((وين المباحث وينها ما تجينا))

[القارظ العنزي]

يا ما شكينا من البلا .. واشتكينا
ويا ما كتبنا من القصيد ونظمنا
ولا دري فينا صديق ....... يعينا
العكس جانا ويا كثر من . شتمنا
راحت علينا والله راحت .. علينا
أيامنا الحلوة وماضي ....... زمنا
وين المباحث وينها .... ما تجينا
ترمي بنا في سجنها .... وانتهنى
ناكل ونشرب بينهم ...... مهتنينا
وننسى هموم يا عرب .... طوقنا
ويرفع تقرير للسجين ..... اللعينا
اللي لجاء وسط الزعتري .. وغنا
وياصل ملوكي محتمين . العرينا
سلمان ونجله ينشد اليوم ... عنا
وتجي رسالة تسعد قلب الحزينا
وتجيك يا مهنا على .... ما تمنى
يا ربعنا كان الوطن ...... ما يبينا
قولوا لنا والله يعوض ..... بوطنا

القارظ العنزي

[آلنـور]

صح لسانك
و عساك ع القوة

[القارظ العنزي]

صح خفوقك والله يقويك يالنور

[نجم ضاوي]

يا مشتكي الهم . . من قلب ن حزينا
لا عدمنا وجودك . . ولا قافك عدمنا

عسى يوفقك ربي وعسى الله يعينا
لا انتصرنا على همك ولا هو هزمنا

ارضا بحكم الله .. يا شاكي . الونينا
يا اخو عنيزه قد شبنا خلاص وعرمنا

واحمد الله وقول .. طعنا .. ورضينا
ترانا مثلكم يا القارظ .. بعنا وسمنا


صح لسانك وسلم نبض قلمك وبنانك ...
كان الله في عونك وخل املك في ربك كبير ...
وما تضيق الا وتفرج وانا اخوك ...
قصيده جزله من شاعر جزل لا فوض فاك ...
كفيت ووفيت وفالك البيرق ...

[القارظ العنزي]

هلا بك يالضاوي يالسند يا أخينا
نعم الخوي اليامن نوينا . وعزمنا
دايم على عهودي وظني .. ودينا
عز الله ان في ودكم ... ما وهمنا
يا صاحبي من همي بثيت الونينا
وبثيت حزني والسبب من ظلمنا
الادمي يالقرم مخلوق ....... طينا
يبي يتمايل بين يسرى ..... ويمنا
حتى المطر يهد حيله ....... يقينا
لو زاد سيله زاد ماه ....... وهدمنا
لكن نعيش بصبرنا ....... يالخدينا
يالصاحب اللي شال معنا .. غرمنا

[نجم ضاوي]

يا مرحبا . . يا يسار نجم . ويمينا
يا اللي بهواه . . عشنا . . وهمنا

ما اقدر اشوفك .. مهموم وحزينا
فز الخفوق وقال هيا يا نجم قمنا

إما انا اجي لك .. ولا انته . تجينا
حيثني وياك .. في بحر الهم عمنا

تراك يا القارظ مابين جفن ن وعينا
لا تفتكر يا خوك . عن فزعتك نمنا

مير امرك بيد الغير . وماهو بيدينا
ولو فزعتك في اليد كان يخوك قمنا

[القارظ العنزي]

ربي يعين يالقرم ربي .. يعينا
وكل الشكر لشعوركم يا عربنا
مقدر احساسك وانت . الفطينا
يالوافي الصافي مصدر . طربنا
ان كان قدر الله تلفي ..... علينا
تراه يوم العيد حقق ...... طلبنا
شوفك يبدد من احزان الحزينا
وبعدك يضيق صدرنا ... ويغلبنا

[نجم ضاوي]

عز الله .. إنا من كلامك . سلينا
وعز الله .. ياخوك همك .. تعبنا

وعز الله . . كل ما اسمك طرينا
من صبرك . . على حالك تعجبنا

يا القارظ اللي في همك سجينا
متى بحلو القاف تغرد وتطربنا

نذرآ علي لا زانت امورك وطينا
دارك وادسم شواب عربك وعربنا

[القارظ العنزي]

هلا هلا بك يالحبيب ....... الخدينا
لولاك والله ما كتبنا .......... ونشرنا
وانت اللي بالغلا ............ محتوينا
وخففت نار تشتعل مع ......... لهبنا
الله يديمك محزم ........ ومحتمينا
بحضورك خير وبالوفاء ان كان غبنا

[نجم ضاوي]

والله والنعم .. يا صافي . الجبينا
يسلم لي هالكاحل وتسلم صداقتنا

مثلكم .. وشرواكم .. لو ما فدينا
مثلكم .. وشرواكم اهلنا وعزوتنا

نبغى الفرح والطرب لو يمكم جينا
ويسمع هل الاردن عن طيب اخوتنا

[القارظ العنزي]

يا صاحبي حنا مشينا ... الهوينا
حتى كلينا من المسير ... وتعبنا
وكم وحدة مرة تريد ... الخدينا
والنفس عافت ظنها .. وانحرمنا
من اللي يزيد الهم منا .... وفينا
وظروفنا زادت علينا ....... ومنا
قلي وش الحيلة وش اللي يعينا
حتى يعود احساسنا مع . طعمنا
ونعيش مثل الناس حب .. يقينا
ونسعد مع الغالين يا .... عارفينا