((يقول سعودي بيننا ؟؟!!)) [الأرشيف] - منتديات مسك الغلا

مشاهدة النسخة كاملة : ((يقول سعودي بيننا ؟؟!!))

القارظ العنزي

07-08-17, 04:07 PM

يقول سعودي .... بيننا
لاجي وياكل ..... رزقنا
يكفينا السوري .. عندنا ...... افقرني وافقر دولتي

قلت العذر يابن . العرب
لجؤي ما هو من . طرب
حنا العرب حنا .. الجرب ... افهمني وافهم قصتي

اصبر وياتي ....... الفرج
بالخير والا ....... بالعرج
وتفتح حدود ... وتنفرج ... واقصر بها من غربتي

والسيف يحكم ... بالملا
ويطيح الظالم من . علا
وابني لي دار ..... يالغلا . وتجيني تطلب عشرتي

من عادتي فعل .. الكرم
لو تقعد عمرك ... والغنم
اقراكم عندي ... الشحم .... في يومي والا ليلتي

حنا عنزة هل .... الفخر
دخيلنا ينسى .... السهر
من ضايقه شاف . القهر .... لو هو اخوي وعزوتي

ياما شكينا ....... ظلمنا
وياما رفعنا ....... لعمنا
لعله ينقل .......... همنا ..... وينهي معي قضيتي

ليت الادارة ....... تنتبه
وين العدو ... والمشتبه
افطن لربعك ..... يا يبه .. واحذر لا تهدم خيمتي

انشد عن حالي واجتهد
بالسبت ومن قبل الاحد
حافظ على عقد . العهد ...... عقد العقيدة بيعتي

اخاف ايماني . ينتقص
من مكثي داخل القفص
والعبرة في كثر القصص ....... اللي تدور بديرتي

القارظ العنزي

دروب الحب

07-12-17, 12:53 AM

ماشاءالله-----روووووووعه-----راقي

«القارظ العنزي»ابدعت صح منطوقك

دمت بسعاده:81:

القارظ العنزي

07-12-17, 02:11 AM

انت ي دروب الحب والحب بدروب
ولا كل درب ن تقتفيه ....... المحبة
كم واحد ن مر القصيدة . ومحبوب
لكن هبوب القاف ما هو ....... مهبه
يا دروب دنيانا بها خير ..... وذنوب
وايضا بها موج عالي .......... مصبه
من مرنا بالزين زدناه ........ بسلوب
ومن مرنا وطنش والله ......... نكبه

دروب الحب أسعدني حقيقة مرورك كأول زميلة في من علق على قصيدة اخذت من روحي ومعنويتي ونفسيتي الكثير ، بل وكانت نتاج معاناة ومعاناة ، فأجد نفسي عاجز عن شكرك . فأنت ي ملكت الذوق كله ، فعلا الحب دروب يا دروب الحب ، حفظك الله ورعاك .

آلنـور

07-12-17, 02:57 AM

الله يعطيك العافيه ،،
كلام نابع من صدق مشاعر
صح لسانك ،،

القارظ العنزي

07-12-17, 03:38 AM

صح خفوقك والصدق منبعك ومعدنك يالنور . لاهنت ي على المرور عزيزتي

نجم ضاوي

07-12-17, 05:47 AM

قافك يا رفيق الدرب ذوق وطروب
كل شخص .. وظرفه .. يعلمه ربه

كل وقت شروق .. ووقت الغروب
ادعي الله .. للقارظ . اخوي واحبه

الله يفرج همك .. وهم كل مغلوب
ترى الدعاء يا اخوك يفتح كل ظبه

ترى الشاعر . يفهم همس القلوب
وانا يا اخوك شاعر . وافهم السبه

صح لسانك يا .. القارظ .. وسلم بنانك ...
قصيده مكلفه وتحكي معانات كاتبها في ديار الغربه ...
اسأل الله ان يفرج همك وهم كل من هو مثلك ...
واعذرني عن التقصير حيث ان البال مشغول ...
الله لا يشغلنا الا في طاعته يا الغالي ...

القارظ العنزي

07-13-17, 05:13 PM

غديت انا ما بين لاعب ........ وملعوب
واعيش يا نجم القوافي .......... بنكبة
وعزي لقلب من هوى البيض .. مكروب
هذي تحوس القلب وهذي ......... تذبه
الحقني وين الخبرة في شوف محبوب
كيف انتفاهم معها في كل ......... كربة
ما عد في صبر على كل ......... رعبوب
دلوعة صبت على القلب ............ صبة
ان ما وصلنا لحاجته بافضل ... اسلوب
يومين ويعطيني مع الناس ....... ركبة