جرحي القديم ، إهداء لصوت الكويت / عبدالله الطواري

[أنا فداهم]

قصيدة جديدة أهديها لصوت الكويت

المنشد / عبدالله الطواري


أتمنى أن تنال إعجابكم و أن تصل لـ عبدالله






الله حسيب الطواري يومه أبكاني
علمني الحزن من صوته و شيلاته

نساني اسمي و سجيت وحداني
ولمس خفوق المتيم و زاد وناته

شلت الحزن عني كنك تنعاني
نبشت جرحي القديم و حرّاته

ليتك تركتني داله ما بين خلاني
ولا تبيَّن خفا صدري و ضيقاته

أدري ما تعرف رقمي و عنواني
لكنك قلَّطت في خاطري و معاناته

سكَّرت علي بيتي و صكِّيت بيباني
براجع إحساس قلبي و اختياراته

يا عبدالله صوت الحزن فيك عنَّاني
نبشت جرحي القديم و زدت حرَّاته

[القارظ العنزي]

اللي عناكم يا فداهم اليوم عناني
خذاني ما خذاك بصوته . ونغماته
واللي وداك للمنشد اليوم . وداني
اللي شلع قلبي بصوته .. وشيلاته
تركني حزين العين والدمع هتاني
ولا به صديق يفهم قلبي ونبضاته
كل ما بغيت ارتاح همي .. تولاني
والهم زاد وزارني كل ... الاحياني

مبدع يا فداهم وان شاء الله تاصل للمنشد : عبد الله الطواري
وصح السانك .

[نجم ضاوي]

صوت شيلاته .. يا اخوان يهناني
غصب ن علي اغفر للحبيب زلاته

وصل بي التفكير .. انه بيشناني
يا كثرها معي .. دوم . . غلطاته

افرح بشوفه .. ليا مر . او جاني
اعرف متى اشوفه واعرف اوقاته

يا لايمي فيه . . وبالهرج تقفاني
تلومني في شخص اعيش في ذاته

يا انا فداهم . قافك اليوم عناني
القلب من قافك .. اعلن .. وفاته

النوم من قافك . . صار يشناني
نحل جسمي ما غير باقي رفاته


صح لسانك اخي انا فداهم وسلم بنانك ...
رائعه من روائعك نثرتها هنا وارويتنا من ينبوعها الصافي ...
فجرت في قلبي ينبوع القصيد فا المعذره على تطفلي بردي ...
بقصيده في متصفحك ...

لا خلا ولا عدم ...