ماعرف البس شماغ!

[مشكلتي]

مرحبا السلام عليكم

عندي مصيبة انا عمري 15 وللاسف وقت ما اروح عزايم
انحرج جدا جدا جدا جدا ماعرف البس شماغ
وش الحل يا جماعه كيف تعلمتم ؟

اتمنى محد يقول ابوي لانه شديد جدا ويكره هالصفة
فيني وكل مرة اتعذر بعذر عشان مالبس شماغ
وهل ممكن يكون حجم الشماغ او العقال او حتى
الطاقية له اثر بالمشكلة؟ لان شماغي كبر حجم شماغ ابوي
اللي اطول مني ب10 سم او اكثر
والعقال احسه ما يركب ع راسي ما يدخل فقط محطوط حط
هل كذا عادي صح ؟
كيف اتعلم

[آلمتفائله]

شوف ابوك كيف يلبس والبس زيه

وروح لمحل الاشمغه وقيس راسك بالعقال < مدري شرحي بايخ بس مشي لازم العقال مضبوط مع الراس :10:

اما الشماغ مو لازم تلبسه صح تقدر تلفه تحطه على جنب ارميه رمي

الرجال يفيدونك اكثر انا ماعرف:MonTaseR_97:

[نسمة خجل]

اذاكر المنطقه اخوي افضل اعتقد كل منطقه ولها لبس معين للشماغ والعقال اهل القصيم يختلفون عن اهل الجنوب ..
واذا كنت خليجي بعد اهل الخليج يختلفون الكويتي والبحريني مايهمه المرزام والقطري يهمه وحتى العقال يختلف والطاقيه الكويتين مايلبسون طاقيه بعضهم او اغلبهم ...
وبشرك لبس الشماغ سهل جدا وابد ماهو مشكله ان شاء الله
بالتوفيق لك

[العراب الاخير]

وعليكم السلام
اذا انت طولك نفس طول أبوك
مقياس الشماغ ما يضر
ولكن المهم تبي تتعلم اهم شئ خلك جرئ
وانا اخوك
تروح تغفل باب الغرفه على نفسك
وتكون فيه مرايه
واتعلم عليها
بنسبه للعقال لازم يكون على قد راسك يعني
وترص عليه علشان يثبت والطاقيه لازم تكون قد راسك
لانها اذا كانت اكبر يتدهور مشروع الكشخه
اهم شئ تدرب عليهم في الغرفه وما عليك من أحد
وانا اخوك
واطلع كشخه ولا تنسى المسبحه
وانصحك وسام العود
يلا عشان تعزمنا على عرسك
بتوفيق

[اسير الطموح]

شف وانا خوك الشماغ او الغترة ماتضبط من غير
لابس طاقية إلا اشخاص نادرين ههههه مدري كيف

اذا لابس طاقية ع مقاس راسك وثابته 50 او 70 بالمية
انحلت المشكلة يبقى بعد الشماغ تجيب عقال يركد على الراس
تحطه حط .... يطيح يالحبيب يكون العقال يبقب ع الراس
وضبط السبعه ونشوفك معرس عن قريب

[سعــــود]

_


ماازيد على كلام الاخوان هنا
وان عصلقت معك بمغاط فوق راسك وانسفها على وراء
ولا العَمه القماش الابيض البسه واربطه على راسك
وسلك امورك وتمشي ، ولا اقولك البس كاب ازين لك لساتك صغير
محدن مواخذك

بالتوووفيق ياريس

[نوت !]

اتوقع المشكله بحجم العقال يمكن لانه هو اساس تثبيت الشماغ :icon10:
اشتر اللي يناسب حجم راسك وخلاص
+اطلب اخوانك يعلمونك واصحابك اي احد :Dl3:

[آسيرة حرف]

الفاضل / مشكلتي


اهلاً بك

بما ان ابوك متشدد
جرب كلم اصحابك يعلمونك كيف تلبسه اذا في واحد يعرف يلبسه ويضبطه
مافيها شيء الصديق وقت الضيق
تعلم منهم

تقبل ردي وعبق وردي مع خالص احترامي لسموك
آسيرة حرف

[غير مهتم]

تعال اعلمك وشلون تسويها سهل جدا

[مطر الفجر]

عليكم السلام
افتح يوتيوب وتعلم
او اسال اصدقائك بالمدرسه يعلمونك كيف تلبسها
بالتوفيق