امي ورفضها زواجي

[مشكلتي]

السلام عليكم
انا شاب عمري 29 سنة ابي اتزوج من برا العائلة بس امي رافضة تبيني اتزوج من العائلة تقول علشان تكون عارفة البنت وطباعها ومن هذا الكلام
اقاربي اولا مابي منهم ثانيا متكلفين جدا من ناحية المادة في الزواج وطلباتهم ماتخلص ولازم انتظر 3سنوات او اكثر علشان اجمع المبلغ اللي اقدر اتزوج منه وانفذ طلبات اقاربي في حال بتزوج من اقاربي
انا كلمت صديقي ودلني على ناس يعرفهم امورهم ميسرة جدا في الزواج واستخرت وارتحت لهم وفعلا قررت اتزوج من عندهم ولما فاتحت امي في الموضوع رفضت لانهم مو من العائلة وهي ملزمه الا تبي من العائلة اتزوج
كيف اقنعها انا ولدها الوحيد والباقي بنات ماعندها ولد غيري وهي ماترضى تشوفني متضايق
ابي طريقة اقنعها فيها بدون ماتزعل مني
تكفون ساعدوني ابي اتزوج واستقر

[سهم]

قل لأمك :

( مادام تريدوني أتزوج من العائله لابد تدفعون عني كامل التكاليف أو ستجبروني أضل أعزب طولت عمري )

وحاول إذا قلت شيء تكون مصمم عليه بدون تراجع حتى تكون لك شخصيه وصاحب كلمه لها صدى مسموع

[جنوني مصيبه ..!]

امك راح تزعل يوم تو يومين بعدين راح تقتنع

[إحساس طفله]

خلاص لا تتزوج واجلس ناشب لها بحلقها ياخي غريبين بعض الامهات تبي تزوج ولدها على كيفها
مثل م قلت لا تتزوج

[جديلة ورد]

وعليكم السلام

تبونه يتمشكل مع امه هههههههه

اسمع وانا اختك الام جدا غيوره على عيالها وتخاف انهم يتغيرون عليها
وتخاف تتزوج وحده وتغيرك عليهم وتحسب اذا اخذت من العائله تعرفها زين
مع اني اشك ترى العيشه بالبيت فرق عن الزيارات العائليه يعني مو شرط انها
من العائله يعني انها تعرفها فاانت لاتخليها تزعل منك اقنعها بطريقتك
لانك انت اللي تعرف طبعها وقلها عن الظروف الماديه الام مهما كان تتفهم عيالها
اكيد ماقصدها شي سيء لك انك ماتبيك تتزوج بس هي تبي بنت تهتتم فيك
وبنفس الوقت طيبه معهم ماتسبب مشاكل لالك ولالهم اهم شي لاتتخطب وامك مو راضيه
لان رضى الله من رضى الوالدين ترى الموضوع سهل بس لازم تحاول تقنعها وكل شي يصير لك خيره من الله



موفق اخوي ربي يسعدك ..

[m3and]

والله مشكله العادات والتقاليد الى متى تنقرض هالشئ .. الله يكون بعونك اخوي :MonTaseR_2: حاول تقنعها الين الله يفرجك لا تضل عزوبي الزواج نعمه (محدثك عزابي):Jm_019:

[Άмό0όĻα]

|| ｡｡❥

لمتى هآلعآدآت والتقآليـد اللي فرقت حبآيب وعذبت قلوب ..
يعني بدآ ايآك تتزوج من العآيلة عشآن تكون عآرفة طبع البنت ..
انته اللي راح تتزوج وانته اللي لآزم تعرف البنت وطبعهـإآ مو الأم .. الله يهديهم الامهآإت بجد .. !

بالعكس نصيحة لا تتزوج من العيلة ابداً .. خذ من برآ وريح رآسك لا قآل ولآ قلنآ ولا كل مآصآر مشكلة قآلوآ اسكت بتكون قريبتك وعيب .. بالعكس خذ غريب يعيش معك اديب ..

برآي تصر ع رايك .. استعطفهإآ .. اترك لهإآ رسآيل .. طول فترة الخطوبـة عشآن تعرف طبع البنت ..
قولهإـآ رآضي بكل شروطك .. ابقى كل يوم زن عليهـإآ صدقني بتلين .. ودآمك استخرت وارتحت
فـ رب العآلميـن راح يسهل امورك لكن شوي صبـر لا تستعجل ..

ربي يوفقك ويكتب لك الخيـر ..
ع‘ـــوآإفــي‘

ヅ

[آلمتفائله]

الله من زين القرااايب بس

رح للغريب وتوكل وامك يوم يومين بترضى اسمحلي بس هذي حياتك مو بحياتها انت بتعيش مو هي اللي بتعيش مع البنت

بعض الامهات يفرضون سيطرتهم على عيالهم في هالموضوع وانا اشوفه اكبر غلط وكل المشاكل الزوجيه وعدم توفيقها بسبب الاهل

سوي اللي يريحك وبس ولاتاخذ شي مانت مقتنع فيه

[مطر الفجر]

عليكم السلام
انت رجل القرار قرارك
امك على العين والراس لكن اسمح لي انت لست عبدا مملوكا
للاهل حقوق وواجبات وكذلك الابناء لهم حقوق
وانت لك الحق بأن تزوج من تريدها انت وليس من يريدها لك اهلك
لا تظلم نفسك ولا تظلم بنت الناس معك
كن شجاعا واتخذ القرار بنفسك ولا تنتظر احد
انت تريد الحلال وتريد تعف نفسك امضي بما تريد القيام به عن قناعه تامة
بلا تدخلات من احد
مصيرك تتعرف على البنت التي سوف ترتبط بها
وتعرف اطباعها في وقت الخطوبه وتتحدثون مع بعضكم
اسال الله لك التوفيق
تحيتي