سمعت كلام النسوان وخاصمني زوجي [الأرشيف] - منتديات مسك الغلا

مشاهدة النسخة كاملة : سمعت كلام النسوان وخاصمني زوجي

مشكلتي

04-20-17, 08:46 PM

السلام عليكم مساء الخير
ياليت تنصحوووني والله ، محتاجه احد ينصحني ‏أنا بنت عمري 27 سنة متزوجة
زوجي ياناس وش أقولكم طيب طيب بمعنى الكلمه حنون وممحترمني لكن أنا قلييلة حياء وأدب ومااستاهله زوجي مسافر للخارج عنده شغل وأنا فاقدته فاقده حضنه وحنانه علي
هو مايفهم اني يوم اخاصمه هذا كله نتيجة شوقي لهه احبه ياناس ياعالم انا متزوجته عن حب ولو ألف الدُنيا كلهاا مااحصل مثله أغااار عليه بجننننووون غيرتي مب طبيعيه زوجي : يحب الطلعات ويحب الوناسه وتغيير جوو ويحب اصحابه مممره والحمدلله أصحابه مو سيئين ..
تخاصمنا وله 4 ايام مايكلمني بس اعرف انه بخير يوم يشوف سناباتي وارسله ولايرررد عليييي ....
تخصامنا عشان الفتره اللي راحت مايكلمني الا قليل وانا ارسلت له قلت انت متزوج ومسافر معها ومايكلمني من ذاك اليوم طيب والله والله انا جو عندي حريم وطبعا جالسين يحرضوني ع زوجي ... ليه ماسافرتي معه وليه وليه ورحت انا الغبيه وقلت لهم بكل شي . يالله قد ايه ندمت مع اني انا عند اهله ينضرب فيني المثثثثثثل في علاقتي مع زوجي بس يوم سافر وجيت لاهلي الحريم وصديقاتي قلت لهم انه مطنشني وانه مايرد علي وحده قالت ي غبيه يمكن معه زوجه
واللي تقولي ليه يطنشك واللي تقولي رماك وش يبي فيك عشان زوجي غني واحنا شوي مب مرره .. وضع أهلي عاديين ...
انا يومتها مارد علي وطرطعت بغيت أموووووت
وشفته بسناب ينزل مباراه يعني قلت مطنشني ليششش .. ااااه وفتحت الخاص ومسكته شك وإتهااااام وخاصمننننني ممممره وقال اذا تعدلتي وماسمعتي كلام اللي حولك وقتها ارد عليك واحطك بعيوني زي اول واحسن
وانا عارف مب كلامك. كله تحريض لكن حسبي الله ونعم الوكيل واتهاماتك وشكوك كلها غلط
ليتك معاي وتشوفين شسوي وكله عشاني وعشانك عشان اجمع فلوس واسعدك وهذه جزاتي
وقفل جوالهههه ولايكلمني لي 4 ايااام بمممموت
انصحوني شششسسسوي خاصموني اجلدوني ... ابيه يثق فيني والله انا غبيه سمعت كلامهمم ...:دموع الورد:

اللورد يحيا

04-20-17, 11:19 PM

الصراحه أنتي مره نكديه الله يعينك على نفسك ويعين زوجك عليك

والله زين إنه زعل منك لأنك خونتيه ما سوى شيء ثاني

أقول لك إهجدي وإربطي شيطانك قبل ماتجيبين العيد في حياتك

وماعليك ترين زوجك كلها كم يوم ويرجع لك مثل قبل وأحسن

أنوآر

04-20-17, 11:26 PM

اختي الله يصلحك كيف تسمعين كلام الحريم وتكذبين زوجك
الرجل مغترب ويشتغل ويكد علشانك وفي الاخير مايلقى منك الا شكوك واتهامات وغباوات
خليك واثقه من نفسك شوي
ولاتخربين بيتك علشان حصيصيه قالت لك ان وحده شقرا مخرفنته!

اتركيه يرتاح منك فتره وراح يرجع بس انتي اثقلي واعقلي والعني الشيطان :x117:

دُرة

04-21-17, 12:08 AM

.

