((الحب ما هو هيك يا شمعة الدار))

[القارظ العنزي]

ياللي هجرت القلب وحطيت لي هجار
فكوا عن قليبي وفكوا .......... هجاري
اما ارحموني رحمة تطفي ......... النار
والا اتركوني احترق وسط ........ ناري
الحب ما هو هيك يا شمعة ....... الدار
الحب عطف ولطف وحفظ ... اعتباري
شغلك معي يا سيدي شغل .... سمسار
هذا ابتزاز وهذا والله ............ دماري
والله يا لولا العيب واخشى من .. العار
لاخذ حقوقي بالقنا ........... والشباري
يا بنت يكفيني تساويف ...... واعتذار
طال انتظاري يكفي طال ..... انتظاري
ان كان ودك جاهة بشيوخ ..... واكبار
نجيك بشيخ الناس وشيخ ... المصاري
والا دخيلك من عذابات ......... وافكار
ونار تلظى بالحشى ما انت ....... داري
ما عاد باقي بالعمر كثر ......... ما صار
تساوت عندي ليلتي مع .......... نهاري

القارظ العنزي

[نجم ضاوي]

يا القارظ اعطيك مليون دولار
وفله والحلا . وسياره فراري

لو تركت الحب وودعة هالكار
خذ العبره . من اللي جرالي

الحب خلاك. كشفت الاسرار
شمت فيك . . حاسد وعذالي

يا القارظ انت رجل وولد رجال
عريب النسب .. جد ن وخالي

هليت دمعي على حالتك مدرار
حزين النفس . اقول وا حالي

الحب صدقني . لا جنه ولا نار
شوف حالك كيف غديت بنقالي

[القارظ العنزي]

أي والله أصير انا اكديش .. وحمار
واصير على ما قلت هندي وبنقالي
بس خلها تقبل وترضى ما هو . عار
حتيش لو نلبس لها شورت بنطالي
هي اللي ولعت مهجتي .......... نار
وخلتني مسخرة لك ........ بهبالي
الحب ما هو عيب يا طيب .. الكار
من سنة العربان حب ....... الدلالي
لو شفتها يجيك من هزة ...... الزار
تركض مع الوديان وتصير . سنقالي
ليه الحسد يا هيه وش فيك محتار
ما صابك اللي صابني من ... غزالي
شف الثغر ومبيسم تقل ....... محار
وانهوده اللي تذبحك يا ...... حلالي
واردوفه اللي كنها طعس ..... منهار
يالله يشيل الحال يا ويل ..... حالي
والخد يلمع كنه بالروض ........ نوار
والخشم سلة سيف ذياب ... الهلالي
وعيونها تذبحك عين الوحش .. طار
شاف الحباري وانطلق ما ...... يبالي
والا انت في نومك غافي .... وشخار
وانا ترى السهران طول ........ الليالي
تلومني يا صاحبي بكثر ....... الانكار
ولا تدري وش علتي وش ..... جرالي

[نجم ضاوي]

عزك الله ومحشوم .. منت حمار
هاللفظ ماكان . . يوم .. منوالي

انت الصديق . ..وانت الاخو البار
ما غيرك احد . من الناس يهنالي

كلامك على قلبي زهور واعطار
ماغير كلامك . يا الوفي يحلالي

ليتك تكون لنا . . يا التغلبي جار
ونروي عطشك من شرب الدلالي

الارض خضراء . من رش الامطار
والجو يا زينه . . غايم يا هملالي

بيني وبينك . هرج خافي واسرار
يا راعي الشيمه والعلوم الجزالي

اسمع كلامي زين . لاتكون محتار
يا عساك تسلم . من سود الليالي

[ماضي الماضي]

الله الله ابداع منقطع النظير

الله يسعدكم مثل مااسعدتمونا


تحياتي للجميع

[فكر الحرف]

عزّاه يا قلب(ن) شكى القيد وهجار
قيد المحبه مشــعل(ن) فيه ناري

كنّه غريق الودّ ما بين الأبحار
ما يسمع العذال قوله يجاري

وراع المحبه دايم الدوم محتار
يطري عليه الود مع كل طاري

والله يعينك بالسهر عند الأسحار
والقلب كنه ينهشه سبع ضاري

قبلك شربنا بالهوى كاس الأمرار
وهذي سلوم الحب نار ومساري


سلامة قلبك يالقارظ والله يجمعكم على خير وأنا أخوك وما ألومك
تقبل مروري وتقديري وصح إلسانك
فكر الحرف

[نجم ضاوي]

القارظ يا فكر .. يلعب بهالنار
والمشكله انه . دارس وقاري

الهوى يا اخوك . . موج هدار
ماهو غشيم هو عارف وداري

الهوى مثل البحر مليان اسرار
وموجه .. عكس التيار .. جاري

اسأل مجرب عاش التجربه امرار
خاض بغماره . وخرج منه عاري

واليوم دمعي على الخدين مدرار
هجرت الحب . لا بايع ولا شاري

[زياد الشمري]

لاهنت يالقارظ
أنشهد إنها قصيدتن جزلـة


الحب يودع صاحبـه دوم في نار
يصلاه في حب المحبين صالي


والحب يترك كامل الفكر محتار
من بعد ماهو فاضي البال سالي

مشاركتي المتواضعة
أخوك" زياد

[القارظ العنزي]

يا ربعنا ياللي غديتوا ......... ثناءي
متى ترعون حقوقنا يا ...... جماعة
اللي يحش بقافنا من ........ وراءي
وينشر بقافه من وراءي ..... اشاعة
واللي يتمنى بالقوافي ....... لقاءي
ويجامل الضاوي بساعة ... وساعة
خافوا من الله لا تزيدوا ... شقاءي
لا تظلمون عباد ربي ......... بقاعه
يا فكر يالمطنوخ قافك ..... نقاءي
احذر الضاوي عايش ...... باللكاعة
ياما رفعني مرتفع في ..... سماءي
وياما رماني رمية في ...... بشاعة
خلاني هندي واقفى منحاش ناءي
وضاعت علومي كلها ... والبضاعة

[القارظ العنزي]

هلا بك اخوي ماضي الماضي شرفني مرورك .

[القارظ العنزي]

هلا بك اخوي الشاعر الجزل نسل الطنايا زياد الشمري . صح لسانك على البيتين الجزلين لاهنت .