مشاهدة النسخة كاملة : ((وش ذنبي اليافصحت واستعجم الناس))
القارظ العنزي
04-08-17, 07:30 AM
وش ذنبي اليافصحت واستعجم الناس
العجمة اللي بالهوى .............. والنوايا
انا بلايه ناقل الهرج ................ بلاس
اللي على الهسات يكسب .......... مزايا
يالله ربي خالقي تكشف .......... الباس
صبري نفذ وانا صويب ............ البلايا
كان العروبة تجري في دم ... واحساس
انا العروبة والمطايا ................ مطايا
وكان العروبة بالشرف والشرف .. ساس
ما بيعها وخل الهفايا ................ هفايا
ولا همني ناس بها حقد ...... واخساس
ومن صور نفسه في إيمانه ........ مرايا
وين العقيدة وين الايمان ........ نبراس
يالمدعي بالصدق صدقك ........... رزايا
يلعبك الوسواس مع كل .......... خناس
يالله دخيلك عن عقول ............ سبايا
الصدق صدقي وغيرنا بالبلا ...... حاس
وكم واحد خاض الردى من ........ ورايا
يالمحترم حقك علينا وعلى ...... الراس
ومن يحترم حقي نزيده ........... تحايا
القارظ العنزي
القارظ العنزي
04-08-17, 07:42 AM
أرجو من المشرفين والمشرفات الكرام ، نقل القصيدة الى قسمها الصحيح . لقد وضعتها هنا بالخطأ عذرا .
اميرة نفسي
04-09-17, 03:57 AM
صح لسانك و يعطيك العافية
:869:
زياد الشمري
04-09-17, 08:41 PM
أبدعت كعادتك يالقارظ ماشاءالله عليك
صـــح لسانك وانا اخوك
القارظ العنزي
04-09-17, 11:09 PM
صح خفوقك والله يعافيك أميرة نفسي
القارظ العنزي
04-09-17, 11:10 PM
زياد الشمري نعم الأخ أنت ، أشكرك على لطفك
هالله هالله هالله
صح لسانك اجزلت
والنعم بك
جميله لي فتره ماستقيت من بحر الشعر
وكيف ان كان بحرك الي ماله شواطي
تحياتي لك
؛؛
القارظ العنزي
04-10-17, 09:33 PM
هلا بك يا وسن ، أفتقدنا مشاكساتك ومحاوراتك الجميلة أيتها الشرسة في الحوار والمجاراة . أسعدني مرورك من جديد ، وحياك .
القارظ العنزي
10-01-17, 01:54 AM
يالضاوي شوف الحال والبال محتاس
تعال وخفف البلا ............... يا منايا
تعال وهات القاف يا طيب ... الساس
ساعد على المطلوب بجزل .... الهدايا
نجم ضاوي
10-01-17, 03:49 AM
ابشر وطلبك على العين والراس
ليش عندك شك يا الغالي بوفايه
انت الغلا .. وعلى الراس نبراس
شوفتك وقت المرض هي شفايه
ابشر بسعدك والله يا سيد الناس
جيتك أنا والجن . . وقافي معايه
لاتكون بس رقيق القلب وحساس
وأنا معاك . في كل روايه وحكايه
لا تسمع كلام . كل حاقد ودساس
إنت لي ظلي . . وأنا لك .. مرايه
القارظ العنزي
10-01-17, 06:05 AM
أحلا حرف وقاف يا جوهر .. الماس
قافك هذا اليوم نور .......... سمايه
الياشتغل الجن وهبت ..... الانفاس
هديتك جات فيها ............ الكفاية
لا لا ما شكيت يالوافي .... يالساس
فقط كنت محتاج تبعث ..... دواية
ضاق الصدر ضاق ومثلك يالنبراس
اليارسل لي القاف ينعش ... هوايه
لاهنت ولا هان قافك . والاحساس
الله يخليك دايم .............. معايه
نجم ضاوي
10-01-17, 06:20 PM
عساك تسلم ودوم رافع الراس
يا الغمام . . اللي يظلل سمايه
لا تحسب اني . عن الوعد ناس
مير وقتي .. يالغلا قصر معايه
الفاس يا اخوك وقع في الراس
ارتكبت بحق نفسي . اكبر جنايه
اه يا القارظ حالي غدى منحاس
ماعاد تنفعني رقيا ولاحتى قرايه
الصاحب اللي ساكن وسط الاحساس
واللي حسبته في سما الحب آيه
خان عهد الحب . . وعلقلب داس
واصبح لي مع الهم قصه وروايه
فزعتك يا صاحب العز والنوماس
تكفى .. يا التغلبي . وقف معايه
القارظ العنزي
10-02-17, 07:10 PM
لا باس وهذا دربنا وزين .... الانفاس
ومن عاش بجو العشق عاش الشكاية
ولولا غلاهن والتغلي .... والاحساس
ما ارسلت لي قافك ولا اشكي . بلايه
عاتب حبيبك عاتبه واشرب .. الكاس
كاس المنايا والصبر ........... يا منايه
اصبر عليها كانها جوهر ........ الماس
ولا بد ما ترجع للغلا ......... يا ضنايه
واحذر تبدل الرجاء وحبها ...... ياس
واصل معاها وقلها ........... يا رجايه
وخلك رومنسي ولا تذكر لها .. الفاس
واكتب لها في العشق احلا ..... رواية
نجم ضاوي
10-03-17, 07:49 AM
فيك الكرم والجود .. ماله قياس
يكفيني من الدنيا فزعاتك معايه
قافك ريح القلب مني والانفاس
وخفف علي . هم الدنيا وشقايه
بالأمس كنت .. مع الهم منحاس
واليوم لقيت . في قيفانك سلايه
الفرح هب . على دنيتي نسناس
واطلق قيودي .. وقيد لي عنايه
الله ياهم غرس في القلب ياس
زود شقى عمري وخرت قوايه
ياليتني ذا اليوم وانا في مكناس
غزلانها يا اخوك هم بلسم شفايه
مسكك الغلا
10-03-17, 08:24 AM
صح لسانك واعتلا شانك
يعطيك العافية
القارظ العنزي
10-03-17, 05:00 PM
مكناس فيها كنس مالك والافلاس
ما لك بها ما لك بها ......... يا غنايه
خلك بدارك يا معرب الجد والساس
وخلك بدار العز دار .......... الهداية
دار النبي والصحابة هم .... الساس
دار العروبة وللعقيدة .......... ولاية
فيها الوفاء والجود للخير ... نبراس
هي رمزنا هي عزنا وخير ...... راية
وطرد الهوى يا سيدي عفن وخاس
دام العذارى ما هواهن ........ هوايه
القارظ العنزي
10-03-17, 05:03 PM
صح بدنك الله يعافيك مسك الغلا تسلمين .
