المساعد الشخصي الرقمي

مشاهدة النسخة كاملة : ((كرر بيوت القصيدة واطلق عنانك))


القارظ العنزي
03-03-17, 02:55 AM
كرر بيوت القصيدة واطلق ......... عنانك
تفهم وش اللي في عجز البيت من صدره
والياتغنيت بذوقك من حلا ....... السانك
هي فطرتك ربي اللي حطها ......... فطرة
حنا تعلمنا الشعر بذوق ............. جدانك
حتى من اللي سبقنا ونام في ........ قبره
شعر العرب هو دليلك ساس ...... ميزانك
كرر اشعار العرب واتحسن ......... القدرة
م ينفعك قاف ن ما هو يجلي .... احزانك
واخير منها يا حجي حجك ........ وعمرة
وان طعتني تبتدي في حفظ ....... قرآنك
وكم حافظ ن للمصاحف فاق في .. شعره
واليابديت القصايد واعتلا ........... شانك
ترى القصايد تجيك اسبابها ........... فكرة
اما غضب من عدون يسرق ....... حصانك
والا حبيب ن جماله بالعرب ........... ندرة
والا رثاء باللي غاب وودع ......... اوطانك
والا عزيزن تجمل ساعة ........... الحشرة
وباقي القصايد تجد بجد .......... وجدانك
وما زاد منها تراها للبشر .............. حسرة

القارظ العنزي

ماضي الماضي
03-03-17, 03:29 AM
صح لسانك شاعرنا (شاعر المنتدى )

يسعدني اكون اول رد

تحياتي لك

تقبل مروري

القارظ العنزي
03-03-17, 03:51 AM
الله يسعدك يا ابو ماضي اسعدتنا في ردك ومرورك الكريم . كذلك تشرفنا في سبقك في الرد لاهنت .

وسن
03-03-17, 03:56 AM
صـح لسانك شاعرنا رائعه تلك اللآلىء التي قطع خيطها فتناثرت تتراقص على زجاج المرايا والقلوب
فكتبت لك بعجز هذه الابيات الهزيله
اعذر قصرها وتقصيرها تبقا سيد للشعر


؛
؛
سبحت بقاربي لما وصلت . ......لحد شطأنك
وجيت ارسي على المرسى ولكن حرت في امره
صعب ارجع صعب ارسى واترجل ...باوطانك
سمعت الصوت يصرخ بي ويتشدد بها النبره
وانا ياخوي مسحوره جذبني بحر قيفانك
ولا والله لي حيله سوى ابكـيه في حسره
نهرني صوت هادينا وانا المغروم في دانك
عزفت وحالتي حاله ولالي عالصبر قدره
يتيمة قاف تبكيها ولك في قافها ....شانك
جمعني بالشعر انتو وانتو الاهل والعشـره

خالص التحايا لك

:ah11::ah11:


؛؛

القارظ العنزي
03-03-17, 08:07 PM
لماذا يا وسن هذا ؟ لماذا الخوض ......... باحزانك
القارظ ما قصد يبعث احزانك يا بعد ......... عمره
نصيحة قلتها مخلص وان شءتي وسط ... دكانك
بيعيها لمشتري آخر محتاج ويشتري ....... التجرة
كفرتيهم بكسراتك تعمد كفر .................. قيفانك
والقاف يا مصدره واضح لو غطى الشيخ في كفره
حروفك والقمر تسري مروا وقلت ......... سبحانك
يا ربي ترحم الشايب ويا ربي تلطف ......... بكبره
علامك يالبشر تطغى وتناسى حق ......... شيبانك
الا تخشى من إلاهك تدوس العود ......... بالجمرة

وسن
03-04-17, 03:03 AM
صح لسانك اخوي
واسمح لي ...


ماهو ذنبك يالقارظ ولا ذنب قيفانك
ذنب لحمول شالها جسمي على ظهره
ياجعل بيتك عامر وبه معتلي شانك
لاصار وقت الصدق الضيم يعتصي امره
بسألك كم لك بالشعر كم عاش باحضانك
يحييه سيل الحرف منك وتقتله نظره
الله كلما ضاعت وسن في وسط وديانك
ترفع علمها وتشرب فكاس النصـر حسره
بالله وش لي بالشعر وش جابني حانك
وانا ماغير الاسودين كان لي فـطـره
بشكيك قاضي الشعـر وقلت لك كانك
تبي فهمي ولا بحطب عقاربها لي العبره


حاولت اكون جيده قدر الامكان
ياجماعه لو في اخطاء الحقوني بتصحيحها
وكل الشكر اخوي قارظ رائعه قصيدتك
ههههه

