نام يا خاطر و تصبح على خير ! [الأرشيف] - منتديات مسك الغلا

مشاهدة النسخة كاملة : نام يا خاطر و تصبح على خير !

أنا فداهم

04-06-17, 04:27 PM

البارحة يا صاحبي بحزة عصير
تطاير رمل الحب من قو الأنفاس

على مودميٍ كسَّر القلب تكسير
خلاني عقب المحبة بدون إحساس

لو إنه موادعني قلت له لا ضير
بدله مع غيره مثل باقي الناس

لكنه روَّح بلا موعد و تذكير
بعد ما عشقت ساسه لين الراس

كنت أفعل أي شي يقربها مير
خوَّن موج البحر و غرق غطاس

أثر حبها لي كان يقبل التغيير
شكراً يا جرح البعد ألف لا باس

ما أظن يا قلب بتشفع له معاذير
بعد ظنيته ذهب طلع بالاخر نحاس

نام يا خاطر و تصبح على خير
باكر بتنساه مثل باقي الناس !

نجم ضاوي

04-06-17, 05:04 PM

كل شيئ يا صاحبي من الله تقادير
والحب من طرف . واحد بليا ساس

ارسل عبر الفاكس عن حبك تقارير
حتى ابين معدن الفضه من النحاس

وضح المعنى .. ولا تحط به تكسير
ادري .. انك متيم .. وشاب حساس

وضعك ما يحتاج له .. ياخوك تبرير
ادري . . انك هلحين تايه ومنحاس

الحب . يعصف بالروح مثل معصير
اللي عصف بولاية السكا وتكساس

كل شيئ باين .. ولا يحتاج . تفسير
خابر انا فداهم صاحب نخوه ونوماس

صح لسانك اخي انا فداهم وسلم نبض قلمك وبنانك ...
رائعه من روائعك يا الغالي ...

لا خلا ولا عدم ...

عناق الغيم

04-06-17, 05:17 PM

صحححح بووووحك وصح منطوقك
قصيددده رائعه
يعطيك العافيه اخوي انا فداهم :110:

أنا فداهم

04-06-17, 06:20 PM

والنعم بالله يا نجم ضاوي يالأمير
أشكرك يالغالي يا تاج عالراس

الناس يا كثرهم بس أنت غير
معزتك بقلبي مالها عدٍ ن و مقياس

الوفا منك طبيعة ما تحتاج تبرير
تبتل عروقٍ ن من الوجد يباس

عز الله إنك من قرومٍ ن مناعير
يا مرحبا بك عد ما دقت أجراس

صح بدنك أخوي النجم الضاوي و الإبداع ما هو إلا إنعكاس لإبداعك
فالشكر كل الشكر على مجاراتك الرائعة

:MonTaseR_222:

أنا فداهم

04-06-17, 06:22 PM

عنقودة

صح بدنك يا أختي

مروركِ هو الأروع عزيزتي

:MonTaseR_205:

نجم ضاوي

04-06-17, 09:14 PM

انا اشهد .. انك من قومآ . مناعير
يحلالي مع مثلك وشرواك مجلاس

قومآ ساعة الغاره رجال ومغاوير
حماة الكويت وهم لكويتهم حراس

يا شيخ القوافي .. وللقصايد أمير
ياطير شلوى في بحور الشعر غطاس

القارظ العنزي

04-06-17, 09:31 PM

قيفانكم ورد ن ونوب ن .. مصادير
وحنا غدينا والشياطين ... . جلاس
ما دام صرنا غير وكل الغلا ... لغير
راحت علينا حروفنا وراح قرطاس
كل الغلا لضاوي وحنا ...... مسايير
ما حد دري لو جينا مع جيت الناس
ما عندي مانع كان ضاوي لنا .. امير
بس اذكرونا تالي الوقت يا ..... ناس
مسكين من صارت حروفه ... معاثير
ضاعت علومه يا فداهم ... والاوناس

نجم ضاوي

04-06-17, 10:01 PM

انت يا القارظ عندي ترى غير
انت اخويه قدرك على الراس

انا السما لك وانت فيها الطير
طير حر . . من فصيل قرناس

حظورك وفا . وما منك تقصير
لقلوبنا نابض . وشمعة الجلاس

مر علي طيفك . . امس عصير
شفتك متضايق والحال منحاس

عسى ما شر . ولا انتم معاثير
ارسل لي التقرير بحبرآ وقرطاس