احلام عابره
10-03-17, 07:27 PM
يالقارض العنزي مالك ومال الناس
وشلك ....بعشق ن يجر... البلايا
ياكم بدرب الهوى تبعثر احساس
وياما قلوب ن حافتها ....المنايا
الحب له مبدا وينبنى على ساس
للخلق هديه من رب ......البرايا
يازينه يومنه مع اجواد... الناس
ويا...شينه لا حافت به... الرزايا
ياصاحب القاف الي للحرف نبراس
على درب هواكم.. تاهت .....خطايا
هواكم لعب بقلبي واشهرت الافلاس
بصحوتي.. وباحلامي عايش.. معايا
طاغي غلاكم بين... الحنايا.... حاس
وانفاسكم عطري بفجري ....ومسايا
احلام عابره
10-03-17, 07:34 PM
الشاعر القدير
القارض العنزي
صح صح لسانك مليون
واضعافهم صح كلك ولا يكفون
اخذني بريق الحرف ونسيت اقول صح لسانك
احترامي يسبقه اعتذاري على التقصير
القارظ العنزي
10-03-17, 11:25 PM
هلا هلا بك يا بعد كل من ......... داس
بالقاع من زين البني .............. الولايا
قافك وصلني تشتكي هم .. واحساس
وحبك غدا بين الغدر ........... والرزايا
هذي هي حال اللي يحبون .... يا ناس
ما تكتمل يا احلام الاحلام ........ هايا
يا ما غدن بي زاهيات ........ بالالباس
قلبي غدن به واتركني ........... بعمايا
ولا رجن ربي بذبحي ...... بلا امواس
بنات حواء هم عذابي ........... وبلايا
وانا بلايه من لا يرحم بلا ...... قياس
قساة قلوب وذبحهن له .......... مزايا
قبلي الضاوي من سببهن شكى الراس
يشكي الصداع من البلا ....... والبلايا
ما انت وحيدة يا حلا زين .. الانفاس
يالمترفة ترى المحبة ............ عطايا
خل ي الرجاء بالله وصبرك . ولا باس
بعض التواضع للحبايب ......... هدايا
القارظ العنزي
10-04-17, 12:35 AM
صح بدنك أحلام عابرة . هذا من لطفك
ما شاء الله عليكم محاوراتكم جدا جميلة ربي يسعدكم
القارظ العنزي
10-15-17, 08:12 AM
صح بدنك يالسامر لاهنت على المرور
منتظر المستحيل.
10-25-17, 08:01 PM
سقاء الله زمانا كان مافيه قيل وقال
وطيب القلوب اللي جميلة خصايلها
أيام جدك يقنص الريم والاوعال
وعشى الجماعه دون يحسب جمايلها
ما اليوم يا القارظ قد الحال غير الحال
وأهل الحمايل تركت في حمايلها
وكلن مع حزبه وهو مفتخر مختال
والأحزاب في التشتيت تعمل عمايلها
واحد يروح يمين وآخر يروح شمال
واتجزاءت الأمة وكثرت فصايلها
والإعلام سوا النذل من خيرة الأبطال
وغطى على ذاك البطل في وسايلها
وكلن معه في جيبه الهاتف النقال
ويرسل على كيفه وخربت مسايلها
ولا اتساوت الكيلة وهو نفسه الكيال
ولكن تجي الكيله على قلب كايلها
من حيث قلبه مال يستافي المكيال
ومن حيث ماله نفس يعمي دلايلها
اما انت يالقارظ ياحي ذاك الفال
وصح الله لسانك على ابيات قايلها
احترامي لحرفك
القارظ العنزي
10-26-17, 06:09 PM
صح السانك منتظر المستحيل اشكرك على جميل المجاراة لاهنت
vBulletin® , Copyright ©2000-2024,