## .. البارحه يالقارظ .. ##

[فكر الحرف]

السلام عليكم


البارحه يالقارظ


البارحه يالقارظ البال مشـغول
بين الهواجس ساهر الليل كلّه

من شوفة اللي شفتها تلبس اللّول
في معرض الكتّـاب شايل مجلّه

طرقا طويله هزّت القلب بالزول
وإليا مشت في مشيها بان دلّه

تمشـي بخفّـه كنّـها تسمع طبول
وزن الخطـاوي كنـّها فـوق ملّه

من عطـرها حسيت في حالة ذْهول
مخـلوط عطره من رياحين فُـلّه

رحـت وتركـته بالفضاء طير مجهول
طير السـعد يا خوك والزين كلّه

وامسيت يالقارظ على الحال ياحول
في مجلسـي بين الفناجيل في عله

بعض المشاهد كنها سيف مسلول
تطعن بقلبك بالنـظـر ثم تسـله


فكر الحرف

مع تقديري لشاعرنا القارظ العنزي ولا يهون باقي الأخوه من الأعضاء

وسلامتكم

[نجم ضاوي]

يا فكر لا . هالكلام لا تقول
ياصاحبي الحب .. اخره ذله

معقول هذا وصفها معقول
ما اصدق . هذا الوصف لله

كلامك . . وانت عنه مسؤل
تراك حطيت في القلب عله

شوقتني لشوف فارع الطول
ماشفت هالوصف الا في المجله

يا القارظ نجم . غدى مسلول
فكر الحرف تل قلبي من محله

راحت وقلبك في السوق منطول
خذت معاها . غلاك والعمر كله

ام العيون السود والشعر مجدول
وريحة العطر . . منها ما تمله

عذرك لنا يا فكر .. غير مقبول
معوض خير والشكوه على الله


صح لسانك اخي .. فكر الحرف .. مليون وسلم نبض قلمك ...
رائع ما نثرته هنا ووصف كان اكثر من رائع ...
كفيت ووفيت لله درك ...

لا خلا ولا عدم ...

[أنا فداهم]

يا الفكر لا تتعلق بأمل مقتول
تظلم سنينك و تصيبك بالقلب عله

تسري ركابك بدرب مظلم و مجهول
تكره تروح لمعرض الكتاب والله

مو كل درب بتسلكه تاليته وصول
ومو كل سيف راح تقدر تسله

عمر المحبة ما تجي على القول
يا صاحبٍ أبد ما تجي منه زله

[القارظ العنزي]

الى الاخ فكر حرف مع التحية وارجو المعذرة من التقصير فأنا توني واصل من السفر وفكري مشوش شوية .

ياللي رماك من الغنادير ...مجمول
غادر وقلبك بين يدينه ....... يشله
عزي لقلبك كانه اليوم ..... منطول
من شوفتك بنت تشيل ..... المجلة
وشلون لو حيتك وحنت على طول
ثم ارفعت لك من جديل ....... تفله
يمكن تجينا اخبارك طايح ومشلول
وكل يدعي لك بالسلامة من ... الله
ما لك ومال البيض يا نافل .. القول
دامك رهيف ودمعتك ...... مستهلة
الياصار ما تاخذ من البيض واتنول
ما بين حبة وشمة ارياح ........ فله
خلك على مركاك ودلة ..... ومعمول
تسلم ويسلم قلبك من كل ...... علة
كم وحدة مرت وفيها الحلا ... هول
لولا الحيا صافحتها ........... واهلله
يا كم سبن من بيننا قلوب .. وعقول
وكم عاقل بين البرايا ......... احبلله
وكم واحد عقب الغلا صار .. مغيول
مثلك رمنه بالرموش .......... المظلة
واصبح يهاتي بالبشر تقل .... مهبول
عاف الحياة وعيشته عقب ..... خله

[فكر الحرف]

