((وان قلتوا منه قلت ضاوي ومطنوخ))

[القارظ العنزي]

لي صاحب ن صام رمضان ونسيني
وان قلتوا منه قلت ضاوي ومطنوخ
غالي ومسكانه بجفني ...... وعيني
عز الله انه من صناديد ..... وشيوخ
غير انه ما ينشد الياغبت ..... ويني
مشغول عني بين رمان مع ... خوخ
وانا احسب انه في ظروفي عويني
ما يشغله عني رعابيب ..... وفروخ

القارظ العنزي

[شيخه عربها]

وانا احسب انه في ظروفي عويني
الله الله

صح لسانك


وماذا يمنع أن تنجو ل في صفحاتك ونتمتع بيما يزرعه قلمك من شعرتقبلي مروري وشكري

[القارظ العنزي]

شيخة عربها والعرب ...... منتويني
شدوا وشدت لبسها بالعرب .. جوخ
ردت عليه في قصيدة ..... خديني
القرم ابو ضاوي جاه القاف صاروخ

هلا بك يالشيخة ، شيخة عربها اسعدني مرورك وكلماتك العذبة وكله من ذوقك احنرامي

[ماضي الماضي]

صح لسانك شاعرنا القارظ

هالمره القافيه صعبه خلنا نشوف نجم اش بيرد عليك

تحياتي للجميع

[القارظ العنزي]

صح بدنك ابو ماضي ، والضاوي ما عليه صعب باذن الله

[نجم ضاوي]

الله يكفيني الشر . . والخير يعطيني
لا تشره على مثلي مدووش وملبوخ

يا اخوي .. وصاحبي .. ويا نور عيني
القلب من همك . . به جروح وشروخ

الذي مثلك .. بصدق الاخوه محتويني
تغلبي . صادق الوعد شاعر ومطنوخ

راسي مثل الجبل .. مايحني الجبيني
يا ارسى من طويق .. علو .. وشنوخ


هههههههههههههههه
صح لسانك اخوي القارظ العنزي وسلم نبض قلمك وبنانك ...
بس انا ...
ما انسى صاحبي لو صار ما صار
وانت الصاحب اللي اموت مانساه

[القارظ العنزي]

نعمين يالطيب ويا راعي ........ الكار
يا من حماني وذاد عني ...... وشلفاه
في ساعة باعوني اصغار ...... واكبار
غيرك ما سجل له مع الطيب .. ذكراه
يشتاق لك قلبي بشوفة ...... ومسيار
ولا اشتقت انا لغيرك من الناس يا ذاه

صح السانك يا بو ضاوي ودايم انت الكبير .

[عناق الغيم]

صاحب الايقاع المخملي ً/ القارظ العنزي



صح لسآن من جعل قلمه إيقاع متناغم في الوصف
حرف بمنتهى الروعه
والعزف على وتر النبض بقلم
يمتلك أرشيف مميز رائع يبهر القارئ
صح منطوقك ً
تقبل مروري بين صفيحاتك ًً

[القارظ العنزي]

اكتب ما دام الرد كروم ... وعناقيد
ويطربني عنقود الحروف . وردوده
افرح وكن الرد عندي هو ..... العيد
وقيفان ابو ضاوي تفوق ..... بزوده
عجزني الضاوي وقافي ..... هرابيد
وقيفان الضاوي زادها الذوق جودة

هلا بك عنقودة اشكرك على المرور والاطراء العذب ايتها العذبة

[نجم ضاوي]

:61::61::61::61::61:

سلام مني مع الجازل . وساع البريد
يا اطيب من العنبر . ويا ريحة العود

القارظ اللي ما . جاتني منه المناقيد
يا عقيد القوم . . كريم ولا عليك زود

عساك في دنياك .. متهني .. وسعيد
وعسى ما جاك منا .. يا اخوك منقود

[القارظ العنزي]

يالضاوي الوافي ونسل ... الصناديد
عميد للجزلة وللوقفات ........ عمود
يفداك يالغالي من الناس ..... عربيد
الهافي اللي ما به جمايل ... ولا فود
انت العزيز وشوفتك عندنا ..... عيد
والحظ من غيرك شقي ودوم مقرود
يا سيد القيفان واستاذي ...... وسيد
قافك غطانا وقافنا صار ..... محدود

[نجم ضاوي]

ذكرك يابو سلمان . كالعقد الفريد
ساعة الفزعات . كنك صخر جلمود

يا صبي عنيزه .. يا حزام . وعضيد
اخوك بن سلمان . والاسم مسعود

اشوفك اليوم .. في ثوب ن . جديد
كنك من المحبوب ياصاحبي موعود

تبارك الرحمن . . حظك الليله حديد
واما انا مقرود .. والحظ .. مقرود

يا عسى حظي . . مثل حظك سعيد
واشوف ذاك الذي . . حاجبه معقود

[القارظ العنزي]

يالعامري يالقرم والراي .............. السديد
ما قلت لي ما شفت غضات .......... النهود
الغافلات الغافيات وارقاب ............. الغيد
يا ما اخذلني واخذلني ............... بالعهود
وش حيلتك معهن وش صار في ذاك العيد
انت الخبير اللي تفك سحر ........... العنود
كيف آتفاهم معهن قل هات .......... المفيد
من خبرتك تكفى تشرح لخوك ........ العود
كيف انطلق وابدا حياتي من ......... جديد
كيف اتلافى لعبة الريم ............... الشرود
ياللي تفرق بين الناجل .............. والحريد
خبير الصيد وبالشبك انت ........... الصيود

[نجم ضاوي]

انا سهل بالتعامل . . ولاني شديد
واقطف من وسط الشوك . الورود

انا من بد الاسماك .. اهوى الحريد
واهوى انا .. ياصاحبي الريم العنود

لي خبرة ن . . فيها .. وذوقي فريد
ياما روضت من الغيد راكزات النهود

انا كل يوم اخرج . . وهندامي جديد
درسة النصرى .. علم الغزل واليهود

[القارظ العنزي]

الا تخاف الرب ربك .............. والعبيد
تدرس الحب النصارى .......... واليهود
شكيت انا في منهجك ما هو .... جديد
عندك خداع بالهوى ما له ........ حدود
ترى اليهودي بالبشر دايم ........... بليد
وايضا النصراني يا سمي شخص حقود
ما عندهم بالحب مرسال ......... وبريد
ولا عندهم مثل العرب ..... صيد العنود
كلمة وكلمة ويبتدي شوق ....... ويزيد
ما عندهم مثلك صبر ........... ولا برود
ولا عندهم بالعشق ذوق...... ولا رصيد
ولا مشاعر مثلنا ولا ................ عهود
الحب يبدا بينهم عقد ن ........... فريد
ساعة ويفسخ عقده مع باقي.... البنود
ان كان ذا درسك لهم والله ....... شهيد
يا كم ضيعت من الصبايا ...... والقرود