((هات الجواب اللي يزيد المحبه))

[القارظ العنزي]

لي صاحب يشرك مع الرب .. يومين
في مذهب ما هو على دين ...... ربه
واظن الضاوي يعبد ربه ....... وربين
ومعها يتغذى بالمحاشي ........ وكبة
يا صاحبي خفف من اكلك لو اشوين
عقب النحافة شفتك اليوم ....... دبة
اخشى عليك من نظرة تجلب . العين
واخشى عليك من الحواسيد.... سبة
يا صاحبي اليومين صارت ... ملايين
الصدر ضاق وضيقته ......... مشلهبة
يا صاحبي الحق عليه ......... بقافين
خفف طعون صبت اليوم ........ صبة
بيتين تكفي من حروفك ...... وبيتين
ترفع عتب وتخفف هم ن ........ نطبة
ارسلتها تشرح لك الحال ....... والبين
هات الجواب اللي يزيد ........ المحبة

القارظ العنزي

[محب الصالحين 77]

جزاكم الله خير وبارك فيكم

[نجم ضاوي]

يا صاحبي .. همك اليوم .. همين
تغوص في بحر ن . غزير ن مغبه

مصيبتك ماتمشي يالغالي بروتين
تمشي على هرجي يومين وتكبه

امامك . . يا القارظ . . بس حلين
أما تمدح .. الضاوي .. ولا تسبه

اذا مدحته . امدحه بهرجك الزين
اما الذم . . داخل القلب .. خبه

ماني متين . جسمي مابين البين
رشيق القد .. ترى ماني .. بدبه

لي بطن واحد .. ما معي بطنين
يكفيني .. من الرز .. لو كان حبه

يا صاحبي . يا قرة القلب والعين
لك في قلبي . كل تقدير ومحبه

[القارظ العنزي]

اشوف خطك يا صاحبي صار خطين
الرز عود بلز مع زود .............. حبة
الله يلزك باللي ما ترحمك ........ زين
تعطيك في قلبك طعون ......... تذبه
وتجيني تشتكي الحال ........ حالين
حال معك والثانية راحة ........ بحبه
مثلك ما ودي يعيش مرتاح .. والزين
ودي تعذب بالغلا .............. والمحبة
مع وحدة كنها حية ............. بقرنين
تلسعك منين ما جيت والزول .... دبة
وان جاعت ما يشبعها من الرز كيسين
وتكثر ديونك من سببها ......... يالدبة

[نجم ضاوي]

لسانك يا القارظ . . مشقور شقرين
شقر فيه السم والثاني مايخاف ربه

اقولها . . وواثق من كلامي . . زين
ما معك من العقل .. لو كان . حبه

الله وكيلك بس . . يا مسعر الخدين
كيف يهون عليك . نجم ضاوي تسبه

من وين تجيب قسوة الهرج من وين
يا هيه . عسى لسانه بقفل ن وضبه

يا الحية .... رقطى . . . . ام قرنين
تنفث سمك القاتل .. في اللي تحبه

[القارظ العنزي]

ادري خطا مطبعي يا سيد . الغالين
ولا تقصده ايضا ولا بك ...... مسبة
وغلاك مكانه على الراس ... والعين
ولا ياصله من الناس من عبد .. ربه
لا شك ان لعبتنا تحتاج ....... تلوين
ويزين قاف الغلا ............ والمحبة
الياوين وحنا على الجد ...... لا وين
لا بد من مزح عليكم ............ نذبه
حتى نتمتع في قافك .......... الزين
ونغوص في بحر قافك ........ وغبه
يا حلوك الياشفتك زعلان ... وتجين
زعلان وقافك عليه ............. تصبه
وتحط بي من الزين وتكحله .. شين
ما كني صديقك ذاك اللي ...... تحبه
تقسى علي والعين تدمع لك .. العين
ما كنك الا كافر ومشرك ......... بربه
نسيت الاخوة وفي ظرف ... يومين
وخليتني محتار في وسط ....... تبة
الخوف ان كانك لقيت ........ ريمين
وقالوا خويك وين ثم قلت ...... كبه
وش عذرك الياقام عدل ... وموازين
وتقاربوا يوم القيامة .......... الاحبة
يرضيك تبي القارظ وزمرة شياطين
ونار تلظى بقوريظك ......... مشلهبة

[نجم ضاوي]

الخطا مرجوع . يا كامل الزين
وان لساني زل ترى من محبه

انت الرمش اللي يحلي العين
وانت كحل العين .من عند ربه

وانت الدم في وسط الشرايين
اللي بضخه . يرتوي منه قلبه

اخوتك ما ابيعها .لو بالملايين
انت الخوي . اللي قلبي يحبه

اخوتنا لها . . اساس وقوانين
قوة قواعدها . اساس المحبه

يا ابو سلمان .. ما منك اثنين
مكانك في القلب . محدا يطبه

[القارظ العنزي]

صح السانك يا نجمنا ........ الغالي
ما حلاك وما حلا .......... جواباتك
تحن علينا احيان واحيان .. تغتالي
وترضينا بعد افتراسك .. ووطياتك
مقبول ظلمك وقتلك ...... ويهنالي
وردات فعلك ، تعجبني دوم رداتك
يا نجم مسك الغلا ويا راس . مالي
حياك ربي حياك مع كل شطحاتك
بحضورك وغيابك مشغل .... البالي
ومع ذلك نقول تعال وجيب قافاتك

[اميرة نفسي]

صح لسانكما نجم و القارظ

شعراء المنتدى بامتياز

ابداع بحق

[القارظ العنزي]

صحة ابدانك أميرة نفسي

[رجل تحت المطر]

الشــــاعر القارظ العنزي







ما شاء الله عليك
ما هذا الجمال المتفتق من ثنايا حرفك!!
بالله عليك أين كنت تكتنز هذهِ الخريدة التي تستلب اللُب وتأسر الروح
بعمق معانيها وروعة صورها وجزالة الفاظها
قرأتها فأطلت البقاء في رحابها..وسأكرر وأطيل بقائي
تحاياي لكَ شاعرنا الفذ
وتمنياتي لكَ بمزيد من التألق..


تحياتي
رجـــــــــــــــ تحت المطرـــــــــــــــل

[القارظ العنزي]

كل من لطفك وزوءك استاذي الكريم رجل تحت المطر . اشكرك كل الشكر على مرورك العطر .