يا فكر لا . هالكلام لا تقول
ياصاحبي الحب .. اخره ذله

معقول هذا وصفها معقول
ما اصدق . هذا الوصف لله

كلامك . . وانت عنه مسؤل
تراك حطيت في القلب عله

شوقتني لشوف فارع الطول
ماشفت هالوصف الا في المجله

يا القارظ نجم . غدى مسلول
فكر الحرف تل قلبي من محله

راحت وقلبك في السوق منطول
خذت معاها . غلاك والعمر كله

ام العيون السود والشعر مجدول
وريحة العطر . . منها ما تمله

عذرك لنا يا فكر .. غير مقبول
معوض خير والشكوه على الله


صح لسانك اخي .. فكر الحرف .. مليون وسلم نبض قلمك ...
رائع ما نثرته هنا ووصف كان اكثر من رائع ...
كفيت ووفيت لله درك ...

لا خلا ولا عدم ...


يا هلا أخوي نجم ضاوي
وصح إلسانك على أبياتك الأكثر من رائعه لا هنت .


نجم(ن) سراني يا نجم ما به حْلول
خلّى خيالي والفكر فســحتـلّـه

لكن عيون الخلق يا صاحبي حول
كلّن يناظـر والنـظـر فـرجــتـلّه

سبحان من صوّر جماله على طول
يمشـي وكـنّـه .. هالفضاء مستحـلّه

وانا اشهد انّه ما عطى ريق معسول
للّـي يحـاول يـقتـرب من محـلّه

بنـت(ن) رزيـنه عاقـله ما هـرج قول
حافـظ حـدوده ما وجـد فيـه خـلّه


تقديري إستاذي نجم دمت بود
كن بالقرب دوما
فكر الحرف

[فكر الحرف]

أخوي أنا فداهم
وأخوي القارظ العنزي

يا هلا بكم
إن برد لكم حتى أجهز ما يليق بكم وبردودكم أيه الأكارم
والليله كان ردي على أخوي نجم ضاوي اللي بصراحه يستحق أكثر مما وضعت بالرد
ولكن أدري بيعذرني على قصوري .

وفقكم الله وصحت أبدانكم وألسنتكم الجميع
ولي عودة مع ردودي بإذن الله
أخوكم
فكر الحرف

[نجم ضاوي]

المحبه يا فكر .. هي فن واصول
مسأله وانت .. لابد تحل المسأله

ماهو سهل للغاليه درب الوصول
لابد تبحث .. وين هي .. المشكله

ادري انه . . من حبها صابك ذبول
وتبغى النصيحه .. خلك هذا . بدله


صح لسانك اخي فكر الحرف معذور يا الغالي كفيت ووفيت وما منك قصور ..

[فكر الحرف]

يا الفكر لا تتعلق بأمل مقتول
تظلم سنينك و تصيبك بالقلب عله

تسري ركابك بدرب مظلم و مجهول
تكره تروح لمعرض الكتاب والله

مو كل درب بتسلكه تاليته وصول
ومو كل سيف راح تقدر تسله

عمر المحبة ما تجي على القول
يا صاحبٍ أبد ما تجي منه زله


يا مرحبا في طيب الفعل والقول
تسلم فداهم من جماره وملّه

ما شفت غير العين والوسط معزول
والخـاتـم اللـي لمـعتـه بصبعلّـه

برقـه جـذبـني من قبل نظرة الهول
تحـت الإنـاره بـرقـهـا ماســتلّـه

حتى الأصابـع شكـلها حيل مقبول
لا واهنّي صْويحـبـه مع هـللـّـه



حياك أخوي أنا فداهم وصح إلسانك ولا هنت
شرفني مرورك وردك الرائع
دمت بسعاده
تقديري
فكر الحرف

[فكر الحرف]

الى الاخ فكر حرف مع التحية وارجو المعذرة من التقصير فأنا توني واصل من السفر وفكري مشوش شوية .

