قسمة و نصيب

[أنا فداهم]

ما بقى من ذكرياتك غير المكاتيب
أمرها و أكتم العبرة و أخفيها

البارحة كنت عندك أغلى حبيب
واليوم أدورها ولا عاد ألاقيها

بعد آلت شمس المحبة للمغيب
مريت كل الدروب اللي توديها

راحت وضاق فيّ صدرٍ رحيب
إلى متى يا صوتي بتناديها

أدري إن فراقها شيٍ صعيب
وأدري هالقلب يسعد بطاريها

وأدري إني بعدها ببقى صويب
وأدري بحن كل لحظة للياليها

لكني عزمت الروحة اللي ما تجيب
بحرق صورها وبقلبي بخفيها

فراقها مر ولكن قسمة ونصيب
تمرني الدمعة وأحاول أمحيها

[اميرة نفسي]

صح انه قسمة ونصيب

صح لسانك اخي انا فداهم

لاتحزن

الخير فيما اختاره الله

:81::81:

[شموخ أنثى]

كلمات اجبرتني علي مشاركتكـ لاحساسي بصدقها
وايمانا مني بقلم يختار اجود المفردات
ماذا أقول لكـ يا سيد الحرف ومنبع المعاني
وبستان الكلام ..المعطره
لك كل مني خالص التحيه:67:

[رجل تحت المطر]

أنا فداهم


الخير فيما اختاره الله

ترتعش الحروف ويهذي القلم
وينبض القلب
بأحاسيس مفعمة بالنقاء
وراقية كرقي روحك عندما تنثر
اريجها
ورذاذ فكرها

ليت الحب بذات الجمال الذي نتصوره في خيالنا
وبذات البهاء الذي تكتبه أناملنا ..
أيها الفاضل ..
هذا الخيال يجعلنا نختنق مساءاً وصباحاً
فما بالكم إن كانت تستكين في علياء عرشها
عناقاً سرمدياً ..؟؟!!
اخي أنا فداهم
سلامة قلبك


دمت ربيعي الحرف بهي الحضور




تحياتي
رجــــــــــ تحت المطر ــــــــــــل

[الفاقد]

لكني عزمت الروحة اللي ما تجيب
بحرق صورها وبقلبي بخفيها

فراقها مر ولكن قسمة ونصيب
تمرني الدمعة وأحاول أمحيها



انا فداهم



صح الله لسانك واعتلا شانك ع هذي الابيات
اللي راقت لي ولامست احساسي
لاهنت
تحيتي لك

[ولد الشواب]

صح السانك ابيات جميله تقبل مروري

[إحساس طفله]

عجيب امرك .... يا انا فداهم عجيب
لسانك مايفارق ..... من ذكر طاريها

ارضى بقسمة الله لك .... والنصيب
خذ النصيحه مني ... كان انت وعيها

لا تصدق .... ماعاد به بهدنيا حبيب
لا ظمت روحك ...... مابه حد يرويها

خابرك عاقل وذو عقلاً ........ صويب
كيف الروح ...... في يد الغير تعطيها

خطاك والله ...... يا انا فداهم رهيب
جيت تكحل العين .... وقمت تعميها

حزينه على حالك ... ووضعك صعيب
وروحك بالشقى .......... انت ناويها

روحك ماتبي كاهن ولا حتى طبيب
انت طبيب روحك وانت اللى تداويها


اعذرني اخي أنــا فــداهـــــم على الرد المتواضع بس حبيت اجارك
بهذي الابيات البسيطه واللتي اتمنى ان تنول إعجابك

صح لسانك اخوي أنــا فـــداهــــم قصيده جزله راقت لي كثيراً
يعطيك العافيه أخوي