وعليكم السلام ورحمة الله وبركاته
مساء النور والسرور
أهلا بك عزيزتي:نبض:

بحاول اني ما أطول واختصر لج كل شي
• مهما يصير لاتدخلين الناس بمشاكلك انتي وزوجك لاتدخلين ولا الموضوع بيوصل لـ طلاق صدقيني كوني واثقه فيه الله يعلم بنوايا الناس بس مافي صديقه بدنيا تبث الشك في قلب صديقتها ع زوجها كذا ممكن ينهدم بيتك برأيي راجعي صداقاتك زين
• انتي متزوجه معناته مفروض تكونين قد المسؤوليه مب انشغاله عنك في أمور مهمه تسوي كل هالمشاكل هو انسان حاله حال اي واحد متزوج يحاول يشتغل ويجتهد عشان عائلته في هالوقت هو محتاج كلمه طيبه من زوجته في ايام هو يتعب فيها قدري هالتعب وكل ما اشتقتي تذكري ان هو راح يشتغل ويتعب عشان يسعدج ويسعد عياله في المستقبل ويريحكم ويرضي طلباتكم ونصيحه من أخت لاتربطين حياتك كلها في زوجك انتي لك أصدقاء وأهل هو وقت انشغاله في العمل انشغلي باشياء ثانيه مب كل مره تحنين على راسه كانه محد في الدنيا غيره هو
عقب بمل منك وراح تندمي الحب مايدوم الاحترام هو اللي يدوم بين الاثنين لذالك احترميه وقدري ظروفه واشغلي نفسك لين يرجع بالسلامه

واخيرا الله يكتب لج السعاده

:رحيق::نبض:

آلمتفائله

04-21-17, 12:23 AM

تستاهلين :x38:

تعدلي احسن لك ودام عرفتي خطأك هذي بداية جيده انك تصححين اخطائك وتعيدين النظر في نفسك وتصررفك

اللي صار صار ولاتفكرين بشي الحين انظري لمستقبلك وركزي على زوجك وحياتك

مطر الفجر

04-21-17, 02:26 AM

عليكم السلام
لا تفعلي شيئ التزمي الصمت والهدوء
زوجك يحاول تاديبك بغيابه عنك 4 ايام
لا تلحين عليه بالاتصال والسؤال
ان شاء الله لا تكررين هذه الغلطات
ولا تستمعين لكلام احد
تحيتي

تآجر السعُاده

04-21-17, 02:31 AM

العراب الاخير

04-21-17, 03:19 AM

اه من مجلس نساء زليخه
حتى يوسف اتقى منهن وأسلم منهن لسجان

اعطيه الامان وانسحبي من قافله صحبه الألسن
وتبتلي ليعود يصلي في محراب الزوجيه

وسن

04-21-17, 03:25 AM

هههههههه
الله يعينك على نفسك ويعينه عليك
لا لا باين عليك حبوبه وفرفوشه بس مشكلتك فتحتي فمك واذنك للحريم
اغلقيهم وبترتاحين مثل ماقال لك زوجك
من الغباء في بعض الحريم انهم يحرضون بعضهم على ازواجهم عاملين فيها ذكاء وكيد...... وآخر شيء تصفق كفوفهم ندم
على قولة الاخوان زوجك شوية وقت ويرضى
حطي بالك من نفسك ومن زوجك
الله يسعدكم ويبعد عنكم كل هم

تحيتي
:27:
؛

مغرور

04-21-17, 04:56 AM

انتي عارفه وين مشكله بضبط حولي لا تعيدينها غيرتك ذي خفيفها شوي

خليه لما يهدا راح يرسل لك

مغرور

04-21-17, 04:59 AM

انا مع كلام اللورد
وزياده مني ليته يتزوج عليك صدق

رد حقد ههههههه

مو كل من تهاوش مع زوجته او شكت فيه يروح يسويها

سافانا

04-21-17, 11:09 AM

انتهكتي مجال هذا الزوج بسم الحب

وسمحتى للأخرين ان يغوصو في اعماق العلاقه

بطريقه تعدت كل الخطوط

الحمراء

والصفراء

والبنفسجيه

نصيحه اعملي كفاره عن هذا الفعل الشنيع

وتعلمي معنى ان تكوني شريكه .