القارظ العنزي
03-04-17, 03:58 AM
اسهرتني في ردودك يا كبر .... شانك
يا بنت ابوها واهلها وبنتنا .. الجسرة
عمري بشعري من عمر قاف . ديوانك
عشرة سنينن ما بين الهمز . والكسرة
وانت ي سبقتي قيفاني بزين قيفانك
وشلت ي حمول ثقيلة سببت حسرة
يفداك قلب ن تهزع يسمع .... الحانك
ويفداك منا شباب النوم ..... والدشرة
والمعذرة يا وسن من رد ..... شيبانك
حنا بسفر واعذرينا ومثلك .... انعذره

نجم ضاوي
03-04-17, 09:41 AM
قريت .. يا القارظ .. حروف .. قيفانك
وقمت اترنم .. على قيفانك . . العدله

عجبني .. القصيد . . وترنيم . . الحانك
جمال القاف هيضني .. بحروفه الجزله

خللي التحفظ يا وسن .. واطلقي عنانك
كذا بحر الشعر ياخوك .. طلعه .. ونزله

دوني على القاف الرايق اسمك وعنوانك
جمال الحرف اللي . . يبين لونه وشكله

طائر السعد يالقارظ رفرف على اغصانك
مطر هتانه .. احيا جرادة ارضك . القحله

خذ مني نصيحه . . ياخوك . وخلك جنانك
لا تسلم الطبله . . بيد مخلوقة ن .. هبله

ترى يقول المثل يا صاح . لسانك حصانك
ترى كبر المشاكل .. تبدا بكلمة ن سهله

الفاقد
03-04-17, 01:51 PM
اما غضب من عدون يسرق ....... حصانك
والا حبيب ن جماله بالعرب ........... ندرة
والا رثاء باللي غاب وودع ......... اوطانك
والا عزيزن تجمل ساعة ........... الحشرة



القارظ العنزي


ياجمال حروفك واحساسك اللي تروق
لي سلم الله يمناك يالغالي وفديت خشمك
لاهنت




تحيتي لك.

القارظ العنزي
03-04-17, 02:24 PM
هلا بك ابو ضاوي . المعذرة عن الرد انا في حالة سفر وطريق طويل وان شاء الله بس ناصل نتواصل لاهنت على المرور .

القارظ العنزي
03-04-17, 02:25 PM
هلا بك يالغالي الفاقد . يفداك اللاش يالوليدة . اشكرك على عالي الذوق والاطراء والتقييم الجميل لاهنت .

وسن
03-04-17, 02:46 PM
صـح السانك اخوي القارظ ماشاء الله عليـك وش اقول يعجز الحـرف والله وتعجز راعيته
وصح لسان اخوي نجـم ابدع صلاتي ع النبي
وترى ما اتحفظ لسه باخذ منكم يمكن هالهبلا تصير شي مع الايام ههههههههه

ماشاء الله عليـكم

نجم ضاوي
03-04-17, 04:16 PM
العفو يا وسن يشهد الله ماقصدتك بكلمة .. هبله .. سلامتك ورفع هامتك من الهباله يا اخيه ...
بس هناك اشياء بيني وبين اخوي القارظ لا يفهمها سوانا وان شاء الله مع الايام راح تفهمينها ...
وعلا فكره يا وسن انا والله يعجبني شعرك لانه بالفعل تدخلي فيه مصطلحات جديده تعجب القارئ ...
وتشده بجمال معانيها حتى لو كان الكلام بسيط هذا هو الشعر جزالته في بساطته ...

وسن
03-05-17, 03:35 AM
الله يسعدك العفو منك انت حسبتك عني. لاني اخربط بكتاباتي شوي
ههههه
وياشيخ والله حتى لو قصدت مابيننا كلافات واعتذارات احنا اخوه وانتو اساتذه بالشعر احترمكم واحب اتعلم من شعركم

الشعـر ان زان زان بوجودكم وان ارتقى ف بسطوركم من عميق معاني حروفكم اتعلم

الله يزيدك علو على علو

كل الشكر اخوي لك وشكرا لاهتمامك

القارظ العنزي
03-05-17, 04:46 AM
نعم النصحية ياشيخي شيخ .. رهبانك
دكتورنا اليافقدنا نعمة ........... الطبلة
ودي ازورك واشوف وش فيه بستانك
وابو العانتر يسوع ولا لقى ........ عبلة
وكل الحوايج أكيد بوسط ....... دكانك
يمكن الاقي علاجي من هوى ... الخبلة
هات القوافي اشتقنا لزين ...... قيفانك
عجل ترى الروح يا سيد القاف . منهبلة
عجل علينا بالقاف ومسحة .... السانك
تشفي كبود ن من بعض القاف . مندبلة


SEO by vBSEO 3.6.1