ياللي رماك من الغنادير ...مجمول
غادر وقلبك بين يدينه ....... يشله
عزي لقلبك كانه اليوم ..... منطول
من شوفتك بنت تشيل ..... المجلة
وشلون لو حيتك وحنت على طول
ثم ارفعت لك من جديل ....... تفله
يمكن تجينا اخبارك طايح ومشلول
وكل يدعي لك بالسلامة من ... الله
ما لك ومال البيض يا نافل .. القول
دامك رهيف ودمعتك ...... مستهلة
الياصار ما تاخذ من البيض واتنول
ما بين حبة وشمة ارياح ........ فله
خلك على مركاك ودلة ..... ومعمول
تسلم ويسلم قلبك من كل ...... علة
كم وحدة مرت وفيها الحلا ... هول
لولا الحيا صافحتها ........... واهلله
يا كم سبن من بيننا قلوب .. وعقول
وكم عاقل بين البرايا ......... احبلله
وكم واحد عقب الغلا صار .. مغيول
مثلك رمنه بالرموش .......... المظلة
واصبح يهاتي بالبشر تقل .... مهبول
عاف الحياة وعيشته عقب ..... خله


العين عين الريم في خالي حْـقول
وانا اشهـد انّه شل قلبي وتلّـه

قفت معاها ماخـذه جـملـة عقـول
والكلّ مبهـور(ن) قـعـد في محلّـه

من زينها يالقارظ العقـل مهبول
قـمّة جـماله في دقـاقه وجـلّـه

والله سـترني لازعـج الصوت وأقول
يا ناس هأتوا من يـعـرفه يدلّـه

لكن تركت العقـل يا خوك بالكول
قلـت الســلامه خير درب(ن) ندلّه

وقلت المعارض ليـت وقته على طول
يمـكن نصــادف من يشـيل المجـلّه


حياك أخوي القارظ وصح إلسانك والحمد لله على السلامه من الأسفار
وآسف يمكن أشغلتك وأنت جاي من سفر يالغالي .

دمت بود أخوي ويا هلا فيك والعذره من قصوري .
تقديري
فكر الحرف

[فكر الحرف]

المحبه يا فكر .. هي فن واصول
مسأله وانت .. لابد تحل المسأله

ماهو سهل للغاليه درب الوصول
لابد تبحث .. وين هي .. المشكله

ادري انه . . من حبها صابك ذبول
وتبغى النصيحه .. خلك هذا . بدله


صح لسانك اخي فكر الحرف معذور يا الغالي كفيت ووفيت وما منك قصور ..

صح إلسانك وعلا شانك ولا هنت
أخوي نجم ضاوي على ردك الجميل

تشرفت يالغالي بتواجدك الطيب وعطر قافك
تقديري
فكر الحرف

[القارظ العنزي]

صح السانك يا فكر الحرف وصح بدنك ما بك قصور والحمد لله كذلك على سلامتك من راعية المجلة . ابشرك انا دخلت معرض الكتاب بدري قبل يصحن الغنادير من منامهن وخرجت بسلامتي منهن . انا رجال ضعيف ولا اقدر اتحمل الجيل الطالع واللي عنده حرمة يطلقها من القديم والا ما يتعايشون مع الجديد .

[أميرة بذاتي]

وليا رحت غض البصر عنها
والرسول وصى وحذر منها
نظرة السوق لا تزيد كيلها
إلبس ثوب الحياء واسترها
كم نظرة رمت سهم قلبها
وبات طول الليل سهران فيها

[فكر الحرف]

وليا رحت غض البصر عنها
والرسول وصى وحذر منها
نظرة السوق لا تزيد كيلها
إلبس ثوب الحياء واسترها
كم نظرة رمت سهم قلبها
وبات طول الليل سهران فيها


حياك الله أميرة
صح إلسانك وقولك . لكن لنا نظره .
اللهم صل على نبينا محمد وعلى آله وصحابته أجمعين .
أسعدني تواجدك وردك لا هنتي .
تقديري
فكر الحرف

[آلنـور]

اهلاً بك فكر الحرف
مع كوكبة الشعراد المبدعين
صح لسانك ..

[فكر الحرف]

يا هلا بك زود يا النور

تسلمين والله يحفظكم
شكرا لك على الترحيب ولا هنتي
فكر الحرف