## .. هرج القفا .. ## [الأرشيف] - منتديات مسك الغلا

مشاهدة النسخة كاملة : ## .. هرج القفا .. ##

فكر الحرف

03-15-17, 11:41 PM

هرج القفا

هرج القفا بالدين مذموم راعيه ..
لا تقربه وتصير راعي نميـمـه

وان شفت مبلي قول ربّي يعافيه
هذي بلاوي بالنفوس السقيمه

ينقل سوالف يحسب انها تبديه
يا كثر هرجه في سوالف عقيمه

شيطان نفسه للمهالك يـودّيه
عميان قلبه عن كرامه وشيمه

وسط المجالس بس يلوّح بكفّيه
لكن حضوره ماله ايّات قيمه

منبوذ محدن بالعرب حبّ طاريه
بين الجماعه ما يحصّل حشيمه

فكر الحرف

القارظ العنزي

03-16-17, 12:48 AM

صدقت يا راع الوفاء ..... والمشاريه
باللي ذكرته عن شبيه ......... البهيمة
خطو البليد اللي علومه ...... تساوية
قالوا وقلنا والسوالف .......... ذميمة
ما ودك بهرجه ولا يوم ......... تطريه
المروح اللي ما يتعدا .......... الوليمة
ولا ينفع لو تعطيه مالك ...... وتهديه
دايم على الزلات يطلق ......... بليمه
واليانصحته ودك يترك ...... مساويه
يزيد شره كل ما جا له ......... عزيمة
الله يكفينا نمته مع ............. بلاويه
يا كم تشفى بالحميم ......... وحميمه

فكر الحرف

03-16-17, 07:29 AM

صح إلسانك وعلا شانك
أخوي القارظ

مثله بليّه بالخوي ومن يخاويه
يحرق بناره خضرته مع هشيمه

كم واحد(ن) بالناس لحقه بلاويه
وعند العوارف واقف(ن) مع خصيمه

عز الله إنّه خاسر(ن) في هقاويه
هقوه ردىّه والمماشي سقيمه

ودّك على علباه بخلال تكويه
يمكن يشوف الدرب ويصفي صميمه

فكر الحرف

آلنـور

03-16-17, 07:49 AM

ياسلام عليك و صدقت ،،
صح لسانك

فكر الحرف

03-16-17, 07:20 PM

ياسلام عليك و صدقت ،،
صح لسانك

يا هلا بالنور
وصح بدنك
نورتي متصفحي المتواضع بتواجدك
لا هنتي والله يسلمك من كل شر

تقديري ومودتي لك
فكر الحرف

نجم ضاوي

03-17-17, 04:42 PM

فكر الحرف

03-18-17, 06:58 AM

هرج القفى . . شين ن مساعيه
عند رب الكون . . يسمى ظليمه

مبغوض . . بين الناس . . راعيه
طبيعة ن شينه . . وعاده ذميمه

المصيبه لا جاك من سخص تغليه
وقعها في النفس . وقعه عظيمه

نار النفاق .. في القلب .. تصليه
ارتكب .. في حق نفسه .. جريمه

اسألك يا رب .. لا تبتلينا وتشفيه
وترزق لساني الادب والحشيمه

صح لسانك اخي .. فكر الحرف ..
لله درك وبيض الله وجهك ...

لا خلا ولا عدم ...

حظه ردي والناس تأخذ حسانيه
كل البشر اتقول بعده غنيمه

مسكين كلن ما يحبه ويقصيه
عايش حياته يقتلب في جحيمه

يا رب عفوك من حكي في تشويه
وجعل عبادك بالسوالف حكيمه

أحفظ كياني لا يقرّب مساويه
طهر لساني بالعلوم السليمه

يا الله دخيلك واكفنا شرّ يغويه
واقصر حبال مْـدورين النميمه

صح إلسانك أخوي نجم ضاوي ولا هنت يالغالي
شرفني مرورك وردك الجزل .
تقديري واحترامي لسموك
فكر الحرف

نجم ضاوي

03-19-17, 02:27 AM

القلب يرجف .داخل محانيه
من كلمة ن .. مره .. اليمه

قالها شخص ن فاقد مباديه
ماله بين . . خلق الله قيمه

يرمي الهرج ولايفهم معانيه
يرتكب في حق غيره جريمه

حتى صاحبه . يبيعه ويشريه
لا اخلاق لا ولا حتى حشيمه

اصاب الحشى بأسوء محاكيه
ليته صدق . الا كذب ونميمه

فرق الكذاب .. بين اخ واخيه
كذبه يا فكر . عز الله عظيمه

عسى النار ذلك اليوم تصليه
وعسى قبره عليه ظلمه عتيمه

زياد الشمري

03-19-17, 03:18 AM

لا بالله مايحصل حشيمة
صح لسانك ملايين ولاهنت
أخوك ً / زياد