصبحت كل الكلامات اللي بعده حركتها سكون من اجل وزن البيت
وبكره لونسيت فكريني وراح انزل لك اول درس

[أسير الود]

وسن
بصراحة ممتاز جدا .. بداية في غاية الروعة

بس مثل ما قلت لك حاولي تكتبين بيتين او اكثر ..




اخي سلطان بصراحة تنويهتك في غاية الروعة .. اول مره تمر علي افدتنا بصراحة
ومثل ما انت عارف حنا شعار منتديات
وفي المنتديات كلا يجاملك ولا يصحح لك
ياليت والله نستفيد من دروسك ونجمعها في موضوع ونطلب من الادارة تثبيته عشان يستفيد منه الكل
ربي يسعدك

[sultain alotibi]

ارحب ثم ارحب اخونا اسير الود
كلنا ابشرك شعراء منتديات وباقي نتعلم ونحاول نستفيد ممن هم افضل منا
وانت لاحظت انك ماتعتمد في شعرك على الافعال والبحور الشعريه واكتفيت عنها باللحن وهذا جيد بالنسبه لك
يعني لوتسمع شيله ويعجبك لحنها حاول تركب بيوت قصيدتك على نفس اللحن واذا خلصت من صياغة البيت قم بترديده ورى الشيله
اذا استطعت تغنيه بسهوله ويسر هذا دليل على ان البيت موزون وتمام اما اذا صادفك ثقل في البيت اثنا ترديدك له مع الشيله
فهذا يعني ان البيت فيه خلل او كسر

وابشر راح انزل لكم اساسيات الشعر واوزانه وهي من اعدادي واستفاد منها ناس كثير

[وسن]

حلـو معنـى كلامك اخوي سلطان اني لازم اوزن اول كلمه من البيت واخـر كلمه !!؟

مثال

قال المـولع ياعلي ليت الدهر مطـواع
حال المولع ياعلي مرثي ولا له طاع

وجدي على ذاك الصبي لي حالته بالقاع
يحشي همومه بالصدر تنكال له بالصاع

خله حكم له بالصبر وصبر له ينصاع
شله لحاله معتلي راس الخفوق اوجاع


والمولع المقصود بها هنا هو من الولع بالشخص والتولع به
والصاع نوع من انواع الكيل ومنه الذهب ومنه الصاع

مدري بس سويت مثل ماقال لي اخوي اسير وكتبت اكثر من سطرين عشان يظهـر مقدار استيعابي للدرس وما اذا كان في امل !

واهم اهم شي شكرا لتشجيعكم سوى عرفت او ماعرفت رفعتو معنوياتي وكفاني منها انكم حاولتو معي فعلا اقف بحيره وخجل امام هذا الكرم منكم تجاهي ولا ادري كيف يرد لكم ذلك لكن يبقى الشكر والعرفان يعتلي قمة خجلي من كرمكم

[أسير الود]

اهلين اخي سلطان
انا اكتب الشطر واغنيه لين اضبطه
واذا ماضبط حذفته
ان شاء الله نستفيد من طريقتك


وسن القصيدة لها اشكال وهذا حسب بحورها
الطريقة اللي كتبتي فيها صعبة
انك وحدتي اوزان القوافي في كلا الشطرين

حاولي تكون اشطر البيت الاولى بقافية غير الشطر الثاني
فيه قوافي سهلة مثل
اماني - يعاني - ثواني - وعلى هذا الوزن
وياه - سواه - اهواه - وهذا وزن سهل كمان

رغم ان القصيدة احيان تحتم عليك القافية بس حاولي
وغني القصيدة

[sultain alotibi]

وسن ماشاء الله عليك من ناحية الوزن تمام ولاعليه اي ملاحظه
بس القافيه لك عليها
لحظه اصلي وانزل لكم اول درس

[sultain alotibi]

اسير الورد ذنتا بطل

[وسن]

اسيـر طيب كم البحور وكيف اشكالها ؟
وش اصعبها ووش اسهلها بصراحه ابتعلمها كلها

سلطان تسلم وبانتظارك :MonTaseR_134::MonTaseR_134: