أواه يا قلب !

[أنا فداهم]

أواه يا قلبٍ نسى حب مغليه
،،، خان الدروب و باح سره و هجرني

الغايب اللي بكل ليله أطرّيه
،،، بأحلام نومي يجيني امتعني

حلمي اللي عن الناس مخفيه
،،، أحس ضحكاته لغيري تجنّي

أشتاق لأنفاسه وأقول أبغيه
،،، وأكذّب إحساسي بقول يمتحني

نعم أحبه و ما زلت أراعيه
،،، لو كنت ببعاده كسير وما جبرني

يشتاق له نبضٍ سكن في محانيه
،،، وأكبر دليل إنه في بعده كسرني

أنا علمته كل ما يزعل أراضيه
،،، ولكنه أبطى بالزعل لين ما تركني

يا وحشة الفرقا طمنيني عليه
،،، قولي إنه ما نساني و خذلني

ولا تزيدي علي لومك والمشاريه
،،، أخطيت يمكن ولكنه ما عذرني

[نجم ضاوي]

ما ظنتي ابلقى مثل شرواك اشريه
حبك وتقديرك . وسط الحانيا سكني

طلبك غالي . . لا تحسب اني بناسيه
لكن غيرك . . قد جاء سبقك وطلبني

لولاه يا غالي . فانت خير من اعطيه
لكن وعدي .. لغيرك الزمني وجبرني

ارجوك لا تكثر . علي مثلي المشاريه
وضعي الحالي . مع مطلوبك حرجني

قدر ظروفي .. بليا زعل ن . وتشريه
يشهد علي ربي قافك بقلبي جرحني


صح لسانك وسلم بنانك يا .. أنا فداهم .. كفيت ووفيت وفالك البيرق ...
والعذر من الله ثم منك لتأخري في الرد ومثلك يقدر الظروف ...

[أميرة بذاتي]

وياما بين شتات الزعل تعذبنا
الزمن والضروف علينا تعاونوا

بين هجر وفراق خلونا
كأني متغربين وسط بلادنا



صح لسانك أخي
وسلم بنانك

[إحساس طفله]

صح لِسـآنك يَ انا فداهم ..
قصيده جميله ..
لآهِنت

[أنا فداهم]

لا تلوم قلبي على خلٍ سكن فيه
يومه بطعنات المحبة ......رمني

حبك بحبه يبطي الوقت ما يمحيه
يليت الصدر بمكنونه ما فضحني

يا ليتني مجروح وتقدر تداويه
مير البلا لو خاب فيني ظني

عرفتك صاحبٍ يواسيني وأواسيه
لا غبت عنك يوم تنشد الناس عني

يا جعل السعادة ما تفارق خطاويه
اللي سكن قلبي و بمعزة تركني

الله يبارك له دربٍ يبي يمشيه
الجادل اللي بأخلاقه فتني

صح بدنك اخوي النجم الضاوي لا خلا ولا عدم
:81:

[القارظ العنزي]

خل الهوى والعشق ما لك .. بطاريه
وابعد عن اللي بالهوى ....... يلعبني
كم من سليم عاقل عزرن ...... فيه
عقب العقل راحت علومه .... هبني
ياما العبن بي يا فداهم ..... كراتيه
واللي اطبخني بالهوى ثم ... شوني
عزي لصويب بالهوى من ..... يعزيه
وين العزاء يوم الخرايد ..... جفني
مثل اليتيم المنطوي مات .... واليه
يكتم همومه مير دموعه .. جرن ي
هذي حال اللي لوعنه ....... غواليه
اللي اجذبني بالغلا ......... واتركني
من عقب ماني أقرب الناس . ليديه
راح ونسيني خيب يالقرم .... ظني
احذر تسلم له حياتك ...... وتعطيه
كل الغلا وانقل كلامي ........ وعني

[نجم ضاوي]

هذا . . الكويتي .. وهذي مباديه
باحلا واجمل .. ردوده .. سعدني

الخير دايم .. امشي .. انا .. فيه
ادعي لكل الناس ومحدا سمعني

والقارظ اعتز وافخر إني أنا اخيه
بأحلا قصيد المدح .. قام ومدحني

اعطاني . من عذب القصيد صافيه
وبالكرم والطيب . عز الله حرجني

سألت أنا ربي . . يعافيك ويعافيه
صرت انا اليوم . منكم وانتو مني

اشهدو على قول ن أقوله واوفيه
ما انساكم حتى لو ظرفي جبرني