المساعد الشخصي الرقمي

مشاهدة النسخة كاملة : ي كويـــــت


تآجر السعُاده
04-20-17, 05:27 PM
ياكويـــــت

ياكويت تفداج الخرايط والاوطان ...
وتهون لامجادج تواريخ وسنين ...

وترخص على شانج توابيت واكفــان ...
ويحـلى على رملج نزيف الشرايين ...

ياكويت حنـا للشدايـد والاحزان ..
جينا عشان نموت وانتي تعيشين ...

كرامتج تبقى وتحفظ وتنصان ...
وان ضاعت نفوس العرب وماتضيعين ...

اللـه خلقنـا للعداوات عدوان ...
وصـدورنا تبرى بطعـن السكاكيـن ...

ولو ضرب حسـادج يزعزع بالابــدان ..
حنــا بضربـه نقسم الجمع نصين ..

وان كانهم وسط الميادين قشران ..
حنا القشــر فينا بليا ميادين ...

واذا الحميه فيهم حميه اخوان ...
حنـا حميتنا حميــه مجانيـن ...

للهـرج ميـدان وللافعال ميـدان ...
وللمجد درب وللشهــامه عنــاوين ...
وللفخــر ناس وللتواريخ بيبان ....
وللموت سوق وللتجارب براهين ...

آسيرة حرف
04-21-17, 05:18 PM
الفاضل / طلال


ماشاء الله ابيات جميله كلها عز وثقه
كلماتها جميله
اختيار انيق وراقي
اجاد الشاعر عندما كتب
صح لسانه وسلمت يداك ع هذا النقل الرائع
راقت لي

واذا الحميه فيهم حميه اخوان ...
حنـا حميتنا حميــه مجانيـن ...

الله الله

تروق لي ايضاً اللهجه الكويتيه كثيراً

تقبل ردي وعبق وردي مع خالص احترامي لسموك
آسيرة حرف

إحساس طفله
04-21-17, 06:16 PM
صح لسان قائلها وسلمت ع النقل ..
فديت الكويت واهل الكويت
وعاشت الكويت :110:

تآجر السعُاده
04-29-17, 01:13 PM
مشكورين على مروركم

m3and
04-29-17, 04:58 PM
صح لسانك .. ادام الله عزكم وحماكم من كل مكروه .. عاشت دولة الكويت


SEO by vBSEO 3.6.1