ترياق مصر

04-21-17, 02:45 PM

واضح من موضوعك واختيارك للعنوان سمعت كلام النسوان هههه انك لذيذه واسلوبك عسول حاولي تعتذري لزوجك وحاولي متدخليش اصحابك في حياتكم واكيد هوه هيصالحك

واوعي تمشي بمبداء هوه يصالحني وتدلعي عشان متخسريش زوجك ومش بعيد تلاقي واحده من اصحابك الي حكيتي ليهم تقربله وتستغل الموضوع
وبعدين ياقمر هوه لو متجوز 3 عليكي هيخاف منك ؟

بنت حضرموت

04-21-17, 04:34 PM

حبيبتي عليكي بالصبر والدعاء
واثقلي شوي خلي الغيره والشكوك ع جنب
اذا كنتي واثقه بزوجك ماتهتمي بكلام النسوان
حافضي ع زوجك واركدي واقعدي راجعي نفسك
ولا تضغطي عليه خليه يهدء وانتي بعد اهدي
الله يرجعه لك بالسلامه ويصلح حالكم
تقبلي مروري ...

بنت حضرموت

04-21-17, 04:44 PM

جميلة الشرق

04-22-17, 09:39 PM

زوجك هو من خلقتي من ضلعه
هو سكنك هو نصفك الثاني
هو أقرب إليكِ من الجميع
كيف تضعين كلام الآخريات
مصدقا ومسلما به ومقدما عن كلامه
أنت مخطئة ولكن لا تقسين على نفسك كثيرا
فقط قرري ألا تصدقين إلا صوته فيما بعد
أسعدكما الله

نسمة خجل

04-24-17, 05:54 PM

هلا بك حبيبتي ...
غاري على زوجك كلنا نغار هذا امر طبيعي
ولكن لاتوصلين الغيره الطبيعيه لغيره جنونيه
و لحد الشك وهذا اللي ازعج زوجك ..
كوني زوجه ذكيه المجالس النسائيه ضروريه للزوجه تتعلم الكثير منها وفيها تسليه وترفيه عن النفس
..لولها ماتعلمنا أمور كثير ...ا
ولكن جلستي بمجلس نساء اخذي اللي ينفعك من كلامهم لحياتك الزوجيه وحياتك كلها
وتركي مايضرك ويضر ابناءك وزوجك..

وبعدين الرجل بطبيعته مايحب التقيد منذ الطفوله
عكس النساء التي الواحده ممكنت جلسن شهر بالبيت ماتقول شي..

الرجال يعشقون السفر والرحلات الجماعيه مع بعض ...

بهذا الوقت حاولي قد ماتقدرين تخففين من اتصالك به ...
واذا لزم لاتلحين بالاساله مع من انت وأين وماذا تفعل؟
قولي له مشتاقه لك احبك من هذا الكلام الطيب بدون الحاح وتحقيق ..

لانه في هذه الفتره الرجل يرجع من بعد الرحلات اكثر نشاط للعمل والوظيفه والزوجه والابناء ..
وان رجع استقبليه ببتسامه وحب وقولي له ان شاء الله حبيبي انبسطت بالرحله ..
مو تعكرين عليه بالكلام جيب وحط وسوي
اتركيه فتره يرتاح بعدين اطلبي طلباتك حسسيه انك مستانسه انه مستانس ..

لانه بعض الحريم من يرجع الزوج من رحله او سفر كانها تعاقبه ليش تركها وراح يتونس ..
فمن يدخل من الباب وجاي مرهق وتعبان ..
الله يهداها ماتسكت من طلابات وامر هههههه
ونصيحه مني لك بوقت سفره ورحلاته الاسبوعيه ..
لاتشغلين فكرك معاه مع من جالس ويكلم ويسوي هذه الفتره راحه لك ...
استغليها بهوايتك بالاهتمام بنفسك تسوقي قومي بزياره اهلك
واصدقاءك اللي ماتزورينهم الا نادر عندك الكثير تعملينه ...
بالتوفيق لك حبيتي

الفيفي2017

02-19-18, 06:17 AM

شكر لك كلام جميل